သဂံင္နဝရတ္ - ဌာန-ပရဍက (ဗဟႝု)

နကႝုကၜပရမ္ဒးဒုင္ၿခဳိင္လဝ္ ပႜဲခ႐ိုင္မြဲဒးဟီုမၢး ၐိုန္ဒးေသၛာဲျခာကၜဳင္ကႝုၿဂဳိပ္ဂှိင္လံလကီုေလဝ္ ေသၢာံဝိုတ္ေထာံၿဂဳိပ္ဂှိင္မာန္ဟြံေလာဲ ကႜင္ရ။ မှိဟ္ဂမၜဳိင္နကႝုမုကၡဝါဗြဲမအမ္သဝ္ ယဝ္ရသၸဂ႐ုသၛ႘ေက်ာဝ္ရံင္ညးေတံမၢး ညးေတံေကႅင္ဗေစအ္ဗႝုဏာ နကႝုမုက္တီု စိုတ္ပေရံပၜန္ရ။ အပႜဲမှိဟ္ဂမၜဳိင္ ညးမြဲဂွ္ “အဲဟီုကႝုမှးတံမြဲ တိရစၧာန္ဗီုဏံ ညံင္ေသၢာံေယန္သှာင္တိုန္ ယဝ္ရကႝုအဲတာလ်ဳိင္ အၥာပၠတ္ေပၠင္မြဲ ခ်ပ္လဝ္ႏြံမၢး ပြန္အဓိကေဇှာ္အိုတ္မြဲဂွ္ စပ္ကႝုကိစၥဗုင္ဂှဵေဍံေရာင္ မှးတံသမၲီလဝ္မြဲအာယုက္ညိ၊ ယဝ္ဒွ္ဗီုဂွ္မၢး ကေမၜာန္ဏံၐိုန္ဝါတ္ဂါတ္ကီုေလဝ္ ကေမၜာန္ေသာင္ကၜးကၜးေရာင္ဂွ္ မှးတံ လကၠရဵေသၢာံဆႝုအာပၜန္ေရာင္။”

“မှးတံ ရံင္ကၜဏံခ်ဳိတ္တ္ပၜဳိတ္တ္စမ္၊ လဿဳဟ္ ေဍံခယ်စဇကုေဍံကႝုေဍံ “ဓဇန္ၾကမ္ၾကအိုတ္ ယုတ္မာပပ္ပ႘အိုတ္” မဒွ္ရ၊ သြက္ေဍံေသၢာံဗၜးတိတ္နဴခ႐ိုင္သၛိစာတ္ဏံ ေဍံပေတွ္ျဇဟတ္ဇကုေဍံ ကႝု ၿဂဳိဟ္ဂံင္သၠာတုဲ ပင္သၜဳင္လဝ္မာနရ၊ ဆဂး ပေရင္ဏံဂွ္ ၿပံင္သၜာဲေထာံမာန္မံင္ေဏာင္ ညံင္ရဵေကာန္ငၛာ္ေဍာတ္တ္မြဲ ဗြဲမဍဳိန္ေဍာတ္ ကေညအ္ေသၢာံေလပ္ကၜဳင္မာန္ ၿပံင္သၜာဲဂြံဒဿံင္ေရာင္၊ အၾကာမှိဟ္မှဳံကႝုစှအာဟာရ ကႝု ညးဟြံမြဲကႝုစှစတံ မုကၲဳႝဒွ္ကၜဳင္မာန္ဂွ္ မှးဒးလၛတ္ခါတ္အကာဲေရာင္ ပေရင္ဏံဂွ္ ဒးကတ္ေဗၲာန္ ေကတ္ေရာင္” နကႝုရမ်ာင္ကႝုအမိင္ေဟင္ ဟီုသၢးဏာရ။

မှိဟ္မေသွ္ေသဿဟ္ဒဿံင္ဖအိုတ္ဂွ္ေလဝ္ နဴကႝုပေရင္ကယ်ာန္ဟီုဂးဒဿံင္ဂွ္ ဒွ္အာေပဲါ ဒွ္ကြးအၥာပၠတ္ေပၠင္တိရစၧာန္ဂွ္ ဖအိုတ္ရ၊ ဒဿါနဴဏံတုဲ အၥာပၠတ္ေပၠင္တိရစၧာန္မြဲ မိပ္ျမဟ္ေသၜာင္သၸဝ္အာဗြဲမေလာန္ရ။

