အံင္ၐါန္ဇုန္
ဥကၠ႒ဂေကာံသဿတ္မည္ဍဳင္ၐင္ကံက္

ဗစိုပ္ ဗႏၶမိတ္”သဿိက္မှဳံပဿိက္မိက္ေသၢာံပကီုပ႐ိုက္တုဲဒက္မိတ္” မဟာမိတ္”မိတ္မခိုဟ္ၿပဲ” ေကုာံ ပိယမိတ္” မိတ္မသႜဳိက္ ဆာန္”

ပရူပရာ။ ။သႏၴိထၞးလညာတ္ဗီုျပင္ေကာန္ပှာန္ညးဆာန္ဂကူဟြံဂတာပ္ေခတ္ပၜန္ရ

. . . . . . ဂြံဗွ္ေကတ္ပ႐ိုင္လညာတ္နာဲသႏၴိတုဲ ေအာန္စိုတ္ ဇီုလပိုက္ကႝုဒဒွ္ဏံဗြဲမေလာန္။ ပႜဲကႝုသဿာကေမၜာန္ ဍဳင္ အရင္တံဏံအိုႆီုဂွ္ နာဲသႏၴိတီဒဿံင္ကီုဟာ…?

. . . . . . ေကာန္ဍဳင္ဗဿာမှဳံကႝုေသှာဝ္ဒေတာဝ္အာရကာန္ ပြမေ႐ွ္ေသွ္ဒဿံင္သာသနာဣိႆလာမ္ဂွ္ ႏြံဒဿံင္ဟြံေအာန္ ပုဟ္…?

. . . . . . ကေမၜာန္ဏံ ရဲဣႆလာမ္ဟြံဆာန္ညးသၠံရဟာ…? ရဲဣႆလာမ္အလုံဂၜးတိဂွ္ ဒးဆာန္ကဿိန္သၠံဟြံေသင္ ပုဟ္ဟာ…?

ရဲဣႆလာမ္ ပႜဲဌာနသုေတသနဘာသာ ေကုာံ အခိုက္ကှာသြက္ဂြံသၜဲလမၜးေဒသ တကၠသႝုမဟိခန္ ဗြဲမဂၜဳိင္ကႝုတၜဂွ္ လညာတ္ညးတံဟြံမြဲပုဟ္ နပြဗီုဗီုဏံဂွ္၊
. . . . . . ပ႙ုတံ ကၜဳိဟ္နဒဒွ္မစုင္လင္
. . . . . . ပ႙ုတံ ကၜဳိဟ္နဒဒွ္ပြမပၚဒကး
. . . . . . ပ႙ုတံ မှဳံကႝုသာသနာၐိုန္ရတှဟ္ျခာညးသၠံကီုေလဝ္ ဗက္သီေဗၞာဝ္လဝ္စိုတ္စ႐ိုတ္
. . . . . . ပ႙ုတံ မှဳံကႝုဓဝ္မႏုႆ ဆာန္ သီုကႝု ကၜဳိဟ္တီေကတ္ပႜဲကႝုလၲဴဂေကာံသၠံရဲမှိဟ္ကီု
. . . . . . လၲဴကာလိုင္ဍဳင္ေသံ မှဳံကႝုဂတႝုလိက္ဘိက္ေကာ္ပရိႆာတ္ညးမကႜဳိက္ “Please ေအဝ္ဝွဝ္ေကယ္ ေကာန္ငၛာ္ ညးၿဗဵမှဳံကႝုပဋိသႏၶိ ေကုာံ ညးဗ်ဳဗ်ဳ” ဆဂး… ပႜဲဂၜံစိုတ္နာဲသႏၴိညိမွဟြံမြဲပုဟ္။

