ဒွ္မှိဟ္နဴကႝုမိမ နာဲအံင္ေဒါန္၊ မိယွဳ႙ေဏွတ္ ပႜဲကြာန္ကဒႝု သကၠရာဇ္-၁၂၇၉-သှာံ ဂိတုျမကၠသႝု-၂-ေစြက္ (၃၀-၁၁-၁၉၁၇) တုဲ ဒႝုကႝုအံင္-၆-တန္ ေဗၲာန္ပညာပႜဲဘာဗဿာ ကြာန္ကဒႝုရ။ လတုဲပၜန္ ဆက္ေဗၲာန္ပညာ စနဴတန္ စတုတၴ ပႜဲဘာအလႝုအသ႘ အဂၤလိက္-ဗဿာ ကဆံင္သၜဳင္ ပႜဲဍဳင္မတ္မလီုရ။ အေဃာေဗၲာန္မံင္ပညာဒၥာံတန္ သှာံ-၁၉၃၅- ဂွ္ ကြးဘာတန္ေဇှာ္ နဴကႝု(၉-၁၀)တန္တံ ဟိုတ္နဴဟြံဒးပဿိက္စိုတ္ကႝုအၥာေဢာံအဂၤလိက္ Miss. Bodeker တုဲ စႏၵက္ ကၜဳင္ကြးဘာတန္ေဍာတ္တ္တံ သြက္ေသၢာံဗကပ္ဗေဗင္အလုံမြဲဘာဂွ္ ပါလုပ္အာကီုရ။ အတိုင္ကြးဘာတံ အာတ္မိက္ လဝ္အၥာေဢာံဝြံ ဒးဒုင္ၿပံင္ပဆုဲခါန္ကှက္ ပႜဲဘာတှဟ္ဟ္မြဲဘာရ။

သကၠရာဇ္-၁၉၃၅-၁၉၃၆-သှာံ ကြးဘာတန္သၜဳင္တံ သြက္ေသၢာံဒက္ဂေကာံသမဂၢကြးဘာဂွ္ အာတ္မိက္ပတိုန္ထၞးကီု ေလဝ္ အၥာေဇှာ္ဟြံကႝုအေခါင္ ဒက္ဂေကာံပႜဲကဿာင္ပရဝိုဏ္ရ။ အေဃာပါလုပ္ေကၜာန္ဒဿံင္သမဂၢကြးဘာ ဒက္ပၲန္လဝ္မၛး ကဿာဘာဂွ္ ယိုက္ေဂၜင္ကၜဳင္ ေကတ္လဝ္တာလ်ဳိင္နဒဒွ္ညးအုပ္ကာမြဲတုဲ အၥာေဇှာ္ေစာဲဒုဟ္ ဒွ္မှိဟ္ဆဝ္မၛဳဟ္ကြးဘာတံ သြက္ေသၢာံဗကပ္ဗေပင္ရ။ ေပဲါသဿာန္သွ္လိက္ပတန္ပတန္ သှာံ-၁၉၃၆- ဂိတုမာခ်္ဂွ္ တုဲအာတုဲ အၥာေဇှာ္ပည႘ပညပ္ ကႝုသဿိင္ေဇှာ္ပညာ Mr.Juinlin စကာနဲၿပံင္ဘာ ထပက္စဿတ္တဲတုဲ ဒးဒုင္ပတိတ္ေထာံဘာနနဲသာ္ဂွ္ရ။ နကႝုအစ႘ဇန္ အၥာေဇှာ္ Mr. Todd ေကုာံ သဿိင္ေဇှာ္ပညာ Mr. Juinlin တံ ပတိတ္ေထာံဘာဂွ္ ဒစႝုဒစးတုဲ ကေမၜာန္ အၥာေဇှာ္ၿပံင္ ေထာံဘာဂွ္ သြက္ဂြံႏုက္ပလီုကႝုမာန္ ပတိုန္လိက္ဒုင္ဂုဏ္ပႜဲဝန္ေဇှာ္ပေရင္ပညာရ။ သကၠရာဇ္-၁၉၃၆-သှာံ ဂိတုဂ်ဳန္ အခိင္ပံက္ဘာ အေဃာၿပံင္စိုပ္ေဗၲာန္မံင္ပညာပႜဲဘာလႝုအသ႘ကဆံင္သၜဳင္ဍဳင္လၢဳင္ဂွ္ ဝန္ေဇှာ္ပေရင္ပညာ ပတိတ္ အမိက္ကႝုအၥာေဇှာ္ သြက္ဂြံဒုင္တုဲကြးဘာဒးဒုင္ပတိတ္လဝ္တံဂွ္တုဲ ဂြံေကႅင္ကၜဳင္တိုန္ ဘာအလႝုအသ႘တန္သၜဳင္ ဍဳင္ မတ္မလီုပၜန္ရ။