“မံင္စမိပ္ၿဇိပ္ဒဿံင္ကီုရဟာ တဿဳဲပလုင္” သာ္ဝြံ နကႝုရမ်ာင္ခႜဳတ္ထေမက္ညးေတံ ဆက္ဏာဂလာန္ကုကၜပရမ္ဂွ္ရ၊ ကာလဂွ္ “စှစ သြက္အဲ ေသၢာံသၸျပဘိုက္ေကတ္နင္ျပဟ္ဟ္ဂြံရေလဝ္ အခိင္စိုပ္ဒဿံင္ဣယ်” ကၜပရမ္ဂွ္ အာတ္မိက္ရ၊ အၥာပၠတ္ေပၠင္တိရစၧာန္ဂွ္ ေလဝ္ နကႝုရမ်ာင္သိင္သာအာဗြဲမေလာန္ သၸေကတ္ဂွ္ေဟင္ “ဟာ… သာ္လႝု ဗီုဢေကာန္ထံင္ဂွ္ ကၜဳင္ကုႝဒဿံင္အမိင္ကႝုအဲဟာ ဒးၿဂဳိင္ေကြံေကြံရေဟံ၊ ဢဟတီလဝ္ ဒှဲါဏံ အဲေဏာင္ဒးဒွ္အၥာကႝုအမိင္” သာ္ဏံဟီုသၢးဏာတုဲ ကၜပရမ္ဂွ္ “မှိဟ္ေသၢာံကႝုအမိင္ ကႝုကၜဟြံမြဲပုဟ္” သာ္ဝြံ ေကႅင္ပလန္ရ၊ အၥာပၠတ္ေပၠင္တိရစၧာန္ဂွ္ ဂြံမိင္ေကတ္ဂလာန္ပလန္နဴဇေရင္ကၜဂွ္တုဲ “ေအ… အပဲႜၿဂဳိပ္ ေတွ္ ဢဂွ္ဒွ္ကၜပရမ္ေကြံရ၊ ဆဂး လဿဳဟ္ ဢကၜပရမ္ဟြံေသင္ရပုဟ္၊ တုဲပၜန္ လဿဳဟ္ ဢႏြံဒဿံင္ပႜဲခ႐ိုင္ေဏာင္ တိရစၧာန္ႏြံအပႜဲထံင္ဟီုဂွ္ ဗီုဢရ၊ ဟိုတ္ဂွ္ရ ဒးကႅင္အမိင္ဗီုဍိက္ပၜက္မြဲေဏာင္ ကၜဳိဟ္ေသင္ဟာ” ေကႅင္ဟီုကလးဏာ ညံင္ကၜပရမ္ဂွ္ေသၢာံကၜဳိဟ္ရ၊ ကၜပရမ္ေလဝ္ ညံင္ရဵမှိဟ္မုအရာဟြံသၸကာမြဲကီု “ကႝုညးလႝုမြဲမွ အဲဒုင္သၸဍိက္ဟြံမာန္ပုဟ္” သၢးရ။

“ဟြံေသင္ပုဟ္ ကၜပရမ္ အပႜဲအဲစှစေဗွ္ဒးစိုတ္ႏြံဒဿံင္တဿာဂလိုင္ေဏာင္ ဟိုတ္ဂွ္ရ ေဗွ္ကႅင္စအေရဝ္အဲညိ” သာ္ဝြံ အၥာပၠတ္ေပၠင္ဂွ္ ေကႅင္ဟီုဏာရ၊ အခါဂွ္ ကၜပရမ္ဂွ္ “ဟာ… စှစေဗွ္ဗၥဂွ္ အဲေလဝ္စဟြံေတွ္” သာ္ဝြံ သၢးဏာတုဲ “ေအေလဝ္… ဆႏၵေဗွ္ဟြံမြဲေတွ္ အေတင္အဲဟြံမိက္စကာရ၊ ေအ… ဗီုပဿိက္ေဗွ္ကႝုေဗွ္ မိက္ဂြံဒုင္ေကၜာဝ္ဗ်ဳႝေတွ္ အဲေလဝ္သၸဟြံမာန္ရ” အၥာပၠတ္ေပၠင္ဂွ္ ေကႅင္ဟီု ဏာကုကၜဂွ္ရ၊ မြဲအဆက္ဓဝ္ အၥာပၠင္ေပၠင္ဂွ္ ေကႅင္ေသာင္ကႅးဏာကႝုေကာန္ကြးညးေတံ သာ္ဝြံရ၊ “ဢဏံ ဗီုလႝုၿပံင္သၜာဲကၜဳင္မာန္ ဂွ္ေရာ… မြဲေႏွံညိ ေဗွ္တံသီုဖအိုတ္ ေသၢာံဆႝု ေသၢာံညာတ္ရ၊ ပင္လဝ္မုက္ဗီုဏံတုဲ ဗ်ဳႝတဟင္စှေပင္ကၜဳင္ဟြံေသင္ပုဟ္။”

