ဝတၴဳ
ဗညာနဲ
ေကှာတ္ဘဝတရဵဍဳင္ဟံသာဝတ႘ သၠဳတ္လကၠရဲဏံ ဟိုိတ္ႏူကံကၜတ္နန္ထဝ္ကဝ္ပိုတ္ဒတုံေစွ္ စိုပ္အာတိဟာ ဟြံေသင္မၢး ဒဿါႏူျဇဟတ္ မိက္ဒါန္ဇကုနန္သာဲမြဲသုီဟြံမြဲကုႝပဿတ္ဆႏၷဒးဒုင္ပအပ္ဏာကုႝ သဿိင္အံင္ေဇယ်ဟာ သၢံင္တံ ဟြံတီမြဲသာ္ အေဃာနာဲဒပ္(သၠဳိပ္ပှာန္) တၜဗာန္ဍာ္ရမတ္လင္ေဇြာဝ္ဓဇူ ကူခ်ပ္စိုတ္ဇဵဟ႘မံင္ဂွ္ .......
“တၜ႘ပိုန္ကညအာအလုႝေရာက်ာ္” ညးလ်ဳိင္ကင္သဿာန္တိုန္
“ေဟံဒကာနာဲၐိုဟ္ ကၜဳင္အဏံရ၊ နာဲဒပ္ႏြံမံင္ဟာ?”
“ႏြံက်ာ္ လုပ္အာပႜဲဇေရင္ပါင္ထုီေတံေတွ္ ဆုႝညးမာန္ရက်ာ္”
ရဵသာ္ဏံ ခမ႘သင္တၜ႘ပိုန္ၐါဇကု တၜဂုဏ္ေကရသ ကုႝ တၜဂုဏ္ဝါရိႏၵတံဂွ္ ဒွ္က်ာ္ေဇှာ္မှဳံပိုန္ဘာမဂၤလရံသ႘ တိုက္ပရိယတၲိ ပႜဲဍဳင္ဟံသာဝတ႘ရ၊ ပႜဲတိုက္လိက္ဂွ္ မပတံကုႝ တၜက်ိန္ တၜဗာန္ က်ာ္ေဇှာ္အေစြာံတံ တိတ္ကၜဳင္ႏူတိုက္လိက္ဂွ္ဖအိုတ္ရ။ အခိင္ ကၜာေတံဏံ ဗုီဘာတိုန္လဿဳဟ္ဟြံမြဲတုဲ ဨကရာဇ္ကုီ၊ သၠဳိပ္ပှာန္ကုီ၊ သဿတ္ၾတဳံ ျဗဵ ညးဍဳင္ကြာန္တံကုီ ဒးအာေဗၲာန္ကတ္ပႜဲဘာ လက်ာ္တံ ဖၟဳိတ္ရ၊ ပႜဲဘာတံဂွ္ေလဝ္ (ဝိဇၨာ) ကြတ္ကုႝ(စရဏ) သမၲီလညာတ္ေဒၢတ္ပဋိပတ္ၐါဏံ အၥာညးမဒွ္ခမ႘သင္တံ မြဲပေဠာပ္ဓဝ္တက္ဗေပင္စုတ္ ပႜဲေကၜင္ကႜဟ္ကြးဘာတံအိုတ္ရ၊ ဂါရဝေလဝ္ႏြံ၊ ေယန္သှာင္ေလဝ္ႏြံ။
သၠဳိပ္ပှာန္ ေကာန္ပှာန္တံ ဟိုတ္ႏူေကင္မံင္လဝ္ဘာမြဲစြံတုဲ ဍဳက္ေကဝ္ဒေဒွ္ဒယွ္ဒဿံင္ကုႝ က်ာ္ေဇှာ္အၥာတံဂွ္ဂၜဳိင္ရ။
“နာဲဒပ္ ပေ႐ုိင္ဍဳင္ဟံသာဝတ႘ မိင္တုဲရဟာ”
“ဟြံဂြံမိင္ဏီရက်ာ္ သာ္လုႝဒွ္မံင္ေရာက်ာ္”
