ဍဳင္ဝွတ္ဝိင္ ၊ (အံက္တဝ္ပါ - ၁၁) ။     ။ ရန္တဿအ္ကုႝသြက္ဂြံေကၜာန္ဗဒွ္တၛဲေကာန္ဂကူမန္ ယးသှာံဂတေတံ ပႜဲဂိတုဂ်ာႏၷဝါရ႘ဂွ္တုဲ ဂေကာံမန္ မစိုပ္ဍဳင္အေမရိကာန္ ဗြဲေတဿင္ ဒှာဲသတုီမှိဟ္ဂၜဳိင္ ပႜဲရးေအန္ဒ႘ယ်ာဏာ ကုႝ အုိဝ္ဟာဲအိုဝ္ မမှဳံၐိုတ္ဒစာံကၜံတၜျပင္တအ္ ႐ုဲစွ္ဒက္ပတန္သာပ္ကမၼတ႘ အာစိုပ္ဒတုဲေရာင္။

ရးေအန္ဒ႘ယ်ာဏာဂွ္ ႐ုဲစွ္သာပ္ကမၼတ႘တုဲဒွ္အာ ပႜဲဂိတုအဝ္ဂါတ္ေတံရဂွ္တုဲ ပႜဲရးအျခန္ဂွ္ ဂိတုအံက္တဝ္ပါ သတၲဟတုဲကၜဳင္ေတံဂွ္ ႐ဲုစွ္သာပ္ကမၼတ႘အာစိုပ္ဒတုဲရ။

အတိုင္နာဲေကာန္ယကၡ မဒွ္သာပ္ကမၼတ႘ သြာင္လေလာင္ပ႐ိုင္ နဴရးေအန္ဒ႘ယ်ာ၊ ဝွတ္ဝိင္ဟုီထၞးဂွ္မၢး ညးတအ္ သုီဘိက္အမာတ္ကန္ကရိတ္ အေမရိကာန္ ပႜဲရးညးတအ္ကုီရ။ တၛဲေကာန္ဂကူ ပႜဲရးေအန္ဒ႘ယ်ာဏာ၊ ပြဳိင္ဍဳင္ဝွတ္ဝိင္ မဒွ္ဒှာဲဒတန္ ေကာန္ဂကူမန္ညးဒဒိုက္ဒဵပှာန္တအ္ ေဖ်ံသဇိုင္ဂၜဳိင္အိုတ္ဂွ္ ျပာကတ္အိုတ္မြဲရ။

``သှာံဏံ ေဆင္ဝိုင္တအ္ ပတိုန္စင္ေဏာင္၊ ဂေကာံကြိင္ကြဳိက္ဇကုကုႝဇကု လဟိင္အာစိုတ္ေဏာင္၊ ညံင္ဂြံဒွ္ကၜဳင္အဏံမာန္ဂွ္ ဂစာန္ညိ`` ဂလာန္ျမဵသာ္ဝြံ နာဲေကာန္ယကၡ မဒွ္ညးအုပ္ကာဂေကာံမန္ ဍဳင္ဝွတ္ဝိင္ဂွ္ ဟုီေကာ္ဘိက္ဏာ သကအ္ရဲညးမြဲတၜ မပဒတဵဒဿံင္ ပႜဲရးအုိဝ္ဟာဲအိုဝ္ မမှဳံကရပ္ရးညးဂွ္ရ။

ရးအိုဝ္ဟာဲအိုဝ္ဂွ္ ဒွ္ဒှာဲဒတန္ သတုီေကာန္ဂကူမန္တအ္ ပဒတဵဂၜဳိင္အိုတ္ မရနဳက္ကုႝဒုတိယဂွ္တုဲ လဿိဟ္ေကာန္ဂကူမန္သုီဖအိုတ္ႏံြၐိုတ္၁၆၀တၜေရာင္။ ရးအုိဝ္ဟာဲအိုဝ္၊ ပြဳိင္ဍဳင္အျခန္ဂွ္ ဘာလက်ာ္မန္ႏံြကုီဂွ္တုဲ ဘာလက်ာ္ဂွ္ေဟင္ ဒွ္ဒှာဲဒတန္ေကာန္ဂကူမန္တအ္ ေကာံဓ႐ုီခ်ပ္ဂှန္သ႘ကၜ႘ရ။

ဂေကာံမန္ဝွတ္ဝိင္ မမှဳံၐိုတ္ ၆၀၀တၜျပင္ဂွ္ သှာံဏံ ပကတ္ပေကင္လဝ္ ပေရင္ေလွ္ဒေယွ္တိင္တိုက္ဗြဲေတဿင္ရ။ ညးတအ္ ေကာ္ဘိက္နင္ သဿာေလွ္ဒေယွ္တိင္တိုက္ဒယွ္ နဴဍဳင္မန္ဂမၜဳိင္ပိတၜတုဲ ပကတ္ပေကင္လဝ္ သြက္ဂြံေဇှာ္လဟုႝပတိုန္ပေရင္ကေမၜာန္ သုခုမမန္ ပႜဲကိဿန္ဍဳင္အေမရိကာန္ရ။ ဂေကာံမှိဟ္ျဗဵမန္ ေကုာံ ဂေကာံသဿတ္မန္ညးတအ္ သြက္ဂြံေကၜာန္ၐိုတ္ေရင္တၜဳင္အာ ေတဿင္င္ ပႜဲတၛဲေကာန္ဂကူညးတအ္ သှာံဏံႏံြရ။

