ပ႐ုိင္ကဵဝဵ

ကဵဝဵ / တၛဲအငၛာ၊ ဒ႘ေျဇန္ပါ ၁၁ ၊ ၂၀၀၇

နဴစတမ္သှာံ(၂၀၀၅) စုႝဒ႘ေျဇန္ပါဏံမၢး တၜဒဒုိက္ေကာန္ကဿိန္ဍဳင္ဗဿာတံ လဿိဟ္(၂)လက္တၜျပင္ ဂြံအေခါင္စုိပ္အာဍဳင္တတိယ ဗၵဗၵာဲ သြက္ဂြံေဖ်ံဒှာဲဝဲါအုိတ္ေရာင္ ဂေကာံယူေအန္အိက္ခ်္သ႘အာ လေလာင္ၾတးဏာ ပႜဲဂ်႘န႘ဗါ တၛဲဏံရ။

လဿိဟ္ဝြံ နဴဂိတုဂ်ာႏၷဝါရ႘(၂၀၀၅) စုႝဒ႘ေျဇန္ပါ(၁၀) နဴတေနံဏံ ရဲေဖ်ံဂြံသၨဳိင္ နဴဗဒုိပ္တၜဒဒုိက္(၉)ဒှာဲတံ မပါလုပ္အုိတ္တုဲတၜဒဒုိက္ (၂၀၈၇၈)တၜတံ တိတ္အာဍဳင္တတိယတုဲရေရာင္တုဲ တၜဒဒုိက္ ဂြံအေခါင္တိတ္ မင္မံင္(၃၄၇၁)တၜဏီေရာင္ ဂ်ာႏၷ႘ဝွါ ပါဂုႝေနတ္ ညးမႏြံကုႝအေခါင္ဟုီဂး ပႜဲယူေအန္အိက္ခ်္သ႘အာ ဟုီဏာပႜဲ႐ုင္ေဇှာ္ ဍဳင္ဂ်႘န႘ဗါဂွ္ မဒွ္ရ။

တၜဒဒုိက္ေကာန္ကဿိန္ဍဳင္ဗဿာတံ နဴဍဳင္ေသံ မြဲကဆံင္ တိတ္အာမံင္ဍဳင္တတိယေတံ ၾကပ္အ႐ုိဟ္တၛဲေရာင္ ခ်ဴလဝ္ပႜဲလိက္ လေလာင္ၾတးဂွ္ရ။ ပႜဲလဿိဟ္ဂွ္ဝြံ ညးမတန္တဵပႜဲဍဳင္အေမရိကာန္ဂွ္ (၁၁၇၃၇)တၜတုဲ ညးမဗၵဗၵာဲ ဍဳင္အဝ္သေၾတလ႘ယ်ာ ကုႝ ဍဳင္ခါ ဏါဒါဂွ္ မြဲဍဳင္ လဿိဟ္(၂)လၛီတၜ ျပင္မံင္ေရာင္ ဂးလဝ္ရ။ သၟာင္နဴကုႝဍဳင္ဂွ္တုဲ တၜဒဒုိက္တံ အာစုိပ္တန္တဵမံင္ ပႜဲေဝွန္လာန္၊ ေအန္ဂ လာန္၊ အုိင္ယာလာန္၊ နယူသ႘လာန္၊ ေနတာလာန္၊ နဝ္ေဝ ေကုာံ သြ႘ေဒန္တံ မဒွ္ရ။

တၜဒဒုိက္ မစုိပ္အာဍဳင္တတိယတံဗြဲမဂၜဳိင္ဝြံ ၿဂိပ္ဒဵစုိပ္ကၜဳင္လဝ္ပယ်ဳႝနဴပြဳိင္ေလာန္ကၜဳင္(၁၁)သှာံေတံအုိတ္ရ။ လဿဳဟ္ ပႜဲဗဒုိပ္တၜ ဒဒုိက္မြဲဒၿမိပ္ပယ်ဳႝေသံ-ဗဿာ (၉)ဒှာဲဂွ္ ေကာန္ကဿိန္ဍဳင္ဗဿာ ပၲဳိန္လဝ္စရင္ ဒဒွ္တၜဒဒုိက္တုဲတုဲ လဿိဟ္(၁၂၄၃၀၀)တၜရ။