သှာံဗိုလ္အံင္က်ဝ္ စုတိအာ သကၠရာဇ္-၁၉၃၈- အေဃာကြးဘာဗကပ္ဗေဗင္အလုံမြဲဍဳင္ဂွ္ သြက္ေသၢာံဂြံၾသန္ဂအုံ နဴေဒသကဒႝု၊ ကအ္ႏွာတ္ သြက္ဒပ္ဗကပ္ဗေဗင္မတ္မလီုဂွ္ ႐ီုဗင္ေရင္တၜဳင္ကႝုရ။ ေပဲါဗကပ္ဗေဗင္တုဲအာတုဲ လုပ္သွ္ ေပဲါသဿာန္သြဟ္လိက္စွ္တန္ သှာံ-၁၉၃၈- ဂိတုေမဂွ္ အံင္နကႝုဂုဏ္ေတဿင္ ဘာသာသခၤ်ာ ေကုာံ ဘာသာသခၤ်အပႝုတုဲ ဂြံလာပ္သကဝ္လာေယွပ္(Collegiate Scholarship) သြက္အေခါင္ေဗၲာန္ပညာတကၠသႝုလၢဳင္(၅)သှာံ နကႝုၾသန္ အထံက္ပင္မြဲတုဲ ၾသန္(၃၅ိ)ေဒၠဝ္ရ။

အေဃာဘဝကြးဘာတကၠသႝု လုပ္ေကၜာန္ခ်႘ဒရာင္ပႜဲဂေကာံေဗာ္သြးမန္ အလုံဍဳင္ရာမည(ရာမညတုိင္းလုံး ဆိုင္ရာ မြန္အဖြဲ႕ခ်ဳပ္) ဒက္ပတန္လဝ္ သှာံ-၁၉၃၉- ဂိတုအဝ္ဂါတ္(၆)ဂွ္သဿးဟြံက ညးမဒွ္ညးအုပ္ကာနာနာ မန္ေဖတိင္ ေကုာံ ဒံက္တာသိင္ေထာန္အံင္ (ဒံက္တာတိင္နံင္)တံ ဒက္ပတန္လဝ္ပႜဲဂေကာံသဿတ္မန္ဍဳင္လၢဳင္ဂွ္ေလဝ္ ပါလုပ္ေရင္ တၜဳင္ ေကၜာန္ကၜဳင္ကီုရ။

အံင္ဇှးကၜဳင္ တန္ဥပစာ သွ္လဝ္သှာံ-၁၉၄၀- ဂိတုမာခ်္ဂွ္တုဲ အေဃာဆက္ေဗၲာန္မံင္ပညာ တန္ဂုဏ္ေတဿင္ ဘာသာ ဓါတုေဗဒသှာံပထမဂွ္ ဟိုတ္နဴပှာန္ဂၜးကဝ္ဒုတိယ စဒွ္ကၜဳင္သှာံ-၁၉၄၀- ဂိတုဒ႘ေျဇမ္ပါဂွ္တုဲ ဘာတကၠသႝုတဿာတ္အာ ရ။ ဘာတကၠသႝုဂွ္ ေကႅင္ပံက္သှာံ-၁၉၄၄-၁၉၄၅- ေကႅင္တိုန္ဘာပၜန္တုဲ လုပ္သွ္ေပဲါသဿာန္သြဟ္ လိက္သှာံလကၠရဵ အိုတ္ (သြက္မဟိမုဒ႘ကရ႘သိပၸံ) သှာံ-၁၉၄၅- ဂိတုမာခ်္ဂွ္ အံင္ဇှးကၜဳင္ရ။

