သၻင္လံင္ဗေဗင္ေကၜင္ ကြာန္ဖာအံက္ - ႐ုႝဂုႝဝြံ ေကၜာန္ဗဒွ္လဝ္ အပႜဲတၛဲတိင္ ဂိတုဘတ္ေပင္ တုဲကၜဳင္ဏအ္ဂွ္ တၜအဝုႝပှာန္ဗဿာ ဒုိဟ္ရးအဂှဲတအ္ ေဖ်ံလဝ္ဂုီကၜဳီ အၾကာပြ႘ဴ မေကၜာန္ဗဒွ္သၻင္ဂွ္ရ။

ႏြံျခာ ၂၀၀ မ႘တာဂ္ွ ေဖ်ံစြံလဝ္ဒပ္ပှာန္ေဍံ နကုႝကယ်ဳိင္ပှာန္ေပင္င္ ဗၵာဲဂၜံင္ နကုႝကြ႘စက္ေဇှာ္ေဇှာ္ အပႜဲမြဲဒၿမိပ္ လံင္ဗေဗင္ေကၜင္ ဂိတုဘတ္ ၁၄ မံက္ မတုဲကၜဳင္ဏံရ၊ သာ္ဝြံ က်ာ္ေဇှာ္ ညးမေရင္တၜဳင္မံင္ အပႜဲေကၜာန္ဗဒွ္သၻင္ဂွ္မြဲတၜ ဟုီလဵ ကု ကဵဝဵရ။

ကမၼတ႘ဖန္ဇန္သၻင္တအ္ အာတ္မိတ္ကု ညးလ်ဳိင္ပှာန္ဗဿာတအ္ ညံင္ေသၢာံ႐ုပ္ေကၜံေထာံဒပ္ပှာန္ အၾကာသၻင္လံင္ ဗေဗင္ေကၜင္ ကြာန္ဂ္ွကုီေလဝ္ ပှာန္ဗဿာတအ္ဂ္ွ ထၞးဟုိတ္ပေရင္ဂုီကၜဳီ ေကာန္ဇာတ္ညးေဇှာ္ေဍံတအ္ ပါလုပ္မံင္ အပႜဲလံင္ဗေဗင္ေကၜင္ဂွ္ကုီတုဲ ဟုိတ္ဂ္ွရ ေဍံတအ္ ဆက္ရံင္ေက်ာဝ္မင္မံင္အကာဲအရာ စုႝကုႝသၻင္တုဲဒွ္အာရ။

သၻင္လံင္ဗေဗင္ေကၜင္ ကြာန္႐ုႝဂုႝဂွ္ဝြံ သုီဇေမၛာဲျခာ စုက္မံင္ကုဂအုပ္ပှာန္ ဒုိဟ္ရးအဂှဲဂွ္ကုီတုဲ ေဍံတအ္ထၞးကၜဳင္ ဟုိတ္သာ္ဏအ္ ကုီေလဝ္ သှာံကၜာကၜာေတံ ေသၢာံေဖ်ံလဝ္ဂုီကၜဳီ ျဇဟတ္ဗြဲမဂၜဳိင္ေဂၜင္ ဗုီဏအ္ဂွ္ ဟြံေကင္ႏြံကၜဳင္ေရာင္ က်ာ္ေဇှာ္ဂွ္ ဆက္ဟုီရ။

က်ာ္ေဇှာ္အၥာ ဆက္ဟုီပၜန္ဂွ္ "သၻင္ဏအ္ လက်ာ္ေစ္ွဗေဗင္ဂၜဳိင္မံင္ဂွ္ သှာံဏံမွ ဟြံေသင္ပုဟ္၊ သှာံတုဲတုဲကၜဳင္ေတံေလဝ္ လဿိဟ္ဂၜဳိင္မံင္ဗုီဏအ္ကုီရ၊ လဿဳဟ္ ေဍံ (ညးမပုိင္ၿပ႘အဝုႝ)တအ္ မင္ရံင္မံင္၊ ေဖ်ံကၜဳင္ဂုီကၜဳီ အပႜဲသၻင္လံင္ဗေဗင္ ဗုီဏအ္ဂွ္ ညးမကၜဳင္ကုႝဒါန္တအ္ကုီ၊ ညးမကႛေစွ္ဗေဗင္တအ္ကုီဂွ္ ေထင္စုိပ္အာ မြဲမြဲသာ္ေဏာင္။ ေဍံတအ္ရ ညံင္ရဵကၜဳင္ ဂၜာဲမံင္သှတုဲ ဗြဲမစုိတ္တပ္တး ေသၢာံေကၜာန္သၸပေရင္ကုသုႝဂွ္ ဟြံဂြံေကၜာန္အုိတ္ရ။ သၻင္ဏအ္ဂွ္ မဒွ္သၻင္ ပေရင္ဘာသာသာသနာမန္တအ္ ေကၜာန္ဗဒွ္ကၜဳင္မံင္ ဗြဲမလအ္လကဖာေတံရ။ ႐ုိဟ္လဿိဟ္သှာံေလဝ္ ဟြံမာန္ရပုဟ္" သာ္ဝြံ ဂးဒဿံင္အုိတ္ရ။

သၻင္လံင္ဗေဗင္ေကၜင္ ကြာန္ဖာအံက္ - ႐ုႝဂုႝ သှာံဏအ္ဝြံ လဿိဟ္ ခမ႘သင္ ၇၀၀၀ ျပင္ နဴဘာ ၁၀၀ ျပင္ ကႛေစွ္ကၜဳင္စုိပ္ နဴပြဳိင္ဍဳင္မတ္မလုီ၊ မုဟ္ဍဳင္၊ က်ာ္ျမဟ္ ေကုာံ တကအ္ခဿဳိင္တအ္ရ။ ဘာတုိက္လိက္ေဇှာ္ေဇှာ္ နဴလၲဴဍဳင္မတ္မလုီ မပၲံ ဘာတုိက္လိက္ သိင္မမ၊ ယဲ၊ အံက္ဗေဂါ ေကုာံ ေသန္ဖ်ဴတအ္ေလဝ္ ကႛေစွ္သၻင္လံင္ဗေဗင္ေကၜင္ဂွ္ရ။