သာ္လႝုခ်ပ္တုဲ ကၲဳႝဗဒွ္ကႝုဓဝ္ကႜဳဟ္ေမၜံ လၲဴသဿာကေမၜာန္ေကာန္ဍဳင္အရင္။
နပြမေခၜဝ္သွ္ျပဒၵညာဂွ္ ဒးေခၜဝ္သွ္ပႜဲကႝုဟိုတ္၊ ဟြံေသင္ေတွ္ ဗြဲတြဳႝမယုတ္ဒးမှဳံကႝုသၨဳိင္ဓဝ္မႏုႆေထက္။

ဗႝုစမ္ရံင္ေဒၛာဝ္ညိ
အဲေထင္ေတွ္… လလ မှိဟ္ဗြဲမဂၜဳိင္မတ္ပေလဲပေလဲ၊ ဖ်ဳန္ဗုၐတ္၊ ဟြံေသင္ေတွ္ ဒဒန္ညိညိ၊ ခဿင္ေဇှာ္ေဇှာ္၊ ဟြံေသွ္ ေတွ္ ဇကုလမၥံက္လမၥံက္၊ ေသာ္ၿဂဲပူဗါန္သှာံကႜဳိပ္၊ မှးကီု မှိဟ္တံဗြဲမဂၜဳိင္ဂွ္ ဂကူေသံေဇတ္တ္ဟြံေသင္ပုဟ္၊ သှဵရဵဒဿံင္ ၾကဳက္၊ ေသံ၊ လဵ တဿဳဲ မည္ ၊ ေယာန္၊ မလာယူ၊ မင္၊ ခမု၊ လဝါ၊ ေသံေဇှာ္၊ ကံင္၊ မဝ္ကေလန္၊ ျဇဝ္၊ မပၲံကႝုမြဲမြဲ ဂကူ သှဵရဵဒဿံင္ပႜဲဍဳင္ေသံ တှဟ္ျခာမံင္(၈၆)ဂကူ(ကၜဳင္နဴ အၥာအဘိညာ ဢဲေသာင္ တကၠသႝုမဟိခန္) လလ မိမမှးယႝုယိုက္ လဟက္ပၛံက္တတ္ကၜဳင္မှဳံကႝုေဇြာံမမြဲတှးေဟင္ ဟြံေသင္ေတွ္ မှဳံကႝုဂှ႘ဗြဳိက္လၲက္တှးဆုမြဲေဟင္ တတ္ေကၜာံကၜဳင္ၐ႘ ၾကဳင္တုဲ စိုပ္ဒှာဲဏံယဿဳဒေတှာဝ္ေတာဝ္ဂၜိင္တိုန္။

အယာံမာတ္ျပာပ္စိုပ္ကၜဳင္ဍဳင္သယာမ္ကၜာနဴညးတှဟ္သၟာင္ညိ မှဳံကႝုဌာနခိုဟ္နဴညးသၟာင္ညိ ပြမှဳံကႝုလညာတ္ ညာဏ္ခိုဟ္ညိဓဝ္ ၿပံင္သၜာဲဒွ္အာဂကူေသံ သၸပှကႜဳဟ္ေမၜံေကာန္ဍဳင္အရင္။

ဂကူေသံဂွ္မုမုေရာ?
ဗီုလႝုမွေကာ္ခဵဂးဂကူေသံေရာ?


သၸပှေထာံ ညံင္ရဵတှံဆုဝိုတ္တၜိင္႐ိုဟ္ကှက္ တၜိင္သှိင္၊ မှိဟ္ဟြံမြဲကႝု႐ိုဟ္ကှက္ဂွ္ ဝိုတ္တၜိင္ဂၜံင္တရဵၐူမာဲပႜဲအဝႝု ဟြံမြဲကႝု ပြမဗိုန္ဗတ္ မွာဇန္ပၚဒကး ကၲဳႝဘိင္ဘင္ၐူမာဲနပြမေျဇဟ္နက္၊ ဂၜာဲဟ႘သၸဝ္မံင္ကႝုဗြဳိက္လတက္အရံင္နာနာသာ္၊ ပလံင္ဟန္ရာန္ ကယ်ာန္ေသက္ဇီုညးသၠံ၊ ၐိုန္ရက်ဳိင္က်ဝ္လဝ္ဗြဳိက္လၲက္ကီုေလဝ္ လကၡၽန္ဗြဳိက္လၲက္မုမုေရာဂွ္ ညိမွခ်ပ္ဟြံတိတ္ ဗၥာရဏာဟြံေလပ္ အပါမှဳံပဿိက္ဒဿံင္မုုမုေရာ ယဝ္ဆာန္အပါမၢးဗီုလႝုဒးသၸေရာ? ကၜဳိဟ္ေကတ္ေရာဟြံမာန္…

