ဗညာဟံသာ

သြက္ဂြံေကႅင္ဒက္ပၲန္ဍဳင္မန္ဂွ္ ဂေကာံမန္ဂၜဳိင္တိုန္ကၜဳင္ ေလဿင္သှာံ ဂေကာံေဇှာ္၊ ဂေကာံေဍာတ္၊ ဂေကာံအပႜဲဍဳင္၊ ဂေကာံမၛးဍဳင္ ေကုာံ ဂေကာံပေရင္ဍဳင္ကြာန္၊ ဂေကာံပေရင္မှိဟ္ သာ္ဝြံ ဒှာဲစုိပ္ဂွ္ ဒှာဲဒက္ ဂေကာံတုဲ ျဇဟတ္ဂေကာံ မြဲဂေကာံကႝုမြဲဂေကာံဂွ္ ေဍံတှဟ္ျခာေလပ္၊ ဂေကာံေဇှာ္၊ ဂေကာံေဍာတ္သီု ဖအိုတ္ဂွ္ ဒးႏြံကႝုေသှာဝ္ဂေကာံ၊ ေစဝ္ ေပှာန္ဂေကာံ ေကုာံ တင္ေဒၢတ္ဗက္ဂေကာံရ။ ေသှာဝ္တင္ေဒၢတ္ ဗက္ဂမၜဳိင္ဂွ္ ေဒၢတ္ဝတ္ဒ႘မဝ္ကေရၿဇ႘၊ ဂေကာံပံင္ ေကာံအာကႜဳိပ္ ေ႐ွ္ေသွ္တင္သၢဳတ္သြာတ္မှိဟ္လၸာ္ဂၜဳိင္ ေကုာံ ေ႐ွ္ေသွ္မှိဟ္က်ပႜဲေပဲါ႐ုဲမာဲတုဲ သၸစဿတ္သမၲီ လညာတ္ ေကာန္ဂေကာံဂမၜဳိင္ မဒွ္ရ။ ေဒၢတ္ဝတ္ဏံဂွ္ ဟီုေၿမာ္ပတိတ္ေလာဲသြာကီုေလဝ္ ဓမံက္႐ုပ္ရဵဝါတ္ဂါတ္မံင္ေရာင္။ သဘာဝဂေကာံမြဲမြဲဂွ္ မှိဟ္ေကၜာန္ ကေမၜာန္ဂေကာံ သှာံဂၜဳိင္ဂွ္ တီျပသှာဂၜဳိင္၊ ေသာင္ျပသှာေလပ္ဂၜဳိင္တုဲ မှိဟ္ေကင္ ေကၜာန္ေအာန္ဂွ္ တီျပ သှာေအာန္ ေသာင္ျပသှာေလပ္ေအာန္ ဒွ္ေလပ္ရ။

မှိဟ္မြဲမြဲဝြံ မုဟိုတ္ေဍံဒးလုပ္ဂေကာံ၊ မုဂေကာံေဍံလုပ္၊ ေဍံလုပ္ဂေကာံဂွ္တုဲ  မုဂုဏ္ဖႝုေဍံမိက္ဂြံဂြံ၊ မုဒတုဲဖႝု ေဍံမိက္ဂြံ ေကၜာန္ ေကုာံ မုတင္ရန္တဿံ၊ မုကႝုေဍံစြံတန္လဝ္ေရာဂွ္ စမ္ၐတ္ရ။ သဘာဝမှိဟ္ေဟင္ လုပ္ ဂေကာံမြဲမြဲမၢး မိက္ဂြံ ေကၜာန္အတိုင္ကသပ္ဇကုႏြံ၊ အတိုင္ဇကုညာတ္လၸာ္ခိုဟ္ သြက္ဂေကာံရ။