ကၜပရမ္ဂွ္ ဗ်ဳႝတဟင္ဒဿံင္ဗြဲမေလာန္ရ၊ ဘဝဗက္ဂၜာဲကိတ္သၛာဲစၐိုင္ပွ္ ၿဂာဲတံဗြဲမျပဟ္ေျပဟ္ဂွ္ နကႝုလှီေအာန္စိုတ္ ညးေတံခ်ပ္ဂြံဒဿံင္ ဖိုဟ္ရ။

စိုပ္တၛဲဒုတိယ။  ။ အၥာပၠတ္ေပၠင္တိရစၧာန္ကႝုေကာန္ကြးမြဲသၠံ ေကာံစိုပ္ကၜဳင္လၸာ္ဂတမုက္သၛိစာတ္ကၜပရမ္ဂွ္ရ၊ “ဗီုလႝု ဢဟြံဗ်ဳႝဏီ ဟာ မုစှေလဝ္ဟြံဂြံစမြဲသာ္ ဒုင္ဒဿံင္ဘဲဒဏ္ဗ်ဳႝတဟင္ဖိုဟ္ဟာ ဗ်ဳႝဒဿံင္ေဏာင္ ဟီုဗက္ဟြံဂတာပ္ ဂတမုက္ေဗွ္ ဖ်ဳန္ပွ္ သြက္ေဗွ္ ေသၢာံစ စိုပ္ထဝဲါဂွ္ရ၊” သာ္ဝြံ အၥာပၠတ္ေပၠင္ဂွ္ ဟီုကႅးရ၊ အေဃာဂွ္ ကၜဂွ္ ကဟ႘ကှပ္ဒဿံင္တုဲ သၛိတ္ျဇဒဿံင္ရ၊ အၥာပၠတ္ေပၠင္ဂွ္ “အတိုင္ အဲဟီုဂွ္ေကၜာန္ ဓီုဓီုထုဲထုဲ အအဠဵဠဵ ညိလၸသၸဒဿံင္ဏး လဿဳဟ္ေဗွ္ေသၢာံစဖဲဖဲ

                                       “စိုတ္လၸျမက္ေလဝ္”
                                အဲစကာေဗွ္ဂွ္
                                ကေမၜာန္ဒးေကၜာန္
                                ေလာဲေလာဲမြဲရ၊ လဿဳဟ္ေဗွ္ရံင္စမ္
                                ဘဝေဗွ္ဂွ္ ဒးဒုင္ၿခဳိင္လဝ္
                                နကႝုပသဲ
                                ကႜဳိင္ထပ္ကႝုထပ္ေဏာင္
                                ဂြံမြဲေႏွံညိေတွ္ အဲစကာေဗွ္
                                “ဒတူ” ဟီုေတွ္ ေဗွ္ေလဝ္
                                “ဒတူ” ဗက္မၢး
                                ေတွ္တုဲဟဂွ္ရ”

ဟဂွ္ေဏာင္” ဒးအေရဝ္အၥာပၠတ္ေပၠင္တုဲ ကၜဂွ္ သာ္ဝြံ ပံက္တိုန္ပါင္ရ။

“အဲဗ်ဳႝဒဿံင္ေကြံေကြံရ” ဂြံမိင္ဂလာန္ကၜပရမ္ဂွ္တုဲ အၥာပၠတ္ေပၠင္ဂွ္ ၿဂဳိင္တိုန္ရ၊ တုဲမွ “နကႝုတင္ဏံေဟင္ ဢဏံလုပ္အာပႜဲပြန္ဣယ် နဲလႝုေလဝ္ ကၜဳင္ဟံင္ျပာ္ဟြံမာန္ရပုဟ္” အၥာပၠတ္ေပၠင္ဂွ္ ေသာင္ကႅးဏာကုေကာန္ကြးဂမၜဳိင္ရ၊ မြဲေႏွံညိ နကႝုအမိင္ညးေတံ မြဲပါင္ေဟင္ ကၜပရမ္ဂွ္ ဂြံကိတ္သၛာဲစဖ်ဳန္မြဲဗုင္ဟဂွ္ရ။

