ဂေကာံ"လ်းဟံသာ" ဗုီလုႝ စပၲံကၜဳင္ေရာ?

ဂေကာံဂ႘တ"လ်းဟံသာ"ဟုီဂ္ွ ႏူကၜာအဲဟြံဂြံစုိပ္ ပႜဲလ်းဟံသာရ ညးတအ္ပေလဝ္ပေလတ္လဝ္တုဲမံင္ရရ။ ႏူသကၠရာဇ္ (၁၉၇၄) ေတံဂ္ွ အဲေစ္ွႏူဘာတကၠသုႝတဲု ေကၜာန္ဒဿံင္ကေမၜာန္အဖဝ္ အၥာဇှဴ (အစာခ်ဴဒြက္-နာဲဇှဴမန္) ပႜဲကြာန္သာံေလွဝ္ လြ႘မံင္ကၜိက္ ရ။ အၥာဇှဴဂ္ွေတ္ွ ကၜာအဲဟြံဂြံစုိပ္ ပႜဲလ်းဟံသာ အေဃာအဲလြ႘မံင္ကၜိက္ဂ္ွ ပႜဲဖအံက္ေတံ ညးတအ္ ခ်ိန္ၐုိန္လဝ္တုဲမံင္ရ။ ၊ဆၢး ဟြံကတုႝဒ္ွဝုိင္ကြိင္ကြိဳက္မန္မြဲဏီ၊ ကာလဂ္ွေတ္ွ ပႜဲဖအံက္ဂ္ လက္ထက္ေတံေတ္ွ (ဖါးေအာက္တီးဝုိင္း) ႏြံမံင္ရေဏာင္။ လက္ထက္ေတံဂ္ွ ညးတအ္ နကုႝအလုႝအသ႘ ပႜဲ(ကမ္းနားလမ္း) ဍဳင္မတ္မလုီဂ္ွ ဂေကာံေတံ၊ ဂေကာံဏအ္ ဒးကၜဳင္ဒေယွ္ ကုႝမံင္ဇဿာပ္ပ္သတၲဟရ။ ပႜဲဂ္ွေလဝ္ ဖါးေအာက္ကလာတ့့ဲတီးဝုိင္း(ဂ႘တကြိင္ကြဳိက္ကၜဳင္နဴဖအံက္)ေလဝ္ နကုႝအလန္ညးကုႝညးဂ္ွ တိတ္ကၜဳင္မံင္ဝုိင္ကုီရ။ (ဖါးေအာက္တီးဝုိင္း)ဂွ္ (က်န္ရစ္) တအ္ သၸမံင္ကႜိဳပ္၊ ရဲကြာန္တအ္၊ ရဲဂေကာံညးတအ္ေႀတံ နာဲပ်ဴကုႝ နာဲၐုိပ္ဂ္ွေလဝ္ ပါမံင္ကုီရ။

လကၠရဵဏအ္ ပႜဲ(ကမ္းနားလမ္း)ဂ္ွ ေခတ္ေဍံၿပံင္သၜာဲအာတုဲ ေဒါအ္အာရ။ ဆၢး ပႜဲဖအံက္ဂွ္ေတ္ွ ဝုိင္ဂ႘တ ႏြံမံင္ဖုိဟ္ရ။ ရဲေကၜာန္ကၜဳင္ အပါ ေမာင္လွ(အာဲမန္ ဂ႘တမန္)သၜဲသၜဲလးလးဂ္ွေတ္ွ (က်န္ရစ္)တအ္ ႏူဂ္ွမြဲကဆံင္ အၥာဇှဴ၊ စုိးမင္း၊ ရင္ေမာင္၊ ခင္ေမာင္ရင္၊ ေရႊခိုင္၊ ထြန္းတင္တအ္ ရဲကုႝကသပ္ မဒ္ွရ၊ ဗုီလုႝညးတအ္ညာတ္ေရာ ဟုီေတ္ွ (ဖါးေအာက္တီးဝုိင္း)ဟုီဂ္ွ မန္ရ၊ ဆၢး တိင္တက္ ဒေယ္ွမံင္ ဗုီဗဿာဂွ္ ေဍံဟြံေစ္ွေသှာတ္ပုဟ္၊ ညးတအ္ခ်ပ္ဂြံတုဲ  အတုိင္ေႀတံဂ္ွရ ယဝ္ဒေယ္ွဗုီမန္ေတ္ွ ဒွ္မာန္ေဏာင္။ မှိဟ္ေလဝ္ ႏြံမံင္ရ၊ မှိဟ္တိင္တက္တအ္ဂ္ွ မန္ဖအုိတ္ရေတ္ွ ေကၜာန္ဗုီဂ္ွေတ္ွခုိဟ္ေဏာင္ ညးတအ္ညာတ္ေကတ္ကုီရ။