အတိုင္ဝြံေဟင္ နဒဒွ္ေကာန္ဂေကာံမြဲ ဇကုရံင္ေကတ္တုဲ တာလ်ဳိင္ေကာန္ဂေကာံဂွ္ ေဍံစိုပ္ကၜဳင္ပှးရ။ သြက္ေကာန္ ဂေကာံမြဲမြဲဝြံ အတိုင္ကမၼတ႘ဂေကာံေဖ်ံသၢဳတ္သြာတ္၊ အတိုင္ကႜဳိပ္သၠဳိပ္ဂေကာံ ကႝုဏာသၢဳတ္ သြာတ္ဂွ္၊ ဒှာဲလၛဳႝ ဟြံဒး ဂှပ္စိုတ္ေပင္င္ကီုေလဝ္ ဟိုတ္နဴဇကု ႐ုဲစွ္ပတိုန္လဝ္ကမၼတ႘ဂေကာံဇကု၊ ကႜဳိပ္သၠဳိပ္ ဂေကာံဇကုတုဲ ဇကုဒးဒုင္ဗက္ အာ အတိုင္သၢဳတ္သြာတ္ဂွ္ရ။ ဆၢးကီုေလဝ္ အတိုင္ဇကုဟြံေပင္စိုတ္၊ ဟြံေျပ စိုတ္၊ ဟြံတုပ္စိုတ္ဂမၜဳိင္ဂွ္ ပႜဲေကာံဓ႐ုီ ေကာ္ေလဿင္ဂိတု ေကာ္ဓ႐ုီဘာ္သှာံ ေကုာံ ေကာံဓ႐ုီေပင္သှာံဂွ္ ဗြဲမသၜးပြး ပတိုန္ထၞးမာန္ေရာင္။ ဂေကာံမြဲမြဲ ေကာန္ ဂေကာံ နဴ-၅-စိုပ္-၁၀၀၊ နဴ-၁၀၀-စိုပ္-၁၀၀၀-တၜ ေဍံဒွ္မာန္တုဲ ဂြံသၸစှးအလုံေကာန္ဂေကာံဂွ္ ႐ုဲစွ္ပတိုန္ဂေကာံအုပ္ ဓုပ္ဂေကာံ (ဝါ) ကမၼတ႘ဂေကာံဂမၜဳိင္ ေရာင္။ သာ္ဝြံေဟင္ ေဒၢတ္ဝတ္ဒ႘မဝ္ကေရၿဇ႘ အပႜဲဂေကာံဂွ္ ပဿိက္ေဇှာ္ကၜဳင္ရ။

ဇဿာပ္ကမၼတ႘ကုႝဂေကာံ တင္သၢဳတ္သြာင္ဂွ္ ကာလလေဆာဝ္ ေကာန္ဂေကာံဗြဲမဂၜဳိင္ ဟြံတုပ္စုိတ္မၢး မၛးကုႝ အေခါင္ဒစုႝ ဒစး နကုႝေသှာဝ္ႏြံရ။ တင္ပဿိက္ေဇှာ္တုန္ အခုိက္ကှာဂကူမန္၊ ဂေကာံမန္ဂွ္ မှိဟ္ေဇှာ္ဂေကာံ ေဖ်ံဏာသၢဳတ္သြာင္မၢး ေကာန္ဂေကာံဗြဲမဂၜဳိင္ အေခါင္ကေလင္ေခၜဝ္သွ္ ေအာန္ေလာန္တုဲ ဗြဲမဂၜဳိင္ အပႜဲ ဂေကာံဂွ္ ေဍံဒက္ကၜဳင္ ကႜဳိပ္ေဍံကုႝ ေဍံပၜန္ရ။ ျပသှာဏံဂွ္ အပႜဲဂေကာံမန္ဗြဲမဂၜဳိင္ ေသၢာံဆုႝကၜဳင္ေရာင္။ ပႜဲအရာရပ္စပ္သုင္ေစာဲ ၾသဇာဂေကာံ၊ အဝုႝ ဂေကာံဂွ္ ကမၼတ႘ဂေကာံဂမၜဳိင္ ဟြံေဒၢတ္ဗက္အတုိင္ေဒၢတ္ဝတ္ ပံင္ေကာံအာကႜဳိပ္ ေကုာံ ဗက္ဆႏၵပဿိက္ မှိဟ္လပၚဂၜဳိင္ အတုိင္သဘဵဓရ္ဂေကာံ တင္ရန္တဿဟ္ဂေကာံ ေကုာံ တုိင္ပၠဵဂေကာံမၢး ပေရင္ဖန္ဖက္အဝုႝပႜဲဂေကာံ ေယာင္ယာေစွ္ ကၜဳင္တုဲ ေဒၢတ္ဝတ္ဒ႘မဝ္ကေရၿဇ႘ အပႜဲဂေကာံ လုီလာ္ကၜဳင္မာန္ေရာင္။

