ေဆင္လြ႘ယဲလၲဴဍဳင္မတ္မလုီ သုင္ေစာဲသြံရာန္မံင္ ဂဥဳဲၐက္ေလာန္ကုႝအခိင္သုင္ေစာဲ၊ ဂဥဳဲအာယုက္အုိတ္တ္တအ္ ဖုိဟ္ေရာင္ ဂြံတီ ေကတ္နဴရဲထၞးယဲရ။

ပႜဲဂဥဳဲသုင္ ေဆင္လြ႘ယဲ လၲဴဍဳင္မတ္မလုီ မကုႝနင္ရဲထၞးယဲမြဲတၜဂွ္ ဂဥဳဲအခိင္ၐက္က္ အာယုက္မအုိတ္မံင္ နဴသှာံ (၂၀၀၄)ေလဝ္ ပါကၜဳင္ရ။ အတုိင္ရဲထၞးယဲဟုီဂွ္ ဂဥဳဲတအ္ဝြံ ဂြံနင္နဴေဆင္လြ႘ယဲ မှဳံယဿဳ “ဒံက္တာလြန္တာ” (ဗၵာဲဘာတန္သၜဳင္ စဿတ္-၆) ဂှန္သၛိ(၅၆) ဂၜံင္ေဇှာ္လၲဴ အပႜဲအရာပ္ေသတ္ကဵကုင္၊ ဍဳင္မတ္မလုီ မဒွ္ရ။ 

“စုိပ္သၛိ အခိင္သုင္ဂဥဳဲဂွ္မွ ခန္ဒွ္မံင္ဂဥဳဲအာယုက္အုိတ္တ္ဂွ္ ဂြံတီ၊ ကုိပ္ကၜာဂွ္ ခ်ပ္လဝ္ ကေလင္ဟုီကု ႐ုင္ဂဥဳဲရ၊ အာဟုီေတွ္ေလဝ္ မၛးနဴဂြံနင္ဂဥဳဲတဿိတုဲ သြက္ရဲထၞးယဲ ညးဍဳင္ကြာန္တအ္ ေသၢာံခုိဟ္တိုန္ ဟြံမြဲပုဟ္၊ ဟုိတ္ဂွ္ရ ကုႝနင္ ပ႐ုိင္လၸာ္ဏံ”သာ္ဝြံ သဿတ္ေလပ္ပညာ ညးမဟြံပေတွ္စ ပေရင္ေကတ္အေရဝ္အလုႝအသ႘ပှာန္ဗဿာဂွ္ ေသာင္ထၞးရ။ သြက္ဂဥဳဲ ဒတုံၾသန္ ျဂပ္(၂)လက္ဘာ္ဂွ္ နဴ႐ုင္ ဂဥဳဲဂွ္ ေစှာန္ဏာသြက္ဂြံရာန္ေကတ္ေဆင္သၟာင္တအ္တုဲ ဂဥဳဲသုင္ (၅)ဂကူ ေကုာံ စရိတ္လြ႘ယဲ ဗၵာဲ(၁)လက္ေဒၠဝ္ သၵးပေသာင္ကု ႐ုင္ဂဥဳဲဂွ္ေရာင္ ညးဟုီရ။ 

လၲဴဍဳင္လၢဳင္ေလဝ္ ပ႐ူဂဥဳဲ ၐက္ေလာန္တၛဲသုင္ေစာဲတံကုီ သုီဂဥဳဲသုင္ ေဆင္သြံဂဥဳဲတံ ဖက္လဝ္ဂဥဳဲဒဗၺ ကုႝ ဂဥဳဲေအန္ဂလိက္ မေကာ္ဂး ဂဥဳဲေခတ္လဿဳဟ္တံဝြံ ပေရင္သြံရာန္ကုညးဍဳင္ကြာန္တအ္ ႏြံမံင္ဖုိဟ္ေရာင္ အသဝ္ဝန္ နဴဍဳင္လၢဳင္မြဲတၜ ဟုီရ။ နဴေဆင္ လြ႘လြတ္ယဲတအ္ သြံဂဥဳဲ ဟုိတ္နဴကႜင္ဒဿံင္တုဲ ညးဍဳင္ကြာန္ လၲဴဍဳင္ေဇှာ္တအ္ေလဝ္ ဒးသုင္ေစာဲရာန္သုင္မံင္ဂဥဳဲဒဗၺ ေကုာံ ဂဥဳဲ ငၛဳဟ္မးတန္န္ နဴေဆင္သြံဒမၜဳ ေကုာံ ေဆင္သြံဂဥဳဲတအ္အုိတ္ဖုိဟ္ေရာင္ အသဝ္ဝန္ဂွ္ ဆက္ဟုီရ။