“ပ႐ုိင္ဍာံျပခ်ဳိတ္ပၜဳိတ္မြဲဂွ္ျခာဟြံလံဏံေတွ္ ေဢာံနန္သာဲဒးပအပ္ဆက္ကြာဲကုႝ အံင္ေဇယ်ေဏာင္နာဲဒပ္”
“ပဿိက္ဆႏၵနန္သာဲရဟာက်ာ္”
“ပဿိက္ဆႏၵနန္သာဲဟြံေသင္ ဆႏၵနာဲပိ႙ုဗညာဒလနာဲဒပ္”
“က်ာ္ဓဝ္သင္ က်ာ္ဓဝ္သင္ ေကာန္ဝုတ္ဇကု ကုႝစသှဂွ္ အဲဍိက္စိုတ္ေဍာတ္ေကြံေကြံရက်ာ္”
“သာ္လုႝဂြံသၸေရာင္နာဲဒပ္ ပု႙ေကာံခမ႘သင္တံေလဝ္ ဟုီပၜာံဗဇးဒဿံင္ကုီရ၊ တၜတိပု႙စိုတ္ညးဟြံလုပ္စပုဟ္နာဲဒပ္”
“က်ာ္…က်ာ္…ဒွ္သာ္ဂွ္ေတွ္လဿဳဟ္က်ာ္အၥာတံကညအာအလုႝေရာင္က်ာ္”
“ဗုႝမုက္ဗဿာအံင္ေဇယ်ဟြံေစွ္တုဲ ဒဵေထာံဖႏူဍဳင္ဟံသာဝတ႘ရနာဲဒပ္”
“က်ာ္ေဇှာ္ဟြံမိက္မံင္ကေရာံပု႙ဍိက္တံဟာက်ာ္”
“မိင္ပ႐ုိင္နာဲဒပ္တအ္ႏြံမံင္အဏံေရာင္ ပေတွ္တုဲရန္တဿံလဝ္ကၜဳင္မံင္ ကေရာံနာဲဒပ္တံရေလဝ္”
“က်ာ္္…က်ာ္…ခိုဟ္ေကြံေကြံရက်ာ္ ပုႝတုဲပု႙ဍိက္တံ ဂြံအာျဇဟတ္ရက်ာ္”
........က်ာ္ေဇှာ္အၥာေကသရဂွ္ ဂြံလဝ္တိပိ္ဋကဓရတုဲ စိုန္သၠဳီလၸၚပရိယတၲိသဿးဟြံက အရာေဆင္ကုႝေလာက႘ မပတံကုႝေလာက သိဒၶိ၊ ေလာကသမုတၲိတံကုီ ေဗဒင္ေဟာရာ အၥာသဝ္ဂဥဳဲတံကုီ စိုပ္ဒဿံင္သင္မြဲလၸၚရ၊ ဟိုတ္ႏူကုႝဟုီေဖ်ံဓဝ္ကုႝ သဿိင္ဇကုဗညာဒလ ေကာန္ဝုတ္ဇကုေဢာံနန္သာဲ လၸဆက္ကြာဲ ကုႝအံင္ေဇယ်ညိဂးတုဲ သဿိင္ဇကုဟံြံကေလင္စကုီ အနာဂတ္ဍဳင္ဟံသာဝတ႘ သာ္လုႝဆက္ဒွ္အာမာန္ ပရဟ္ဒုင္တဲုတီေကတ္မာန္ အာကုီတုဲအခိင္ညးဂ်ဳိင္မံင္လမ်ဳီဏံ ဟြံဒုင္မံင္ဓယူဍိက္သဿိင္ဍဳင္မြဲသၟာင္ ကုုီတုဲကၜာဟြံဒွ္ဏီ ဒဵတိတ္ေထာံႏူဍဳင္ဟံသာဝတ႘တုဲ စုိပ္ကၜဳင္ပႜဲထုီတံၠေဂါမ္ ဒှါဲဒပ္ပှာန္တၜဗာန္တံေဖ်ံလဝ္ဒပ္ေရာင္။ ခေပဲါမန္စာ္ က်ာ္မန္ကဝ္ နန္ထဝ္ပိုတ္ဓဂါတ္ စိုပ္အာတိဂွ္ အဓိကတၜတိနာဲပု႙အစၥဂတိပါင္ဟြံဗန္ဗတ္ လၲဴသၠဳိပ္ပှာန္ေလဝ္ ပါဒဿံင္သာ္ကုီတုဲ ဇဿာပ္မကူခ်ပ္ဂြံစိုတ္ဒးေဍာတ္ရ၊ သာ္လုႝဒွ္ဒွ္ရ၊ အခိင္ဘဝဍဳင္ဟံသာဝတ႘ကေရာန္ေၾကန္ဒဿံင္ဏံ အလုံဂကူမန္တံအိုႆုီ ၿဂိဳဟ္ယုိက္ခမုက္မတ္ဓလန္တၠဲဒဿံင္တဲု လဿဳဟ္ စဿ႘ေက်ာဝ္ဂၜာဲညးမဟံင္ျပာ္ဂွ္ ဒွ္သဘာဝသတ္မှဳံတဵကုႝလမ်ဳႝတံရ။ ညးမအာကႜဳိပ္ အမခိင္ဂွ္ဂွ္ ဗှတ္မြဲသစၥဂတိပါင္ဝါစာဂလာန္ လုီၐက္ကၜဳင္လဝ္တုဲ အလန္ဒုတိယဏံ ရိကြ႘ပဿတ္ဍာဲျဂင္ ခယ်ေထင္ဂး ဒွ္ဒဿံင္ ထဝ္ေဒၠာင္တုဲ စိုတ္ဇဵလေယ်ာဝ္ ဂလာန္ ပေတွ္ေဇြာဝ္လုပ္ ပႜဲကႜဟ္တုဲ ေဖၟာဝ္ဒုင္ပၟပ္ဏာကုႝ ေကာန္ဝုတ္ဇကု ကုသဿိင္အံင္ေဇယ်ဂွ္ ဖုႝသြက္မန္တအ္ အနာဂတ္ ကံကၜတ္ နန္ထဝ္ ဒွ္အာဗြေအွာ္ရသြံ။ ကၜာဍဳင္မန္ဟံသာဝတ႘ ဟြံဂြံဒွ္ေဆာံေဗၲင္ဏီဂွ္ ပႜဲသဿိင္မန္ ဍဳင္ဟံသာဝတ႘ျဗမာန္တိရာဇာေသနာဓိပတိဂွ္ သရာဲပှာန္ညးတၜက်ိန္၊ တၜေကၜပ္၊ တၜသၨင္၊ တၜဗာန္ႏြံပန္တၜရ။ ေပှာဝ္သရာဲ ပှာန္ညးတၜဂွ္ သရာဲပှာန္တၜဗာန္ဂွ္ ဟိုတ္ႏူဗတိုက္ ပှာန္ဇိပ္ဂၜိပ္ျပဟ္ေျပဟ္ျမက္စာတုဲ ဗဿာတံ ေဖက္လကိုတ္အိုတ္ရ၊ ဨကရာဇ္ ဟံသာဝတ႘ကုီ ညးဍဳင္ကြာန္မွာဇန္တံကုီ ဘဝဂြံ သာယာ ဂြံမံင္မိပ္သၨိပ္လဟိင္ဂွ္ ဟိုတ္ႏူသရာဲပှာန္မန္ပန္တၜဏံ ဒွ္မြဲပေလာပ္ ႐ုန္ဂစာန္မြဲစြံေရာင္ ဆဂး ေပှာဝ္ညးပန္တၜဂွ္ တၜဗာန္မြဲအဝဲ အာယုက္ေဍာတ္အိုတ္ရ။
(၂)
“နန္သာဲ”
“အဵေကာထပု႙ ဟုီေလဝ္”