ဒု-ပါေမာကၡ လၸာ္အၥာညးမစိုန္သကီုပ႐ူဝင္ေႀတံၾတဟ္ေဆင္စပ္ကႝုအဘိဓရ္ညးဍဳင္ကြာန္ဟီုဂွ္မၢး…. ပႜဲဍဳင္ေသံဝြံဏံ ညးလႝုမြဲယဝ္ရဒုင္ဝန္ ဇကုဇကုဂွ္ဒွ္ေကာန္ဂကူေသံေဇတ္တ္ေဏာင္မၢး ညးဍဳိက္ကြ႘စာ္အာဂၜာဲ နကႝု စိုတ္ပ႘တ႘မမိပ္ျမဟ္ အာတ္သာင္ အာတ္တက္ဗီုကေရာံ သီုမှဳံစိုတ္ပူမွ္ဗါန္ထဝ္သလာ္ပၠဵေဂြင္ သီုကႝုပင္တဲေလၛာဝ္ေခၜဟ္ သဿတ္ဂၜးဂတာဇိုင္။  

မှိဟ္တံအိုႆီု စပုင္ ယီုလုပ္ယီုတိတ္တုပ္ဒဿံင္ညးသၠံဖအိုတ္ရေဏာင္၊ ေထက္ကႝုဒးကၜဳိဟ္စိုတ္ကႝုညးတၜေကာန္တဿံမၿဂိပ္တိတ္ကၜဳင္နဴပြမကၲဵကၲာန္ဆၐိုတ္ဂြံၐိုဟ္ဂီုအာညိကီုေကြံ ရဲသၠံသၛိဍဳင္ ကရပ္ဇေရင္ညးသၠံဖအိုတ္ရ၊ ေလာကမှိဟ္ေသၢာံေထက္ကႝုတန္တဵ ဍဳင္သယာမ္ပ႙ုဂွ္ ဒွ္မံင္ဗဟုမွာဇန္ မှဳံဒဿံင္နပြမစုင္ လင္ မှဳံကႝုပြမတဵတက္ ေကာန္ဂကူမှဳံကႝုမတဵတက္တံဂွ္ ဒးသဿဟ္ရထပတန္စိုတ္စ႐ိုတ္ကီုေဏာင္။

