ကမၸန႘ျမဝတ႘ထရိက္ေဒန္လ႘မ႘တာက္(Myat Wadi Trading Limited)တံ ေျဇာတ္တံင္ပၲဳိန္ေကတ္မံင္ဗၲီ မြဲဒၿမိပ္ၐ႘ျဂာင္တုဲ သြံရာန္ ပလံင္ဏာမံင္ဍဳင္သကၤာပူ အပႜဲပြဳိင္မြဲဂိတုမၢး (၁၀)အတန္မြဲတုဲေရာင္ ပ႐ုိင္ဝိက္ခ္လ႘အ႘ေလယ္လ္ေဝန္(weekly eleven) နဴအပႜဲ ဍဳင္ ခ်ဴဓမံက္လဝ္ရ။

စပ္ကုႝကိစၥေျဇာတ္တံင္မံင္ဗၲီနဴၐ႘ျဂာင္ သြံစမံင္ကႝုဍဳင္သၟာင္ဂလုိင္ဏံကုီေလဝ္ ညးဍဳင္ကြာန္မြဲဒၿမိပ္ၐ႘ဂွ္ ညးမြဲေလဝ္ဟြံတီလဝ္၊ ဟြံဂြံလဝ္တင္သမၲီနဴအလႝုအသီပှာန္ဗဿာတံေရာင္ ရဲကြာန္မန္ မြဲဒၿမိပ္ၐ႘ျဂာင္ဂွ္ ဟုီရ။

“ဂၜဳင္ေဍံတံေစွ္တုိန္မံင္ဂွ္ ၐုိန္ဆုႝမံင္ကုီေလဝ္ ေထင္လဝ္သြက္ဂြံေကၜာန္ဒဒန္ သုင္ေစာဲညိညဓဝ္အုိတ္ရ၊ ကၜဳင္လဵမွညးတံဂြံတီ ဒဒွ္ ပတိတ္ေကတ္မံင္ဂလုိင္ဏံဂွ္၊ နကုႝအလုႝအသ႘ပှာန္တံ မုဟြံကၜဳင္ကုႝသမၲီအုိတ္ရ၊ စနဴညးေဇှာ္ကြာန္ ဥကၠ႒ကြာန္တံေလဝ္ ဟြံတီ လဝ္အုိတ္ပုဟ္” ဂွ္ အၥာပ႐ုိင္ကဵဝဵ ကုႝနင္ပ႐ုိင္ရ။

ရဲကြာန္မြဲဒၿမိပ္ၐ႘ျဂာင္တံေလဝ္ အခိင္ဍာ္ေအာန္မၢး ေစွ္ေကတ္မံင္ဗၲီ သြက္ဂြံသုိင္ခှံသၛိတံ ႏြံမံင္ကုီေရာင္တုဲ သြက္ဂြံသြံရာန္စဂွ္ ညးေဇှာ္ကြာန္တံ တာဒှာလဝ္ေရာင္ေလဝ္ ဥကၠ႒ကြာန္မန္ နဴေဒသဂွ္ ဟုီရ။

ကမၸန႘သကၤပူ ဂြံအေခါင္ရာန္မဗၲီၐ႘ျဂာင္ဂွ္ဝြံ မှဳံယဿဳသတာဟုိက္ ေအယွ ပါတ္သ႘ဝွိတ္ ဖါတ္လ႘မ႘တာက္ (StarHigh Asia Pacific Pte. Ltd.)မဒွ္တုဲ သြက္ဂြံသုင္ေစာဲ ပႜဲမေကၜာန္ဗဒင္တုိက္ေကာန္ကေရတ္ ပႜဲဍဳင္သကၤပူေတံရ။

ကဝ္နာင္ထူ လ်ဳိင္ဆက္ေစၜာံ နဴဂေကာံထိင္ဒဝ္သဘာဝပြဴ႘ ဗာမာပေရာေဂ်တ္(Burma Project) စပ္ကုႝဗၲီၐ႘ျဂာင္ဏံတုဲ ဟုီလဝ္ဂွ္ မၢး “ယဝ္ေျဇာတ္ၐံက္ေကတ္ေထာံဗၲီတံ ဂလုိင္ဂလုိင္ဏံေတွ္ ကေပါတ္ဓါတု မဇာပ္ဒုိပ္မံင္ သဿဝ္အလင္ကြပ္ေတံသှာံလအ္လတံ တုိန္ကၜဳင္လၲဴမုက္ဍာ္မၛးဏံတုဲ ဍာ္ပေရံပေရံ မကၜိခန္တံ ဒွ္ကၜဳင္မာန္ေဏာင္” သာ္ဝြံ သၢးလဝ္ရ။

ကၜာဟြံေကၜာန္ကုိန္ဇ႘မာန္ဏံဂွ္ နကုႝနအဖတံ သၵးခ်ပ္ဂှန္စကုႝဂေကာံသဘာဝပြဴ႘ မေဆင္စပ္ကုႝပေရင္ဇုီလပုိက္ နာနာတံကုီ ေထက္ေရာင္တုဲ ကုိန္ဇ႘မာန္ဏံဝြံ သြက္ညးေဒသမြဲဒၿမိပ္ၐ႘ျဂာင္တံ ဗဒွ္ကုႝပေရင္ဇုီလပုိက္ သုီလကၥ်န္ပေရံ၊ သုီလကၥ်န္ခုိဟ္ကုီ ေရာင္ေလဝ္ ဂေကာံဂွ္ ဆက္ဟုီရ။