ပှာန္ဂၜးကဝ္ဒုတိယတုဲအာတုဲ အေဃာယိုက္ေဂၜင္တာလ်ဳိင္ ညးအုပ္ကာနာနာ ဂေကာံေဗာ္သြးမန္အလုံဍဳင္ရာမည ေကႅင္ခ်႘ဒရာင္ကၜဳင္ပၜန္ဂွ္ နဴကႝုဂေကာံ ပအပ္ကႝုတာလ်ဳိင္ ဂအုပ္ပညာေဒသက်ာ္ခမ႘(၈)ပြဳိင္ဍဳင္ သြက္ေသၢာံေဗၲာန္ လိက္မန္ပႜဲေဒသမန္ ပႜဲဘာမန္မာန္ ယိုက္ေဂၜင္ကၜဳင္နဴစသှာံ-၁၉၄၇- ဒႝုစိုပ္ -၁၉၄၉-သှာံရ။ အခိင္ဂွ္ပၜန္ ေကတ္တာ လ်ဳိင္ညးအုပ္ကာခ႐ိုင္က်ာ္ခမ႘ သြက္ဂေကာံေဗာ္သြးမန္အလုံဍဳင္ရာမညပၜန္ရ။ အေဃာယိုက္ေဂၜင္မံင္တာလ်ဳိင္ ဂအုပ္ပညာဂွ္ ၐိုန္ဒးဒုင္႐ုဲစွ္ သြက္ေသၢာံအာကတ္လၛတ္ပညာပႜဲတကၠသႝုမ႘ခ်႘ဂါန္(Michigan University) ဍဳင္အေမရိ ကာန္ေတံကီုေလဝ္ ဟိုတ္နဴပါဒဿံင္ပႜဲဂေကာံပၜန္ဂတး ရပ္လြဟ္မန္သဿဝ္တိ ကေရာံပေရင္ခ်႘ဒရာင္မန္၊ ကေရင္ သှာံ- ၁၉၄၉-ဂွ္တုဲ အေခါင္လၛတ္ပညာပႜဲဍဳင္သၟာင္ဂွ္ ဒးဒုင္ေဆာံေလင္အာရ။

နဴစသှာံ-၁၉၄၉- စႝုကႝုစိုပ္သှာံ-၁၉၅၈-ဂွ္ ယိုက္ေဂၜင္တာလ်ဳိင္ နဒဒွ္မှိဟ္တာလ်ဳိင္ပေရင္ဆက္ေဆာံဍဳင္သၟာင္ ပၜန္ ဂတးရပ္လြဟ္မန္ ပႜဲျဗဝတ႘(ျမဝတ႘)ရ။ (ေဆင္စပ္ကႝုတာလ်ဳိင္ အၾကာသှာံ-၁၉၄၉-ကႝု-သှာံ၁၉၅၈-ဂွ္ ဆက္ဗွ္လၛတ္ ပႜဲဒါယ္ယ်ာရ႘ဗြဲခေမှာန္ေတံညိ။