အလုံတြဳႝရးမန္ပု႙ကုီ၊ ေကာန္ဂကူမန္ပု႙ကုီ၊ ဒြက္ဂတာပ္အေခတ္ ဂြံဒေယ္ွေဝင္၊ ဂြံေဆာတ္ေဝင္ကုီ သြက္မှိဟ္ေဇှာ္ေဇှာ္
မှိဟ္ေဍာတ္တ္ဟြံမြဲကၜဳင္ပုဟ္၊ ႏြံဆၐုိတ္ဒြက္ေႀတံၾတဟ္ မပၲံကုႝ ဒြက္ထဿာဲဒြက္၊ ဒြက္အင္အု႙ဂ္ွရေတ္ွ မှိဟ္ကတုႝတုိန္တဿိတဿိဂ္ွေဍံမိက္ ဂြံဒေယ္ွကုီေလဝ္ ဒြက္ဗုီဂ္ွသဿးႏြံေတ္ွ ေဍံဟြံမိက္ဒေယ္ွ ေဍံတအ္ဟြံေပင္ကုႝပဿိက္စုိတ္ေဍံတအ္ရ၊ ကာလဂ္ွေတ္ွ နကုႝဆႏၵမှိဟ္ဂမိၜဳင္ ေလဝ္ေဍံဒ္ွကၜဳင္ကုီ မှိဟ္ေဍာတ္တ္   ဒေယ္ွဒြက္ဗဿာ၊ စႏူေဆင္ အခုိက္ေကတ္လဝ္ဒြက္ဗဿာတြဳႝ ဒ္ွမံင္ဗုီဂ္ွေတ္ွ ကေမၜာန္ဏအ္ မုပ ပု႙ပေလဝ္ဟြံဂြံေရာ၊ ပု႙ပေလဝ္တုိန္ဂြံကုီေဏာင္ ညးတအ္ရန္တဿအ္သာ္ဂ္ွတုဲ ဒြက္မန္ပု႙ ဂတာပ္အေခတ္တအ္ ညံင္ဂြံျပးပတိတ္ဏာ ကုႝကေတာဝ္ေသာတေကာန္ဂကူပု႙မာန္၊ ညံင္ဂြံတဵတက္တုိန္မာန္၊ စႏူနာနာ ညံင္ဂံြမပၜဳပ္စုိတ္ဓါတ္ကုႝ ေကာန္ဂကူပု႙မာန္ကုီ ပႜဲအႏုသုခုမပု႙ ေကၜာန္ဗုီဏအ္ဂြံမၢးေတ္ွ သၜဲသၜဲလးလး ဂုဏ္ဖုႝေဍံ ႏြံတဿာဂလိုင္ေဏာင္ ညးတအ္ညာတ္ေကတ္တုဲ ညးတအ္ ပံက္ပေလဝ္ပေလတ္တုိန္ဝုိင္ ဂတာပ္အေခတ္မြဲ ပႜဲကြာန္ဖအံက္ရ။ စႏူ(အပါေမာင္လွ)တအ္ သၸကႜိဳပ္တုဲ ခ်ပ္စကုႝညးဂမၜိဳင္ မပၲံကုႝမှိဟ္ဂတာပ္ေခတ္ မှိဟ္ကၜိဳဟ္ခၜင္ပေရင္ဍဳင္ကြာန္ ကၜိဳဟ္ပေရင္အရာအုိႆုီတအ္ကုီ ညးတအ္ေကာ္တုဲေတ္ွ ညးတအ္ ပံက္ေဏာင္ ခ်ပ္လဝ္ႏြံမံင္။ ဆၢး ထမံက္႐ုပ္ရဵဂ္ွ ဟြံဂြံဏီ ခ်ပ္လဝ္ညးသၠအ္ႏြံရ။

