လိက္လညာတ္

ေကာန္ယကၡ

သှာံေႀတံ(၂၀၀၇)ဂွ္အိုတ္အာတုဲ ၿပံင္ေကၜာံစိုပ္သှာံတဿိ(၂၀၀၈)ရ။ သှာံေႀတံအိုတ္ကၜဳင္တုဲ လၛဳႝတံသၛ႘ဂၜိပ္ပေရင္ကေမၜာန္ မုညးတံ ေကၜာန္ပတုဲလဝ္ပြဳိင္မြဲသှာံ၊ မှိဟ္လၛဳႝတံေကတ္ဂုဏ္စရာဲလၲဴပေရင္ကေမၜာန္အံင္ဇှး၊ ညးလၛဳႝပၜန္ ေကတ္ဓရ္သံေဝဂ ဒဒွ္ရညးတံဗ်ဳ ေစွ္ကၜဳင္၊ ၾကပ္ကၜဳင္ကႝုေသၠံတဲသဿိင္မရဏပၜန္၊ မှိဟ္လၛဳႝပၜန္ ဟြံစြံသတိပေရင္ၿပံင္သၜာဲ သှာံေႀတံသှာံတဿိတံတုဲ မံင္အာအတိုင္ပကတိ ဓမၼတာဂွ္ေလဝ္ ႏြံဒဿံင္ဟြံေအာန္ဏီရ။

ဗီုလႝုဟီုဟီု ဗီုလႝုစြံစိုတ္စြံစိုတ္၊ စက္ယာန္အခိင္ကာလတံေဂတ္ဒဿံင္ဟြံေဒံါဇူ ဟြံပိုတ္သၠဳတ္ရ။ ပေရင္ကေမၜာန္ပ႙ု က်ေဟာံၿဗံေလဝ္ ကႝုဒွ္၊ ေသၢာံပုိင္ၿပ႘ကၜဳင္ပေရင္အံင္ဇှးေလဝ္ကႝုဒွ္ အခိင္ဝြံ… ေဍံဟြံစြံဂ႐ု၊ ဟြံသၸကာမြဲသာ္ အလႝုေဍံေဟင္ ေဍံင္အာဒဿံင္ရ။ မှိဟ္လၛဳႝ စြံငၛဳဟ္မးကႝုအခိင္တုဲ ပုိင္ျခာၐတ္ကှာတ္လဝ္ အခိင္ဏံမုဒးဒွ္၊ အခိင္ေတံမုဒးဒွ္တုဲ ေဖ်ံလဝ္သၛိအင္အခိင္ေလဝ္ႏြံရ။ ညးလၛဳႝပၜန္ ဟြံစြံစိုတ္ ဟြံကူခ်ပ္လၸာ္အခိင္မြဲသာ္ ၐိုတ္ဂြံကႝုဂြံ ေကၜာန္ဗီုဂွ္ေလဝ္ႏြံကီုရ။

ပႜဲေလာကဏံ ဂေကာံမှိဟ္ပ႙ုတံ သၸစဿတ္သမၲီၿပံင္သၜာဲသှာံတဿိဂးတုဲ လၛဳႝတံေကၜာန္ေပဲါသဘင္ေဝင္မိပ္ၿဂဳိင္စသုင္အိုတ္ရ။ ညးလၛဳႝပၜန္ နဴဌာန္ေဒသေသၛာဲ ေဂၜာဲစဵစိုပ္သၛိမိမယာဲတ၊ ဍဳင္မိတိမတုဲ ဆႝုဂဗမိမ မသကေလာေကာေဒံ သၠံရဲဌာန္တိုပ္သုက္အိုတ္ရ။ ဗြဲေတဿင္မၢး… ရဲဍဳင္ပလိုတ္တံ ဂြံအခိင္ဇူကေမၜာန္ စဵစိုပ္ဌာန္မိမ မသကေလာေကာေဒံတံဂွ္ ဒွ္အခိုက္ကှာမြဲကီုရ။