မရႏုက္တိတယ။  ။ “တၛဲဏံ ေဗွ္မိက္ေသၢာံစစှေတွ္ အတိုင္အဲေစှာန္ ေဗွ္ဒးေကၜာန္ေဏာင္” သာ္ဝြံ အၥာပၠတ္ေပၠင္တိရစၧာန္ဂွ္ ဟီုသၢးဏာကႝုကၜဂွ္ရ။

“အဲဒုင္အသံပါင္ဇကုဟြံမာန္ပုဟ္” ကၜေကႅင္ကယ်ာန္ဏာရ။
“စိုတ္လၸျမက္ေလဝ္” အဲစကာေဗွ္ဂွ္ ကေမၜာန္ဒးေကၜာန္ေလာဲေလာဲမြဲရ၊ လဿဳဟ္ေဗွ္ရံင္စမ္ ဘဝေဗွ္ဂွ္ ဒးဒုင္ၿခဳိင္လဝ္ နကႝုပသဲကႜဳိင္ ထပ္ကႝုထပ္ေဏာင္ ဂြံမြဲေႏွံညိေတွ္ အဲစကာေဗွ္“ဒတူ”ဟီုေတွ္ ေဗွ္ေလဝ္“ဒတူ”ဗက္မၢးေတွ္တုဲ ဒွ္ဟဂွ္ရ၊” အၥာပၠတ္ေပၠင္ဂွ္ လဵထၞးဏာရ။

“ဟာ... စကာၐိုတ္ဏံရေတွ္ ေလာဲေလာဲရ၊ အဲညာတ္ေဗၜတ္တုဲ ဒုင္ေအင္စှဟြံဂြံ” ရဵဝြံ ကၜပရမ္ဂွ္ ေကႅင္ဗၥာတိုန္အပႜဲစိုတ္တုဲ ေဖ်ံဏာသၢဳတ္သြာတ္ရ၊ နဴကႝုဏံတုဲ ညးေတံဂွ္ ဒးဒုင္အာ ပြမေဒက္ေကၜင္ထပ္ကႝုထပ္ရ၊ “ဒတူ” သာ္ဝြံ အၥာပၠတ္ေပၠင္တိရစၧာန္ဂွ္ ကႝုစမ္ရံင္အမိင္ကာတ္တ္ရ၊ အခါဂွ္ ကၜပရမ္ေလဝ္ ဒတူတိုန္ထဝဲါဂွ္ရ၊ အၥာပၠတ္ေပၠင္မိပ္ျမဟ္အာဗြဲမေလာန္တုဲ “ခိုဟ္ေကြံရ” ရဵဝြံ ထိုင္သးရဵကၜပရမ္ရ၊ ကၜပရမ္ဂွ္ မိပ္အာစိုတ္ရ၊ တဟင္ဗ်ဳႝမံင္စှေကြံေကြံကီုရ။

“ေဗွ္တံရံင္စမ္ ပိပန္တၛဲပၜန္မၢး ကၜၜပရမ္ဏံ ဒွ္အာကၜစကၡဴေဏာင္” အၥာပၠတ္ေပၠင္ဂွ္ ဟီုကႅးဒဿံင္ကုေကာန္ညးေတံဂမၜဳိင္ရ။

