အပါဟံင္မန္

ပေရင္လေလာင္ၾတးကမၼတ႘မခ်ဴဓဇက္သၨဳိင္ေသှာဝ္ဥပေဒဍဳင္ဗဿာဝြံ တှဟ္မဒွ္ဒဿံင္ဂၜံင္တရဵလၢာံဗီုတိ(၇)တင္ အပႜဲကႝု ျဇဟတ္ဒပ္ပှာန္တံရ၊ ဆဂး… ပ႐ူပရာတင္နင္ဝြံ ဒွ္ပ႐ူပ႐ိုင္ပေရံမြဲတုဲ ဒွ္အရာသြက္ဂေကာံသၠံမှိဟ္ဂၜးကဝ္ေတံ ေသၢာံ ကှာတ္သမၲီဂစာန္လြ႘ကႝုျဇဟတ္ ပေရင္ၐိုဟ္လလမ္ဍဳင္ကြာန္ ေကုာံ ၿပံင္သၜာဲကႝုဒ႘မဝ္ကေရၿဇ႘အပႜဲဍဳင္မြဲရ။

ပေရင္မခါန္ကှက္ကမၼတ႘(၅၄)ဍဳင္တံ ညံင္ရဵမတဿာတ္ေကၜံေထာံဝြံ မႏြံအေယာင္အလာ မေကၜာန္ဒဿံင္ေလဿင္ပေရင္ ကေမၜာန္ သၸက္ေသၢာံပါလုပ္အေဝါင္ဂၜဳိင္င္မာန္ဂွ္ရ၊ ဒှာဲမပဲါဟေလတ္ဒဿံင္ အရာသ႘ကၜ႘တက္က်ာ ေလဿင္ပေရင္ကေမၜာန္ အဓိက အၾကာဒပ္ပှာန္တံကႝု သၠဳိပ္သၠေဗာ္ဒစႝုဒစးအံင္သာန္သုဂ်႘ဂွ္ရ။

ေလဿင္အစ႘ဇန္ပေရင္ကေမၜာန္ဒပ္ပှာန္(နအဖ)တံဝြံ သြက္မှိဟ္ဂမၜဳိင္တံ ေသၢာံေဖက္အာသဿးေဟင္ မံက္တိတ္ကၜဳင္ရ၊ တဿာတ္လဒႝုဒဿံင္ပေရင္ပေရံပေရံတံရ၊ သြက္ေသၢာံပအပ္ကႝုအေခါင္ ကုညးမဒစႝုဒစးအပႜဲဍဳင္တံဝြံ တဝ္ေစှဟ္ဒဿံင္နကႝု ျဇဟတ္ဒ႐ိုဟ္ဗြဲမေလာန္ ေကုာံ မလုပ္ေဆပ္စပ္ဒဿံင္အပႜဲအေဝါင္ဂေကာံသၠံမှိဟ္ဂၜးကဝ္တံရ၊ အရာဒပ္ပှာန္ဗဿာတံ မေကၜာန္သၸဒဿံင္ဂမၜဳိင္တံဝြံ ေအာန္ကႝုဂၜဳိင္ဂွ္ ပဿိက္ေဇှာ္ဒဿံင္ကႝုဍဳင္ေရင္ေကဿင္ဆက္ဗဿာတံဖအိုတ္ရ၊ နဗြဲဒဒွ္ တုပ္စိုတ္ လၲဴနဲကဲ ဆက္စပ္ပေရင္ဍဳင္ကြာန္ ေကုာံ ႐ုီဗင္ဒဿံင္ပေရင္ပိုန္ျဒပ္ဍဳင္ဗဿာတံရ။

နဲကဲပေရင္အုပ္ဓုပ္ဒပ္ပှာန္ဗဿာတံဝြံ လဿဳဟ္ဏံသၵးတက္ကၜဳင္က်ာညးစှးကုလသမဂၢ ေအဗရာေဟန္ ကာမ္ဗာရ႘ (Ibrahim Gambari)ကီုရ၊ ဆဂး… သြက္ေသၢာံပၚပရအ္ေသှာတ္ဝ္ ဗြဲဒဒွ္သမၲီအပႜဲဍဳင္ ေသၢာံခ်ဳိတ္ပၜဳိတ္တန္ၾကန္ အာ ဗြဲဂတေတံမာန္ဂွ္ သၠဳိပ္ပှာန္ဗဿာတံ ဟြံတိုန္စိုပ္ကၜဳင္ရ၊ ၐိုတ္လႝုႀကံင္မၛဳိဟ္ဘဗလဒဿံင္အေခါင္အဝႝုကီုေလဝ္ သၵး ကေရဲကညာင္ေကာ္အာ ပေရင္ၿပံင္သၜာဲအပႜဲဍဳင္ကီုရ။