မိစရာဲနန္ ညးမတုဲလဝ္ကုဘာသဘာဝပြဴ႘ ဟုီဂွ္ “ဍာ္ပေရံပေရံ မကၜိခန္တံ ကတုႝဒွ္တုိန္ေဏာင္တုဲ သတ္ဍာ္မဗၵဗၵာဲမံင္ တံေလဝ္ ေကၜံကၜက္အာမာန္မံင္၊ ေျဇာတ္ပၲိတ္ေထာံဗၲီဂွ္ ဂၜဳိင္တုိန္ေတွ္ သင္ၐ႘ၐါလၸာ္ဂွ္ေလဝ္ အခိင္ဍာ္ထပက္ဂၜဳိင္တုိန္ အာေဏာင္၊ တှံဆုမတုိန္ဂ်ဳိင္မံင္အၾကာအရးတံေလဝ္ ဒးခ်ဳိတ္ဂၜဳိင္တုိန္ေဏာင္”ရ။

နကုႝပေရင္မှိဟ္တံ သၵးဒုင္ဇုီလပုိက္ လၸာ္ခုိဟ္ေအာန္ဟြံမြဲေရာင္တုဲ ကေမၜာန္တုႝလြ႘ညးဍဳင္ကြာန္တံ မဗၵဗၵာဲကၜဳင္မံင္ကုႝ အဆက္က္ ေသှာဝ္ဒေတာဝ္ညးတံေလဝ္ ပေရင္ေဂဟဆက္စပ္မံင္ အပႜဲသဘာဝၐ႘ဏံဂမၜဳိင္ေလဝ္ သၵးဒုင္လုီလာ္ အုိတ္ေရာင္ဂွ္ နာဲတုိင္ပၲဵ နဴဂေကာံပၲိတ္လဝ္လိက္ဒုင္စ႘ေရင္ ေအန္တာေဗယ္လ္ေလန္ (In the Balance) ပ႐ူၐ႘ေဇှာ္သာန္ေလာန္ ကုႝ တဿိန္ဍာ္ဂွ္ ဟုီရ။

ဗၲီေျဇာတ္တံင္နင္နဴၐ႘ျဂာင္ဂွ္ဝြံ ကေလင္သၟးဇၛးမံင္ဗၵာဲဒဒန္ေဇှာ္မတ္မလုီ-မုဟ္တဿံဂွ္တုဲ နဴေသှဟ္ကၞင္မတ္မလုီ  ပလံင္ဍဳင္သကၤပူ နကုႝကၞင္ဍာ္ မှဳံယဿဳ(YOUNG HENG-8289) လတိုင္္စုတ္ဗၲီလုပ္ တန္(၃၅၀၀)ဂွ္ရ။

ကၞင္ပလံင္မဗၲီ ဍဳင္သကၤပူေတံဝြံ စပလံင္မံင္နဴသာပ္ေတမ္ပါ(၅) သှာံ(၂၀၀၇)ဂွ္ရေရာင္ေလဝ္ ပ႐ုိင္ဝိက္ခ္လ႘ အ႘ေလယ္လ္ေဝန္ဂွ္ ခ်ဴလဝ္ရ။

မဗၲီနဴၐ႘ေဇှာ္ဍဳင္ဗဿာဂမၜဳိင္ မပၲံၐ႘ဨရာဝတ႘၊ ေခ်င္တြန္၊ သာန္ေလာန္တံ သြက္ဂြံစမ္ၐတ္လဝ္ဂွ္ ေကတ္ဏာလဝ္ တုိင္သက္သ႘(နမူနာ) ေလာန္ကၜဳင္(၅)ဂိတုေတံရတုဲ ကုမၸန႘သကၤပူဂွ္ ႐ုဲစွ္ဒွ္ရာန္ မဗၲီၐ႘ျဂာင္ဏံရ။

ငၛဳဟ္မးဗၲီ မသြံရာန္မံင္ကု ကမၸန႘သကၤပူဂွ္ ညးစှးကုမၸန႘ျမဝတ႘ဂွ္ ဟြံလဵထၞးပုဟ္ေလဝ္ ခ်ဴလဝ္ပႜဲပ႐ုိင္ညးတံရ။

ငၛဳဟ္မး မဗၲီသြံရာန္မံင္ပႜဲေဒသဍဳင္မတ္မလုီဂွ္ဝြံ မြဲကတုိင္(၄)ေပေဂတ္၊ လ်ဳိဟ္(၂)ေပ)မၢး (၃၀၀၀)ေဒၠဝ္တုဲ ပႜဲေဒသမုဟ္ဍဳင္၊ ျဇပ္ဗု၊ ေရဝ္တံမၢး ငၛဳဟ္ဒတုံအၾကာ(၄၀၀၀-၅၀၀၀)ေဒၠဝ္ မႏြံရ။