ဂဥဳဲ စုႝဒှာယဲဘဲေကာန္ငၛာ္ နဴဌာနဝန္ေဇှာ္ပေရင္ထတ္ယုက္တံ ျပအ္ပၚကုႝမံင္႐ုင္ဂဥဳဲပြဳိင္ဍဳင္တအ္ေလဝ္ ပႜဲ(၂၀၀၇) စတမ္ေတံ ေသၢာံဆုႝကၜဳင္လဝ္ ဂဥဳဲၐက္ေလာန္မံင္တၛဲသုင္ေစာဲတအ္ အပႜဲဍဳင္မန္ ပႜဲပြဳိင္ဍဳင္(၂)ဍဳင္ကုီေရာင္ ေသၢာံ တီေကတ္နဴပြ႘ပြဴထတ္ယုက္ပြဳိင္ဍဳင္ တအ္ရ။

ေဆင္သြံဂဥဳဲ၊ ေဆင္လြ႘ယဲ အရာပ္တကၠသုႝမတ္မလုီမၢး ဂဥဳဲ တၛဲသှာံၐက္မံင္တအ္ ေသၢာံဆုႝမံင္လဿဳိန္ေရာင္တုဲ ဟုိတ္နဴသုင္ေစာဲဒး ဂဥဳဲတအ္ဏံတုဲ ကြးဘာတကၠသုႝ လၛဳႝမၢး ဒွ္ကၜဳင္အႏၲရာဲ ကု လမ်ဳီတုဲ စုႝဒးပလံင္ဗစုိပ္ဏာ ႐ုင္ဂဥဳဲတံေလဝ္ ေကင္ႏြံကၜဳင္ဂွ္ ဂြံမိင္လဝ္ေရာင္ ညးမယုိက္မံင္ဝန္ စပ္ကုႝပေရင္ဂဥဳဲ နဴဍဳင္မတ္မလုီမြဲတၜ ဟုီရ။

“ေဆင္လြ႘ယဲ အပႜဲဍဳင္တံဂွ္ ပ႐ူဏအ္ ဂြံမိင္ေအာန္မံင္၊ နဴေဆင္ဂဥဳဲ သြံနင္ဂဥဳဲ ၐက္အခိင္သုင္ေစာဲတံရ ဂြံမိင္ေကတ္၊ နဴေဆင္လြ႘ယဲ ဂွ္ မိင္ေအာန္မံင္၊ ဆၢး ေဆင္သြံဂဥဳဲ၊ ေဆင္လြ႘ယဲ လၸာ္အရာပ္ဘာတကၠသုႝေတံေတွ္ မိင္မံင္ပ႐ူဂဥဳဲဏံ မြဲေဏွ္မြဲေဏွ္ရ၊ ထပက္ဒး ဂဥဳဲ အာယုက္အုိတ္တ္ဏံတုဲ စုိပ္႐ုင္ဂဥဳဲေဇှာ္တံ ႏြံ” သာ္ဝြံ ညးမဆက္စပ္မံင္ ကု ပေရင္ဂဥဳဲဂွ္ ဟုီရ။ 

အေခါင္ပံက္ေဆင္ဂဥဳဲ အပႜဲဍဳင္ဗဿာဝြံ ရဲအံင္လဝ္ကၧံင္ပညာတန္သၜဳင္(၁၀)တန္ေဟင္ ကုႝလုိင္ေသန္ဂြံေရာင္ အလုႝအသ႘ပှာန္ဗဿာတအ္ ၐုိတ္ေဖ်ံေစှာန္လဝ္ႏြံကုီေလဝ္ ေဆင္ဂဥဳဲလၛဳႝတံဝြံ မှိဟ္ေကတ္လုိင္ေသန္ ကုႝမှိဟ္သြံမံင္ဂဥဳဲ အပႜဲေဆင္တအ္ တှဟ္ျခာမံင္အုိတ္ ေရာင္တုဲ ဂဥဳဲမဒးသုင္ေစာဲစကာ ကု အေခါင္အၥာဂဥဳဲတအ္ေလဝ္ ေဆင္သြံဒမၜဳ လၲဴဂၜံင္တအ္ သြံရာန္မံင္အုိတ္ေရာင္ ရဲလၲဴဍဳင္မတ္မ လုီဂွ္ ဆက္ဟုီရ။