ကာလဂ္ွေတ္ွ အခိင္ညးတအ္ ခ်ပ္မံင္ညးသၠအ္ဂ္္ွ သှာံဂ္ွရ အဲေလဝ္ႏြံမံင္ပႜဲကုႝ ကြာန္သာံေလွဝ္ေတံ ေစွ္ႏူဘာတဿိတဿိ အၥာဇှဴေလဝ္ အၥာအဲေႀတံရ။ ဢဏအ္ ဝါသနာပါမံင္ေဏာင္ညးဂး ဗၲံပၜန္ေလဝ္ေဂတ္ဒေယ္ွမံင္ကုႝ မာတဝ္ေလန္(mandolin) မြဲမ ပႜဲစုိတ္ညးေတ္ွ ရမ်ာင္ဢဏအ္ သုင္ေစာဲဂြံမံင္ေဏာင္ ညးေကာ္ဏာအဲတုဲ ညးကၜဳင္ဟပၜဳပ္ေထာံပႜဲဖအံက္ ကၜဳင္ဆက္ေဆာံကုႝ (က်န္ရစ္)ရ၊ အၥာဇှဴ ေကာ္နင္အဲဂ္ွ ညးတီမံင္ဝါသနာအဲကုီ စုိတ္ဓါတ္အဲဲကုီတုဲ ညံင္ဂြံထမံက္အာ႐ုပ္ရဵ ဝုိင္ဏအ္ မဒ္ွရ၊ အဲဍဳက္ေကဝ္ကုႝ က်န္ရစ္တုဲ က်န္ရစ္ကုႝအဲဂ္ွ ဝါသနာတုပ္မံင္ ၐါပိဂၜံင္ကုီ၊ ဗ႘ဇေလဝ္ သဿဟ္အာညးသၠအ္တုဲ ဟုိတ္ဂ္ွရ ပံင္ဂြံအာညးသၠအ္ရ။ ပႜဲကြာန္ဖအံက္ သၛိ (ဗြဲေသာဲ) သုီကုႝပု႙ေကာ္ဘိက္ ညးဍဳင္ကြာန္၊ သုီကုႝမှိဟ္ေဇှာ္ကြာန္၊ သုီကုႝပု႙ ခုတ္ယဿဳဂေကာံ၊ ခုတ္ယဿဳမှိဟ္လုပ္ဂေကာံတအ္ကုီရ၊ ဖါပ္သင္တုဲဒ္ွတုဲ အခိင္ဇုိင္သဝ္တၛဲဂ္ွ ပု႙စခုတ္ယဿဳရ၊ ယဿဳဗဿာေတ္ွ ပု႙ၿပံင္ေထာံယဿဳမန္ ဥပမာ--(က်န္ရစ္)ေတ္ွဒ္ွအာ လ်းဟံင္မာန္၊ (မ်ဳႝေညာအ္)ေတ္ွ အဏၰဝါမန္၊ (ေမာင္လွ)ေတ္ွ အာဲမန္၊ စႏူ(ဗြဲေသာဲ)ေတ္ွဒ္ွအာ မန္ဆာန္၊ ပု႙ေကၜာန္ကေမၜာန္ဂေကာံမန္ေတ္ွ ယဿဳေလဝ္ ဒးဒ္ွဗုီမန္၊ မှိဟ္ဂမၜိဳင္္ေလဝ္ ဂြံသၸစဿတ္သမၲီပု႙ကုီ၊ တုဲေတ္ွ ယဿဳဂေကာံပု႙ဂ္ွ ပု႙ခုတ္ပၲိၲဳန္ေထာံ "လ်းဟံသာ" တုဲ ျပာကတ္ကၜဳင္ စုႝကုႝတၛဲဏအ္ဂ္ွ ဟုီစဂြံကုီရ။

ၐုိတ္အဲတီ ကေပါတ္လ်းဟံသာေႀတံၾတဟ္တအ္ဂ္ွ ၐုိတ္ႏြံကုႝႏြံ တုဲပၜန္ကေပါတ္ကဿိန္အိန္ထံင္ ေမာင္လွ(အာဲမန္)တအ္ရ ေစက္လဝ္၊ ရာန္ပၲိတ္လဝ္တုဲ စကာကၜဳင္၊ ဆၢး ရမ်ာင္ခ်ိဳတ္ပၜိဳတ္ဟြံေသင္ ဆၐုိတ္ဂြံဒ္ွရမ်ာင္ညိဓဝ္ရ၊ အၾကာဂ္ွေတ္ွ လုီမံင္ဏီ ကေပါတ္ေႀတံ ၾတဟ္ေတ္ွ ဂြံခုိဟ္အုိတ္အေစာန္ဂ္ွ ေဍံဟြံဒ္ွကုီရ။