သြက္ပေရင္ဆက္ေဆာံဍဳင္သၟာင္ သှာံ-၁၉၅၀-ဂွ္ ေရင္တၜဳင္ကၜဳင္ နဒဒွ္မှိဟ္တာလ်ဳိင္ ပႜဲ႐ုင္ညးစှးမန္၊ ကေရင္ ပံက္ လဝ္ပႜဲဍဳင္ၐံင္ကံက္ရ။ သြက္ဂြံပေသာင္စရင္ စရိတ္ရပ္စပ္ သၜဳဲအိုတ္ ပႜဲ႐ုင္ဆက္ေဆာံပေရင္ဍဳင္သၟာင္မန္၊ ကေရင္တံ တုဲ သှာံ-၁၉၅၁- နဴဂိတုေသပ္ေထမ္ပါ ဒႝုကႝုစိုပ္ ဂိတုဒ႘ေျဇမ္ပါ စိုပ္ဒဿံင္ပႜဲဖါေပါန္ရ။

ဂေကာံနာဲအံင္ေထာန္ ေကုာံ ဂေကာံနာဲေထာန္မိုင္တံ သြက္ေသၢာံဂြံပေရင္ည႘သဿဟ္ညးသၠံ ရန္တဿံတုဲ သှာံ-၁၉၅၂- ဂိတုေဖဖဝ္ဝါရ႘ဂွ္ ဒက္ဂေကာံဒပ္ပံင္ေကာံမန္ ဌာနေဇှာ္ ပႜဲကြာန္ပရအ္ေကတ္တာလ်ဳိင္ယိုက္ေဂၜင္ကၜဳင္ နဒဒွ္ညးအုပ္ ကာနာနာပႜဲဒပ္ပံင္ေကာံရ။ သှာံ-၁၉၅၂- ဂိတု ဒ႘ေျဇမ္ပါဂွ္ ထပ္တဲကႝုမိေခန္ထု႙ ပႜဲဇှဴဗႝု(ဗိုလ္တဲ)ျဗဝတ႘ရ။ သှာံ- ၁၉၅၆- နဴကႝုတမ္ဒပ္ပံင္ေကာံ ၿပံင္သၜာဲဒွ္အာ မြဲဂေကာံမြဲပါတ႘ ေဗာ္ပၜတရဵဍဳင္မန္တုဲ ဆက္ေကတ္တာလ်ဳိင္ ဒု-ဥကၠ႒ ရ။

မန္၊ ကေရင္၊ ဗအိုဝ္၊ ကေရင္ဍာဲတံပါတုဲ သြက္ဂြံဒက္ပတန္ေဗာ္ည႘သဿဟ္ေကာန္ဍဳင္အရင္ ဒ႘မဝ္ေရေတတ္ဂွ္ သှာံ- ၁၉၅၆- ဂိတုေအၿဗဵ(၂)ေကၜာန္ဗဒွ္သဘင္သ႘ကၜ႘ပႜဲကြာန္ေခဝ္ဒါ ဗၵာဲဖါေပါန္ ဒှာဲဥကၠ႒သဝ္ဟာန္တာသာမွဳ႙ (ေစာဟန္ တာသာေမႊး)ေဖ်ံလဝ္႐ုင္ဂွ္ရ။ အာကႜဳိပ္ေကာန္ဂေကာံ နာဲဆာန္မန္၊ နာဲဆိက္ႏိုအ္(နာဲနလႅာ)တံတုဲ တိုန္စိုပ္သဘင္သ႘ ကၜ႘ဂွ္ရ။

ေဗာ္ပၜတရဵဍဳင္မန္ လုပ္အာအပႜဲေသှာဝ္ဥပေဒ စဿတ္တၛဲ-၂၃-၇-၅၈၊ေတံတုဲ သှာံ-၁၉၅၈- ဂိတုနဝ္ေဝမ္ပါ(၂၁-၂၂)ဂွ္ ေကာ္ဘိက္ေပဲါသ႘ကၜ႘ ပႜဲဗဒမ္မ်ဴန႘သ႘ေပဝ္လ္ ႐ုုဲစွ္ေကင္ကာတုဲ ညးဂမၜဳိင္ကႝုကၜဳင္တာလ်ဳိင္ ညးအုပ္ကာနာနာရ။

