ပ႐ုိင္ကဵဝဵ

ကဵဝဵ / တၛဲဗုဒၶဝါ ဒ႘ေျဇန္ပါ ၅၊ ၂၀၀၇

ဂေကာံ႐ုီဗင္ဟံင္ျပာ္တၜဒဒုိက္ ပယ်ဳႝေသံ-ဗဿာ ေကာ္ဂး ထ႘ဘ႘ဘ႘သ႘ (Thailand Burma Border Consortium - TBBC ) ဝြံ ဟုိတ္ နဴပေရင္ၾသန္ဂအုံတုဲ ဒးထပ္ယွအ္ေဖ်ံ ကေပါတ္စသုင္အရင္တၜဒဒုိက္ ပႜဲဗဒုိပ္တံပၜန္ေရာင္ ပ႐ုိင္မကၜဳင္နဴမာဆံက္ ဟုီရ။

ဟုိတ္နဴကုႝပေရင္ငၛဳဟ္သၜာဲၾသန္ေသံတုိန္အာတုဲ ၾသန္ဂအုံရန္လဝ္သြက္သှာံဏံ ယအ္ေစွ္အာၐုိတ္(၇)ကႜဳိပ္ကၜံတုဲ လဿိဟ္ၾသန္သြက္ သှာံဏံ ယအ္ေစွ္အာ ၐါတ္(၈၀)သင္ဃဲေရာင္ ခ်ဴလဝ္ပႜဲလိက္လေလာင္ၾတးဂေကာံဂွ္ရ။

ဂေကာံ႐ုီဗင္ဟံင္ျပာ္တၜဒဒုိက္ ပယ်ဳႝေသံ-ဗဿာဂွ္ဝြံ ေလာန္ကၜဳင္နဴသှာံ(၂၀)သှာံေတံရ စေရင္တၜဳင္ကၜဳင္မံင္ရ။

သှာံ(၂၀၀၈)ဏံ ယဝ္ၾသန္ထပ္ဆာပ္စုတ္ဟြံမာန္မၢး အရင္မကုႝမံင္တၜဒဒုိက္တံ မပၲံ သၛဳ၊ ေဂၜင္၊ မၐဲ၊ ခရံက္တံ ယအ္ေဖ်ံဖအုိတ္ ေရာင္ ညးေဇှာ္ ထ႘ဘ႘ဘ႘သ႘ လၲဴဍဳင္မာဆံက္ ဟုီရ။

အစ႘ဇန္ ခ်ပ္လဝ္ဏံဝြံ လုပ္အေဝါင္သုီဗဒုိပ္တၜဒဒုိက္(၉)ဒပ္ မြဲဒၿမိပ္ ပယ်ဳႝဍဳင္ေသံ-ဗဿာေရာင္။ တၜဒဒုိက္ဂမၜဳိင္တံေလဝ္ အကာဲ အရာလဿဳဟ္ဏံဂွ္ ပေရင္စသုင္ ဟြံ႐ုမ္ဂပ္အုိတ္မံင္ရတုဲ ထပ္ယအ္ပၜန္မၢး အၾကာအေခါင္အာကၜဳင္ဟြံမြဲဂွ္ ပုႝဒွ္ဒဒုိက္အုိတ္ရ။

“တိတ္မၛးေလဝ္ ဟြံဂြံပုဟ္၊ ေသံတံရပ္မံင္၊ ယဝ္အတုိင္ဏံေလဝ္ ဟြံကုႝအေခါင္တိတ္ေကၜာန္ကေမၜာန္မၛးဏီေတွ္ ပု႙ဟြံေလာဲပုဟ္” သာ္ဝြံ နာဲဗၜာဲ တၜဒဒုိက္ မတန္တဵမံင္ပႜဲဗဒုိပ္နဝ္ဖုိဝ္ လအ္ဂြံပြဳိင္(၂)သှာံမြဲတၜ ဟုီရ။ ပ႐ုိင္မံက္မံင္ပႜဲဗဒုိပ္တၜဒဒုိက္တံဂွ္ ယအ္ေဖ်ံအရင္ ကေပါတ္ေဇြာံမ ၐုိတ္ကဝက္ေရာင္ရ။

ဂေကာံဟံင္ျပာ္မန္(MRDC)တံေလဝ္ သြက္ဂြံဒးဒုင္ယအ္ေဖ်ံ ေဇြာံသၛဳ သြက္တၜဒဒုိက္ညးတံ ႏြံမံင္ေရာင္ ဂးရ။ “သှာံ(၂၀၀၇)ဏံ ပု႙ဒးယအ္ေဖ်ံ သၛဳ ကုႝတၜဒဒုိက္တံ ပြဳိင္မြဲဂိတုတုဲရ။ ပြဳိင္မြဲသှာံဂွ္ေတွ္ ဂြံသၛဳ (၅)ဂိတုရ။ မြဲဂိတု မြဲေစဝ္၊ (၂၀၀၈)ဏံေလဝ္ ဟုိတ္နဴ ၾသန္ဂအုံ ဂေကာံထ႘ဘ႘ဘ႘သ႘ဏံတုဲ သြက္ဂြံယအ္ေဖ်ံနဴဏံႏြံမံင္ ”ေရာင္ ဒု-ညးလ်ဳိင္ ႐ုင္ဟံင္ျပာ္ဂကူမန္ ဟုီရ။

ရဲတၜဒဒုိက္ ဗဒုိပ္မန္ ခလံက္ခန႘ ဟုီမၢး ယဝ္ထပ္ယအ္ေဇြာံမ ပႜဲဗဒုိပ္ညးတံပၜန္မၢး ညးတာလ်ဳိင္တံ ေထက္ကုႝဒးခ်ပ္စ ပေရင္တၜ ဒဒုိက္တံ ဂၜာဲၾသန္မၛး မြဲနဲမြဲဗုီေထက္ေရာင္ ဂးလဝ္ရ။ “ခါမ္ပု႙(ဗဒုိပ္ခလံက္ခန႘)ဏံဂွ္ နဴကၜာေတံရ ဂြံေအာန္နဴခါမ္ပါန္တံင္ယာန္တံ ခါမ္တှဟ္ဟ္တံဏီေဏာင္၊ လဿဳဟ္ ထပ္ယအ္ပၜန္မၢး ဒးခ်ပ္ကုႝပု႙ သြက္ဂြံဂၜာဲၾသန္မၛး မြဲနဲမြဲဗုီေထက္ရ” ေရာင္ တၜဒဒုိက္ဂွ္ ဟုီရ။