လက္ထက္ေတံဂ္ွေလဝ္ ေဍံဟြံဂတာပ္အေခတ္ ဍဳင္ပု႙ေလဝ္ နကုႝအလုႝအသ႘တအ္ ကဿာတ္လဒုႝလဝ္နာနာသာ္ ဗုီလဿဳဟ္ဏအ္ေရာ ဟြံေသင္ အာအလုႝေလဝ္ဟြံဂြံ၊ ဍဳင္မၛးဒ္ွမံင္ဗုီလုႝေလဝ္ ေကတ္ဟြံဒး၊ ကဿာတ္လဒုႝလဝ္ဖအုိတ္ အဓိပဲါေဍံဂ္ွ ဒးမံင္ထံင္ ပႜဲဍဳင္ဗဿာ ဝြံေဏာင္။

ပု႙စပၲံ "လ်းဟံသာ"တုဲေတ္ွ  ပု႙ဟြံဂြံတိတ္ေနဝ္(ဒှာဲတှဟ္ဟ္)ဏီ အေဃာေတက္မံင္ဒြက္ပႜဲဖအံက္ဂ္ွေတ္ွ (မြဲေနဝ္ဖအံက္)ဂ္ွ ျပာကတ္ တမႛဝ္ဒဿံင္ ဗြဲမေလာန္ရ။ မြဲသာ္ဂ္ွေတ္ွ ပု႙တအ္ဂ္ွ ဗုီကုႝေကၜာဝ္ဗ်ဳႝဒဿံင္၊ ပူရိသာဒ္ အေဃာေကၜာဝ္မံင္ဂ္ွ အေခတ္တဿိ၊ စပ္ကုႝဂ႘တဂတာပ္ ေခတ္မန္ မံက္တုိန္္ဟုီဂ္ွေတ္ွ ညးစုိတ္လုပ္စ အဲစုိတ္လုပ္စ လက္ထက္ေတံဍဳင္ပု႙ဟုီဂ္ွ စပ္ကုႝဝုိင္ဂ႘တသတုႝဒ႘ယုႝ ဝုိင္ဂတာပ္ အေခတ္ ဗုီဝုိ္င္ဍဳင္ပလုိတ္ေတံ (electronic) ေဍံျပာကတ္ကၜဳင္ ဟဿဲဏီပုဟ္။ ဍဳင္လၢဳင္ေတံမွ play boy တအ္ဂ္ွရႏြံ၊ ဗြဲမဂၜိဳင္ေတ္ွ (စႏၵယား) piano တအ္၊ Classic တအ္ရ၊ ၿဂိင္င္ျဂင္င္ေတ္ွ ညးမြဲေလဝ္ ကလင္ဟြံဂြံပုဟ္၊ "လ်းဟံသာ" စပၲိဳန္တဿိဂ္ွေတ္ွ  နဲေႀတံ ၾတဟ္ေလဝ္ ပု႙ဟြံကၜဟ္ေထာံ၊ နဲဂတာပ္အေခတ္တဿိေလဝ္ ပု႙ေကတ္လဝ္ ညံင္ပုရိသာဒ္တအ္ ဂြံေစ္ွစုိတ္တုဲ ပု႙ေကတ္လဝ္ သုီၐါလပၚကုီရ။

ပု႙ေဖ်ံလဝ္ ဗုီဂ္ွတုဲစေကၜာန္တဲကၜာဂ္ွ သၸမံင္(copy)ဗဿာ ကုႝ (tune) ေဍံႏြံညိကုီရ။ ၐုိန္ရေကတ္လဝ္ ႏြံကုီေလဝ္ ကာလပု႙ဒေယ္ွ လၲဴစင္ေတ္ွ ဒေယ္ွဗုီမန္ရ။