အေဃာေကတ္လဝ္တာလ်ဳိင္ညးအုပ္ကာနာနာ သှာံ-၁၉၅၈-ဂွ္ ကမၼတ႘ဗဟႝု ပႜဲကမၼတ႘ကေမၜာန္ည႘သဿဟ္ သြက္ဂြံ ဓမံက္ပတိုန္တြဳႝရးဍဳင္မန္ဂွ္ေလဝ္ကီု ပႜဲေပဲါ႐ုဲမာဲ သှာံ-၁၉၆၀- ဂိတုေဖဖဝ္ဝါရ႘(၆)ဂွ္ လုပ္ဒုင္႐ုဲမာဲ ပႜဲပြဳိင္ဍဳင္ၐါသြာင္ တုဲ က်အာဂွ္ေလဝ္ကီု သဘင္သ႘ကၜ႘တြဳႝရးဍဳင္ပံင္ေကာံ ေကာန္ဍဳင္အရင္တိုန္စိုပ္ဂွ္ ေကၜာန္ဗဒွ္ပႜဲပြဳိင္ဍဳင္တံင္က်႘ သှာံ-၁၉၆၁- ဂိတုဂ်ဳန္(၈-၁၆)တုဲ နဒဒွ္ညးစှးကမၼတ႘ သြက္ဂြံဓမံက္ပတိုန္တြဳႝရးဍဳင္မန္ တိုန္စိုပ္လဝ္တံေလဝ္ကီု ပါလုပ္ခ်႘ဒရာင္ကၜဳင္ရ။ နဴဒပ္ပှာန္သ႘ေကတ္အဝႝု ပႜဲတၛဲ(၂)ဂိတုမာခ်္-၁၉၆၂-တုဲ သြက္ပေရင္ၐိုဟ္လလံအပႜဲဍဳင္ သြက္ေသၢာံဂြံဆုႝဂဗသ႘ကၜ႘အံင္င္ဇှးဇှးမာန္ အေဃာခ်႘ဒရာင္ေရင္တၜဳင္ဒဿံင္ဂွ္ ေပဲါသ႘ကၜ႘ဂွ္လီုအာတုဲ နဴသှာံ-၁၉၆၃- ဂိတုနဝ္ေဝမ္ပါ(၁၃) ဒႝုစိုပ္ သှာံ-၁၉၆၈- ဂိတုေဖဖဝ္ဝါရ႘(၂၈) ဒးဒုင္ရပ္စုတ္ထံင္ ပႜဲဍဳင္မတ္မလီုရ။ ဗၜးတိတ္ကၜဳင္ နဴထံင္တုဲ နဒဒွ္နာယကကမၼတ႘ ေကၜာန္ဗဒွ္တၛဲေကာန္ဂကူမန္ ပႜဲဍဳင္မတ္မလီုေလဝ္ကီု နဒဒွ္ညးဥကၠ႒ဆာပ္ကမၼတ႘ ေပဲါၿပဳိင္လိက္ပတ္မန္ေလဝ္ကီု ေရင္တၜဳင္ေကၜာန္ကၜဳင္ရ။ ကမၼတ႘လိက္ပတ္မန္ ေကုာံ ေယန္သှာင္မန္ ပံက္လဝ္ပႜဲ ကအ္ဗိန္ ကႝု ပြဳိင္ဍဳင္မတ္မလီုဂွ္ ပံက္တန္ပတိုန္လိက္ပတ္မန္တုဲ ေဖ်ံေဗၲာန္ကႝုလိက္တဿံမန္ ေကုာံ လိက္ပတ္မန္ ကဆံင္သၜဳင္တံရ။

