ပ႐ုိင္ကဵဝဵ

ေမာဝ္ဝ္အး - ကဵဝဵ / ဂ်ာႏၷဝါရ႘ ၄ ၊ ၂၀၀၈

သဿတ္ဝုတ္မန္ နဴကြာန္ဗဆုဲၿပံင္ေဖ်ံဒှာဲဝဲါတဿိ ေဒသခ႐ုိင္ထဝဲါမြဲတၜ ေကၜံအာပြဳိင္မြဲသတၲဟတုဲမွ ခ်ဳိတ္မံင္သုီဇုက္ဒက္ကအ္ဗၵာဲၿဂဳိပ္မြဲ ဒှာဲဂွ္ ဂြံဆုႝေကတ္ရ။ သဿတ္ဝုတ္ အာယုက္(၂၀)သှာံဂွ္ဝြံ သၵးဒုင္ပလုီပလာ္လဝ္တုဲ ဒးဒုင္ဒက္ဂစုိတ္လဝ္ကအ္သာ္ဏံေရာင္ ရဲကြာန္တံ ေစွ္လဝ္စုိတ္အုိတ္ရ။

ပႜဲေဒသခ႐ုိင္ထဝဲါဂွ္ဝြံ ဂကူမန္၊ ကေရင္၊ ထဝဲါ ေကုာံ ဗဿာတံကုီ ရဲေဖ်ံပၲဳိန္ဆုတံကုီ မတန္တဵမံင္အုိတ္တုဲ မဒွ္တိဍာ္သဿဝ္တဲေဗာ္ဍဳင္ မန္တဿိရ။

သဿတ္ၿဗဵ ဒးဒုင္ဒက္ဂစုိတ္ကအ္ဝြံ မိဣေဍတ္ နဴကြာန္ဝင္နာ္ မဒွ္တုဲ ဒးဒုင္တံင္ဓဇက္ဏာ ပြဳိင္မြဲသတၲဟတုဲ ကေလင္ဆုႝဇြသာ္ဝြံ မဒွ္ရ။

“ေဍံ(သဿတ္ၿဗဵ) မံင္ဒဿံင္ကု ယာဲသြဳီတုဲ ဗက္သြံမံင္ေသှဝ္ေကဝ္ရ၊ တၛဲေကၜံအာဂွ္ ေဍံဗက္သြံမံင္သတ္ဟျပဳ ပု႙ဆုႝမံင္၊ ေဍံသြံဂြံလဝ္သၜဳဲ (၁၅၀၀)ေဒၠဝ္၊ တၛဲကေလင္ဆုႝဇြေဍံဂွ္ သၜဳဲ (၁၅၀၀)ဂွ္ကုီ သုီပှာင္ေဍံရာန္လဝ္ဂွ္ ဂြံဆုႝေကတ္ရ”သာ္ဝြံ ညးမအာစုိပ္လဝ္ခ႐ုိင္ထဝဲါ မြဲတၜ ဟုီရ။

တၛဲကေလင္ဆုႝဇြ ဒ႘ေျဇမ္ပါ(၂၁)ဂွ္ ဟုိတ္နဴကၜဳႝတံ တံင္ဓဇက္လဝ္႐ုပ္ရဵလုီမံင္တုဲ ညးလ်ဳိင္ ပႜဲေဒသတံ ဗက္စဿ႘တ္မံင္ဖုိဟ္ေရာင္ ဂြံတီေကတ္ရ။