ကေမၜာန္ဏအ္ဂ္ွ ဒ္ွမံင္ကေမၜာန္ညးဂမိၜဳင္တုဲ မှိဟ္ဟလုိင္ဟြံေစ္ွစုိတ္ေတ္ွ ကေမၜာန္ပု႙ ဒ္ွအာသဿးသဿးရ။ စပ္ကုႝကေမၜာန္ဝုိင္ပု႙ဂ္ွ ဒ္ွဒဿံင္ဒြက္မန္္ဗုီဏအ္ဂ္ွ ဟြံမြဲကၜဳင္မြဲေလ္ွကုီ တုဲပၜန္ (classic)၊ (စႏၵယား) တအ္ေလဝ္ ကေလင္ခုိဟ္မံင္ကုီတုဲ ၿဂိင္င္ျဂင္င္ေလဝ္ မှိဟ္ဂမၜိဳင္ကလင္ဂြံ ဟုိတ္ႏူဒြက္မန္ ဒ္ွကၜဳင္ဗုီဂ္ွတုဲ ပုရိသာဒ္ ရဲေခတ္ေႀတံကုႝ ရဲေခတ္တဿိတအ္ ဒုင္ကၜဳင္တဲ သုီၐါလပၚကုီရ၊ ကေပါတ္ပု႙ ညံင္ဂြံဂတာပ္တုိန္အေခတ္ဂ္ွေတ္ွ နကုႝ ဍာ္ဒေကဝ္(quality) ပု႙ေလဝ္ ပု႙ပတုိန္၊ ေဆင္စပ္ကုႝ ပေရင္ၾသန္ပၜန္ေလဝ္ ပု႙အာေဂၜံလဝ္ မပၲံကုႝဘာလက်ာ္၊ ရဲစုိတ္ဓါတ္ဆာန္ဂကူ၊ သုီကုႝမသကေလာေကာေဒံ ဂေကာံရဲဇကုတုဲ ၾသန္တအ္ဏအ္ ညံင္ဂြံ ကေလင္ထပ္ကုႝမာန္ဂ္ွ နကုႝဂေကာံပု႙ ပု႙တိတ္ဂြံ (show)ေတ္ွ ပု႙ကေလင္ကုႝအာ သုိက္က္ရ၊ ဝုိင္လ်းဟံသာ မြဲမြဲသှာံ (မြဲကညင္) တိတ္မံင္ (show) ဂ္ွ ႐ုပ္ရဵေဍံ တဿးတုိန္ဗြဲမဂၜိဳင္ ေဆင္စပ္ကုႝကေပါတ္ကုီ၊ ေဆင္စပ္ကုႝေကာန္ဂေကာံကုီ၊ သုီဖအုိတ္ဂ္ွ ခုိဟ္တုိန္ကုီရ။


ဗုီဂြံဒးဗုီဂ္ွ ပႜဲကြာန္သာံေလွဝ္ေတံ က်ာ္ေဇှာ္အၥာေႀတံ ဂုိဏ္ေဇှာ္အုိတ္ ပႜဲသှာံ (၁၉၇၅-၇၆) က်ာ္ေဇှာ္အၥာဂ္ွ ပဝ္အာတုဲ  ညးေကာ္ ဘိက္ပု႙ သြက္ဂြံထၞးျပးကြတ္ပု႙ကုီရ၊ အခိင္ဂ္ွ အၥာဇှဴေလဝ္ သၸမံင္အၥာဘာ ပႜဲကြာန္ဂ္ွကီုတုဲ လွၲဴႏူဒးဗုီဂ္ွ ဂၜံင္ဍာန္ပံက္အာတဿာဂလုိင္ရ။ ပႜဲပု႙ဟုီေတ္ွ တိတ္ထၞးမၛးကၜာအုိတ္ တိတ္ေနဝ္ကၜာအုိတ္ နကုႝဇြသင္ကြာန္သာံေလွဝ္ဂ္ွေလဝ္ ဟုီစဂြံကုီရ၊  ကေရာံဂ္ွညးဂ္ွ ပါအာကုီ ေရာဟုီေတ္ွ အပါေမာင္လွ၊ ေရႊခုိင္၊ က်န္ရစ္၊ ဗြဲေသာဲ၊ အဇါ၊ အယွာတ္၊ ေမ်တ္တာန္၊ အဗ်ဴ၊ အံင္တိင္၊ ေတန္ေဖတအ္မဒ္ွရ၊ ႏူဂ္ွတုဲေတ္ွ ပု႙ဂ္ွေကင္အာယ် နကုႝအခုိက္ကှာမန္ပု႙ေတ္ွ လၲဴစင္ဂ္္ွ ဂံင္အာဗြဲမဂၜိဳင္ တုဲပၜန္ ဝုိင္ပု႙ဂ္ွ ကေပါတ္စုင္င္ဟြံေသင္ပုဟ္ ဂြံလဝ္အေတံညိည၊ အဏအ္ညိည၊ ကေပါတ္ပု႙ေလဝ္ႏြံ၊ ေဂၜံအာတ္လဝ္ကေပါတ္ ညးတှဟ္ေလဝ္ႏြံ လကၠရဵဏအ္မွ အေဃာပု႙ တိတ္မံင္ေနဝ္္ဂ္ွ ပု႙ပေကာံအာ အၾကာေတံအၾကာဏအ္ ပု႙ကုႝပု႙  ၾသန္ဂြံနင္ တအ္ဂ္ွေလဝ္ ပု႙ဟြံပၚပရအ္စညးသကအ္ပုဟ္၊ ၾသန္တအ္ဂ္ွ သၸၾသန္ဂေကာံဖအုိတ္တုဲ ကေပါတ္ပု႙ ညံင္ဂြံစုင္တိုန္ စြံစုိတ္ဗုီဂ္ွတုဲ ပု႙ေကၜာန္ကၜဳင္သာ္ဂ္ွ္ကုီရ။