သှာံ-၁၉၈၅- ဂိတုေမ(၃)ဂွ္ ေကၜာန္ဗဒွ္သဘင္ပတိုန္ဂုဏ္စရာဲနာဲေခ်တ္သိုင္(ဦးခ်စ္ေသာင္း) ပႜဲတိုက္ပိဋိကတ္မန္ ဍဳင္လၢဳင္ဂွ္တုဲ ညးစှးနဴေဒသမန္တံဗြဲမဂၜဳိင္ေကာံတိုန္စိုပ္ကၜဳင္ရ။ ပႜဲကမၼတ႘ေကၜာန္ဗဒွ္သဘင္ပတိုန္ဂုဏ္စရာဲဂွ္ နဒဒွ္ ဖက္ေဆာညးအုပ္ကာ ေရင္တၜဳင္ကၜဳင္ရ။

ပႜဲေပဲါသဿာန္သြဟ္လိက္ ရာမညနိကာယဓမၼာစရိယပရိယတိၲအလုံရးေဒသမန္ ေကၜာန္ဗဒွ္သှာံ-၁၉၈၄-ဂွ္ ဒု-ဥကၠ႒ နဴဂေကာံဥပထမၸကဂွ္ေလဝ္ကီု သှာံ-၁၉၈၅-ဂွ္ ဥကၠ႒ေလဝ္ကီု ေရင္တၜဳင္ကၜဳင္ရ။

ဒႝုကႝုျဇပ္သဘင္ဓရ္ပႜဲဍဳင္မတ္မလီု ေသၢာံမံက္တိုန္ကၜဳင္မာန္ ေကတ္လ်ဳိင္ဥကၠ႒ ပႜဲကမၼတ႘ေကၜာန္ဗဒွ္ ျဇပ္သဘင္ဓရ္ မန္ရ။

အေဃာဍဳင္ကြာန္႐ုသံင္ကလိုက္ကဿဳႝဂွ္ ညးဍဳင္ကြာန္မန္တံထၞးဆႏၵ သြက္ဒ႘မဝ္ကေရၿဇ႘အလုံဍဳင္မတ္မလီု သှာံ-၁၉၈၈ - ဂိတုေသပ္ေထမ္ပါ(၁၇)ဂွ္တုဲ ပႜဲေပဲါသ႘ကၜ႘ေကာန္ဍဳင္ကြာန္မန္ ေကၜာန္ဗဒွ္ဒှာဲျဇပ္သဘင္ဓရ္ဂွ္ ေရင္တၜဳင္နဒဒွ္ သဘာပတိရ။

ဂေကာံဒ႘မဝ္ကေရၿဇ႘ေကာန္ဂကူမန္ဂွ္ ဒက္ပတန္သှာံ-၁၉၈၈- ဂိတုအံက္တဝ္ပါ(၁၁)ဂွ္တုဲ ဒးဒုင္ခါန္ကှက္ဥကၠ႒ရ။ ပႜဲေပဲါ႐ုဲမာဲ သှာံ-၁၉၉၀- ဂိတုေမ(၂၇)ဂွ္ ဒးဒုင္႐ုဲစွ္ညးစှး(အမာတ္)ပႜဲ႐ုင္မာဲစဿတ္(၂)ပြဳိင္ဍဳင္ျဇပ္ဗုရ။

သှာံ-၁၉၉၁- ဂိတုနဝ္ေဝမ္ပါ(၃၀)ဂွ္ ဒးဒုင္ရပ္တုဲ သှာံ-၁၉၉၂- ဂိတုနဝ္ေဝမ္ပါ(၄)ဂွ္ နာဲဗစာပြဳိင္ဍဳင္မတ္မလီု ေဖ်ံ သၢဳတ္သြာတ္အမွဳ ေဖ်ံထံင္(၂၁)သှာံရ။ ဒးဒုင္႐ုဲစွ္လဝ္မှိဟ္စှး(အမာတ္)ဂွ္ေလဝ္ ပလီုေထာံဣရဂွ္ နဴကႝုကမၼေ႐ွန္ ေပဲါ႐ုဲမာဲ လေလာင္ၾတးရ။ ပႜဲတၛဲ-၁၉/၃/၉၂- ဂေကာံဒ႘မဝ္ကေရၿဇ႘ေကာန္ဂကူမန္(MNDF)ဂွ္ ဟြံဒွ္ဂေကာံဗဗြဲဓဝ္ရဂွ္ အလႝုအသ႘တံလေလာင္ၾတးပၜန္ရ။

