တၛဲဏံခမ႘သင္လၲဴဍဳင္လၢဳင္တံ တိတ္ဂၜံင္ေဂတ္ဍဳင္ထၞးဆႏၵအိုတ္တုဲ အခိင္ေလၵာဝ္တၛဲ ခမ႘သင္ထၞးဆႏၵတံ ရန္လဝ္ေကာံကေလာံ ညးသၠံလၲဴက်ာ္လၢဳင္ဂွ္ ဟြံဒွ္ကၜဳင္ရ။

အလုႝအသ႘ပှာန္ဗဿာတံ ဟိုတ္နဴမိင္လဝ္ ခမ႘သင္လၲဴဍဳင္လၢဳင္တံ သာပ္ေတမ္ပါ ၁၈ တၛဲဏံမၢး တိုန္ေကာံဓရုီညးသၠံ လၲဴက်ာ္လၢဳင္ ေရာင္တုဲ တဿာတ္ေထာံပါင္မုခ္က်ာ္ပန္ဒိုဟ္ရ။

အခိင္ခမ႘သင္တံ ကၜဳင္စိုပ္ဂၜံင္ေစွ္က်ာ္လၢဳင္ ဒိုဟ္ဗဿံက္ဂွ္ လဿိဟ္ညးတံဒွ္တိုန္အာ ၐိုတ္မသုန္ကၜံဇကုကုီေရာင္တုဲ ရဲကုႝဒါန္ဍာ္ တံကုီ သုီညးဍဳင္ကြာန္တံေလဝ္ ကုႝျဇဟတ္ ကေရာံခမ႘သင္တံအိုတ္ေရာင္ဂွ္ ခမ႘သင္မန္ နဴဘာမန္လၲဴဍဳင္လၢဳင္မြဲတၜ ဟုီရ။

အခိင္ၐိုတ္ေလၵာဝ္တၛဲၐိုတ္မြဲနာဍ႘ဂွ္ နအဖတံ ဘိက္နင္က်ာ္ေဇှာ္အၥာတၜ နဴဂေကာံသဃၤ သြက္ေသၢာံစုႝဒှာဲပေရင္ကၜဳိက္ ကဿဳႝ ဂၜံင္ဒုိဟ္ဗဿံက္ က်ာ္လၢဳင္ဂွ္ေရာင္ေလဝ္ ညးဟုီရ။

ခမ႘သင္ဟြံဂြံအေခါင္တိုန္က်ာ္လၢဳင္တံဝြံ ကေလင္ကြာ္ပတဝ္အာလၸာ္ေလၵာဝ္ဍဳင္ က်ာ္သုေလတံအိုတ္တုဲ ႀကဵဂွ္ဆက္ထၞးဆႏၵ ကြာ္အာဂၜံင္က်ာ္ဗုႝလၛီေတံအိုတ္တုဲ လုပ္တိုန္စိုပ္အာက်ာ္ဗုႝလၛဳီေတံအိုတ္ေရာင္ဂွ္ ပရိုင္ဗဿာတံခ်ဴလဝ္အိုတ္ရ။

ခမ႘သင္ကြာ္ဂၜံင္ထၞးဆႏၵဂွ္ ကႜဳိပ္ေလံဒုက္အလုႝသ႘ပှာန္ဗဿာတံ ရံင္ဗက္ကၜဳင္မံင္အကာဲအရာ ခမ႘သင္ေတံကုီေလဝ္ မုျပသှာဟြံမံက္ အာအိုတ္ရ။

ဂိတုသာပ္ေတမ္ပါမံက္ဂွ္ ခမ႘သင္ကြာ္ဂၜံင္ထၞးဆႏၵပႜဲဍဳင္ပခုကၠဴတံ သၵးၐုင္တက္ရပ္စပ္ကုေလံဒုက္နအဖတံတုဲ သြက္ေသၢာံေကႅင္ ဒုင္ဂုဏ္ ရးဒုဟ္လၲဴခမ႘သင္တံဂွ္ တၛဲဏံခမ႘သင္တံကုႝလဝ္အခိင္လကၠရဵအိုတ္ကုီေလဝ္ နအဖတံ ဟြံဂြံေကၜာန္သၸပေရင္ဒုင္ဂုဏ္ အိုတ္ရ။ ဟိုတ္သာ္ဝြံတုဲ ခမ႘သင္အလုံဍဳင္ဗဿာတံ ထၞးကၜဳင္ဆႏၵသာ္ဝြံမဒွ္ရ။