မရႏုက္ကႝုစတုတၴ။  ။ “အဲဗ်ဳႝအာတဿာဂလိုင္ရ၊ ကႝုအမိင္ကႝုအဲ”ဒတူ”ဂြံရအဵ သာ္ဝြံ ကၜပရမ္ဂွ္ အာတ္ပါန္အေခါင္ ကုအၥာပၠတ္ေပၠင္ တိရစၧာန္ဂွ္ရ၊ “ဆႝုေသင္ဟာ… ေကာန္ကြးတံ အလန္ဏံ ဢကၜပရမ္ဒးအာစိုတ္အဲကႝုအမိင္ယ်” အၥာပၠတ္ေပၠင္ႀကဳီထၞးဒဿံင္ကႝု ေကာန္ကြးညးေတံရ၊ တုဲမၢး ညးမဒွ္အၥာဂွ္ “ေကွ္တၛဲဏံ ဢဒးကေရဲဗီုဗၢဲေလပ္မွ ေသၢာံစစှ၊ ကၜေပၲာံဗီုဗၢဲတုဲ ကေရဲစမ္” သာ္ဏံ ကႝုဏာအမိင္ရ၊ ကာလဂွ္ ကၜပရမ္ဂွ္ ကၜတ္ေပၲာံဗီုဗၢဲတုဲ ကေရဲဏာရ၊ “ဟာဢဏံ ကၜေပၲာံဗီုညးတှဟ္ေလဝ္ဟြံဒွ္ ဍဳိန္ေလာန္ရ၊ “ဗီုဏံဟာ ကေရဲဗီုဗၢဲဂွ္” အၥာပၠတ္ေပၠင္ဂွ္ မွာတ္ေထာံကႜဳိပ္မြဲလၲန္တုဲ နကႝုရမ်ာင္ပၲဳိန္ဒုဟ္ေဟင္ သဿာန္ဏာရ၊ ကၜဂွ္ ဟိုတ္ညးေတံ ဒးဒုင္ဗ်ိေဒါန္တုဲ ဟြံယွအ္ဇဲ ထပ္တုဲ  ကေရဲေပၲာံဗီုဗၢဲမြဲလၲန္ပၜန္ရ၊ ဆဂး အလန္ဏံေလဝ္ ဗီုကၜာဂွ္ရ အၥာပၠတ္ေပၠင္ဂွ္  “ေဒံါ ေဒံါ ဗႝုဟြံေက်ဝ္ပုဟ္ ဗီုေဗွ္ကႝုေဗွ္ ပၠတ္ေပၠင္ေကတ္ရ၊ တၛဲယးမွ အဲကၜဳင္ဗႝုပၜန္ ေအ… ယဝ္ရကၜတ္ေပၲာံေလဝ္ဒွ္တုဲ ကညာင္ကေရဲ တုပ္ဒဿံင္ကႝုဗၢဲမၢး ေဗွ္စစှဂြံရ၊ သာ္ဂွ္ဟြံေသင္ပုဟ္ေတွ္ သြက္ေသၢာံစစှဂွ္ ဂၜံင္ဟြံမြဲရ” သာ္ဝြံ ဗဟိတ္ဏာရ။

တုဲမၢး အၥာပၠတ္ေပၠင္ဂွ္ နကႝုမုကၡဝါတီုတီု အေယာင္အလာဗီုဟြံသႜဳိက္မၜဳိက္ေဟင္ တိတ္အာနဴခ႐ိုင္ကၜဂွ္ရ၊ လကၠရဵအၥာဂွ္ ေကာန္ကြးဂမၜဳိင္ေလဝ္ ၿဂဳိင္တိတ္ “ဟာ…ဟာ…ဟ…” ဗက္ကၜဳင္ကေရာံအၥာရ၊ ကၜပရမ္ဂွ္ ကၜပရမ္ဂွ္ေအာန္စိုတ္လင္ေဇြာဝ္ ဗြဲမဂၜဳိင္တုဲ ဗွ္သှာဒဿံင္ ဇေရင္ၿဂဳိပ္ဂှိင္သာယာေတံရ၊ ဗၵာဲခ႐ိုင္ညးေတံဂွ္ တှံဆုႏြံတဿာဂလိုင္ ဆဂး ၿဂဳိပ္ဟြံေသင္ ၿဂဳိပ္ဂှိင္ဟီုဂွ္ ေတ… ဌာန္ ဇေမၛာဲေတံ…။

