သြက္႐ုင္စက္ တိဗ႘လာတ္မ်ာင္ကေလဂွ္ ဗတုိဟ္မံင္မုိင္၊ ခဲါမံင္တဿံဟြံမဲြကုႝေသှာတ္ဗၐတ္ ဗၵာဲဒုႝက်ာ္ကအ္ဂြန္ ဍဳင္ကေရင္တုဲ မုက္ဂူ လၸာ္အပႜဲတအ္ ထ႐ုိဟ္ေစွ္မံင္ဂၜဳိင္တုိန္ဂွ္ ေဖက္ညးဍဳင္ကြာန္တံတီအာတုဲ ညးလ်ဳိင္ေဒသတံ တဿာတ္ေထာံအေခါင္လုပ္ေလၛာဝ္ဗုႝ က်ာ္အပႜဲထီုဂူဂွ္ရေရာင္ ပ႐ုိင္မကၜဳင္နဴေဒသဂွ္ ဟုီရ။

ညးဍဳင္ကြာန္ ေကုာံ ခမ႘သင္မန္တံ ဂြံမိင္ေကတ္ဒဒွ္က်ာ္ေႀတံၾတဟ္ အပႜဲဒုႝကအ္ဂြန္ဂွ္ ထ႐ုိဟ္ေစွ္မံင္တုဲ လဿိဟ္ ညးလုပ္ေလၛာဝ္ဗုႝ ဂၜဳိင္တုိန္ဂွ္တုဲ သတၲဟတုဲကၜဳင္ဏံ တဿာတ္ေထာံပါင္ဂၜံင္လုပ္က်ာ္ကအ္ဂူဂွ္ မဒွ္ရ။

“အခိင္ပု႙အာဂွ္ ညးလ်ဳိင္ေဒသတံ တဿာတ္ေထာံရ၊ သဿာန္ရံင္ရဲဗၵာဲဒုႝတံဂွ္ ဟုိတ္နဴမှိဟ္ကၜဳင္ဗုႝ၊ ကၜဳင္ေလၛာဝ္ဂၜဳိင္တုိန္ကုီ ႀကဵနဴပ႐ူ က်ာ္အပႜဲဒုႝ(ကအ္ဂြန္)ဂွ္ ထ႐ုိဟ္ေစွ္မံင္ရ၊ ဆၢး ပေရင္ကေမၜာန္ဗတုိဟ္တဿံဂွ္ ဆက္ေကၜာန္မံင္ဖုိဟ္ရ”ေရာင္ ခမ႘သင္ နဴဍဳင္မန္ ညးမအာလၛတ္လဝ္ပ႐ူဒဒွ္ဏံ ဟုီရ။

က်ာ္ေႀတံၾတဟ္မန္ ဒုႝကအ္ဂြန္ဝြံ မှဳံအပႜဲဍဳင္ကေရင္၊ ဇေမၛာဲနဴဍဳင္ဖာအင္ ၐုိတ္(၄)တုိင္ ဗၵာဲဘာ ေကာန္ပ်ဴတာ အလုႝအသ႘ပှာန္ဗဿာ တံရ။

စနဴဂိတုဒ႘ေျဇမ္ပါ(၂၀၀၇)ဂွ္တုဲ ဒဒွ္မုက္ဂူ လၸာ္အပႜဲတံ ထ႐ုိဟ္ေစွ္မံင္ဂၜဳိင္တုိန္တုဲ အၥာဝင္မန္၊ သုေတသ႘ ဂၜးကဝ္တံ ေလဝ္ ဒွ္မံင္ဓဝိင္အိုတ္ရ။ “နကုႝပု႙ဂွ္ ဒွ္ကၜဳင္မံင္ဓဝိင္ ေလာန္ကၜဳင္(၂)သှာံေတံရ၊ ယဝ္ဆက္ဗတုိဟ္မံင္မုိင္တံေတွ္ က်ာ္ဂွ္ ထ႐ုိဟ္တြဳႝရ၊ ဟြံတီငၛဳဟ္မးကေပါတ္ေႀတံၾတဟ္အုိတ္ပုဟ္၊ ကေပါတ္ဂကူမန္ပု႙ေတွ္ ေဍံ(အလုႝအသ႘ပှာန္ဗဿာ) တံ မိက္ဂြံပလုီပလာ္ဖအုိတ္ကေမၜံ ေထာံတြဳႝရ”သာ္ဝြံ နာဲသုႏၶန္ အၥာဝင္မန္ ေကုာံ ဥကၠ႒ဂေကာံည႘သဿဟ္ဂကူမန္ ဟုီလညာတ္ညးရ။

