ပ႐ုိင္ကဵဝဵ

ကဵဝဵ / ေဖဖဝ္ဝါရ႘ ၇၊ ၂၀၀၈

ပ႐ုိင္ဗမ္ဗတုိဟ္အာလၲဴဍဳင္ေခါဇာ သမၜဳင္က်ာဍဳင္မန္ ဂိတုေလာန္ၐက္ကၜဳင္ဏံဂွ္ ၐုိန္လအ္ျခာကၜဳင္(၂)သတၲဟျပင္ကၜဳင္ကုီေလဝ္ အလုႝအသ႘ပှာန္ဗဿာတံ စုႝလဿဳဟ္ တဿာတ္မံင္ပါင္၊ သၛိတ္ျဇလဝ္ဖုိဟ္ရ။

ဗမ္ဝြံ ဗတုိဟ္အာဗၵာဲဖ်ာေဇှာ္ လၲဴဍဳင္ ပႜဲအခိင္ဗၲံတုဲ ကြးဘာမန္မြဲတၜ ေကုာံ ရဲကြာန္မြဲတၜ ဒးအာဘဲဝပ္ ေဇှာ္ကုႝျဇဟတ္ကုီေရာင္ ညးဍဳင္ကြာန္ေခါဇာတံ ဟုီရ။ ကႜဳိပ္သၠဳိပ္ေဗာ္ဍဳင္မန္တဿိတံ အခိင္ေစွ္ပေရင္စန္ဒက္ ပၜတရဵ ေဒသဂွ္ အခိင္စဵကၜဳင္တုဲဂွ္ ဗမ္ဗတုိဟ္ အာသာ္ဏံ မဒွ္ရ။

ဒှာဲဗမ္ဗတုိဟ္အာလဿဳဟ္ဝြံ မဒွ္ဗၵာဲသၛိ ေဗာ္ဍဳင္မန္တဿိတံ ဇူဒုိအ္မံင္ အေဃာေစွ္ပေရင္စန္ဒက္ဂွ္တုဲ နကုႝအလုႝအသ႘ပှာန္ဗဿာတံ
ေလဝ္ လၲဴအရာကိစၥဏံ ဗၐမ္လဝ္ဍာ္၊ ရမ်ာင္သၛိတ္မံင္အုိတ္ရ။

ဒု-ဥကၠဌ ေဗာ္ဍဳင္မန္တဿိ နာဲရႆ ကႜဳိက္ပ္တုဲ ေစွ္ေနဝ္ ပၜတရဵ ကြာန္ရးေဒသသၜဳင္က်ာဍဳင္ေရဝ္တံ မဒွ္ရ။ ႀကဵနဴဗမ္ဗတုိဟ္အာ မြဲဒၿမိပ္ရးဍဳင္ ေနပ်႘ဍဳႝ ေပ်န္မဏာ၊ လၢဳင္ ေကုာံ ရးဍဳင္တှဟ္ဟ္တံတုဲ သတၲဟလကၠရဵဂွ္ ဂ်ာႏၷဝါရ႘ အပါတ္တတိယဂွ္ ဗမ္ဗတုိဟ္ အာလၲဴဍဳင္ေခါဇာရ။

 “ဗတုိဟ္အာဗၵာဲတှံၿဇဲ သၛိၾကပ္ဖ်ာေဇှာ္ဂွ္၊ အခိင္ဗၲံ မှိဟ္အာကၜဳင္ေသာင္မံင္ အခိင္ဗမ္ဗတုိဟ္ဂွ္၊ ဗၵာဲသၛိ ညးေဇှာ္ ေဗာ္ဍဳင္မန္တဿိတံ ဇူကၜဳင္လဝ္အေဃာေစွ္ပေရင္စန္ဒက္ဂွ္ရ”သာ္ဝြံ မိမညးဍဳင္ကြာန္ နဴေခါဇာမြဲတၜ ဟုီရ။

ကိစၥဗမ္ဗတုိဟ္အာဏံ တၜအဝုႝလၲဴဍဳင္ဂွ္ကုီ ေဗာ္ဍဳင္မန္တဿိတံကုီ ဟြံပံက္ဟုီလဵအုိတ္ကုီတုဲ ဂေကာံလုႝေလဝ္ ဟြံဓမံက္ကၜဳင္ဒဒွ္ ကေမၜာန္ညးတံအုိတ္ဏီရ။ အတုိင္ညးဍဳင္ကြာန္တံ ေထင္ခယ်လဝ္ဂွ္မၢး တၜတဲဗမ္ဏံဝြံ နဴအလုႝအသ႘ပှာန္ဗဿာေလဝ္ ဒွ္မာန္ ေရာင္တုဲ နဴဂေကာံရပ္လြဟ္ ခ်႘ဓရာင္မံင္ ပႜဲေဒသတံေလဝ္ ဒွ္မာန္ရ။ စဿ႘တ္ရံင္လဝ္ကေဝဟ္မဗတုိဟ္ဂွ္မၢး ဗမ္ဝြံ မဒွ္ဂကူ အမ္ (၇၉)ေရာင္ ညးမစုက္လုက္မံင္ကုီတၜအဝုႝတံမြဲတၜ ဟုီရ။ 

 “တၜတဲညးဂွ္ေရာဂွ္ ဟြံတီပုဟ္။ ေဍံ(တၜအဝုႝလၲဴဍဳင္ေခါဇာ)တံေလဝ္ တဿာတ္လဝ္ကိစၥဏံ ဟြံကုႝကဆံင္လၲဴေတံတီပုဟ္။ ဂကူ
ဗမ္ဗတုိဟ္အာ အမ္(၇၉)ဂွ္ပၜန္ေလဝ္ သုင္ေစာဲမံင္သုီနအဖတံ၊ သုီရဲပၜန္ဂတတံေဏာင္ေတွ္ ဂြံတီတၜတဲဂွ္ ဟြံေလာဲသြာပုဟ္”
သာ္ဝြံ ညးဆက္ဟုီရ။