ညးတှဟ္လိင္ပု႙ (ဒှာဲသၵးအာ) ၾကပ္ေတ္ွ ေကတ္ေအာန္ညိ၊ ေသၛာဲေတ္ွဗုီေသၛာဲ ေကတ္ကၜဳင္ဗုီဏအ္တုဲ ကေပါတ္ပု႙ ဒှာဲဒးထပ္ရာန္ ေတ္ွ ပု႙ရာန္၊ ဒှာဲဒးထပ္ပေလဝ္ေတ္ွ ပု႙ပေလဝ္ ေကၜၜာန္ကၜဳင္ဗုီဂ္ွ ဂ္ွရ။ အုိတ္ေကှာတ္ဝုိင္ပု႙ကုႝပု႙ ဇုိင္ပု႙ကုႝပု႙ ပု႙ပတဵမာန္ကၜဳင္ကုီရ၊ လၲဴ ႏူဂ္ွပၜန္ အ႐ုီဗင္ႏူေတံႏူဏအ္ဂ္ွ ယဝ္ရဒးဟီုေတွ္ ႏြံဗြဲမဂၜိဳင္္ ဟုီေသာဲေသာဲၿပဲၿပဲပၜန္ေလဝ္ ဟုီဟြံအုိတ္ပုဟ္။

ဝုိင္ "လ်းဟံသာ" ဂြံဒ္ွကၜဳင္ဂ္ွ ေသဌ႘မြဲတၜ ေကၜာန္တုဲဒ္ွကၜဳင္ဟြံေသင္ပုဟ္ အဓိကဂ္ွ ညးဍဳင္ကြာန္၊ ခမ႘သင္၊ ရဲဝါသနာ၊ ရဲစုိတ္ဓါတ္ ဆာန္ဂကူမန္ေပင္ေပင္၊ ဒ္ွမြဲဂေကာံမြဲကေလာံတုဲ ေကၜာန္ဗဒ္ွလဝ္ လ်းဟံသာဝြံေရာင္၊ ရံင္ေကတ္မူလ(နမူနာ)ေဍံေတ္ွ ယဝ္ရ ပု႙ပတိတ္ပရဲဟုီဟုီ ပေရင္နာနာသာ္ေလဝ္ကုီ ပႜဲဂကူပု႙ မုေရာဟုီေတ္ွ "ေကာံကေလာံညီသာမြဲေဟင္" ျဇဟတ္ေကာန္ဂကူပု႙ေရာင္ ဂ္ွ ပု႙ဒးညာတ္ေကတ္ေရာင္ ေကာံကေလာံညီသာ ဟီုဂ္ွ ၐုိတ္လုႝစုိပ္တရဵမာန္ေရာဂ္ွ ပု႙ဂြံဒုင္စသုိ္င္ဂုဏ္ဖုႝ၊ နကုႝဗုီဏအ္ပု႙ေကၜာန္ကၜဳင္ မူလ (နမူနာ) တုဲေတ္ွ မှိဟ္ဂမၜိဳင္ေလဝ္ ေအဗုီဏအ္ကုီဂ္ွ ပု႙မိက္ဂြံညာတ္ ဣဏအ္ဂ္ွ "ပရဲပု႙" ရ။

