ပ႐ုိင္ကဵဝဵ

ကဵဝဵ / တၛဲသိုက္ ၊ ဒ႘ေျဇန္ပါ ၇၊ ၂၀၀၇

ေဗာ္ကေရင္ေဒံါပန္ေပွာ္ ဒ႘ေကဗ႘ေအတံ ေကတ္တာလ်ဳိင္တုဲ ပတိတ္ကုႝမံင္ နနဲလုိင္ေျဇန္ ကြ႘လုိန္ဓါတ္ မေကာ္ဂး “အ.ထ.ဒ.သ” ပႜဲတြဳႝရးဍဳင္ဖာအင္ကုီေရာင္ ပ႐ုိင္မကၜဳင္နဴပြဳိင္ဍဳင္ဂွ္ ဟုီရ။

သြက္ဂြံအာကၜဳင္စကလိတ္ကေလာတ္ ပြဳိင္ေဒသဂွ္တုဲ တၜကြ႘လုိန္ဓါတ္ ဟြံမြဲကုႝလုိင္ေျဇန္ လဿိဟ္ဗြဲမဂၜဳိင္တံေလဝ္ အာေကၜာန္လဝ္ လုိင္ေျဇန္ဂွ္အုိတ္ရ။

အတုိင္ဂြံမိင္လဝ္ပ႐ုိင္ ပြဳိင္ဍဳင္ဂွ္မၢး ညးမေကတ္လ်ဳိင္ပတိတ္ကုႝမံင္ လိုင္ေျဇန္ ကြ႘လုိန္ဓါတ္ဂွ္ဝြံ ဗုိလ္မွဴေခ်တ္ဒူ နဴတမ္ဒပ္ေတဿင္ (၉၉၉) ေဗာ္ကေရင္ ဒ႘ေကဗ႘ေအ မဒွ္ရ။

“မှိဟ္ပတိတ္ကုႝမံင္ လိက္လုိင္ေျဇန္ (ကြ႘လုိန္ဓါတ္)ဏံဂွ္ ဗုိလ္မႈေခ်တ္ဒူ နဴဒ႘ေကဗ႘ေအ မဒွ္ရ၊ စုတ္စရင္ဂြံေကၜာန္လုိင္ေျဇန္ဂွ္ ဒးကုႝသၜဳဲေသံ(၃၀၀၀)ၐါတ္၊ ေဍံတံကုႝလိက္တှးထံက္ဂလာန္မြဲတှး၊ သြက္ဂြံစုတ္လဝ္ပႜဲကြ႘လုိန္ဓါတ္ဂွ္ နာမ္ၐါတ္အပ်ာ (ဂှန္တှးကတုႝ) ခ်ဴလဝ္ “အ.ထ.ဒ.သ”မြဲတှး၊ တုဲ ေဒသဒပ္ေဍံတံႏြံ အာကၜဳင္ဂြံမံင္ဖအုိတ္ရ ေဍံဟုီ ” သာ္ဝြံ ဂကူမန္ ညးမေကၜာန္ လဝ္လုိင္ေျဇန္ကြ႘လုိန္ဓါတ္မြဲတၜ ဟုီရ။

အဓိပၸဲါဇမၜိင္“အ.ထ.ဒ.သ”ဝြံ “အထူးေဒသ(ေဒသအေခါင္ေတဿင္)” မဒွ္တုဲ အာကၜဳင္တရဵ လၲဴဍဳင္ဖာအင္ေလဝ္ ဂြံကုီရ။ “ေဍံ(ဒ႘ေကဗ႘ေအ)တံ ဟုီဂွ္ေတွ္ အာကၜဳင္ဂြံ သုီလၲဴဍဳင္ဖာအင္၊ စုႝမတ္မလုီရ၊ ဆၢး အဲ မြဲအလန္ေလဝ္ ဟြံဂံင္အာဏီပုဟ္”သာ္ဝြံ ညးဆက္ဟုီရ။

ညးမေကၜာန္လဝ္လုိင္ေျဇန္“အ.ထ.ဒ.သ” ပႜဲေမန္လက္ပါန္ (မင္းလက္ပန္)မြဲတၜ ပႜဲေဒသျမဝတ႘ ဟုီဂွ္ ဒ႘ေကဗ႘ေအတံ ေကတ္ၾသန္ သြက္ကြ႘လုိန္ဓါတ္ညး (၅)လက္ေဒၠဝ္ မဒွ္ရ။ သြက္ဂြံအာကၜဳင္၊ တတ္ေကၜာံစေသှဟ္ဂင္တံ ပြမေလာဲသြာ ပႜဲေဒသဂွ္တုဲ ညးေကၜာန္ လဝ္ေရာင္ ညးဆက္ဟုီရ။