သှာံ-၁၉၉၄- ဂိတုအဝ္ဂါတ္(၂၃)ဂွ္ နဴဌာနေကင္ကာအပႜဲဍဳင္ (ျပည္ထဲေရးဌာန) ဖ်ဝ္သၜးဒုဟ္ နကႝုအမိင္-၁၁-က်င္႔ -၄၀၁- (၁) -၉၂-တုဲ ဗၜးကၜဳင္နဴထံင္ သီုနာဲငၛဳ႙တိင္ကီုရ။ နာဲဗလးဝြံ ဟြံဗၜးဏီ။

ဗၜးတိတ္နဴထံင္တုဲ ကၜာဟြံစိုပ္သှာံ-၁၉၉၇- ပႜဲဍဳင္လၢဳင္ ဂေကာံေကာန္ဍဳင္အရင္လၛဳႝလၛဳႝ နဴကႝုဂေကာံ(UNLD)ေကုာံ ဂေကာံေသံ(SNLD)တံ ေကာံညးသၠံတုဲ သြက္ပေရင္ေကာန္ဍဳင္အရင္ ခ်႘ဒရာင္တိုန္အိုတ္ရ။ နဴဂွ္တုဲ ညးမဒွ္ဥကၠ႒ နဴကႝုဂေကာံဟြံဒးဒုင္႐ုဲလဝ္ နဒဒွ္မှိဟ္စှး ပႜဲေပဲါ႐ုဲမာဲ မပၲံကႝု ေသံ၊ ရေခင္၊ မန္ ေကုာံ ေခ်င္တံ ေခါန္ေထာန္ဥဴ၊ သဝ္ျမအံင္၊ နာဲထဝ္ေသာန္ ေကုာံ ေက်န္ေယွန္ထာန္တံဝြံ သြက္ဂြံေကၜာန္ဗဒွ္ကုႝပေရင္ဆႝုဂဗသ႘ကၜ႘ကႜဳိပ္ဖဵပိမမာန္ ပလံင္ဗစိုပ္လိက္ အာတ္မိက္ကႝုေသနာပတိပှာန္ တာန္ယွဳ႙ နကႝုစဿတ္တၛဲဲ(၆-၆-၉၈)ရ။

ဂိတုဂ်ဳန္(၁၀)ဂွ္ ဒု-ဝန္ေဇှာ္ ပေရင္ေကင္ကာအပႜဲဍဳင္ ဆုႝဂဗတက္က်ာကႝု ေခါန္ေထာန္ဥဴ၊ သဝ္ျမအံင္၊ နာဲထဝ္ ေသာန္ ေကုာံ ေက်န္ေယွန္ထာန္တံရ။

သှာံ-၁၉၉၈- ဂိတုေသပ္ေတမ္ပါ(၆)ဂွ္ ဒးဒုင္ရပ္ထိင္ ပႜဲသၛိဇှဴကဿဳဲဒပ္ပှာန္တုဲ သြက္ဂြံလြ႘ကေရတ္မတ္ သှာံ-၁၉၉၉- ဂိတုဨၿဗဵ(၂)ဂွ္ ဗၜးကၜဳင္နဴဒးဒုင္ရပ္ထိင္ရ။ ဂိတုနဝ္ေဝမ္ပါ(၃)ဂွ္ ေကႅင္ဒးဒုင္ထိင္ရပ္ ပႜဲသၛိဇှဴကဿဳဲဒပ္ပှာန္ပၜန္ရ။