“ပု႙တံညးၐါ အခါလုႝွ ဂြံၾကပ္ေညာန္ညးသၠအ္ဟြံတီရနဝ္”
“ခႏၶနန္သာဲ ဗြဲမသၜးၐး အပ္ျပာပ္လဝ္ကုႝေကာထပု႙တုဲဒွ္အိုတ္မံင္ရေတွ္ ဒွ္မံင္ဓဝိင္ သံသယဏီဟာ ေကာထပု႙”
“ေကာဒွ္ဓဝိင္ လၸာ္မိမနန္သာဲတံရ နန္သာဲ”
“ညးဒွ္သၠဳိပ္ပှာန္ေဇှာ္အုပ္ဓုပ္လဝ္ေကာထပု႙တံ စြံလဝ္စုိတ္ဗုီေကာန္ဇာတ္ညးရေတွ္ ဗုီနန္သာဲတံ ေကာန္ညးေဇတ္တ္ သြက္ဂြံထပ္တဲပအပ္ဂွ္ ဟြံဝါတ္ေအွ္ပုဟ္ နန္သာဲေထင္”
“ပေရင္ပု႙တံညးၐါ ညးတီမံင္ကုီဟာ”
“ရံင္ေကတ္အကာဲအရာညးေတွ္ တီမံင္ေဏာင္ ေကာထပု႙”
“နန္သာဲ ေဖက္မံင္ဟာ” နန္သာဲ ဟြံေဖက္ပုဟ္ ေကာထပု႙ နန္သာဲ ေဖက္အုိတ္ဂွ္ ႏြံမြဲရ” နကုႝလၸဳဟ္တဲနန္သာဲ ဍဳႝလဝ္ေကာန္ႀသဳိဟ္ တၜဗာန္တုဲ သုီမေခဿာံအီေဟင္ သၢးတဵရ။
“ႏြံမံင္ဟုီဂွ္ ပြံက္ေဍံဗုီလုႝေရာ နန္သာဲ”
“မြဲဘဝအာယုက္နန္သာဲဏံ ပေရင္ဍဳင္ကြာန္ေလဝ္ နန္သာဲဟြံတီပုဟ္၊ ပေရင္ပှာန္ေလဝ္ နန္သာဲဟြံတီပုဟ္၊ နန္သာဲ တီဆာန္ေကာထပု႙မြဲရ၊ တုဲပၜန္ အရာအုိႆုီ နန္သာဲဟြံေဖက္၊ မိမေလဝ္ ဟြံေဖက္ ဒးသာဲျခာကုႝေကာထပု႙ဂွ္ နန္သာဲေဖက္အုိတ္ရေကာ”
တၜဗာန္ အေႏွန္ဆာန္ဒဿံင္ျဇဟာန္မိတ္ဒါန္ၐန္ပေလာပ္ဒဿံင္ဇုက္သံေယာဇုိန္ေမတၲာဂွ္ ၐွ္ပလွ္ပၠဵဝက္စ႐ွ္မံင္ လၲဴကႜဳိပ္နန္သာဲဂၜဳိင္င္ ကုႝအလန္ဝါရ။ ႐ုပ္သာ္စှးစရာဲနန္သာဲဂွ္ ရပ္ဘပလစမံင္တၜဗာန္သဿးဟြံက ႐ူပကာယတၜဗာန္ေလဝ္ လုပ္ကေခ်ာ္ကေဆဝ္ဒဿံင္ ပႜဲေကာန္တဿံေဢာံနန္သာဲကုီရ။ ၐုိန္ဂွ္ေလဝ္ ဘဝတၜဗာန္ဂွ္ သၠဳိပ္ပှာန္ေဍာတ္ႏြံသဿဝ္တဲသၠဳိပ္ပှာန္ေဇှာ္ဗညာဒလတုဲ ေဢာဲနန္သာဲ မဒွ္ေကာန္ဝုတ္သၠဳိပ္ပှာန္ေဇှာ္ဏံ ယဝ္ခါရ ဒးၐတ္ နကုႝအဘိဓဝ္ေမတၲာမၢး ေဍံဟြံေတဿင္ျခာမြဲသာ္ရ။ ယဝ္ခါရ ဒးၐတ္ပေတာံ နကုႝဂုဏ၀ုၯိမၢး ႀသဳိဟ္ကုႝစး အကးကုႝတိသုႏၶရ႘ရ။ သာ္လုႝဒွ္ဒွ္ရ တရဵဘဝသှိင္ညးတံဂတဂတေတံ သာ္လုႝဆက္ဒွ္အာမာန္ဂွ္ ပဲါနဴေဒဝတဵသူေကှင္မြဲတုဲ ညးလုႝမြဲေလဝ္ ပံက္လဟာ္ထၞးကုႝဟြံမာန္ရ။
တၜဗာန္ဂွ္ ေကာန္ညးဍဳင္ေၾသင္ ဇေရင္ဍဳင္လၢဳင္ နဴေဍာတ္တ္ဘဝကြးဘာ၊ ဘဝထပု႙ေဇှာ္ေဂါဝ္ေလပ္ကၜဳင္ သၨဳိင္ပရိယတၲိ ဇေရင္အၥာဥပၸဇၥၽာဲက်ာ္ေဇှာ္ ဝိမလ ပႜဲဘာဂူခတုႝ မှဳံဧရိယာပြ႘ပြဳိင္က်ာ္ဃုိတ္ (က်ဳိက္ေခါက္) ဂွ္ရ။ နဴဂွ္မြဲကဆံင္ သြက္ဂြံအာကတ္ ပညာကဆံင္သၜဳင္ က်ာ္ေဇှာ္ ဝိမလ ပလံင္ဗစုိပ္တုိက္ပရိယတၲိ ဘာမဂၤလရံသ႘ ပႜဲဍဳင္ဟံသာဝတ႘တုဲ ဘဝတၜဗာန္ မြဲကဆံင္တုဲ မြဲကဆံင္ လညာတ္သၜဲလးၿပံင္သၜာဲကၜဳင္ ပႜဲကုႝဍဳင္ဟံသာဝတ႘ဏံရ။
အခိင္ကၜာေတံဏံ ဍဳင္ဟံသာဝတ႘ဂွ္ ေပှာဝ္ကုႝဍဳင္မန္ (၉၆)ဍဳင္ (ဖာသ႘(၃၂)ဍဳင္၊ မတ္တဿ(၃၂)ဍဳင္၊ ဟံသာဝတ႘(၃၂)ဍဳင္ဂွ္ ဒွ္ဍဳင္မန္ေဇှာ္အုိတ္တုဲ ကြးဘာႀတဳံၿဗဵ ထပု႙ခမ႘ နဴဍဳင္ေဍာတ္တ္တံ သဿိက္မိက္ဂြံေဗၲာန္ပရိယတၲိ ကဆံင္သၜဳင္င္ (တိပိဋကဓရ)ကုီ၊ ကြတ္ကဆံင္သၜဳင္(၁၈)သာ္ မပၲံကုႝကြတ္ဗှဳဟ္ျဇင္တံကုီမၢး ဒးတုိန္ကၜဳင္ဍဳင္ဟံသာဝတ႘လဿဳဟ္ရ။ အၥာဝိဇၨာေစာန္န္တံေလဝ္ ႏြံပႜဲဍဳင္ဟံသာဝတ႘သဿးဂၜဳိင္ရ။ အခိင္ဂွ္ ပႜဲတုိက္ပရိယတၲိ မဂၤလရံသ႘မြဲတုိက္ဂွ္ ခမ႘သင္မန္တံ ႏြံၐုိတ္ဒၥာံလၛီဇကုရ။ ပႜဲအပႜဲဂွ္ ညးမဒွ္အလံင္သရာဲပှာန္ တၜက်ိန္၊ တၜေကၜပ္၊ တၜသၨင္တံေလဝ္ ႏြံတန္တဵေျဇာတ္သုင္ဒံဿင္႐ွ္ဍာ္တွ္ ပႜဲတုိက္ဂွ္ကုီရ။ ညးေဇှာ္