ေဗာ္ကေရင္ဗုဒၶဘာသာ ဒ႘ေကဗ႘ေအ ကႜဳိပ္သၠဳိပ္ ဂုဏ္အၥာ သုဇနဝြံ သှာံ(၁၉၉၄)ဂွ္ ပၚတိတ္ကၜဳင္ နဴေဗာ္ေကေအန္ယူ ႀကဵနဴပဋိပကၡ ပေရင္ဘာသာတုဲ သှာံ(၂၀၀၅)ဂွ္ ေကတ္ကၜဳင္ပေရင္ၐုိဟ္လလမ္ ေဒံါ ပန္ေပွာ္ ကု အလုႝအသ႘ပှာန္ဗဿာတံရ။

လုိင္ေျဇန္ဒ႘ေကဗ႘ေအ “အ.ထ.ဒ.သ”ဂွ္ဝြံ သုင္ေစာဲဂြံမံင္ပႜဲတြဳႝရးကေရင္သဿးဟြံက ဒှာဲဒပ္ေဗာ္ဒ႘ေကဗ႘ေအတံႏြံ မပၲံ စုႝပြဳိင္ဍဳင္ေရဝ္ တြဳႝရးဍဳင္မန္ ကုီ စုႝပြဳိင္ဍဳင္ၐ႘ေလင္ေတံေရာင္ ညးမေကၜာန္ကုႝမံင္လုိင္ေျဇန္ဏံ ဟုီလဝ္ကုႝရဲေကၜာန္အုိတ္ရ။

စနဴသှာံ(၂၀၀၄)အုိတ္တုဲ အလုႝအသ႘ပှာန္ဗဿာတံ ဟြံထပ္ပတိတ္ကုႝလုိင္ေျဇန္ကြ႘လုိန္ဓါတ္ ပႜဲကေရင္ ေကုာံ ဍဳင္မန္ကုီေလဝ္ ကြ႘လုိန္ဓါတ္ နဴဍဳင္ေသံ ကုႝ နဴဍဳင္ၾကဳက္တံ နဴကုႝဂၜံင္ကမၜတ္ အဆက္ေဗာ္ေဒံါပန္ေပွာ္တံ ဆက္လုပ္မံင္ကၜဳင္တိဍာ္ဂွ္ဖုိအ္ရ။

ဗြဲေတဿင္ ပေရင္ေကတ္လ်ဳိင္ ေဖ်ံပၲဳိန္၊ သြံရာန္ကြ႘လုိန္ဓါတ္ နဴဍဳင္ေသံဝြံ ေဗာ္ေဒံါပန္ေပွာ္ကေရင္တံ ဂြံလဝ္ဒှာဲအုိတ္တုဲ သဿာပေရင္ပုိန္ျဒပ္ ညးမဆက္ေဆာံမံင္ကုႝေဗာ္ဍဳင္မန္တဿိတံေလဝ္ ေကၜာန္တဵမံင္အုိတ္ကုီရ။ ပေရင္သြံရာန္၊ ေဖ်ံပၲဳိန္ ကြ႘လုိန္ဓါတ္ ေဗာ္ဒ႘ေကဗ႘ေအတံ ေကၜာန္မံင္လဿဳဟ္ဂွ္ အလုႝအသ႘ပှာန္ဗဿာတံ ၐုိတ္တီမံင္ကုီေလဝ္ ဓေလတ္လဝ္မုက္အုိတ္တုဲ ယဝ္ဆုႝကြ႘လုိန္ ဓါတ္ ဟြံမြဲကုႝလုိင္ေျဇန္တံ ဗဂပ္မၢးကုီ၊ ဒွ္ပ႐ူမြဲမြဲသာ္မၢး သုီသီကြ႘လုိန္ဓါတ္သဿးဟြံက သုီဂၜာဲဒုဟ္ဓရတ္ၾသန္ နဴညးဍဳင္ကြာန္ တၜကြ႘လုိန္ဓါတ္ရ။

ငၛဳဟ္မး ကြ႘လုိန္ဓါတ္ မုႝဒါန္သှာံ(၂၀၀၇) ပႜဲပယ်ဳႝျမဝတ႘ ကုႝ က်ာ္ပိတံဝြံ ဒတုံၾသန္ဗဿာ အၾကာ(၁၄-၁၅) ကုိဋ္ေဒၠဝ္တုဲ ငၛဳဟ္မး စုိပ္အပႜဲဍဳင္မတ္မလုီ၊ ဖာအင္တံဝြံ အၾကာ(၁၇-၁၈)ကုိဋ္ေဒၠဝ္ မဒွ္ရ။ ဟုိတ္နဴငၛဳဟ္မး ကြ႘လုိန္ဓါတ္ မှဳံကုႝလုိင္ေျဇန္တံ သၜဳင္နဴကုႝ ကြ႘လုိန္ဓါတ္ တိတ္တဿိလဿဳဟ္ဏံ ၐုိတ္ၐါဆ ဒတုံၐုိတ္(၃၀)ကုိဋ္ေရာင္တုဲ ရဲကြာန္တံ စကာကၜဳင္ကြ႘လိုန္ဓါတ္ ဟြံမြဲကုႝလုိင္ေသန္တံ ဂၜဳိင္ကၜဳင္ကုီရ။