ခမ႘သင္တံထၞးဆႏၵ “ပတၲနိကၠဳဇၨန” ဏံဝြံ ဟြံဒုင္တဲဒါန္နဴအလုႝသ႘ပှာန္ဗဿာတံ  ပေရင္ခ်ဳိတ္ဂ်ဳိင္နအဖတံေလဝ္ ခမ႘သင္တံဟြံပါလုပ္ ဟြံေရင္တၜဳင္ ဟြံဆက္ေဆာံေရာင္ဂွ္ စနဴတၛဲဏံ စုႝကုႝနအဖတံေကႅင္ဒုင္ဂုဏ္ ေဖ်ံမာနေရာင္ ဂေကာံခမ႘သင္တံလေလာင္ၾတး လဝ္ရ။

ပႜဲတၛဲဏံ အတုိင္ပ႐ုိင္ဗဿာတံေတာ္ဆလဝ္ လဿိဟ္ခမ႘သင္တံ ဒွ္ထၞးဆႏၵအလုံဍဳင္ဗဿာမြဲမၢး ေအာန္အုိတ္(၇)ဍဳင္ ကတုႝဒွ္ေပဲါကြာ္ဂၜံင္ အုိတ္ရ။ ဍဳင္ဒွ္ထၞးဆႏၵဂမၜဳိင္ဝြံ လၲဴဍဳင္လၢဳင္ လဿိဟ္ခမ႘သင္ၐုိတ္(၅၀၀-၆၀၀)ဇကု၊ ပႜဲဍဳင္ဗေဂါ လဿိဟ္ခမ႘သင္ အၾကာ(၁၂၀၀- ၁၆၀၀)ဇကု၊ ပႜဲဍဳင္ပခုကၠဴဂွ္ လဿိဟ္(၁၀၀၀)ဇကု၊ ပႜဲဍဳင္ေသန္ေတြ (စစ္ေတြ)ရးရေခင္ဂွ္ လဿိဟ္ၐုိတ္(၃၀၀)ဇကု၊ ပႜဲဍဳင္က်ဳက္ပဒုင္ (ေက်ာက္ပန္ေတာင္း) လဿိဟ္ခမ႘သင္ထၞးဆႏၵတၛဲဏံ ၐုိတ္(၅၀)ဇကု၊ ပႜဲဍဳင္အံင္လာန္(ေအာင္လံ)ဂွ္ လဿိဟ္(၉၀)ဇကုတံ ဒွ္ထၞးဆႏၵ အုိတ္ရ။

ဗြဲေတဿင္ ေပဲါထၞးဆႏၵခမ႘သင္တံ ေကၜာန္ဗဒွ္ပႜဲဍဳင္ေသန္ေတြဂွ္ဝြံ ဒွ္ပဋိပကၡ ေပွာ္ကၜဟ္ညးသၠအ္ကုႝ ဂေကာံေလံဒုက္ နအဖတံတုဲ ခမ႘သင္မြဲတၜ ကုႝ ရဲဂေကာံေလံဒုက္မြဲတၜ ကႜဳိပ္ထၠးအာအုိတ္ေရာင္ ခ်ဴလဝ္အပႜဲပ႐ုိင္ဗဿာတံရ။

ပႜဲဍဳင္ေသန္ေတြ၊ ရးရေခင္ေတံပၜန္ အခိင္ခမ႘သင္ ထၞးဆႏၵတံကြာ္တတ္အာေဢာံခန္ဍဳင္ ေလၵာဝ္ဍဳင္မြဲဒှာဲဂွ္ နဴဂေကာံေလံဒုက္ နအဖတံ ဖံက္ဗတုိဟ္ မဟတုိဟ္(ဗမ္)ဍာ္ရမတ္ဓဇူကုီ၊ သုီရမွ်ာင္လြဟ္ကုီေလဝ္ ညးဍဳင္ကြာန္ ကၜဳင္ဗုႝကုႝျဇဟတ္ လဿိဟ္ကုႝလက္တံ ဆက္ကုႝမံင္ျဇ ဟတ္အုိတ္ဖုိဟ္ေရာင္ ပ႐ုိင္ဒ႘ဝ႘ဗ႘ ခ်ဴလဝ္ရ။

ပႜဲဍဳင္ဗေဂါ ရဲတက္ဗုီ နဴဂေကာံေလံဒုက္နအဖ(၂)တၜတံ သၵးဒုင္သီေကတ္ကာမၼရာ ကုခမ႘သင္ထၞးဆႏၵတံကုီ ေရာင္ေလဝ္ ပ႐ုိင္ယိုဝ္မ ၃ ခ်ဴဗဿံက္လဝ္ရ။