မၵးေကာ္စိုပ္အာဍဳင္ေရင္ေကဿင္ဆက္ဗဿာ မေဇှာ္ကႝုျဇဟတ္ ဍဳင္ၾကဳက္ ေကုာံ အိႏၵိယ် ဍဳင္မအာဒဿံင္ဂတတံဂွ္ရ၊ ဆဂး… ဍဳင္တံဝြံ မဒွ္ဍဳင္အထံက္အပင္ ဗြဲကသပ္မြဲ သာ္လႝုေသၢာံၿပံင္သၜာဲပေရင္ဍဳင္ဗဿာမြဲရ၊ ကိုန္စ႘ေရင္ ပရဲပရာၾသန္ မသုင္ေစာဲဒဿံင္ အပႜဲဍဳင္တံလဿဳဟ္ဝြံ မဒွ္ဒဿံင္နဴကႝုဂေကာံတိုင္လဿဳိန္ မေဖ်ံသၨဳိင္အပႜဲဂီုကၜဳီကုလသမဂၢ(၅)ဂေကာံဂွ္ရ၊ ပံင္နဝ္ဝႝု၊ ဂ်ပါန္ ေကုာံ ေသကၤေပါဝ္တံဝြံ အေနဒဒွ္အာၿဇ႘ယာန္ ဒတဵလိုင္ဒဿံင္သဘာပတိကီုရ။

စပ္ကႝုဗီုျပင္လၲဴက်ာဗြဲဒဒွ္ဍာံမြဲ အရာေသှာဝ္ေစဝ္ေပှာန္ပှာန္တံ သကႝုဒွ္ဒဿံင္ပေရင္စံင္တဵအပႜဲဂၜးကဝ္တံဝြံ သၵးက ေသအ္ကဿဝ္အာဍဳင္ၾကဳက္ ေကုာံ ဍဳင္အိႏၵိယ်တံ ေသၢာံၿပံင္သၜာဲကႝုပေရင္စြံစိုတ္ အဝႝုမေဇှာ္ကႝုျဇဟတ္ လီေဗၢတ္ဒဿံင္ တံဂွ္ရ၊ ေသှာဝ္ဥပေဒဒပ္ပှာန္ဗဿာတံဝြံ ဒွ္အရာမသႜဳိင္သၜဲဏာကႝုအေခါင္အဝႝုတံမြဲေရာင္ ဒွ္အာမာန္ရ။

ပေရင္မစိုပ္ဒတုဲအခိင္အခါမလအ္လဒဿံင္တံဝြံ ဒွ္အာ႐ွ္သာဂေကာံ (ဝါ) ဒွ္အာဝါဒ မရပ္စပ္ေဖ်ံျဒင္တံှ အပႜဲဍဳင္တံဂွ္ရ၊ အေမရိကာန္၊ ၾကဳက္တံဂွ္ မဒွ္အခန္ပဿိက္ေဇှာ္မြဲရ၊ သၵးခ်ဳိတ္ပၜဳိတ္ရ၊ နကႝုပေရင္အပႜဲဍဳင္အခိင္အခါ မေၾကပ္ျဂတ္ဒဿံင္ ဍဳင္ေရင္ေကဿင္ဆက္တံ ညံင္ဟြံဂြံလီုလာ္အာလဿဳိန္ဝြံ ပေရင္ထံက္ဂလာန္အာၿဇ႘ယာန္(၁၀)ဍဳင္ “ဗဿာမပါလုပ္ဂေကာံ” သြက္ေသၢာံစိုပ္တရဵမာန္ဂွ္ ပဿိက္ေဇှာ္ေလာန္။

ဍဳင္အာၿဇ႘ယာန္ဂမၜဳိင္တံ တုပ္စိုတ္ကႝုသြဟ္ပေရင္ၐိုဟ္လလမ္မၢး ဟြံသၵးသဿာန္အေခါင္အဝႝုဍဳင္ၾကဳက္ ေကုာံ ဍဳင္ အိႏၵိယ်တံရ၊ သြက္ပေရင္ဂယိုင္လမ်ဳီဍဳင္ဗဿာဝြံ တန္တဵဒဿံင္နကႝုအ႐ီုဗင္ပေရင္သြံရာန္ဗှိက္ရတ္ ေကုာံ ဍဳင္အာၿဇ႘ ယာန္တံရ၊ သၵးပါဗက္အာ လၸာ္လကၠရဵဍဳင္တံကီုရ

ၐိုတ္လႝုဍဳင္အာၿဇ႘ယာန္တံ သၸကႝုသမၲီဒှာဲဇိုင္ဍဳင္ဗဿာဂွ္ေရာ သၵးပၲိတ္သဿာန္ရ၊ ဗီုျပင္ေဃာသှာံ(၁၉၉၇)ေတံဂွ္ ဒုင္တဲကႝု ဍဳင္ဗဿာလုပ္ဂေကာံရ၊ ညးမေကၜာန္ဒဿံင္အပႜဲဂေကာံအာၿဇ႘ယာန္တံဝြံ ဟြံဖန္ဗဒွ္ေရင္တၜဳင္ လြ႘ပရာကႝု နဲကဲအုပ္ဓုပ္ ဍဳင္ဗဿာရ၊ ဗြဲဒဒွ္အရာအိုႆီု အပႜဲဍဳင္ဗဿာဝြံ မေအင္သၸမာန္ ဍဳႝဍဳိက္ဒဿံင္ေရင္သၠံရ၊ မဖန္ဗဒွ္ဗ ေသွ္ေကၜံလဝ္ နဒဒွ္ ဍဳင္ဝါတ္ဒိုက္အိုတ္မြဲ မပၚတှဟ္ဒဿံင္နဴဝိုင္ရ၊ သေရာပ္ဟီုေကတ္မၢး လဿိဟ္မှိဟ္မတန္တဵဒဿံင္အပႜဲဍဳင္ဗဿာ (၈၀)ကႜဳိပ္ကၜံတံ အပႜဲပြဳိင္မြဲသှာံဂွ္ ၾသန္လုပ္မေအာန္နဴၾသန္ဒဝ္လာအေမရိကာန္(၁၀၀) US $၁၀၀ (ဝါ) (RM 350)ဏီရ။

ႀကဵနဴအခိင္ မဗၲဳိဟ္ဂစိုတ္ေထာံညးထၞးဆႏၵ ေကုာံ ကေရာန္ထၠးဏာ ပေရင္ေကာံကေလာံမှိဟ္တံဂွ္တုဲ ဍဳင္ေသကၤ ေပါဝ္ သဘာပတိအာၿဇ႘ယာန္လဿဳဟ္ ခ်ဴဓမံက္ထၞးပ႐ူပရာအလႝုအသ႘ဗဿာ မဒစႝုဒစး ပကီုပရာပ္ဒဿံင္ညးထၞးဆႏၵဂမၜဳိင္ တံရ၊ ဒဒွ္ဟြံတုပ္စိုတ္ကႝုပေရင္ကေရဲဟီုဂး နဴကႝုမပၚပဲါအာၿဇ႘ယာန္တံဂွ္ မံက္တိတ္ကၜဳင္ရ၊ သၸပၲံ နဴကႝုပေရင္မထၠး ကေရာန္လးဏာဆီ အပႜဲဂိတုသာပ္ေတမ္ပါတုဲ ညးလႝုမြဲဟြံတုပ္စိုတ္ လၲဴအစ႘ဇန္ဍဳင္ဗဿာဂွ္ရ။

အခိင္ဂွ္ ဒွ္အာမြဲနဲမြဲဗီုမာန္ရ၊ အပႜဲေကှာတ္ဂိတုနဝ္ေဝမ္ပါအိုတ္ေတံ ယဝ္အလႝုအသ႘ဗဿာ ဟြံသၸျပာကတ္ မတ္ဇၨၽဟ္ ေထာံပေရင္ပၲဳိန္ထၞး ေဖ်ံသၢဳတ္သြာတ္ သၠဳိပ္သၠအလႝုအသ႘အာၿဇ႘ယာန္မၢး သၠဳိပ္ပှာန္ဗဿာဂမၜဳိင္တံ သၵးစိုပ္အာ အရာ မခ်ဴဓဇက္ေသှာဝ္ဥပေဒ မလုပ္ကႝုအေဝါင္ ဗြဲဓဝ္မြဲဝါပၜန္ရ။