ဟုိတ္ဝြံတုဲ ပႜဲအရာသၸစှးကုႝဂေကာံဂွ္ ပဿိက္ေဇှာ္ကၜဳင္ပၜန္ရ။ ပႜဲအရာသၸစှးဂေကာံပၜန္ နဲကဲ႐ုဲစွ္ဂေကာံ၊ စုတ္မာဲ ကုႝမာဲဂွ္ သာတုဲပဿိက္ေဇှာ္ေရာင္။ ပစၥဳပၸန္ဏံဂွ္ အပႜဲဂေကာံမန္ဗြဲမဂၜဳိင္ဂွ္ မှိဟ္ေကၜာန္မာန္ဂွ္ ကတုႝေကၜာန္ အာ၊ မှိဟ္ေကၜာန္ဟြံ မာန္ဂွ္ ဗက္လကၠရဵ ပေရင္သၸစှးေကာန္ဂကူဂွ္ ကၜးကၜးဖႜးဖႜး ဟြံမြဲရ။ ဂေကာံဗြဲမဂၜဳိင္ဂွ္ ကမၼတ႘ဂေကာံတံ ကႜဳိက္ပ္တုဲ အတုိင္အကာဲအရာကုႝကၜဳင္ဂွ္ ေကၜာန္ကၜဳင္ရ။ လိက္ဒုင္စ႘ေရင္ဂေကာံ ေကုာံ လိက္ေသၛဝ္ဂၜိပ္၊ ပၚပဲါပေရင္ခုိဟ္၊ ပေရံ အပႜဲကေမၜာန္ဂေကာံဂွ္ ဍဳိက္က္ေပင္င္ ေကၜာန္ဟြံမာန္ဏီရ။

မှိဟ္မြဲမြဲ ဂြံသၸစှးမှိဟ္မြဲဂေကာံဂွ္ ဒးႏြံကုႝေသှာတ္ဗၞတ္ စပ္ကုႝအေခါင္အဝုႝမကုႝလဝ္ ေကုာံ တာလ်ဳိင္မကုႝလဝ္ရ။ မုေကၜာန္န္၊ မုဂေကာံဒက္က္၊ ၾသန္ဂေကာံၾသန္ဂအုံဂေကာံ ေကုာံ အဝုႝဂေကာံ ဒးႏြံပႜဲတဲကမၼတ႘ဂေကာံဂွ္တုဲ ၐုိတ္လုႝ သုင္ေစာဲအဝုႝဂေကာံ၊ သာ္လုႝရပ္စပ္သုင္ေစာဲၾသန္ဂေကာံ၊ သာ္လုႝဒုင္စ႘ေရင္လၲဴေကာန္ ဂေကာံဂွ္ ဒွ္တင္စမ္ ၐတ္၊ ေဒၢတ္ဝတ္ဒ႘မဝ္ကေရၿဇ႘ အပႜဲဂေကာံတုဲ ဒွ္ၐဝ္ဇုတ္ဂေကာံ ဂြံအံင္ဇှးရ။ နကုႝဆုႝဂ ဗကုႝဒွ္၊ နကုႝလၛတ္ေကတ္ပေရင္အုပ္ ဓုပ္ဂေကာံကုႝဒွ္ ဂေကာံမြဲမြဲ သာ္လုႝသုင္ေစာဲအဝုႝဂေကာံတုဲ ေကာန္ ဂေကာံဂမၜဳိင္၊ သာ္လုႝႏြံကုႝဓရ္ပေတွ္ လၲဴကႜဳိပ္သၠဳိပ္ ဂေကာံဂွ္ ဒွ္အရာၐတ္ကှက္ ပေရင္ေဇှာ္ေမာဝ္တဵတက္ ဂေကာံေခတ္ပု႙ဏံရ။