မရႏုက္ကႝုတၛဲပၪၥမ။  ။ စိုပ္တၛဲဏံ အၥာပၠတ္ေပၠင္တိရစၧာန္ဂွ္ “ကၜဳင္ဂတမုက္ဏံစမ္ မုသၸဒဿံင္တှဳင္ေတံဂွ္ေရာ၊ တၛဲဏံ ေဗွ္ကညာင္ေရဲ ဗီုရမ်ာင္ဗၢဲေလဝ္တုပ္ေဏာင္ေတွ္  နာေသၢာံစဖ်ဳန္လတ္တ္ဖတ္တ္ကေလာံေဇှာ္ေဏာင္” သာ္ဝြံ ဟဍာတ္ဏာဍာ္ကအ္ကၜဂွ္ရ၊ မြဲေႏွံညိ ကၜဂွ္ ဒံင္သၜာ္ကေရဲတိုန္ဗီုဗၢဲ၊ အၥာကႝုေကာန္ကြးဂမၜဳိင္ေလဝ္ ခအဵတက္တိုန္ ပၲဳိန္စရာဲကၜပရမ္ရ၊ “ဟာ… ဢကၜဏံ ေကတ္ေကြံေကြံမြဲလၲန္ ဗီုေဗွ္ကညာင္ကေရဲဂွ္ေလဝ္ တုပ္ကႝုရမ်ာင္ဗၢဲ ၐံင္တဿိဂြံ(၂)ဂိတု ေကြံရ” ရဵဝြံ အၥာဂွ္ ဗြဲမမိပ္ျမဟ္ ဟီုကႝု ကၜပရမ္တုဲ ကၜဟ္ဏာကႝုဖ်ဳန္မြဲကေလာံ ေဇှာ္ေဇှာ္ရ။

မရႏုက္ကႝုတၛဲဆ႒မ။  ။ အၥာပၠတ္ေပၠင္ဂွ္ စိုပ္ကၜဳင္ဗၵာဲခ႐ိုင္ကၜပရမ္ဂွ္ဟြံဂတာပ္ ကၜပရမ္ဂွ္ ကေရဲတိုန္ဗီုဗၢဲ ျမက္က္ဇက္က္ရ၊ ဆဂး မုအၥာဂွ္ဟြံေကႅင္ဟီု သၸဒဿံင္ညံင္ကႝုခ်ပ္ဒဿံင္ရ၊ ကၜပရမ္ဂွ္ ညာတ္အာအကာဲအရာအၥာဂွ္တုဲ “ဗီုဗၢဲကေရဲဂွ္ အဲကညာင္ ကေရဲတုဲရ” သာ္ဏံ သၢးတိုန္ရ။

“ဗီုဗၢဲတုဲအာယ်ေတွ္ အလန္ဏံ ဒးကေရဲေပၲာံကႝု ဗီု”သိုဝ္”ေဏာင္ အၥာပၠတ္ေပၠင္ဟီုဏာဗီုဏံဟြံဂတာပ္ ကၜဂွ္ေဒါသတိတ္တိုန္တုဲ “အဲဂွ္ကၜေဏာင္ အပႜဲၿဂဳိပ္ေတံ တိရစၧာန္အလုံၿဂဳိပ္မြဲ ဒးေဖက္ဒဿံင္အဲေဏာင္ လဿဳဟ္မိက္ေသၢာံကႝုအဲ ကၜတ္ေပၲာံဗီုရမ်ာင္”သိုဝ္” ကေရဲပၜန္ဟာ အလန္ဏံ ညိအဲဟြံေကၜာန္ပုဟ္ ခ်ဳိတ္အာဟေဍံရ။”

