ဝတၴဳ

လ်းရတ္(ဂင္ယ်င္)


(ပန္)
ၐုိန္ရ အဲမိင္ေကတ္ပ႐ုိင္ေဗွ္ ေကႅင္စဵဍဳင္ကၞင္ကံက္ေတံပၜန္ေဏာဝ္ေလဝ္ အဲဂြံအာေဗၵံါဗၵန္ ေသာင္ကႅးကုႝေဗွ္ဂွ္ညိေလဝ္ ဟြံဂံင္ ကူခ်ပ္ရ၊ ဘဝအဲဂွ္ သၸသၨိဳင္ကုႝ အခုိက္အလုိက္ ေဒၢတ္ေလဿတ္ ပေရင္ေကာန္ဂကူမန္ဇကုတုဲ မံင္ဂ်ဳိင္တဵအာရ၊ အခိင္လဿဳဟ္ ဘဝ ေဗွ္ဂွ္ ၐတ္ကှာတ္ကုႝ ကဆံင္မိှဟ္ စြံအဓိကကုႝပကာသန ထဝ္ၾသန္တုဲ ပု႙ညးၐါဒွ္အာ ညံင္ေလံေပှာန္ၐါတှဳင္ ဂၜဟ္ဒစုႝဒစးဒဿံင္ ေရင္သၠအ္ရ၊ ဆလအ္ ဂြံဒွ္မြဲကေရာံ မြဲစြံ မြဲပၜဳပ္မာန္ဂွ္ေရာဢာဲ----

စုိတ္ဓါတ္မှိဟ္မၢးဂွ္ လဿဳဟ္မြဲဗုီ မႏွမြဲဗုီ ဟြံဒး႐ုဲအခိင္အခါ  ၿပံင္သၜာဲအာမာန္ဒဿံင္တုဲ ပႜဲစုိတ္အဲေတံဂွ္ ေဗွ္မြဲဗုီလုႝဒွ္ဒွ္ သၜးကုႝအေခါင္ကုႝ ေဗွ္မာန္မံင္တြဳႝရဢာဲ။ သြက္အဲဂွ္ ေဗွ္မြဲေကတ္ မံင္ဒှာဲ ေမတၲာဆာန္အဲ လဿိဳန္န္တုဲ ဆလအ္ေလဝ္ အဲဗ်ဟ္ဝုိတ္ေကၜံေထာံ ေဗွ္ဟြံမာန္ ရ၊ ၐုိန္ရ ပႜဲဂၜံႀသိဳဟ္ေဗွ္ေတံ အဲမြဲဒှာဲဟြံမြဲရ တီမံင္ဖုိဟ္ကုီေလဝ္ ကၜာေဗွ္ဟြံေကႅင္စဵဍဳင္ ကၞင္ကံက္ေတံ မြဲတၛဲဂွ္ အဲအာ ကုႝဂဗကုႝ
ေဗွ္ရ ေဗွ္ဟုီတုိန္ရ-

မိင္ဒးအေရဝ္ေဗွ္တုဲ ညံင္ရဵ စဝ္ေဖ်ံဏာ ဍာ္ပသဲတူတူ ပႜဲကသုိင္ကေတာဝ္အဲကုီ ဒးဒုင္စသုိင္ဓဝဲါဂွ္ရ၊ အဲသၜးဒုဟ္ ဒုင္ပယ်ေမတၲာ ဆာန္ကုေဗွ္ဂွ္ အဲထိင္ဗဓဝ္စုိတ္ ယဲဆာန္အဲ ဝ႘ဗၜးမာန္ကုီေလဝ္ ေဗွ္သၸမၛႝဳထပ္တဲကုႝ ဂကူေသံ မြဲေဏာဝ္ဟုီဂွ္ အဲသၜးအေခါင္ ဟြံမာန္တုဲ စုိတ္အဲဂိဓေဇာတ္ ဒုင္စသုိင္ပေရံေကြံေကြံရ၊