ညံင္ရဵဗီုျပင္ဂေကာံမှိဟ္ပ႙ုကီု ဟိုတ္နဴဥတုရာသ႘ၿပံင္သၜာဲတုဲ တှံဆုတှံဒုန္တံေလဝ္ အကာဲအရာဗီုျပင္ၿပံင္သၜာဲကၜဳင္ကီုရ။ ပႜဲဍဳင္ပလိုတ္ဂွ္ ဒွ္အခိင္မုဟ္က်ာ (Winter) အခိင္လတိုပ္လမၜာင္ေစွ္တုဲ သဗၺအိုႆီုရံင္အာဂၜဳဓီုဒဿံင္ရ။ ဟိုတ္နဴဥတုၐိုဟ္ဂံက္ ေလာန္တုဲ တှံဆုတံပၜန္ေလဝ္ တှံဓဂါတ္ ကှာင္တှးျပဟ္အိုတ္အာဂွ္ ဂြံဆႝုေကတ္ရ။ ပႜဲဍဳင္ဗဿံက္ ဒိုဟ္အာယွပၜန္ေလဝ္ တိကွ္ က်ာဂံက္ ႐ုပ္ရဵမံက္ကၜဳင္ ဗီုျပင္ဥတုရာသ႘ၿပံင္သၜာဲကီုရ။ ဣဏံဝြံ… ဒွ္ေလာကဓမၼတာ အခိင္ဍဳိပ္ဍဵသာယာေလဝ္ႏြံ၊ အခိင္ကွ္ ဟြံျမဟ္ဆာဲေလဝ္ႏြံရ။

အခိင္ကာလၿပံင္သၜာဲေကၜာံဒဿံင္တဿိတဿိဏံဂွ္ ညးလႝုမြဲေလဝ္ ပေဒံါတာဒှာဟြံဂြံရ။ ဗီုေဍံကႝုေဍံ အလႝုေဍံကႝုေဍံ ၿပံင္သၜာဲေကၜာံအာဒဿံင္ လဿဳိန္ကာလရ။ ပႜဲဂၜးတိဏံဝြံ… ေခတ္တံၿပံင္သၜာဲကၜဳင္တုဲ အကာဲအရာဗီုျပင္တံေလဝ္ ၿပံင္သၜာဲဒဿံင္အိုတ္ရ။ နဴကႝုေခတ္တဿံ၊ ေခတ္ ပေဒသရးတံဂွ္ တၛဲဏံဂံါလုပ္စိုပ္ကၜဳင္ ေခတ္ IT (Information Technology)ဏံရ။ ေခတ္ဂွ္ၿပံင္သၜာဲဒဿံင္တုဲ ပေရင္ဍဳင္ကြာန္၊ ပေရင္ပိုန္ျဒပ္၊ ပေရင္ပညာ၊ ပေရင္မှိဟ္နာနာသာ္တံေလဝ္ ၿပံင္သၜာဲဒဿံင္မြဲလစုတ္ေလဝ္ ဟြံဇူရ။

ေခတ္ဂွ္ၿပံင္သၜာဲကၜဳင္ကီုေလဝ္ မှိဟ္လၛဳႝေကြတ္ဇကု ဝါဒဇကုဟြံၿပံင္ဏီဖိုဟ္။ ေကြတ္ေႀတံ ဝါဒအွ္အွ္တံဂွ္ ဟြံမိက္ကၜဟ္ ေကမ္ဇ်ာပ္ တုဲ ယိုက္ဗစိုပ္နင္ပႜဲေခတ္တဿိဏံဖိုဟ္ဏီရ။ ဒုင္ခ႘ေကာ္ဆဵဒဿံင္ကႝုေခတ္တဿိတုဲ ဝါဒအွ္အွ္ ေကြတ္ေႀတံေႀတံတံဂွ္ ယိုက္ပၜဳပ္နင္ ပႜဲဝိုင္ ေခတ္တဿိဏံဏီရ။