အၥာပၠတ္ေပၠင္ဂွ္ မိင္ဒးဂလာန္ကၜတုဲ အေရဝ္မြဲပါင္ဟြံဟီု ျခာတိတ္အာနဴခ႐ိုင္ကၜဂွ္ရ။

မရႏုက္ကႝုတၛဲသတၲမ။  ။ အၥာပၠတ္ေပၠင္တိရစၧာန္ဂွ္ စြံလဝ္မုကၡဝါဍာတ္တ္ အီအီတၛက္က္တုဲ စိုပ္ကၜဳင္ဂတမုက္ခ႐ိုင္ကၜဂွ္ရ၊ “ဗီုလႝုဢ ဟြံမိက္စစှရဟာ” သဿာန္တိုန္ကၜဂွ္ သာ္ဝြံရ၊ “စှဟီုဂွ္ အဲမိက္ေသၢာံစတြဳႝရဒွ္” ကၜဂွ္ ေကႅင္ဟုီရ၊ တုဲမၢး ကၜဂွ္ဂၥါန္ကူခ်ပ္ဒဿံင္လၸာ္ၿဂဳိပ္ ဂှိင္ေတံရ၊ ဆဂး အပႜဲကႜဟ္ညးေတံ မုေလဝ္ဟြံမံက္ကၜဳင္တုဲ ခ်ပ္ဟြံတိတ္ရ၊ ဟိုတ္ဂွ္ရ ညးေတံတဿာတ္ေထာံမတ္ၐါဒိုဟ္တုဲ ကညာင္ကေရဲစမ္ရံင္ ဗီု”သိုဝ္”ရ၊ အၥာပၠတ္ေပၠင္သၛ႘ဗႝုရံင္ဒဒိုက္ကၜဂွ္တုဲ “ညိေလဝ္ ကၜတ္ေပၲာံဟြံဂြံဏီပုဟ္ ဆဂး ဗီုလႝုဒွ္ဒွ္ တၛဲဏံ ကႝုစဖ်ဳန္မြဲကေလာံ ေဍာတ္တ္ရ” သာ္ဝြံ ကႝုဏာသြဟ္ရ။

မရႏုက္ကႝုတၛဲအ႒မ။  ။ အလန္ဏံ အၥာပၠတ္ေပၠင္ဂွ္ “စနဴအခိင္လဿဳဟ္တုဲ အဲတြံကႝုဓရ္ေဏာင္ ေဍာင္ဓရ္အဲကလိုဟ္ဗက္ဂွ္ ေဗွ္ဒးခအဵ တက္ကႝုတဲေဏာင္” သာ္ဝြံ ညးေတံဟီုဗၠန္ဏာကႝုကၜပရမ္ ရ၊ “အဲတက္တဲသဿးရဏးေလပ္” ေကႅင္သၢးဏာရ၊ တုဲမၢး အၥာပၠတ္ေပၠင္တိရစၧာန္ဂွ္ “ယြံညးဍဳင္ကြာန္တံဂမၜဳိင္အဵ… ကၜာဟြံဂြံစိုပ္အဏံဏီ ကိုပ္ကၜာေတံ စပ္ကႝုျပသှာကံကုသႝုတုဲ တင္ဒတူလိုင္ပ႙ု ပ႙ုေသာင္ကႅးကၜဳင္ဂၜဳိင္င္ကႝုဝါတုဲ အာဒဿံင္ကီုရ၊ လၲဴတင္ဒတူလိုင္ပ႙ုဂွ္ ဗိုန္ဇဿအ္ဒဿံင္တုဲ ပိုတ္သၠဳတ္ဒဿံင္ရ၊ လၸာ္သှတံ နကႝုျပယာဲလႝုလီစှာဲ ကၜဳင္လီစှာဲ ကၜဳင္ၿပံင္သၜာဲေထာံပ႙ုဟြံမာန္ပုဟ္ ဟိုတ္ဂွ္ရ နကႝုဓရ္ပေတွ္ ဗိုန္ဇဿအ္ဝြံေဟင္ ေပဲါအံင္ဇှးပ႙ု ဒးကႅိဂြံဨကန္ေရာင္” ဂလာန္သာ္ဝြံ စပၲံတုဲဟီုဏာရ အခါဂွ္ ကၜပရမ္ဂွ္ “ဂလာန္နာဲ အဲဟြံကၜဳိဟ္လးလး

“ေဟံ… ကၜပရမ္ ဢၾကအ္ဒဿံင္ဟာ တာလ်ဳိင္ဢဂွ္ မုအဲဟီုဟီု ဒးကႅင္တုဲ ဂလာန္အဲအိုတ္ေတွ္ ဒးတက္တဲကႝုျဇဟတ္ေဟင္ရ” အၥာပၠတ္ေပၠင္ဂွ္ ဟီုကႝုသတိကုကၜရ။

“ေဒံါကႝုမြဲလၥဳတ္ညိအဵ အဲဂွ္ မုေလဝ္ဟြံေလပ္လိက္ပတ္ရ၊ ဒွ္မှိဟ္သုညမြဲေရာင္၊ ဂလာန္နာဲဟီုဂွ္ ဍဳိက္ေပင္ကႝုၾကက္႐ွ္သာေလာန္ အာတုဲ ဟီုတက္တဲမၢး ဒးတက္တဲရ၊ ဟြံကၜဳိဟ္လးလးရ” ကၜဂွ္ ေကႅင္ေသာင္ကႅးဒဿံင္ကုအၥာဂွ္ရ။