လၲဴပိတၜဂွ္ ေစာန္သၠဳီပရိယတၲိ စုိပ္သိဒ္တုဲ သြက္ဂြံေဗၲာန္ကြတ္ႀတဳံ(၁၈)သာ္ဂွ္ ဒးရာံတိတ္အာနဴဘဝခမ႘ရ။ ေသှာဝ္ပေရင္ပညာ ကၜာေတံဏံ ေလပ္ပရိယတၲိ ေဗၲာန္ကြတ္ႀတဳံ(၁၈)သာ္တုဲမၢး သြက္ဂြံလုပ္ယုိက္ေဂၜင္သၨဳိင္ဝန္ဂကူဂွ္ ပံက္လဟာ္လဝ္ၾတင္ လဿဳိန္ကာလေရာင္မဒွ္တုဲ ညးပိတၜ(တၜက်ိန္၊ တၜေကၜပ္၊ တၜသၨင္)တံ နဴဂၜံင္သြာင္ပရိယတၲိ သြက္ဂြံၿပံင္အာဂၜံင္ သြာင္ေဗၲာန္ ကြတ္ႀတဳံ(၁၈)သာ္ဂွ္ ဆႏၵသကာတ္ျမဟ္ဒဿံင္ရ။
“ဗုီလုႝေရာ ေကာန္နာဲ၊ ဟြံအာကေရာံပု႙ဟာ”ရဵသာ္ဝြံ ညးအာယုက္ေဇှာ္အုိတ္ တၜက်ိန္ သဿာန္တုိန္တၜဗာန္ရ။ “အဲဍိက္ မိက္ဂြံအာမံင္ရ၊ ဂြံမံင္ကေရာံေကာက်ာ္ မြဲလစြံမွ အဲဍိက္အာရ” တၜဗာန္ သၢးတုဲ “ေကာန္နာဲဂွ္ ညံင္ရဵေဒံအရင္ ပု႙တံ စြံလဝ္စုိတ္တုဲရ၊ ကေရာံပု႙ဂွ္ ခ်ဳိတ္မြဲကတုိင္ ဂ်ဳိင္မြဲသကဝ္ရ၊ ေကာန္နာဲ ေဖ်ံစုိတ္” သၢးတုိန္သာ္ဏံတုဲ တၜဗာန္ေလဝ္ ဖက္အာကေရာံညးတံမြဲလစြံရ။ ပႜဲအရာေဗၲာန္ကြတ္ႀတဳံ(၁၈)သာ္ဂွ္ ကြတ္လဵ - ျဇင္ ေကုာံ ကြတ္ဍဳိက္ေခ်ံဂွ္ ေဍံေတဿင္တဿဟ္ နဴကြးဘာဂမၜဳိင္တုဲ လက္သန္ဝိေသသတၜအေစာန္ သြက္တၜဗာန္ဂွ္ မြဲဒၿမိပ္ဓဝ္ ျမဟ္တမႛဝ္ေကၜာံထှာန္အာေဟာေဟာ အလုံဍဳင္ဟံသာဝတ႘မြဲရ။ အခိင္ဂွ္ အခါဂွ္ ဗညာဒလ ဒွ္ဒဿံင္ သၠဳိန္ပှာန္ေဇှာ္ ဍဳင္ဟံသာဝတ႘တုဲ သြက္ဂြံယုိက္ေဂၜင္သၨဳိန္ဝန္ဂကူ ကြးဘာေစွ္နဴဘာေဗၲာန္ကြတ္ႀတဳံ(၁၈)သာ္ အေသာတ္ဂွ္ဂွ္ ေကာ္ေကတ္သုီဖအုိတ္တုဲ ခုိင္ကှက္ကုႝတာလ်ဳိင္ရ။ ပႜဲအပႜႜဲဂွ္