“ေကာရတ္---အဲေကႅင္အာအလန္ဏံေတွ္ ဂြံေကႅင္စဵကြာန္ပု႙ပၜန္ဂွ္ ဟြံေလာဲသြာရပုဟ္ အဲေထင္ေကတ္ ဟုိတ္ဂွ္ရ ေကာရတ္ေလဝ္ ဂၜံင္ေကာဒးစုိတ္ဂွ္ ႐ုဲစွ္ကြာ္အာမာန္ရ၊ လဿဳဟ္အဲဂြံအာ ကေဝင္ျဇဟာန္ေသံမြဲတုဲ ဣရ။ ယဝ္ခါရ ေဍံအာတ္မိက္ ထပ္တဲမၢး အဲသၸ မၛႝဳထပ္တဲ ကုႝေဍံေဏာဝ္ အဲကုႝလဝ္ဂတိပါင္တုဲ ဣရ ယဝ္ဒွ္ သာ္ဂွ္မၢး အဲမံင္အာ ပႜဲဍဳင္ကၞင္ကံက္ေတံ မြဲလၟိတ္အယုက္ေဏာဝ္ ေကာရတ္ဝုိတ္ေထာံ အဲရဏး---”

မိင္ဒးအေရဝ္ေဗွ္တုဲ ညံင္စဝ္ေဖ်ံဏာ ဍာ္ပသဲတူတူ ပႜဲကသုိင္ကေတာဝ္အဲကုီ ဒးဒုင္စသုိင္ဓဝဲါ ဂွ္ရ၊ အဲသၜးဒုဟ္ ဒုင္ပယ်ေမတၲာဆာန္ကုေဗွ္ဂွ္ အဲထိင္လဝ္ပဓဝ္စုိတ္ ယဲဆာန္အဲဝ႘ဗၜးမာန္ ကုီေလဝ္ ေဗွ္သၸမၛႝဳထပ္တဲကုႝ ဂကူေသံမြဲေဏာဝ္ ဟုီဂွ္ အဲသၜးအေခါင္ဟြံမာန္တုဲ စုိတ္ဂိဓေဇာတ္ဒုင္စပေရံေကြံေကြံရ၊ အေရဝ္ေဗွ္ေကင္ဟုီလဝ္ “အဲအာ ေကၜာန္စကေမၜာန္ ဍဳင္ေသံဟုီဂွ္ ဘဝပု႙ညးၐါ သြက္ဂြံစုက္လုက္ ဂြံမံင္မြဲစြံျပဟ္ဟ္ရ အဲစႜးတိတ္နဴဍဳင္ညးတှဟ္ဂွ္ သြက္ဂြံဂၜာဲပိုန္ျဒပ္ သြက္ပု႙ညးၐါေဏာဝ္ဂွ္ ပေတွ္ေကတ္ညိေကာ” အေရဝ္ေကင္ဟုီကၜဳင္ သာ္ဏံဂွ္ ေဗွ္ပၲီဒးဒဿံင္ရဟာဢာဲ---

