ဍဳင္လၢဳင္ (၁၁. ၈. ၀၉)။       ။ ႐ုင္ေသှာဝ္ဓဝ္ဍဳင္ဗဿာ သၢဳတ္သြါတ္ေဖ်ံအမႈဒဝ္အံင္သာန္သုက်႘ ဒးဒုင္ဒုဟ္ ထံင္ပြိဳင္ (၃) သှာံဂွ္ ယွအ္ေဖ်ံေထာံဒုဟ္ဒးဒုင္ၿခိဳင္စြံပႜဲသၛိပြိဳင္ (၁၈) ဂိတုရ၊ သြက္နာဲေဂ်ာန္ ယိတ္တဝ္ ေကာန္ဂကူအေမရိကာန္ ၐိင္ဍာ္တတ္ေကၜာအ္အင္လွာေအန္ေဠဂွ္ ဒးဒုင္ဒုဟ္ဒါဏ္စုတ္ထံင္ပြိဳင္ (၇)သှာံရ။

ႏူကုႝ႒ါန္ပ႐ိုင္ဍဳင္သၟာင္လေလာင္ၾတးဟုီဂးဂွ္  ႏူဂယးဏအ္႐ုင္ေသှာဝ္ဓဝ္ဍဳင္ဗဿာသၢဳတ္သြါတ္ေဖ်ံအမႈ ဒဝ္အံင္သာန္သုက်႘ ညးမဒွ္ကႜိဳပ္သၠိဳပ္ေဗာ္ေအန္ေအလ္ဒ႘ (NLD) ေဗာ္ဒစုႝဒစးပႜဲဍဳင္ဗဿာ သုီညးမကႅိဂြံလဝ္ အဆိပ္ၾတာန႙ဳေဗလ္ၐုိဟ္လလမ္ ဂြံအာယုက္ (၆၄) သှာံ ပၲိဳန္ဒုဟ္ဒါဏ္ အေဃာအခိင္ကာလဒးဒုင္ၿခိဳင္စုတ္စြံ လဝ္ပႜဲသၛိဂွ္ တက္က်ာကုႝမှိဟ္မၛး သုီကုႝဒှာဲ မံင္ဇူဒုီဂးတုဲ ႏူ႐ုင္ေသှာဝ္ဓဝ္ေဖ်ံပဿိင္ဒုဟ္ဒါဏ္ဒးထံင္ပြိဳင္ (၃) သှာံဂွ္ ယွအ္ေဖ်ံေထာံေသွ္ဒုဟ္ဒါဏ္ ဒးဒုင္ဒုဟ္ဒှာ မာတ္ၿခိဳင္စုတ္ပႜဲသၛိပိြဳင္ (၁၈) ဂိတုရ၊ ကၜာအံင္သာန္သုက်႘ဟြံစႜး တိတ္အာႏူ႐ုင္ေသှာဝ္ဓဝ္ဂွ္ “ဂတႏူဏအ္ ပ႙ုပံင္ေကာံ သြက္ဂြံေကၜာန္အာကေမၜာန္မြဲစြံသြက္ဍဳင္ဗဿာ ေသၢာံဂြံ ဓရ္ၐုိဟ္လလမ္ ေကုာံဂြံေကၜာန္ေဖါအ္ေျဗဝ္ဍဳင္ဂြံတဵတက္အာပၜန္ရ” သာ္ဝြံဗ ၠန္ဟုီဂးကုႝကလုတ္ဍဳင္တှဟ္သၟာင္ ဂမၜိဳင္ကၜဳင္ကဠင္အရာေဖ်ံအမႈဂွ္ရ။

ဒုဟ္ဒါဏ္နာဲေဂ်ာန္ ယိတ္တဝ္ အာယုက္ (၅၃) သှာံ မဒွ္ေကာန္ဍဳင္အေမရိကာန္ ညးၐိင္ဍာ္တတ္ေကၜာံအင္လွာ ေအန္ေဠ အာဆုႝဂၺဒဝ္အံင္သာန္သုက်႘ ပႜဲသၛိဒးဒုင္ၿခိဳင္စုတ္လဝ္ပႜဲဂိတုေမေလာန္ကၜဳင္ဂွ္ ႐ုင္ေသှာဝ္ဓဝ္ ေဖ်ံပဿိင္ဒုဟ္ဒါဏ္ ဒးထံင္ေကၜာန္ကေမၜာန္ၿဇိဳင္င္ပြိဳင္ (၇) သှာံရ။

အကာဲအရာဂတမုက္သၛိဒဝ္အံင္သာန္သုက်႘ပႜဲဍဳင္လၢဳင္ဂွ္ ခဿ႘သင္လက်ာ္ ညးဍဳင္ကြာန္ဂမၜိဳင္ ကၜဳင္ေဖႜာတ္ရာဒှာမိက္ သြက္ဒဝ္အံင္သာန္သုက်႘လဿိဟ္ဗြဲမဂၜိဳင္ေဂၜင္တုဲ အလုႝအသ႘တံေဖ်ံလဝ္ဂုီကၜီဳ ေကာန္ပှာန္ ဗၜာဲသဿိင္တံေပင္ဒဿံင္ဇဿာပ္ေပှာ္ ဂၜံင္လုပ္တိတ္ဖၟိဳတ္ရ။

အကာဲအရာဍဳင္နာနာဟုီဂးဗ်ိဗေဒက္ေသှာဝ္ဓဝ္ဍဳင္ဗဿာ ပႜဲအရာေဖ်ံသၢဳတ္သြါတ္ထပုိတ္အမႈဒဝ္အံင္သာန္သု က်႘ဂွ္ဝြံ ဍဳင္အဂၤလိက္မဒွ္ဍဳင္ပထမကၜာအိုတ္တုဲ ဍဳင္ဂေကာံယူ႐ုပ္မဒွ္ဒုတိယရ၊ သြက္အေယာင္အလာဂေကာံ အာသ႘ယ်ာန္ဂွ္ နာဲကေသတ္ ဖိေရာမ္ ဝန္ေဇှာ္ဍဳင္သၟာင္ဍဳင္ေသံဟုီဂးဂွ္ “ မၵးမင္ကဠင္လိက္ဒုင္စ႘ေရင္ဗြဲၾတးႏူ ညးတာလ်ဳိင္႐ုင္ကလုတ္ ေသံဍဳင္ဗဿာႏြံဒဿံင္ဍဳင္လၢဳင္ဂွ္ရ၊ ခယ်ရံင္ေတွ္ၐိုတ္ၐါပိတၛဲ ဂေကာံအာသ႘ယ်ာန္ ဗုီလုႝလညာတ္ႏြံ ေဖ်ံသၢဳတ္သြာတ္ပႜဲအရာ ႐ုင္ေသှာဝ္ဓရ္ဍဳင္ဗဿာေဖ်ံအမႈကုႝဒုဟ္ဒါဏ္ ဒဝ္အံင္သာန္သုက်႘ဂွ္ရ” သာ္ဝြံဟုီဂးရ။