တၜဗာန္ ဒွ္ညးအာယုက္အုိတ္တုဲ ဒးဗက္အာမံင္ကေရာံ ဗညာဒလရ။ ေကာန္ဝုတ္ဗညာဒလ နန္သာဲ ႐ုပ္သာ္စၜးစရာဲေဂါဝ္ဆာဲ
မံင္ ညံင္သှံင္ဇမၸာဂွ္ လုပ္ခႜ႘လ်တ္ဒဿံင္ ပႜဲေကာန္ဖ်ဳန္ၿဂဳိဟ္တၜဗာန္ ႐ုိဟ္လဿိဟ္ဟြံမာန္ရ။ ၐုိန္ဂွ္ကုီေလဝ္ ဇုက္ယဝ္မံင္စုတ္ ယႈက္ထုဲကှာန္ ပၛာန္မံင္မြဲဗတ္ခႜ႘လ်တ္ ဗဗတ္မာန္၊ အတုိင္ဂလာန္ညးတမၜာတံ သၢးကၜဳင္လဝ္ဂွ္ေဟင္ ပေရင္တှဳင္ပဿဝ္သံေယာ
ဇုိန္ ေမတၲာမြဲေကုာံမြဲ ခံက္မာ္ဗာန္စဲဓဝုဲတၠဲကၜဳင္မံင္ရအဵ။
ပႜဲသကၠရာဇ္ ၁၁၁၆ သြက္ဂြံဗတုိက္သီေကတ္ဍဳင္အင္ဝ တၜတိနာဲပု႙ကုီ သုီကုႝသၠဳိပ္ပှာန္ဗညာဒလ ခ်ပ္ဓေကာံတုဲ ဇက္ပှာန္လုပ္ ဗတုိက္သီေကတ္ဍဳင္အင္ဝဂွ္ ကေရာံပှာန္တၜဗာန္တံ ဒးေကတ္တာလ်ဳိင္မုက္ပှာန္ဂတအုိတ္ရ။ ဗတုိက္လုပ္မြဲကဆံင္တုဲ မြဲကဆံင္တုဲ နန္ဍဳင္အင္ဝဂွ္ ဗြဲမေလာဲသြာ သီေကတ္ဂြံတုဲ ဆက္လုပ္အာ ပႜဲခဒံဧကရာဇ္ဍဳင္အင္ဝတုဲ ဂန္ေကတ္ဂြံလဝ္ကံတဲ တၜညးဍဳင္အင္ဝ သုီကုႝဂှက်ာ္ေဒဝ႘ညးရ။
“လၸ ဂစုိတ္အဲညိသရာဲ” “အဲ ဟြံဂစုိတ္နာဲတၜညးရ မင္တၜတိပု႙ကၜာ၊ တၜဗာန္ ကေလင္ဟုီသၢးတုဲ ျခာဟြံလအ္ တၜညးဟံသာဝတ႘ ေကုာံ သၠဳိပ္ပှာန္ ဗညာဒလ လုပ္စုိပ္ပႜဲခဒံဧကရာဇ္ဍဳင္အင္ဝတုဲ သ႘ကၜ႘ကႅးဒဿံင္အေရဝ္ရ။ ဟြံလအ္မြဲသာ္ “ပု႙တံ အံင္ဇှးတုဲ ဒွ္အာရေတွ္ သရာဲသၢံင္ဖအုိတ္ ႏုက္ဒပ္ကေလင္စဵဍဳင္ဟံသာဝတ႘တုဲ” အတုိင္ပဿိင္တိတ္ကၜဳင္သာ္ဏံတုဲ ဒပ္ ၐုိတ္ႏြံဂွ္ ႏုက္ပုိက္ ဖ်ဵေထာံသုီဖအုိတ္ရ။ အခိင္ဂွ္အခါဂွ္ ပႜဲစုိတ္တၜဗာန္ေတံ ခင္ခဒဿံင္ညိရ။
ဆက္ဗွ္ သၠဳတ္(၂)ညိအဵ။
|