အပႜဲဗြဳိင္ဂကူမန္ဂွ္ ဂေကာံေဇှာ္ေဇှာ္ မပၲံကုႝေဗာ္ဍဳင္မန္တဿိ၊ ဂေကာံဒ႘မဝ္ကေရၿဇ႘ေကာန္ဂကူမန္၊ ဂေကာံသင္သဿတ္ မန္ ေကုာံ ဂေကာံလိက္ပတ္ေယန္သှာင္မန္ နာနာဂမၜဳိင္ဝြံ ေသၢာံအာဍာ္ဇမၜိင္ဝြံ ေသၢာံေကတ္အာ တာလ်ဳိင္ဂေကာံ နကုႝဗုီျပင္ေစွ္ေစွ္ ဍာ္ဒေကဝ္ႏြံႏြံဂွ္ မဒးေသာင္ကလးအာ ေဒၢတ္ဝတ္ဒ႘မဝ္ကေရၿဇ႘ အပႜဲ ဂေကာံဗြဲမဂၜဳိင္ရ။ မြဲသာ္ပၜန္ ဂေကာံမြဲမြဲ ယဝ္ရေကာန္ဂေကာံမြဲမြဲ၊ ၾသန္လုပ္ဂေကာံဟြံမြဲ၊ ၾသန္ေကာန္ ဂေကာံဟြံမြဲတုဲ ဆၐုိတ္မှိဟ္သဿဟ္အေစာံ ဂမၜဳိင္ေဟင္ ေကၜာန္မံင္မၢး ဒွ္ဂေကာံသၸစှးမှိဟ္ဂမၜဳိင္ ဟြံေသင္တုဲ ဒွ္ဂေကာံတၜပညာကြတ္ ဝါ ဒွ္ဂေကာံပူဂုႝဒတုဲဖုႝ နကုႝပညာဇကုတုဲ ဟြံသၸစှးေကာန္ဂေကာံဂမၜဳိင္ရ။ ဟုိုတ္ဂွ္ရ အပႜဲဂေကာံမန္ဂမၜဳိင္ဝြံ ဂေကာံသၸစှးကုႝေကာန္ဂေကာံ ေကုာံ ဂေကာံဟြံသၸစှးကုႝေကာန္ဂေကာံ ဗြဲေယဘု ယ် ပၚပတိတ္ဂြံ ၐါသာ္ရ။ ဂေကာံသၸစှးကုႝေကာန္ဂေကာံ လဿိဟ္နဴ (၁၀၀)စုိပ္(၁၀၀၀၀)ဂွ္ ဒးႏြံကုႝေသှာဝ္ ဂေကာံ တင္ေဒၢတ္ဗက္ဂေကာံ ေကုာံ လိက္ဒုင္စ႘ေရင္ဂေကာံဍဳိက္က္ေပင္င္ တုဲ ဂေကာံဟြံသၸစှးကုႝ၊ ေကာန္ ဂေကာံဂမၜဳိင္ဂွ္ အတုိင္လညာတ္ဂေကာံဇကုႏြံ စပ္ကုႝပေရင္ဂကူဂွ္ သီကၜီပၲဳိန္ထၞးမာန္ ရ။ ဆၢးဂွ္ အပႜဲအရာ ေကတ္တာလ်ဳိင္ ေကုာံ ဗမံက္႐ုပ္ရဵကေမၜာန္ဂေကာံဝြံ ဂေကာံသၸစှးကုႝဂေကာံဂမၜဳိင္ ဗမံက္႐ုပ္ရဵ ကေမၜာန္ ဂေကာံ နကုႝဗြဳိင္ေကာန္ဂေကာံ ေလာဲသြာရ။ ဟုိတ္ဂွ္ရ ဂေကာံေကာန္ဂေကာံေအာန္န္ဂမၜဳိင္ဝြံ ဒွ္ဂေကာံ တၜကြတ္ပညာတုဲ ဒွ္ဂေကာံကုႝပညာကုႝကသပ္ သြက္ပေရင္ဂကူရ။