ယဝ္ရ ဟဂွ္ဟြံေသင္မၢး ျပဒၵညာပိပြဳိင္ဍဳင္ပယ်ဳႝဖက္တာဲ(လၸာ္သဿဝ္က်ာ)တၛဲေသၢာံၐိုဟ္လလံအာဂွ္ဟြံမြဲရ၊ “စပၲံနဴကႝုသႏၴိေလဝ္ ေသၢာံေခၜဝ္သွ္ဂွ္ပညာဟြံမြဲ” ကိစၥစံင္႐ုင္ကလုတ္ခမာဂွ္ကၲဳႝဒွ္ပၜန္ေဏာင္ ပႜဲလဵ ပႜဲဗဿာဂွ္ေလဝ္ ဂကူေသံတံထၞးအကာဲအရာကႜဳဟ္ေမၜံညးတံ “စႝုကႝုဗက္ဖ်ဵညးတံကႝုစဵသၜးဂဝ္ဂှဵပႜဲကြာန္” ကိစၥစံင္႐ုင္ကလုတ္ဂွ္ သၸဟိုတ္ နဴကႝုဂကူေသံေကၜာန္သၸလဝ္ဂွ္ ခမာတံမှဳံမံင္ကႝုေပှတ္သရ လတုဲ ဂကူေသံတံဟြံသၸဂ႐ု ဟြံေ႐ွ္ေသွရဵဂဵခမာ ပႜဲကာလ အတိက္အရာအိုႆီုဂွ္ ေသံတံပလံက္ဗၲဳိက္ေကတ္အခိုက္ကှာ ဘာသာ ေယန္သှာင္ပြြမက်ဳိင္က်ဝ္ ျဒပ္ခမာသုင္ေစာဲ အရာအိုႆုီဂွ္ စိုပ္ကၜဳင္အခိင္တၛဲဏံ ဍဳင္ညးတံမှဳံကႝုျပဒၵညာဗက္ဂွ္ ညာတ္ေကတ္ေထာံေသွ္ၐက္အာလၨဳဲလၨအာ ဟြံေဇှာ္ေမာဝ္ ဟြံညာတ္ေကတ္ပႜဲပေရင္မှိဟ္မှဳံကႝုလမ်ဳီ မှဳံကႝုစိတၲေကာန္တဿံညးတံ၊ ဂကူဗဿာ “ဢပ႙ုဂိုင္သမၲီလဝ္ “ဢရဲကၜဳင္စံင္ေျဂာင္သ႘အာယုဓယာ” သီုကႝုမဒွ္မှိဟ္ ေကုာံ ေဂ်န္နာေရေယွန္၊ အခိင္ေတံဂွ္ ေဍံဒွ္ဒဿံင္နကႝုအသံသဿိင္ ညးမှဳံအဝႝုၾသဇာမြဲေဟင္၊ ဆဂး… ကာလသယာမ္အာစံင္ဍဳင္လဵ၊ ခမာဂွ္ ဂကူေသံတံဟြံစဿတ္လဝ္ပုဟ္ ဂကူေသံတံ ဂပ္ဝ္ေထက္ကႝုဒးဂၜာဲလၛတ္ဗွ္လိက္ဝင္” ပႜဲအရာပ႐ူပရာဗဿာေလဝ္ ဗစပ္္ကႝုဂေကာံဂကူတှဟ္ဟ္ ဗြဲမစုင္လင္ကႝု ဂကူသှဵရဵ ဒဿံင္ ၂၄၂ ဂကူသှဵရဵဒဿံင္ ဟီုဂးသုင္ေစာဲဘာသတှဟ္ဟ္ညးသၠံ ညးတံဂွ္ ဗီုညးဗီုအဲဒးဒုင္ဒဿံင္ျပဝအလႝုအသ႘ဗဿာရ၊ ျပဒၵညာညးတံႏြံဒဿံင္လၸာ္ပေရင္ဍဳင္ကြာန္၊ လၸာ္ပေရင္ပိုန္ျဒပ္တုဲ ညးတံၿဂိပ္ဒဵကၜဳင္နဴပြမကၲဵကၲာန္ စိုပ္ကၜဳင္ဍဳင္ေသံ ကၜဳင္ဆႝုဂဗကႝုဍဳင္ဗုဒၶသာသနာ ဆၐိုတ္ဂြံၐိုဟ္ဂီုအာညိဂွ္ ဂကူေသံကႜဳဟ္ေမၜံတိုန္ညးတံ ဓ႐ိုဟ္ဗက္ပလံင္ဖ်ဵ၊ ညးလ်ဳိင္ တံေလဝ္ဘပလ ပႜဳႝပႜဳိက္ ပလီုပလာ္ ေကတ္ပရဲေဍက္စလၲဴညးတံ၊ ေသ႒႘လၛဳႝတံဂွ္ေလဝ္ ေဍက္စျဇဟတ္သဿာကေမၜာန္ ပလီုပလာ္ခႏၶကာယ၊ ယဝ္ရဟြံမြဲပဿိက္ကႝုသဿာကေမၜာန္ေကာန္ဍဳင္အရင္ဗီုညးတံမၢး မင္မြဲစဿ႘တ္ဍာန္ပယ်ဳႝ ကႝုခ်ဳိတ္ပၜဳိတ္ မံင္ညိ၊ လၸကႝုညးတံလုပ္ကၜဳင္ဂြံ၊ ယဝ္လုပ္ကၜဳင္ယ်မၢး ဒးဓေရပ္ဓရတ္ကႝုတိတ္မၛးဍဳင္သီုဖအိုတ္၊ ပါင္လၸဟီု မတ္လၸစင္ ညးလ်ဳိင္တံရထေပၜာပ္နင္ညးတံတုဲ လၸညာတ္ေကတ္ညးတံနဒဒွ္ကဆံင္မှိဟ္ဂတႝုဂ႐ိုင္ ေကတ္နင္သၸေထာံညး ဂတႝု ဂ႐ိုင္ပႜဲဗ႘ဒ႘ယဝ္ ပႜဲဝတၴဳ sexy သၸအ႐ိုင္။