သဿတ္ၿဗဵေကာန္ဂကူမန္မၢးဂွ္ မှဳံကုႝေဒၢတ္ေလဿတ္ခုိဟ္ သစၥဗုိန္ခုိင္ မှဳံကုႝအိန္ရ႘ဍိဳန္ေဍာတ္ ဇိပ္ဂိၜပ္ေကြံ ညးသၟာင္ဒွ္အထုိင္သးဒဿံင္ ေဗွ္မြဲဟြံထိင္ဒဝ္မင္မြဲ ဂုဏ္သိကၡာ ေကာန္ဂကူမန္ဇကု ရဟာဢာ ပႜဲဂကူမန္ပု႙ မိှဟ္စုိတ္ဓါတ္ဗုီေဗွ္ ႏြံဂၜိဳင္တုိန္မၢး အနာဂတ္မြဲတၛဲ ဂကူမန္ပု႙ဂွ္ ဂကူညးတှဟ္သၟာင္ငိၛတ္ ကမၜက္ေထာံ ဂကူပု႙သိုက္က္ ဗြဲစဿတ္ေဏာဝ္ ဟုိတ္နဴေဗွ္မြဲတုဲ သဿတ္ၿဗဵမန္ ညးယ်ဳႝလၢဴတပ္ တး ညးစြံငၛဳဟ္မးကုႝ ေဒၢတ္ဝတ္ပဋိပတ္ခုိဟ္ ညးဆာန္ဂကူ ညးယုိက္ေဂၜင္ဒဿံင္ ပေရင္ဂကူတံဂွ္ လၸကုႝဂကူေသံတံ အေထင္ အေသာဲ အေထင္ေဍာတ္  ညိဢာဲ အတုိင္ေဗွ္ဆုႝညာတ္ တီဒဿံင္ဂွ္ရ ဂကူပု႙ေကၜာန္စ ကေမၜာန္ပႜဲဍဳင္ညးတှဟ္ဟုီဂွ္ မၵးဆုႝ တတ္ေကၜာံ ဒဒုိက္နာနာသာ္ မၵးကၜတ္လုပ္မံင္ မၵးပူဇဵဖၟိဳတ္ၾသန္ မၵးေဖက္ မှိဟ္ေတံ မှိဟ္မၵးဒုင္ဍဳႝယွအ္ေဖ်ံ ငၛဳဟ္ကေမၜာန္ မၵးေကၜာန္အခိင္ပုႝ ဗုီညးဟုီ ေစာဲစပ္ဂွ္ဒးဒုင္ မုေလဝ္ဂုီကၜဳီ လ်ဳိင္ဘဝခ်ဳိတ္တ္ပၜဳိတ္တ္ဟြံမြဲ ဂကူညးတှဟ္သၸမိပ္ ဗၠင္ေဝင္ဇုိင္ လၲဴသဿတ္ဝုတ္ ေကာန္ ဂကူမန္ဂွ္ ႐ုိဟ္လိဿဟ္ဟြံမာန္ ၐုိတ္လုႝမုက္မတ္ မၵးေဍာတ္သဝ္ဒဿံင္ဂွ္ ကုႝကၜးတဿးေကတ္ ညိဢာဲ--- ကုႝတဿးေကတ္ညိ။

(မသုန္)

မရႏုက္ကုႝအလန္ဒုတိယ အဲအာပႅံင္ေဗွ္ ဇေရင္မုဟ္ကြာန္ေတံပၜန္ရ၊ အဲဗစူလိြင္တဲကုေဗွ္ ဗုီျပင္ညးမြဲကုညးမြဲ ဒးသာဲျခာျပးဆာဲ စႜးညးသၠအ္မြဲဝါပၜန္ဂွ္ရ၊ ပႜဲဂၜံႀသိဳဟ္ေဗွ္ေတံ ၐုိန္ရအဲမြဲ ဒှာဲဟြံမြဲ ေဗွ္ဇြိတ္ပလွ္ေထာံကုီေလဝ္ စုိတ္ဓါတ္အဲဝြံ ဂိြင္တဵ ဒွ္ဓဝိင္ကုႝ ဂၜံင္တရဵ ဘဝအနာဂတ္ေဗွ္ ပႜဲပႜံက္ဂတေတံေကြံေကြံရ၊ ေဗွ္မြဲ ကုႝဂြံေကၜာန္ကေမၜာန္ ဂၜာဲပိုန္ျဒပ္ ပႜဲဍဳင္ကၞင္ကံက္ေတံဍာံဍာံတုဲကုႝဂြံဒွ္သံေဝဂ ကိၜဳဟ္တဿးေကတ္ ဒဒ္ွပေရင္ဂကူဇကုညိဂွ္ ရာဒနာမိက္ဒဿံင္ ပႜဲစုိတ္သာသာရ၊ အလန္ဏံေလဝ္ ဍာ္ရမတ္ကင္က႘ နဴေဂြင္မတ္အဲ ဇုီေဇြာဝ္တိတ္ကၜဳင္ပၜန္ရ၊ ဍာ္ရမတ္ကင္က႘အဲ ဇုီေဇြာဝ္တိတ္ကၜၜဳင္ အလန္ဏံဂွ္ တှဟ္ျခာ ဟြံတုပ္ကုႝ အလန္ပထမေတံရ၊ ဟုိတ္ စုိတ္ဓါတ္ေဗွ္ ၿပံင္သၜာဲဒေစင္အာတုဲ မိပ္ျမဟ္ ေသၜာင္သၸဝ္ အေထင္ေဇှာ္ကုႝဂကူသၟာင္ ဌာန္ညးတှဟ္တုဲ ဝုိတ္တၜိင္ဂကူဇကု ဌာန္ ဇာတိ ဇကုတဲု ဍာ္ရမတ္ကင္က႘အဲဇိမ္ေဇြာဝ္တိတ္ကၜဳင္မဒွ္ရ။