အၥာခ်ဴလိက္ပၚပဲါပေရင္ဍဳင္ဗဿာ ေအတ္႐ွလ႘သုက္(Ashley South)မၢး ဒွ္ကၜဳင္မံင္ဓဝိင္ ကုက်ာ္ဒုႝကအ္ဂြန္ဂွ္ ေလာန္ကၜဳင္ (၃) သှာံ ေတံရတုဲ သုီကၜဳင္ကႝုလဝ္သတိ ကုတၜပညာသုေတသ႘မန္တံ ပ႐ူအႏၲရာဲဗတုိဟ္မုိင္ဏံရ။

စပ္ကုႝသၵးဒုင္တဿာတ္လဒုႝကေမၜံကၜဳင္လဝ္အေခါင္ပေရင္လိက္ပတ္ေယန္သှာင္ ေကုာံ သၵးဒုင္ပလုီကေမၜံကၜဳင္ ဒှာဲဝဲါကေပါတ္ ေယန္သှာင္မန္သာ္ဏံဂွ္ ေဗာ္ဍဳင္မန္တဿိေလဝ္ ဗ်ိေဗၵက္ဏာ အလုႝအသ႘ပှာန္ဗဿာ သာ္ဏံရ။

“အေခါင္ေကၜာန္ဗဒွ္ ပေရင္ေယန္သှာင္လိက္ပတ္ မဒွ္အေခါင္သၨဳိင္တံဂွ္ေလဝ္ တဿာတ္လဒုႝကၜဳင္၊ ဟြံကုႝကၜဳင္ အေခါင္ဆက္အာယုက္ ဂေကာံလိက္ပတ္ေယန္သှာင္မန္တံ၊ သေကၤတဂကူမန္ လၲဴဍဳင္ေဇှာ္ဂမၜဳိင္တံေလဝ္ ကၜတ္ပလွ္ေဖ်ံ၊ ကၜတ္လွာဲေထာံယဿဳတမ္၊ အေခါင္ေဗၲာန္လိက္မန္ဟြံမြဲ၊ အေခါင္ေကၜာန္ဗဒွ္ တၛဲေတဿင္ေကာန္ဂကူ ဂမၜဳိင္ေလဝ္ ဟြံသၸသမၲီသဿးဟြံက သုီတဿာတ္လဒုႝကၜဳင္၊ လဿဳဟ္ ကေပါတ္ေႀတံၾတဟ္၊ က်ာ္ေႀတံၾတဟ္မန္တံ ဟြံထိင္ဒဝ္ မြဲသာ္ သၸေကၜာန္ပလုီမံင္ ဗုီသာ္တံဏံဂွ္ နကုႝအလုႝအသ႘ပှာန္ဗဿာ ယဝ္ဆက္ထေစင္အာမံင္ေတွ္ ဂြံဒက္ပၲန္ ပေရင္ည႘သဿဟ္ကဿိန္ဍဳင္ဂွ္ ဒွ္ဟြံမာန္ပုဟ္”သာ္ဝြံ နာဲအံင္မၛဳႝ ညးမႏြံကုႝအေခါင္ဟုီဂး ေဗာ္ဍဳင္မန္တဿိ ဟုီရ။