ဆဂး… ပႜဲအရာဒဒွ္ဍာံဍာံဂွ္ ဗလးလဝ္အေခါင္ကႝုညးတံေကၜာန္ကေမၜာန္တုဲ “ကၜတ္ေကတ္မာန္ ေဍက္စမံင္လၲဴညး တံ” ကႝုမံင္ဒဿံင္ညိင္င္ ဟြံကႝုညးတံခ်႘ဒရာင္ သၸေပဲါမၛဳႝထပ္တဲေလဝ္ဟြံကႝုဓမံက္ပတိတ္ အရာအိုႆီုဂွ္ ၐိုန္ရ ဒွ္ဒဿံင္သၨဳိင္ အေခါင္အရာမှိဟ္ ဒဒွ္ရဓမံက္ပတိတ္အတိုင္ဝဋ္အေခါင္အရာမှိဟ္အလုံဂၜးတိ နဒဒွ္ မတန္တဵဒဿံင္ပႜဲပြ႘ဗြဳိင္ေလာက မှိဟ္မဲြစြံ “ၐိုတ္ဒွ္ညးကဆံင္ၐါ ကဆံင္ပိဓဝ္ရ” ညးတန္တဵဒဿံင္အပႜဲဂေကာံညးတံ ခ်ပ္ဗၥာသ႘ကၜ႘၊ က်ဳိင္ကယ်ဳိင္ကယ်ဝ္၊ ေလွ္တိင္တိုက္ဒေယွ္ဒြက္ဗီုညးတံဂွ္ ဗလးလဝ္ကႝုညးတံဒွ္တသိုခ္စိုတ္ကီုဟြံဂြံဟာ…?