တုဲကၜဳင္ၐါပိတၛဲဏံ သဿာပေရင္ဍဳင္ကြာန္ ပႜဲဍဳင္ပါေကႆတာန္မြဲတၜ ဒးဒုင္ကၜတ္ပန္ရ။ သၠဳိပ္ဝန္ေဇှာ္ေႀတံ(Bhuto)ဝြံ ဒွ္သဿာပေရင္ ဍဳင္ကြာန္ဒယွ္မြဲတၜ ညးမှဳံပဿိက္ပေရင္ၿပံင္သၜာဲရ။ ဆဂး… သဿာေကြတ္ေႀတံ ညးဟြံမြဲပဿိက္ပေရင္ၿပံင္သၜာဲတံ ဂြိင္ေဖက္အဝႝုအာဏာ ညးတံေအာန္ေစွ္တုဲ မေကၜာန္သၸပေရင္ပပၸ႘ယုတ္စှာဲ ပြသရာံပါပ္တံအိုတ္ရ။ ဗီုဂွ္ကီု တၜအဝႝုဗြဲမဂၜဳိင္ ဍဳင္ဗြဲမဂၜဳိင္တံ ရံင္ကႝုအဝႝုအာ ဏာညးတံတုဲ ေကမ္ဇ်ာပ္လဝ္ဝါဒအွ္အွ္ ေကြတ္ေႀတံေႀတံတံဖိုဟ္ဏီရ။

ဗုီလႝုဟီုဂွ္ ဓမၼတာေလာကရ။ က်ာ္ႀတဲလႝုဒွ္ဒွ္ ဟီုတြံလဝ္ဓရ္သခၤါရ ရ။ ဝယဓမၼာ သခၤါရာ အပၸမာေဒန သမၸာေဒထ သဗၺအိုႆီုတံဂွ္ ဟြံခိုင္ဗိုန္၊ ဟြံတန္ၾကန္ ဟြံဂြံအလႝုအသ႘အိုတ္ရ။ ဓရ္သခၤါရဂွ္ လၸဝိုတ္အိုတ္ညိ။ မှိဟ္လၸဟီုဏီ၊ ဂေကာံ႐ုပ္လမ်ဳီဟြံမြဲတံေလဝ္ သၵး ၿပံင္သၜာဲတဵအိုတ္ရ။

ပႜဲအခိင္သာမယမၛဳႝသှာံတဿိဏံဂွ္ ပ႙ုတံသီုဖအိုတ္ ဒုင္တၜဳင္သှာံတဿိ နကႝုစိုတ္ခိုဟ္စိုတ္ၿပဲေထက္ရ။ ေကႅင္ပၚပဲါသၛ႘ဂၜိပ္လညာတ္၊ ဝါဒ၊ ေကြတ္ေႀတံတံဂွ္တုဲ ေကႅင္ပေလဝ္ပတိုန္ လညာတ္ဍာံ၊ ကေမၜာန္ခိုဟ္တံဂွ္ ေထက္ရ။ ပေရင္ေကာန္ဂကူ၊ ပေရင္ဍဳင္ကြာန္၊ ပေရင္ပိုန္ျဒပ္၊ ပေရင္ပညာ ေကုာံ ပေရင္မှိဟ္အိုႆီုတံဂွ္ ပ႙ုသၵးပေလဝ္ပၲဳိန္၊ ပခိုင္ပၲဳိန္နကႝုသ႘လ၊ သမာဓိ၊ ပညာတုဲ လြ႘ၐံင္ပၲဳိန္ ပေရင္ကေမၜာန္ပ႙ုအိုႆီု ဒႝုဂြံေပဲါအံင္ဇှးညိ ဆဝ္မၛဳဟ္ဗၲဳိက္ေဖၟာဝ္ဏာ ပႜဲအခိင္သာမယ မၛဳႝသှာံတဿိဏံရ။