နဴကြာန္ပု႙ စ႘ဿတ္ရံင္အာ လၸာ္ဒုႝေတံမၢး က်ာ္ေစတ႘ ပု႙ညးၐါေကင္ေလၛာဝ္ ေ႐ွ္ေသွ္ရဵဂဵ ေလၛာဝ္ေဖ်ံကိႜဳပ္ သၸလဝ္အဓိဌာန္သစၥဂွ္ မှဳံ သပၸဲါ စူေထင္ဗုၐတ္ဒဿံင္ဖုိဟ္ရဢာဲ က်ာ္ေစတ႘ဝြံ ခှံဒက္ပၲိဳန္လဝ္ ကၜာပု႙ဟြံဂြံဒွ္မှိဟ္ နဴလက္ထက္ဇုဇဗဵလပု႙တုဲ စုႝစုိပ္တၛဲဏံ ပၲိဳန္ခှံသုိင္ လဝ္ ႐ုိဟ္လဿိဟ္သှာံဟြံဒးကုီေလဝ္ မုေလဝ္ဟြံၿပံင္သၜာဲမြဲသာ္ ဒွ္ဒဿံင္ဗုီျပင္ပကတိေႀတံဖုိဟ္ရ၊ ေဗွ္မြဲေလဝ္ ဗုႝေက်ာဝ္က်ာ္ေစတ႘ ဗဿံက္ကြာန္ပု႙စူေထာင္ဗုၐတ္ မုေလဝ္ဟြံၿပံင္သၜာဲမြဲသာ္ဂွ္ ကုႝဒွ္သာ္ဂွ္ညိဢာဲ---

ေကာန္မန္ပ႙ု ဟုိတ္နဴပေရင္ပုိန္ျဒပ္ မံင္စံင္စသုင္ အကာဲအရာ ပေရင္ဍဳင္ကြာန္တုဲ ေထာံကြာန္ ေထာံဍဳင္ဇကု အာဲကဿာဲ ပေရင္ ပုိန္ျဂပ္ဇကုတုဲ ျပးဇးအာ ပႜဲဍဳင္တှဟ္သၟာင္ ျဂဳျဂဳၿဂီဳၿဂီဳရ၊ မံင္ဒှာဲလုႝဒွ္ဒွ္ စုိပ္ဌာန္လုႝ ဟုီဟုီ လၸအေထင္ေဇှာ္ မိပ္ေသၜာင္သၸဝ္ကုႝ ဌာန္ညးတှဟ္တုဲ လၸလုပ္ၿစိဳဟ္ပၟပ္ျပာပ္စုႝကုႝဘဝဇကု လၟိတ္အယုက္ညိဂွ္ မိက္ဂြံကုႝ ဏာသတိရ၊ ဇုတ္သၠဲဆလအ္ ဟြံၿပဲနဴဇုတ္ ေဇှာ္ပုဟ္တုဲ ၐုိန္ရဇကု ႏံြတန္တဵဒဿံင္ ဌာန္ဒှာဲဍဳင္ကြာန္လုႝေလဝ္ မန္္ဂွ္ မန္ရေဟင္ ဂပ္ဝ္ဒးတီလဝ္ေထက္ရ၊ လကၠရဵအုိတ္ မိက္ဂြံ ဗကန္ဂွ္ ညံင္ရဵၿဒာဲမြဲတဟင္ၿဒာဲဂွ္ ေထင္ဂးဍာ္တုဲ ဗက္အာ ဗက္အာ အုိတ္ေကှာတ္ မၵးအုိတ္လမ်ဳီ ပဿာၿဒာဲဂွ္ လၸကုႝဒွ္ညိဂွ္ မိက္ဂြံထပ္ ဗၠန္ဏာပၜန္ရဢာဲ---့ထပ္ဗၠန္ဏာပၜန္ရ။

တင္ဂုဏ္ဗြဲမေလာန္ရ

အာ သၠဳတ္(၁)ေတံညိအဵ။