ကတုဲပၜန္… လကႝုေကာန္ဍဳင္အရင္ ညးမှဳံကႝုကဆံင္ခိုဟ္ဟ္ မှဳံကႝုဌာနဗီုကႝုဂကူၾကဳက္အရပ္ေယာဝရာတ္တံ စႝုကႝု တၛဲဏံဂွ္ ဂြံဆႝုေကတ္ဒဿံင္ဝုတ္တ္ဗၜာဲဗၜာဲ အကာဲအရာဗီုျပင္ကၜဳင္နဴဍဳင္ၾကဳက္တဿိတဿိ ဟီုအေရဝ္ေသံေလဝ္ဟြံကၜးဏီ၊ ဂကူအိႏၵိယ်ကရပ္ဌာဟုရာတ္ ဂၜံင္ေခါသာန္တံ ဗၜာဲဗၜာဲညးပလုင္ပလုင္တံဂွ္ ဟီုအေရဝ္ေသံေလဝ္ဟြံဂြံဏီ၊ ဂေကာံအပႜဲ ဂေကာံသၠံမှိဟ္နဒဒွ္ဂေကာံဂကူမသှဵရဵမှဳံဒဿံင္ကႝုဌနာခိုဟ္ဟ္ဗီုတံဂွ္ ပေတွ္ေကတ္စိုတ္ညးတံ ျဇဳင္သႜဳိက္ညးတံ မိပ္ၿဇိပ္ ကေရာံညးတံဂြံဖိုဟ္၊ ပႜဲကႝုဂၜံင္တရဵဍာံဂွ္မၢး… မုဟုိတ္ဂကူေသံတံမိပ္ၿဇိပ္ေကၜာန္ဗဒွ္ တၛဲဟာလဝ္္ေဝန္၊ တၛဲခရိတ္သ္ မာတ္၊ တၛဲသှာံတဿိ၊ တၛဲဝါေလန္ထာဲ သီုကႝု ကႅင္ဒြက္အဂၤလိက္၊ စြံလဝ္ေသာ္အခုိက္ကဝ္ရ႘ယာ၊ စသုင္စှဂ်ပါန္၊ ဗႝုလေဝင္ဇာတ္အဂၤလိက္ သီုမှဳံကႝု ပြမပံင္ေကာံပရိႆာတ္အာဒုင္တၜဳင္သဿာဒေယွ္ဒြက္ဂ်ပါန္စႝုကႝုသၜာတ္ကၞင္က်ာ သီုကႝုကေရဲကညာင္ခအဵတဵ အိုတ္ဂွ္ေရာ။ ဆဏံဂွ္ အယာံမာတ္ၐိုတ္အပႜဲဍဳင္ေသံညိကီုေကြံ။

လတုဲပၜန္… ကိစၥဂကူေသံတံ အာမံင္ဒဿံင္ပႜဲသၟာင္နာနာတံဂွ္ေရာ?
သီုကႝုမှဳံကႝုေသှာဝ္ ေကုာံ ဟြံမြဲကႝုေသှာဝ္ အာမံင္ပၜန္ရ ထၞးပတိတ္အခိုက္ကှာဗီုေသံ နဒဒွ္မံင္ဒဿံင္ ”ဂအုံေကာန္ေသံ မမံင္စံင္တန္တဵ ” သိုင္ခှံဘာလက်ာ္ဒှာဲေတံဒှာဲဏံ ရဵသာ္ဂွ္မၢး ေကာန္ဂကူဍဳင္သၟာင္တံေလဝ္ ထၞးပတိတ္ဓဝ္ နဒဒွ္ ပြမကႜဳဟ္ေမၜံ ဍဳႝဍဳိက္ဘပလ ဇအိုန္ဇရတိုန္ဂကူေသံတံအပႜဲဍဳင္ညးတံကီုေသင္ဟာ…?

အလန္မူေႏွံမူေႏွံဂကူေသံတံဂွ္ ပႜဲအေမရိကာန္၊ အဝ္ေၾတလ်ာ၊ ဂ်ပါန္၊ ကဝ္ရ႘ယာ ၐိုန္ရလုပ္ဒဿံင္ဍဳင္ညး နဒဒွ္ပြမ ေဗၜတ္ကႝုေသှာဝ္ကီု၊ ဒးကႝုေသှာဝ္ကီု သၵးဒုင္ဘပလ ပလီုပလာ္သၸမာန္ကီုဂွ္ သဿဟ္ရထဂြံလိင္ဂဗုတ္ဗက္အမွဳ ဗက္ အမွဳကိုပ္ကၜာဒးကဝ္ပၚဒကးဂွ္ သြက္ဂြံအာတ္နဒဒွ္မဒးကႝုေသှာဝ္ အာတ္မိက္နဒဒွ္ဂြံကၜဳိတ္ညာတ္စိုတ္ညးသၠံကီုရ ဟြံေသင္ဟာ…?


ဆဂး… “သဿာကေမၜာန္ေကာန္ဍဳင္အရင္ သီုဟြံမြဲကႝုအေခါင္ဟဂွ္”