ကၜပရမ္ဂွ္ေလဝ္ အတိုင္အၥာဂွ္ဟီု တက္ဒဿံင္တဲဖိုဟ္ရ၊ ဆဂး အၥာပၠတ္ေပၠင္တိရစၧာန္ဂွွ္ “မှိဟ္ပပှစဒွ္ဂွ္ အဲကႜဳဟ္ေမၜံေကြံေကြံေဏာင္ ဟိုတ္ဂွ္ရ နတပ္ဒါန္ေဟင္ တၛဲဏံ ကႝုေဗွ္စစှဟြံမာန္ရ” သာ္ဝြံ ကႝုဏာဒုဟ္ရ။

မရႏုက္ကႝုတၛဲနဝမ။  ။ အၥာပၠတ္ေပၠင္တိရစၧာန္ဂွ္ ယႝုယိုက္နင္ေခ်ာဲမြဲဂအုံတုဲ ကၜဟ္ဏာဇေရင္ကၜပရမ္ဂွ္ရ၊ “ေကွ္… စဂြံရ” ေစှာန္။ “ဟာ! မုစှေရာ ပ႙ုဂွ္သတ္စဖ်ဳန္ညးေဏာင္” ကၜဂွ္ တးပဲါတုဲ ဟီုဏာကုအၥာပၠတ္ေပၠင္ဂွ္ရ၊ “ေကွ္… စနဴကႝုတၛဲဏံတုဲ ဢစေခ်ာဲမာန္ ရ” အၥာပၠတ္ေပၠင္ဂွ္ ေသာင္ကႅးရ။

ကၜပရမ္ေလဝ္ အသိင္ဗ်ဳႝတဟင္ဒဿံင္ဂွ္ ဟာဲစစမ္ရံင္ေခ်ာဲညိရ၊ အခါဂွ္ ဟိုတ္နဴ႐ွ္သာေခ်ာဲတုဲ အပႜဲကအ္ညးေတံ ၿပံင္သၜာဲအာေဇှာ္ ကႝုျဇဟတ္ရ၊ “စပေရံဗြဲမေလာန္” ဆဂး ဟြံလအ္ကႜင္ပုဟ္ ညးေတံေကႅင္ေဂတ္ကၜဳင္ လၸာ္ေခ်ာဲဂအုံဂွ္ရ၊ တုဲမၢး “ေခ်ာဲဝြံ ငၛိတ္စဂြံ ဒဿံင္ဍာံဍာံေရာင္” ညးေတံတီကၜဳင္ သိုက္က္ရ။

မရႏုက္ကႝုတၛဲဒႆမ။  ။ စိုပ္တၛဲဏံ အၥာပၠတ္ေပၠင္ကီု ေကာန္ကြးညးေတံဂမၜဳိင္ကီု ကၜပရမ္ကီု ခ႐ိုင္ကၜဂွ္ကီု သီုဖအိုတ္ ညးမြဲဂၜာဲဟြံဆႝုရ၊ ကၜပရမ္ဂွ္ ဒွ္အာကၜေကာန္ဍဳင္တုဲ ခ႐ိုင္ကၜဂွ္ ဒွ္အာေဢာံဍဳင္မြဲရ။

(ကၜာဲေစၜာံနဴဝတၲဳဇေမၜံ နဴဍဳင္သ႘ရိယ်ာ မြဲပိုဒ္ရ၊ အၥာခ်ဴလိက္ဂွ္ ေဇအ္ခါရ႘ယ်ာတိုင္ေမဝ္ မဒွ္ရ၊ ဝတၲဳဇေမၜံဝြံ ဓမံက္ထၞးလဝ္ပႜဲ မဂၢေျဇန္ ကၜာဲဘာသာ (ပၲိတ္လဝ္နကႝုဘာသာႀကဳက္) ေလဿဿင္(၁)၊ သှာံ(၂၀၀၅)၊ နဴကႝုမူကၜာဲပၲိတ္လဝ္ နဘာသာဗဿာဂွ္ ေကႅင္ကၜာဲ လဝ္ဘာသာမန္ရ။

:: Home | To Top ::