ညးေဇှာ္ဍဳင္အာၿဇ႘ယာန္ဂမၜဳိင္တံ မဍဳိက္ေပင္ကႝုပေရင္ဓမံက္ထၞးကီုေလဝ္ လၲဴပေရင္ပေရပရံင္ တာလ်ဳိင္ဗြဲေတဿင္ ကာမ္ဘာရ႘အပႜဲဍဳင္ဗဿာဂွ္ ဟြံထံက္ဂလာန္ဖႜဳိက္ဗေပင္ကႝုပဿိက္စိုတ္ညးေကြံရ၊ သၟာင္နဴဂွ္ပၜန္ ညးတံ ေထက္ကႝုသၵးရံင္ အာပေရင္ပႛ႘ပႛပ္ကေရာံဍဳင္ၾကဳက္၊ ဍဳင္အိႏၵိယ်တံကီုရ၊ ဒှာဲၿပံင္သၜာဲကႝုပေရင္ဍဳင္ကြာန္ဍဳင္ဗဿာ နဴကႝုမှိဟ္ပႛ႘ပႛပ္ ကာမ္ ဘာရ႘ အပႜဲအရာေစှာန္ထၞးကၲဳႝဒွ္ ဒဒွ္ညးမတုပ္စိုတ္ဖအိုတ္တံဂွ္ရ။

ပေရင္ဍဳင္ဗဿာ ေသၢာံကလိတ္ကေလာတ္အာမာန္ဂွ္ ဂတနဴဏံ ဍဳင္အာၿဇ႘ယာန္၊ ဍဳင္ၾကဳက္တံ ေထက္ကႝုသၵး႐ုီဗင္ တုပ္အာစိုတ္ နဴကႝုဝါဒ မှိဟ္မရပ္စက္ကီုရ၊ ပႜဲဒှာဲတက္ဒုက္ႏုက္စုတ္ဒုဟ္ဗဿာဂွ္ ဍဳင္ၾကဳက္ဟြံမိက္အာကႜဳိပ္ကီုရ၊ ဍဳင္မေကၜာန္ဒဿံင္ကေမၜာန္ အဝႝုမေဇှာ္ဒဿံင္ပႜဲဍဳင္အာၿဇ႘ယာန္ျပဟ္ဟ္ဏံ သဘာပတိတုဲကၜဳင္ေတံ(ဍဳင္ဖိေလတ္ေဖန္) သဘာပတိလဿဳဟ္(ဍဳင္ေသကၤာေပါဝ္) သြက္ေသၢာံဒွ္ကၜဳင္သဘာပတိဂတေတံ ဍဳင္ေသံတံကီုရ၊ ေဆင္စပ္ကႝုပေရင္ ဍဳင္ဗဿာတုဲ မႏြံအေယာင္အလာမခိုဟ္စိုပ္တရဵဒဿံင္ ဗီုေသှာတ္ဗၞတ္ဍဳင္ၾကဳက္ အိႏၵိယ်တံ ကၲဳႝဒွ္မာန္ရ၊ ဍဳင္ေအေႏၵာ န႘ယွာဂွ္ သၢးဟီုဂးအာ အပႜဲအရာေသှာတ္ဝ္တံတုဲ သၵးထၞးအာဗီုျပင္ နဒဒွ္ညးမတုပ္စိုတ္အာကႜဳိပ္အပႜဲဂေကာံတံကီုရ၊ ဗြဲဒဒွ္ဓမံက္ထၞးကႝုအႏုဘဵ အဝႝုမဟာမိတ္ဍဳင္ဗဿာကီုရ။