အၾကာမေကၜာန္ဒဿံင္ကေမၜာန္ဂ္ွေတ္ွ မှိဟ္ဒးဒဒုိက္၊ ဒးထံင္၊ မှိဟ္လၛဳႝဂ္ွ ဒးအခ်ဳက္ေလဝ္ ႏြံရ၊ ဆၢး လုပ္ေပါဲဗတုိက္ မြဲမြဲသာ္ေတ္ွ မှိဟ္ခ်ိဳတ္ေလဝ္ႏြံ၊ မှိဟ္ဒးဒဒုိက္ေလဝ္ႏြံ ေအဗုီဏအ္ဂ္ွ ပု႙တးပါဲေထာံ ဂြံမာန္ဟြံေသင္ ဒးဒ္ွဨကႏၲေရာင္၊ ဗုီဏအ္ႏြံကၜဳင္တုဲမွ ပု႙ဂြံ အံင္ဇှး စႏူအဲေလဝ္ ဟုိတ္ကေမၜၜာန္ဂေကာံဂ႘တ ေကင္ဒးလဝ္ထံင္ပိဂိတုကုီရ။ ယဝ္ရ ဒးေဝင္ဟုီေတ္ွ အဲဒးထံင္ဂွ္ အဲကၜတ္စ စာင္၊ ဂၜဵ ညးတှဟ္ဟြံေသင္ပုဟ္၊ ဟုိတ္ႏူအဲေကၜာန္ ဒစုႝဒစးကုႝဗဿာ အလုႝအသ႘တအ္ညာတ္သာ္ဂ္ွတုဲ ေဍံခ်ဳက္ေထာံအဲရ။ အဲေကၜာန္ပေရင္ ဂေကာံဂ္ွ ဒှာဲဇုိင္ထလုတ္အာေလဝ္ႏြံ ဟုီ ဒးကုီ၊ ဂးဒးကုီ၊ ေကၜာန္ဒးကုီဂ္ွ ဣဏအ္ဂ္ွ အေစာန္ညးအေစာန္အဲရေဏာင္။ ပု႙ေကၜာန္ ဗုီဏအ္ဂ္ွေတ္ွ ကေမၜာန္ (ကုမၼဏ႘) ပူဂုႝမြဲဟြံေသင္ပုဟ္၊ ဂေကာံဗုီဏအ္ဂ္ွ ပႜဲမန္မြဲေလဝ္ဟြံမြဲကၜဳင္ဏီပုဟ္ မြဲဒၿမိပ္ဝင္မန္ ႏူသကၠရာဇ္ (၄၈) ဂ္ွ ဒုႝကုႝတၛဲဏအ္ ဗုီဏအ္ဟဿဲကၜဳင္ပုဟ္၊ ဒုင္စှးကုႝေကာန္ဂကူမန္ပု႙တုဲ ပု႙ေကၜာန္ကၜဳင္လဝ္ အေစာန္စရာဲပု႙ေကၜာန္ဂ္ွ ၐက္သာတ္ တိတ္အာ ႏူဂေကာံဗဿာ နကုႝပေရင္ဍဳင္ကြာန္ေဍံကုီ နကုႝပေရင္ဂကူဂေကာံေဍံကုီတုဲ ေဍံတအ္ဟြံေစ္ွစုိတ္ကုီွရ။

ဟုိတ္ႏူပေရင္ဂကူမြဲမြဲသာ္ ဢေဍံဟြံကုႝအေခါင္မြဲသာ္ ဇကုပရာတ္တုိန္လၲဴေဍံဂ္ွ ဟုီအုိတ္တ္ေတ္ွ ပု႙ခုိဟ္ႏူေဍံဂ္ွ ေဍံဟြံမြဲပဿိက္လးလးရ၊ ေဍံဟြံကုႝေကၜာန္၊ ဒဿာႏူဂ္ွရ။ ေဍံ ရပ္ခ်ဳက္ေထာံအဲ သုီကုႝကေပါတ္တအ္ကုီရ၊ ဢ(တပ္မွဴးေထာက္လွမ္းေရး) ေကာ္အဲတုဲ ေဍံစဿ႘စဿတ္အဲ အဓိကေဍံဟုီဂ္ွ မုဟြံေသင္ "လၸေကၜာန္ကေမၜာန္ဂေကာံ"ဏအ္ရ၊ တုဲပၜန္ေဍံဟုီ ဢမိက္ဂြံေကၜာန္ (ေမွာင္ခုိ)ေတ္ွေကၜာန္၊ မိက္ဂြံအာ ဍဳင္ေသံ၊ မေလဝ္ယွာ၊ သကာၤပူ ေတ္ွအာေကၜာန္ ပု႙ကုႝအေခါင္ ဨကေမၜာန္ဂေကာံဂ္ွ လၸေကၜာန္ညိ တုဲေတ္ွအဲဟုီကုႝေဍံ အဲေကၜာန္ဂ္ွ ေဗၜတ္မံင္ေသှာဝ္ဟာ (ထိခုိက္)မံင္ကုႝ (အစုိးရ) တအ္ဟာ၊ အဲလက္မံင္ (အစုိးရ) တအ္ကုီဟာ၊ ဒြက္ပု႙ကေလင္ရံင္ ပု႙ဒေယ္ွလဝ္ဂ္ွ လက္မံင္(အစုိးရ) ဒှာဲလုႝမြဲ ႏြံကုီေရာ၊ ပု႙ဒေယ္ွပ႐ူဆာန္၊ ပ႐ူဂကူပု႙ ဗုီေတံဗုီဏအ္ရေဏာင္။ ပု႙ဟြံဂြံဟုီအလုႝအသ႘တအ္ ပေရအ္ပုဟ္၊ ဨေကၜာန္သၸဏာဗုီဏံဂ္ွ ယဝ္ရေဗၜတ္မံင္ေသှာဝ္ေတ္ွ ေဖ်ံေထာံထံင္ကုႝအဲ ေထက္ကုႝဒးဂစုိတ္ေတ္ွ ဂစုိတ္ေထာံအဲ နကုႝဝါသနာ၊ နကုႝဂကူပု႙ ဂြံစုိတ္လုပ္စအာေဏာင္ပု႙ေကၜာန္မံင္၊ ဗုီလုႝဟုီဟုီေလဝ္ အဓိကေဍံဂ္ွ လၸေကၜာန္ညိ။