နကုႝလညာတ္ဂေကာံမြဲမြဲတုဲ ဂြံဒွ္ဒတုဲဖုႝအလုံဂကူမန္ဂွ္ ဒးဒုင္စမ္ၐတ္ နကုႝေဒၢတ္ဝတ္ဒ႘မဝ္ကေရၿဇ႘ အပႜဲ ဂေကာံပၜန္ ေရာင္။ ေဗာ္ဍဳင္မန္တဿိ ေကုာံ ဂေကာံည႘သဿဟ္ဂကူမန္ဝြံ ပႜဲအရာေဒၢတ္ဗက္ ေသှာဝ္ဒ႘မဝ္ကေရၿဇ႘  အပႜဲဂေကာံဂွ္ ဒုင္ စမ္ၐတ္ကၜဳင္တုဲ အၾကာကႜဳိပ္သၠဳိပ္ဂေကာံဂမၜဳိင္၊ ဓရ္ကၜဳိဟ္ခၜင္ ေကုာံ ဓရ္ပေတွ္ ၿဇဳိဟ္ နက္ ဗှတ္ဒးရးတုဲ ျပသှာလၛဳႝ ေဍံလာဲေလင္ကၜဳင္ရ။

တင္ပဿိက္ေဇှာ္သြက္ဂေကာံမြဲမြဲဝြံ ဆၐုိတ္ကႜဳိပ္သၠဳိပ္ဂေကာံသက္က္ ကၜဳိဟ္ခၜင္ေကတ္ သၨဳိင္ေသှာဝ္ဂေကာံ၊ သဘဵဓရ္ ဂေကာံ ေကုာံ အကာဲအရာဂေကာံသက္က္ဂွ္ ကေမၜာန္ဂေကာံ ဒၿမိပ္ေဍံဟြံၿဂိပ္တုဲ ဇဿာပ္ေကာန္ဂေကာံ ဝါ ေကာန္ ဂေကာံဗြဲမဂၜဳိင္ ဂြံကၜဳိဟ္ေကတ္ အကာဲအရာဂေကာံ၊ ဒဒုိခ္သှာဂေကာံ၊ ၾသန္လုပ္တိတ္ ဂေကာံ၊ တင္ေကာ္ခ်ဵအပႜဲ ဂေကာံ၊ ကေမၜာန္ဂေကာံေလဿင္ဂိတု ေကုာံ ေလဿင္သှာံသာ္ဝြံ နဴကုႝဂေကာံဂွ္ ဒးခ်ဴေသာင္ကလးမံင္လဿိန္ေရာင္။ ကေမၜာန္ဂေကာံမန္ဂွ္ ဒွ္ကေမၜာန္စၾသန္ဂိတု ဝါ ဂြံၾသန္သြက္ဗုင္ဟြံ ေသင္တုဲ ဇဿာပ္မှိဟ္ ေကၜာန္မာန္ဟြံေသင္။ အေဃာဂကူမန္ ဒွ္မံင္ဂကူဍိက္၊ ဂကူဟြံမြဲကုႝဍဳင္၊ ဂကူဒးဒုင္ ဍဳႝဍဳိက္နကုႝပှာန္ ေကုာံ ပေရင္ဍဳင္ကြာန္ဂွ္ ဂေကာံေဇှာ္ ေဇှာ္ဂမၜဳိင္ ဂြံခုိင္ကၜဳိက္ဂွ္ ပဿိက္ေဇှာ္ေကြံေကြံရ။ ဂေကာံေဇှာ္ေဇှာ္ မပၲံကုႝေဗာ္ဍဳင္မန္တဿိ၊ ဂေကာံဒမ ေကုာံ ဂေကာံမန္ ဍဳင္သၟာင္ဂမၜဳိင္ ဂြံခုိင္ကၜဳိက္ဂွ္ ေဒၢတ္ ဝတ္ဒ႘မဝ္ကေရၿဇ႘ အပႜဲဂေကာံ ဒးႏြံရ။ လညာတ္သမၲီေကာန္ဂေကာံကုႝ ကႜဳိပ္ သၠဳိပ္ဂေကာံဂွ္ ဒးဒွ္ဆီပေတင္ ဂေကာံဇကုေရာင္။