|
 | ;
|---|
ခမ႘သင္ လၲဴဍဳင္မတ္မလုီတံေလဝ္ စထၞးဆႏၵ၊ ေဂတ္ဍဳင္ရ ံ |
|---|
ကဵဝဵ/တၛဲစန္၊ သာပ္ေတမ္ပါ၂၄၊ ၂၀၀၇
ခမ႘သင္ နဴဘာ လၲဴဍဳင္မတ္မလုီတံ တၛဲဏံ စတိတ္ဂၜံင္ထၞးဆႏၵ ကု တၜအဝုႝပှာန္ဗဿာတံရေရာင္ ပ႐ုိင္မကၜဳင္နဴဍဳင္မတ္မလုီ ဟုီရ။ တၛဲဏံဒွ္ထၞးဆႏၵလၲဴဍဳင္မတ္မလီု ဒှဲါမတှဟ္ျခာကၲဳႝဒွ္ကၜဳင္(၃)ဒှဲါ ပိဂေကာံေရာင္တုဲ အခိင္စတိတ္္ၐိုတ္(၁၂)နာဍ႘ကဝက္ဂွ္မၢး လဿိဟ္ခမ႘သင္တံ မြဲဒှဲါပိပန္ကၜံဓဝ္ေရာင္ဂွ္ ခမ႘သင္နဴလၲဴဍဳင္မတ္မလီုမြဲတၜ ဟီုရ။
လဿိဟ္ခမ႘ မတ္မလုီ(၃၀၀)တၜျပင္တံ ခ်ိင္ေကာံကေလာံေရင္သၠအ္ ပႜဲဖ်ာေဇှာ္တုဲ နဴအခိင္(၁)နာဍ႘ တၛဲဏံစတိတ္ေဂတ္ဍဳင္ ဖေဍာတ္ဗက္အာသုတ္ေမတၲာရ၊ သဝ္တၛဲ(၄)နာဍ႘ အခိင္ခမ႘သင္ဂေကာံဂွ္ စိုပ္အရာပ္တိရိမ်ာင္အိုတ္တုဲ အခိင္စိုပ္ေသဂ်ဳိဝ္ဂွ္ လဿိဟ္ခမ႘သင္တံဒွ္အာၐိုတ္(၁၅၀၀-၂၀၀၀)ေရာင္ဂွ္ ခမ႘သင္ညးမကႜဳိပ္ကႜဳိပ္ဂေကာံထၞးဆႏၵဂွ္ ဟီုရ။
ဂေကာံခမ႘ထၞးဆႏၵ စတိတ္နဴက်ာ္သုက္ အရာပ္မယာန္ကုင္(မရမ္းကုန္း)တံပၜန္ေလဝ္ အခိင္စတိတ္ဂွ္ လဿိဟ္ညးတံၐိုတ္(၂၀၀) တၜျပင္မဒွ္တုဲ ညးတံပၲဝ္ဏာကႜဳိပ္လၲဴက်ာ္သာန္လာန္ေတံရ။ နဴက်ာ္သာန္လာန္ဂွ္ ညးတံဆက္အာလၸာ္က်ာ္ဥဴဇိနေတံေရာင္ ညးဍဳင္ကြာန္လၲဴဍဳင္မတ္မလီုမြဲတၜ ဟီုရ။
ဂေကာံခမ႘သင္ လဿိဟ္ၐိုတ္(၁၀၀)တၜ စတိတ္နဴက်ာ္သာန္လာန္ ေဂတ္ဍဳင္ဂၜံင္လၲဴ ပၲဝ္ဏာကႜဳိပ္လၸာ္ေသှဟ္ကာေသဂ်ဳိဝ္ေတံဝြံ ၐိုတ္အခိင္(၃)နာဍ႘ကဝက္ဂွ္ ကေလင္ျပးေထာံကႜဳိပ္ညးတံ ပႜဲအရာပ္ေသဂ်ဳိဝ္ဂွ္ရ။
ဂေကာံခမ႘သင္ထၞးဆႏၵလၲဴဍဳင္မတ္မလီုပႜဲတၛဲဏံဝြံ မြဲေရင္ခမ႘ပိသင္ဇကု ေဖႜာတ္အာဒဿံင္ေမတၲာသုတ္အိုတ္တုဲ ေရင္ဂတအိုတ္ဂွ္ ရပ္ဏာလဝ္အလာံသာသနာရဂွ္ ညးဍဳင္ကြာန္မန္ မတန္တဵမံင္ဂၜံင္လၲဴမြဲတၜ ဟီုရ။
အတိုင္ခမ႘သင္ညးမကႜဳိက္ကႜဳိပ္ေပဲါထၞးဆႏၵဏံ ဟီုမၢး တၛဲဏံဝြံ မဒွ္တၛဲထၞးဆႏၵကိုပ္ကၜာအိုတ္တုဲ ခမ႘သင္တံ ဟြံမိက္ကုႝ ညးဍဳင္ ကြာန္တံ ပါလုပ္ပႜဲကေရာံေပဲါထၞဆႏၵညးတံေရာင္ သၢးရ။ ဆၢး အခိင္ညးတံ တတ္ေကၜာံအာဂတမုက္ဘာေဗၲာန္လိက္တံကုီ ညးဍဳင္ကြာန္တံကုီ ကြးဘာတံဗြဲမဂၜဳိင္ တိတ္ေက်ာဝ္ဗႝုကႝုျဇဟတ္အိုတ္ကီုေရာင္ ညးထပ္ဟီုရ။ ညးဍဳင္ကြာန္တံ လဿိဟ္ၐုိတ္ (၁၀၀၀)တၜတံ ပါလုပ္ဗက္ကၜဳင္ကေရာံခမ႘သင္တံကုီေရာင္ ခမ႘သင္ဂွ္ဂးရ။
ကြးဘာတကၠသိုလ္လၲဴဍဳင္မတ္မလီုတံေလဝ္ တၛဲယးဂတဏံမၢး ပါလုပ္ကေရာံခမ႘သင္တံထၞးဆႏၵဏံကီုေရာင္ဂွ္ ဂြံလဝ္ပ႐ိုင္ရ။ သာပ္ေတမပ္ပါ(၂၆)ကဠ႘ေတံမၢး ကြးဘာတကၠသိုလ္တံ သြဟ္လိက္ဒတုဲဒွ္အိုတ္ရ။
နဴတေနံဏံေလဝ္ ခမ႘သင္တံဂေကာံကေလာံေရင္သၠံလၲဴက်ာ္သုက္ ဂၜံင္ေလၵာဝ္ဍဳင္အိုတ္တုဲ အစ႘ဇန္ကၜဳင္သြက္ေသၢာံထၞးဆႏၵ ဗၠပ္ဗေဗင္ မတြံဂး ေပဲါထၞးဆႏၵပၲဳိန္ကံ"ပတၲနိကၠဳဇၨန" ခမ႘သင္အလုံဍဳင္မတ္မလီုမြဲေရာင္ သင္ညးမကႜဳိက္ပ္ေပဲါထၞဆႏၵတၛဲဏံမြဲတၜ ဟီုရ။