သြက္ေသၢာံပၲန္ဗဒွ္တိုန္မြဲဝါပၜန္ဂွ္ ညးမေကၜာန္ဒဿံင္အပႜဲဂေကာံအၿဇ႘ယာန္ဂမၜဳိင္တံ သၵးကႝုဒှာဲ ကႝုပေရင္တင္စ႘ေရင္ ကုလသမဂၢတံကီုရ၊ သၵးထံက္ဂလာန္ကႝုပေရင္ပႛ႘ပႛပ္တက္က်ာ မှိဟ္အပႜဲ ကု မှိဟ္အၾကာ ေအပရာေဟန္ ကာမ္ ဘာရ႘ကီုရ၊ ဍဳင္အာၿဇ႘ယာန္တံ ထံက္ဂလာန္ကာမ္ဘာရ႘ နကႝုအေရဝ္ဗြဲေတဿင္သက္က္သဿးဂွ္ ေဍံဟြံ႐ုံဂပ္ဏီတုဲ သၵးပါလုပ္ခ်႘ဒရာင္ ဒှာဲအစ႘ဇန္ ႐ီုဗင္ ထံက္ဂလာန္ပေရင္ကေမၜာန္တံကီုရ၊ ဍဳင္ဗဿာေသၢာံစိုပ္အာ ကဆံင္အကာဲအရာ ေဖာအ္ေျဗဝ္အပႜဲဍဳင္မာန္ဂွ္ သၵးေဖ်ံကႝုတမ္႐ိုဟ္ ကြတ္စက္ကြတ္တဲတံရ၊ သၵး႐ုီဗင္အာကီုရ။

ပေရင္မကၲဳႝဒွ္ဒဿံင္တံဂွ္ ၐိုတ္လႝုအာၿဇ႘ယာန္တံ ပၚပရအ္ပဲါေကၜံေထာံဂွ္ေရာ၊ ဝန္ေဇှာ္ဍဳင္သၟာင္မေလဝ္ယွာ Datuk Syed Hanrid Aibar ဟြံမြဲကႝုပဿိက္ အရာမရံင္ဗႝုအာဍဳင္အာၿဇ႘ယာန္တံ လုပ္ေဆင္စပ္ဒဿံင္ အပႜဲပေရင္ကလိုက္ကဿဳႝတံ ဂွ္ရ၊ ၐိုန္ဂွ္ကီုေလဝ္ ဍဳင္ေသံဂွ္ မလုပ္ခ်႘ဒရာင္ဒဿံင္အပႜဲဂေကာံ နဒဒွ္မှိဟ္ရပ္စက္လဿဳိန္ရ၊ အရာဒပ္ပှာန္တံ မတံင္ဓဇက္ လဝ္ဝြံ မဒွ္အာသကၠဳဖႝုေသၢာံစဿ႘ရံင္အာ အရာနာနာ၊ ပေရင္ကဿိန္ဍဳင္ဗဿာဂွ္ေရာင္၊ ဍဳင္အိေႏၵာန႘ယွာ ေဖ်ံေစွ္စိုတ္တုဲ ဂရင္ပၲီထၞးဏာကီုရ၊ ဗြဲဒဒွ္ မသၛိတ္ျဇညိင္ဝတ္အာ ဒှာဲမသၜးေကၜံ အဝႝုပေရင္ဍဳင္ကြာန္တံဝြံ ဍဳင္ဗဿာဂပ္ဝ္ကႝုသၵး ေကတ္ခန္လၛတ္ရဵသာ္ ဍဳင္အိေႏၵာန႘ယွာ ဗြဝ္စွ္သှာံမေလာန္ကၜဳင္ေတံဂွ္ရ။

ဒှာဲဍဳင္အာၿဇ႘ယာန္တံ တုပ္စိုတ္ေဖ်ံသၢဳတ္သြာတ္ဟြံမာန္ဂွ္ သြက္ေသၢာံအိုတ္အာေကှာတ္ဝြံ ပဿိက္ေဇှာ္ဗြဲမေလာန္ရ၊ တုပ္တဵကႝု နဲကဲပေရင္ကေမၜာန္ဍဳင္ၾကဳက္တံ ဟြံတုပ္စိုတ္ဂွ္ရ၊ ဗြဲဒဒွ္ ကဿိန္ဍဳင္ဗဿာတံ သၵးတီကၜဳိဟ္ေကတ္အာမြဲဂွ္ သၵး သ႘ကၜ႘အာကႝု ကာမ္ဘာရ႘မြဲဓဝ္ကီုရ၊ လတုဲပၜန္ လၸာ္လကၠရဵတံဝြံ ကာမ္ဘာရ႘ သၵးလုပ္တိတ္ေကၜာန္အာ ကေမၜာန္ ဍဳိက္က္ေပင္င္ကီုရ၊ ပေရင္အဓိကတှဟ္ဟ္တံဂွ္ တန္တဵဒဿံင္ကႝုေသှာတ္ဝ္တံကီုရ၊ ဆဂး… အရာပေရင္ မစိုန္သကီု ပႛ႘ပႛပ္ညးမလုပ္ပထုဲဒဿံင္အၾကာတံဝြံ ဒွ္အရာမပပ္ပ႘ ဟြံသၸဂ႐ုအပႜဲဍဳင္တံမြဲေရာင္ သၠဳႝကၜဳိဟ္ကၜဳင္အပႜဲစိုတ္ရ။