ျဇဟတ္ပေရင္စန္ဒက္ဂေကာံညးတအ္ကုီ၊ ဒှာဲဒတန္ညးတအ္ေကာံဓ႐ုီကုီ ဟိုတ္နဴဍဳိက္ေပင္႐ုမ္ဂပ္ဂွ္တုဲ ညးတအ္ခ်႘ဒရာင္လွဲလွဲလးလးမာန္ရ။

အခိင္ကာလ ညးအုပ္ကာနာနာဗဟုႝေဗာ္ဍဳင္မန္တိဿ နာဲဟံသာ ေကုာံ နာဲကသုမန္ နဴဂေကာံအာမ္ယူေအဝ္ သုီမဒွ္ဒဲါရက္တာ ဂေကာံဒက္ပတန္အေခါင္အရာမိှဟ္ပႜဲတိဍာ္ဍဳင္မန္တအ္ ကၜဳင္စိုပ္ဂွ္ေလဝ္ ဂေကာံမန္ဝွတ္ဝိင္ဂွ္ ဒုင္တၜဳင္ကတိုင္ကတိုင္ကမွ္ကမွ္ နကုႝျဇဟတ္ေဇှာ္ေဇှာ္ရ။ ပြဳိင္ဍဳင္ဝွတ္ဝိင္ဂွ္ ဒွ္ဒှာဲဒတန္ဗဟုႝေကာန္ဂကူမန္ မစိုပ္ကဿိန္ဍဳင္အေမရိကာန္တအ္ဂွ္တုဲ ဒတန္ဝြံသုီဒွ္ဒှာဲဒတန္ မလြ႘ၐံင္ပတိတ္လဝ္ ေဗာ္ကေလင္ဒက္ပတန္ဍဳင္မန္ ေကာ္ အာမ္အာျဇ႘ကုီရ။

ေကာန္ဂကူမန္ မပဒတဵပႜဲကဿိန္ဍဳင္အေမရိကာန္တအ္ ရံင္ေကတ္ဟဏံ ၐိုန္ရကတိုင္ကမွ္ပႜဲပေရင္ဂကူကုီေလဝ္ ဆဂး ေကာန္ဇာတ္ညးတအ္ ဒးဒုင္ငၛိတ္ကမၜက္ကုႝဂေကာံမှိဟ္အေမရိကာန္တအ္ဂွ္ သကာတ္ျမဟ္နဴကုႝဒးဒုင္ငၛိတ္ကမၜက္ကုႝဗဿာ ေကုာံ ေသံဏီရ။ ဗုီလဿိဟ္ဂကူမန္ ဒးယအ္ကၜဳင္ပႜဲဍဳင္ဗဿာ ကုႝ ေသံ ဒဿာနဴဒွ္အာဗဿာကုႝေသံဂွ္ ပႜဲကဿိန္ဍဳင္ပလိုတ္တအ္ဂွ္ေလဝ္ ၾကက္ဒးယအ္အာဗြဲမျပဟ္ေရာင္ဂွ္ ညးမဆာန္ဂကူမန္ မစိုပ္ဍဳင္တအ္ဂ္ွတအ္ဂွ္ ပရဟ္ေတာ္ဆလဝ္အိုတ္ရ။

ေကာန္ဇာတ္ညးတအ္ ေဍံတအ္ကုႝေဍံတအ္ ဟြံဟုီအေရဝ္မန္အိုတ္ဂွ္တုဲ ညးမဆာန္ဂကူတအ္ ကတုႝဒွ္ဒဿံင္ဓဝိင္ေဇှာ္ကုႝျဇဟတ္အိုတ္ရ။ နကုႝအလုႝမိမေဍံတအ္ေလဝ္ ကတုႝဒွ္ဒဿံင္ဓဝိင္ေဇှာ္ေဇှာ္ ေဖက္ေတှာဝ္ဒေတာဝ္လုီလာ္အိုတ္ကုီရ။

``အဲေကာ္ဏာေကာန္အဲကုႝကၜာဲဘာသာမန္ဂွ္ ေဍံကၜာဲကုႝဘာသာေအန္ဂလိက္ပၜန္၊ မုေဍံဂြံေတဿင္ေရာ``ဂလာန္ျမဵသာ္ဝြံ ေကာန္သဂံင္မန္ေၾတံမြဲတၜဂွ္ ဟုီလဵပူစဗုီညးဒဒုင္စသိုင္ပႜဲဂၜမ္စိုတ္ညး စပ္ကုႝေကာန္ညးရ။ ေကာန္ညးညံင္ဂြံေလပ္လိက္မန္အေရဝ္မန္ဂွ္ ညးပတိတ္ျဇဟတ္ေလာန္ရ။

ပေရင္ေဗၲာန္လိက္ပတ္မန္ဂွ္ ဒွ္နဲကဲတာဒှာနဴဘဲဂကူကၜက္မာန္ကုီေရာင္ေစွ္စိုတ္တုဲ ဂေကာံေဗာ္သြးမန္တအ္ဂွ္ ဂစာန္လြ႘ပရာအစ႘အဇန္ေဗၲာန္လိက္ပတ္မန္ ဥတုကညင္အိုတ္ရ။

မန္စိုပ္ဍဳင္ပလုိတ္တအ္ ၐိုန္အေခါင္ႏံြ ဟိုတ္နဴဒွ္ဍဳင္ဒ႘မဝ္ကေရျဇ႘ကုီေလဝ္ ဆဂး အခိင္ဟြံမြဲရ။ ဟိုတ္ဂွ္တုဲ တၛဲေကာန္ဂကူမန္ရဂွ္ ညးတအ္ ဒး႐ုဲစွ္ကိတ္ကုႝတၛဲအဒိုတ္ကုႝသၛိသဝ္ မဟြံေသင္ကုႝမာ္မြဲေစြက္ရ။