နဇကုအဲေေကၜာန္ပေရင္ဂီတ ဂတာပ္အေခတ္မန္မြဲဂ္ွ လၸဟုီဏီ ညးလုႝမြဲေလဝ္ ေဍံဟြံကုႝေကၜာန္ ေဍံဟြံကုႝအေခါင္ပုဟ္၊ နကုႝပု႙ ဒုဟ္ဟဿဲမြဲသာ္ ဒဿာႏူကုႝကေမၜာန္ဂီတ ဂတာပ္အေခတ္မန္မြဲဂ္ွ ေဍံဟြံဒးစုိတ္၊ ေဍံညာတ္စပု႙ဟြံဂြံ၊ ဟုီေသာင္င္ေတ္ွ ေဍံေဖ်ံေထာံ (ပုဒ္မ) ဨဒ္ွဍာ္ဂ္ွရ။ ဟုိတ္တအ္ဂ္ွတုဲ အဲမြဲဒးဒုင္အာဂ္ွ ကိစၥဟဿဲပုဟ္၊ ညးတှဟ္တအ္ေလဝ္ ညံင္ဟြံဂြံဒးဒုင္အာဂ္ွ အဲဒုင္ကုႝတာလ်ိဳင္ ဖအုိတ္ ဟုီဍာံဍာံေတ္ွ ပႜဲအခ်ဳက္ဂ္ွ အဲဒုင္ေကတ္ဖအုိတ္ရ။

လက္ထက္ေတံဂ္ွ အဝုႝဇကုေလဝ္ဟဿဲ ဗၜးၐးေလဝ္ ဟြံမြဲဂ္ွ ကၜးဒဿံင္ပႜဲစုိတ္ရ။ ဟုိတ္တအ္သုီဖအုိတ္ဂ္ွတုဲ "လ်းဟံသာ" ဂ္ွ ေဍံဂြံဒ္ွအာ ဒဒုိက္ ေဍံဂြံေဒါအ္အာ မြဲခ်ိန္ခဏဂ္ွ ဗုီဏအ္--အဲဒးအာအခ်ဳက္ ကေပါတ္တအ္ဂ္ွေလဝ္ ေဍံသီဏာကုီ၊ ႏူကုႝကေပါတ္ ေဍံသီဏာတုဲ "လ်းဟံသာ" ဒုႝကုႝတၛဲဏအ္ ဂြံခ်႘ဒရာင္တုိန္ဂ္ွ ……

တင္သမၲီ။            ။           က်န္ရစ္ - လ်းဟံင္မာန္
                                    မ်ဳိးၫြန္႕   -  အဏၰဝါမန္
                                    ေမာင္လွ - အာဲမန္
                                    ဗြဲေသာဲ - မန္ဆာန္
                                    အဇာ/ ျဇဝ္ဠာတ္  - ဟံသာမာန္

မအေရဝ္လၛဳႝတအ္ဝြံ ပတုိန္ထၞးလဝ္အတုိင္ပကတိဂလာန္ညးမဟုီလဝ္ေရာင္။

ဂေကာံပ႐ုိင္ကဵဝဵ