ဟိုတ္နဴယဲဆီေၐတ္တုဲ သှာံ-၂၀၀၀- ဂိတုဨၿဗဵ(၆)ဂွ္ ဂြံအေခါင္လြ႘ယဲ ပဲႜ႐ုင္ဂဥဳဲမၛးရ။

စဿတ္တၛဲ(၁၂-၁၀-၂၀၀၁) ေကုာံ (၁၂-၂-၂၀၀၂)ဂွ္ ဆုႝဂဗကႝုညးစှးကုလသမဂၢ ေဆင္စပ္ကႝုအေခါင္အရာမှိဟ္ ေမႆတာ ပႝုလဝ္သာဂ်႘ယဝ္ ေပန္ေညဝ္ရဝ္ Mr. Paulo Sergio Pinheiro ရ။

စဿတ္တၛဲ(၂၉-၉-၂၀၀၁) (၂၇-၁၁-၂၀၀၁) (၂၃-၄-၂၀၀၂) ေကုာံ (၃-၈-၂၀၀၂)တံဂွ္ ဆုႝဂဗကႝုညးစှးေတဿင္ ကုလ သမဂၢေမႆတာ ရာျဇာလ႘ေအႆေမလ္ Mr. Razali Isamail ရ။

စဿတ္တၛဲ(၁၉-၉-၂၀၀၁)ဂွ္ ဆႝုဂဗကႝုဂေကာံအာင္ေအဝ္လ္အဝ္ I.L.O (High Level Team)ရ။

စဿတ္တၛဲ(၁၅-၃-၂၀၀၂) ေကုာံ (၈-၉-၂၀၀၂)တံဂွ္ ဆုႝဂဗသ႘ကၜ႘ကႝုဂေကာံအ႘ယူ E.U Troika ရ။

နာဲထဝ္ေသာန္ဝြံ စဿတ္တၛဲ(၂၃-၁၀-၂၀၀၂)ဂွ္ ဒးဒုင္ခါန္ကှက္တာလ်ဳိင္ ပႜဲကမၼတ႘သၸစှးကၜဳတ္ထဝ္ညးဍဳင္ကြာန္ နဒဒွ္ ညးစှးဂေကာံဒ႘မဝ္ကေရၿဇ႘ေကာန္ဂကူမန္ရ။ နဴကႝုဂေကာံေဗာ္ေကာန္ဍဳင္အရင္တှဟ္ သြက္ဂေကာံဒ႘မဝ္ကေရၿဇ႘ ေကာန္ဂကူရေခင္ဂွ္ ဒံက္တာသဝ္ျမအံင္ေလဝ္ကီု သြက္ဂေကာံဒ႘မဝ္ကေရၿဇ႘ေကာန္ဍဳင္အရင္ေသံဂွ္ ေခါန္ေထာန္ဥဴ ေလဝ္ကီု သြက္ေကာန္ဂေရတ္ေကာန္ဂကူျဇဝ္မ႘ဂွ္ ပူေက်အ္ေယွန္ထာန္ေလဝ္ကီု ဒးဒုင္ခါန္ကှက္ကၜဳင္တာလ်ဳိင္ ပဲႜ CRPPကီုရ။

စဿတ္တၛဲ(၁၆-၉-၂၀၀၃)ဂွ္ ဂေကာံကမၼတ႘ သၸစှးကၜဳတ္ထဝ္ ပႜဲ(၁၈)တၜဂွ္မၢး (၉)တၜဝြံ အလႝုအသ႘ပှာန္တံ ထိင္ဒဝ္လဝ္ တုဲ မဒွ္ေသွ္ဒဿံင္(၉)တၜဝြံ (ေသံ၊ ဇႝုမ႘၊ ရေခင္၊ မန္)တံဂွ္ လၲဴဂၜံင္တရဵပေရင္ဍဳင္ကြာန္အလႝုအသ႘တၜအဝႝုပှာန္တံ ေကၜာန္ သၸသဘင္သ႘ကၜ႘ဂကူဂွ္ ညးစှး(၉)တၜဏံ လေလာင္ပတိတ္လညာတ္တုဲ ထပက္လဝ္စဿတ္တဲရ