သှာံ(၁၉၈၀)ေတံ အာၿဇ႘ယာန္တံ ဝးပကဝ္ေထာံေသှာဝ္ေစဝ္ေပှာန္နာနာတံတုဲ ဂတးအာကႝုဝါဒမှိဟ္ရပ္စက္ သြက္ ေသၢာံပၲဳိန္ကၜဳင္ ပေရင္ပၚထၠးပှာန္ေကာန္ဍဳင္ကာမ္ဗဝ္ဒ႘ယာ(ခေမန္)တံ လၲဴခုင္ကီုရ၊ နဒဒွ္မလုပ္ပထုဲဒဿံင္ မဂၜဳိင္ကႝု စွ္သှာံတံဂွ္ သၠဳႝဍဳင္ကာမ္ဗဝ္ဒ႘ယာတံ ဒုင္ကၜဳင္တဲကီုရ၊ မံက္တန္ၾကန္ကၜဳင္ နဒဒွ္ဍဳင္တၜအဝႝုမြဲရ၊ မကရဵလဝ္စးကႝု ေသှာဝ္ဒ႘မဝ္ကေရၿဇ႘ရ၊ ဆဂး… အရာမႀကံင္မၛဳိဟ္ဒဿံင္ကႝုဂေကာံသၠံမှိဟ္တံဝြံ ဖန္ဗဒွ္ကႝုပေရင္သၠဳိပ္သၠ ေသၢာံခိုန္ဗိုန္ အာ အပႜဲသၨဳိင္ေသှာဝ္ဥပေဒဒ႘မဝ္ကေရၿဇီကီုရ။

ဍဳင္အာၿဇ႘ယာန္လႝုမြဲ ဟြံမိက္ရံင္ပေရင္ဘဗလကဿိန္ဍဳင္ဗဿာကီုရ၊ ဆဂး… အာၿဇ႘ယာန္ည႘သာဒဿံင္ ကႝု ဍဳင္ၾကဳက္ကီုရ၊ ပေရင္မၵးသမၲီေကတ္ဂၜံင္တရဵဗီုတိ(road map)တံ ေသၢာံျဇဳင္ေကဝ္သၟးဇၛးအာမာန္ဂွ္ ဟြံမြဲကႝုတင္ရန္တဿံ ေသၢာံစ သ႘ကၜ႘က်ာဗဗြဲဓဝ္ ကေရာံအံင္သုဂ်႘ ေကုာံ ေဗာ္ဒစႝုဒစးဂမၜဳိင္တံ ေသၢာံပါလုပ္အေဝါင္ဂွ္ရ။

သဘဵပေရင္ကေမၜာန္ၿပံင္သၜာဲ ေကုာံ နကႝုအေဝါင္နဲကဲပေရင္အပႜဲဍဳင္တံ ေသၢာံေဇြာဝ္ေစွ္တန္န္ၾကန္န္မာန္ဂွ္ နဒဒွ္ မဟာမိတ္ဍဳင္ဗဿာေရင္ေကဿင္ဆက္တံသဿးေဟင္ ႐ီုဗင္ေရင္တၜဳင္ကႝုပ႐ူပရာတံမာန္ရ။

လိက္ပေရင္ဝြံ နဴကႝုဒါ႐ိုက္တာလၛတ္မင္မြဲအေခါင္အရာမှိဟ္ဍဳင္ေအယွာ MICHAEL VATIKIOTIS မခ်ဴလဝ္ အပႜဲလိက္ပ႐ိုင္ news straits times စဿတ္တၛဲ(၂၂-၁၀-၀၇) "Time for Asean, China to act on Myanmar" ဂွ္ ေကႅင္ကၜာဲလဝ္ဘာသာေရာင္။