ညးမန္ဟံသာ       ဖါသီမုတ္တဿ၊        ဒဒုိက္ေလာန္တဲ    ဘဲဂမ်ိရ၊
ဝ႘ဝဲသမၲတ္တ္        ဒးညာတ္ကမၜ၊      ဇဿာပ္မဗုိက္ဂၜိဳက္     ဒဒုိက္ဂွ္ရ၊
ဂိစုိတ္ေကြံသြံ        ဟြံဝုိတ္ညိည၊       ပ႐ုိက္ပၿဒဵ            ဒဵဟြံဗၜးရ၊
စံင္တူသေမၛာံ        ဟြံမြဲေဆာံမ၊         ေထာံေကၜံသၛိဌာန္   ဂစာန္ဒဵရ၊
သေမၛာတ္စုိတ္ပႜဲ    နဴဘဲဝဲသှ၊           ဇတဝ္သျမပ္         (ညံင္လြပ္ယက)၊
မုက္မတ္ၿဗီၿဗီ        ကၟီဟြံမာန္ရ၊         သှသမိၵဳတ္ပၜန္       ဒဇန္ႀကံၾက၊
ဒှာဲညာတ္ပၠဳီဘဲ      ပႜဲစုိတ္သၺာထ၊       ဂ႐ုတ္ဏာမြဲ         ဟြံမြဲေကြံရ၊
ညံင္အပိင္သာတ္   ညာတ္မႏုႆ၊      ဝးကံသုင္            ေဍံကၟီျဗျဗ၊
ပမာသာ္ဂွ္            မဒွ္ပၜန္သှ             အေခါင္ဂြံဗၜး         နဴရးဗာလ၊
မွတ္ၿဒိပ္ဒဵပၜန္        သန္ထာန္ေဒသ    ရးဍဳင္သၟာင္          သမှိင္ကှာင္သၜ၊
အသာရဝါတ္        ဂြံညာတ္ညိ။

စုိပ္ဇှဴဗဒ             ေဒသခန္လြာ၊       ဍဳင္ေသံလဟိင္     သမှိင္မန္ကၜာ၊
ဟြံဒးဒြိင္ဒဲြါ           ဂြံဗၵဲာဇူအာ၊           စုိတ္လၐုိဟ္ပၜန္      သုိက္သန္သုခါ၊
ၐုိဟ္ႀသိဳဟ္လအိတ္ ဝုိတ္မိတ္ျပဝါ၊       ဟြံခ်ပ္လဗိင္         ပႜဲၿဂိဳပ္ဂှိင္မွာ၊
ပ႐ုိက္လလဵ          (မဒဵဒုကာ)၊          ဝုိတ္ေကၜံေသာဲေသာဲ ဝ႘ဝဲတမၜာ၊
နဴရးဌာန္             ေဒသဟံသာ၊       မန္မဒဵကၜဳင္          စုိပ္ဍဳင္ခန္လြာ၊
ဂြံဒှာဲဒလာဲ            ၿပဲဆာဲတုဲကၜာ၊       ပု႙မၢးဂွ္                 ဒွ္မန္ေသင္ဟာ၊
သုီကုႝဓဝိင္           ဂၜိင္ေသၛာဲဗွ္အာ၊      ေကာန္ပု႙ဗြဲႀကဵ       စဵဗြဲဂတကၜာ၊
ညံင္ေဍံဂြံတီ         ခပ္သီတြဟ္မွာ၊     တီတုဲစုိတ္ဂိ          ဒမၜိအခါ၊
ဂြံပၜန္စုိပ္ပညဳင္      ဍဳင္ၐုိပ္ဟံသာ၊      ဇူဒဿံင္မလံ             ေလဿာင္ဟြံဟဲဟာ၊
ညံင္ပ်ဴတအ္ဂွ္      ပဒွ္ညိကၜာ၊           ပဟြံစ႘ေရင္           ေလဿင္ဝတ္ေလာကာ။