သၸစဿတ္သမၲီတၛဲဨကရာဇ္ၿဗဵမန္ ဗညာေထာ (မိစဵဗု) ကတုႝဒွ္မှိဟ္တုဲ ဂေကာံညးၿဗဵမန္ဍဳင္တအ္ ေကၜာန္ဗဒွ္ဏာ တၛဲညးၿဗဵမန္ ဗြဲမအံင္ဇှးရ။ သှာံ(၂၀၀၈)ဏံမၢး ေကၜာန္ဗဒွ္ကၜဳင္ တၛဲညးၿဗဵမန္ မရႏုက္ကုႝ(၅)ဝါ မဒွ္ရ။

သြက္ေသၢာံပတုိန္စရာဲ ဨကရာဇ္ၿဗဵမန္ မိစဵဗုကုီ ဓဝ္ည႘သာအၾကာဂေကာံညးၿဗဵဂမၜဳိင္ ေသၢာံခုိင္ဗုိန္၊ ေသၢာံေကၜာံကႜ ပံင္ေတာဲအာ ဗြဲမည႘သာကုီ၊ သဂြံပတုိန္ ျဇဟတ္စုိတ္ဓါတ္ညးၿဗဵမန္တအ္တုဲ ေကၜာန္ဗဒွ္ တဲၛညးၿဗဵမန္ေရာင္ ေသၢာံတီေကတ္ရ။

“ပု႙ဂေကာံညးၿဗဵမန္ ဍဳင္အေမရိကာန္၊ ဂေကာံညးၿဗဵမန္ဍဳင္ခါဏာဒါ ေကုာံ ဂေကာံညးၿဗဵမန္ေဒသပယ်ဳႝတအ္ ပံင္ေတာဲခ်ပ္ဂှန္ ေရင္သၠအ္ ဂၜဳိင္ကုႝအလန္ ဂၜဳိင္ကုႝဝါတုဲ ပု႙ဂြံတင္တုပ္စုိတ္ သြက္ေသၢာံသၸစဿတ္သမၲီတၛဲညးၿဗဵမန္တု လဿဳဟ္ ပု႙ေကၜာန္ဂြံမရႏုက္ကႝု (၅)ဝါရ” သာ္ဝြံ ညးမဒွ္ဥကၠ႒ ဂေကာံညးၿဗဵမန္ ဍဳင္အေမရိကာန္ ဒံက္တာ မိစရာဲမန္ ဟုီေသာင္ကလး ပ႐ူေကၜာန္ကၜဳင္ တၛဲညးၿဗဵမန္ရ။

မိသုိက္ဆာန္(မိလာဲ) ကႜဳိက္ပ္ပၜတရဵ ေကတ္တာလ်ဳိင္တုဲ ေ႐ွ္ေသွ္အလာံမန္ နကုႝဒြက္တုဲ သုီေ႐ွ္ေသွ္ကု ပူဂုႝျပဟ္ လလုဲအာ သြက္ဂကူတအ္ရ။ မိသုိက္နန္၊ မိေက်ဝ္ေလာန္တအ္ ဗွ္လိက္လေလာင္ၾတးပံင္ေတာဲ တၛဲညးၿဗဵမန္ နကုႝဘာသာေအန္ဂလိက္၊ ဘာသာမန္အုိတ္ရ။ “ညးၿဗဵမန္ဂမၜဳိင္ ဗုီဗညာေထာကုီ ကုႝသဂြံလုပ္ေကၜာန္ကေမၜာန္
ေကုာံ ကႜဳိက္ပ္ပႜဲေကင္ကာမှိဟ္၊ ေကင္ ကာပုိန္ျဒပ္ ေကုာံ ေကင္ကာဍဳင္ကြာန္ဂမၜဳိင္ျမဟ္ဟ္ၿမဵၿမဵမာန္ညိ” သာ္ဝြံ ရန္တဿအ္ မိက္သဂြံပတုိန္ျဇဟတ္ညးၿဗဵမန္တအ္တုဲ ပု႙ေကၜာန္ဗဒွ္တၛဲညးၿဗဵမန္ ပဲႜတဲၛဨကရာဇ္ၿဗဵ ကတုႝဒွ္မှိဟ္ရ” သာ္ဝြံ ဗမံက္ထၞးလဝ္ ပႜဲလိက္လေလာင္ၾတး ပံင္ေတာဲတၛဲညးၿဗဵမန္ရ။

ပႜဲသဘင္တၛဲညးၿဗဵမန္ဂွ္ မိဇဝ္ပၠဵ၊ မိသဇင္ထဝ္ ေကုာံ မိသိကၡာသုခုမတအ္ လၛတ္လဝ္ပ႐ူလိက္ဂျမင္ညာဏ္ ဂၜံင္ဍာန္ ညးၿဗဵတုဲ ခ်ဴပတိတ္လိက္က႑ညးၿဗဵမန္ အတိက္၊ အနာဂတ္၊ ပစၥဳပၸန္တုဲ ပတုိန္ထၞးလဝ္ကုီရ။

အခိင္သဘင္ကှာတုဲဒွ္ဂွ္ သုီကုႝေလွ္လဟိင္ကုႝ ကခ်ိင္မန္ကုီရ။ ေကာန္သဿိင္ၿဗဵ မိသုိကၡမာ ေလွ္ထၞးပ်းကုႝတုဲ ပုရိသာတ္ဂမၜဳိင္ ေဖ်ံလာဘ္တက္တဲကုႝျဇဟတ္ဗြဲမေလာန္ရ။

ဂေကာံညးၿဗဵမန္ ဍဳင္အေမရိကာန္ ေကၜာန္ဗဒွ္တၛဲညးၿဗဵမန္ မရႏုက္ကုႝ(၅)ဝါဏံဂွ္ ဂေကာံအမ္အာသ႘၊ ဂေကာံသဿတ္၊ ဂေကာံသင္ တအ္ေလဝ္ တုိန္စုိပ္ကုႝျဇဟတ္ကုီ ေသၢာံတီေကတ္ရ။