ၾကပ္ကၜဳင္ကုႝတၛဲေကာန္ဂကူမန္တုဲ ပ႐ုိင္ေလဝ္တုိန္ ဂေကာံေတံဂေကာံဏံ ညးညးအဲအဲ ပေလဝ္ကၜဳင္သြက္ဂြံေကၜာန္ဗဒွ္္ အေသအဟာန္ ညးလၛဳႝတံဂွ္ ယွဳက္ကုႝ ဂြံဒွ္မြဲရမ်ာင္၊ ညးလၛဳႝတံဂွ္ ယွဳက္ကုႝလိက္လေလာင္ၾတး၊ ညးလၛဳႝတံဂွ္ ယွဳက္ကုႝဂြံေစွ္ဗုီ၊ ဂြံေဖ်ံဗုီ၊ ညးလၛဳႝ ခှံကမၼတ႘ ေကၜာန္ဗဒွ္တၛဲေကာန္ဂကူ၊ ညးလၛဳႝတံဂွ္ ယွဳက္ကုႝၾသန္ဟြံ႐ုမ္၊ ညးလၛဳႝတံဂွ္ ယွဳက္ကုႝဒှာဲ၊ ညးလၛဳႝတံဂွ္ ယွဳက္ကုႝဒးအာတ္အေခါင္ ဒှာဲဇကုဒးေကၜာန္ ဗုီျပင္ညးကုႝညး ကၲဳႝဂစာန္ ေကၜာန္ကၜဳင္အုိတ္ရ။

ဟိုတ္ေဍံဂွ္ မံင္ဟြံဂြံ စုိပ္ကၜဳင္အခိင္မၢး ဆီေတံ႐ုကၲဳႝကၜဳင္တုဲ ဒုႝထပွ္ ျဇဟ္ဒၥာံဒှာလဝ္ေလဝ္ ဗုီေကၜာန္ဂြံဂွ္ ဒးေကၜာန္အာေရာင္ဂွ္ ေလဝ္ ညးစုိတ္ဓါတ္ဆာန္ဂကူ စိန္ဝုန္တံ ေဖ်ံလဝ္သၢဳတ္သြာတ္ ႏြံမံင္တုဲတုဲေရာင္။ အၾကာၾကာေကၜာန္ဂွ္ ေဗာ္မန္၊ ဂေကာံမန္ တံသုီဖအုိတ္ ဗုီဂြံကိတ္ည႘အာ ေဒသညးကုႝညးဂွ္ ခ်ပ္တုဲေကၜာန္အာအုိတ္ရ။ ဟိုတ္ဂွ္ရ ပႜဲသှာံဏံ ဂိတုမာ္မြဲေစြက္ တၛဲေကာန္ဂကူမန္ဂွ္ နကုႝစဿတ္တၛဲေအန္ဂလိက္ေတွ္ ဒွ္စဿတ္တၛဲ(၁၀)၊ ဂိတုေဖဖဝ္ဝါရ႘၊  တၛဲအငၛာဂွ္မဒွ္ရ။ ၐုိန္ဂွ္ေလဝ္ ညးလၛဳႝတံ ဒုင္ျပဟ္ေကၜာန္ေထာံ ကၜာဟြံဂြံစုိပ္ စဿတ္တၛဲဂွ္ေလဝ္ႏြံ၊ စုိပ္တၛဲေကာန္ဂကူဂွ္မွ ကၲဳႝေကၜာန္ေလဝ္ႏြံ၊ လၛဳႝတံဂွ္ တၛဲေကာန္ဂကူတုဲ အာကုီေလဝ္ စှးစဿတ္တၛဲဂွ္ ထၸက္အဇာတုဲ တၛဲအဒုိတ္ဂတဏံမွ ေကၜာန္ေလဝ္ႏြံကုီရ။ ဗုီဍဳင္ကဝ္ရ႘ယာ၊ ဗုီအပႜဲကုႝအေမရိကာန္ (Fort Wayne) (Georgia) ဒှာဲတှဟ္ဟ္ေလဝ္ႏြံ၊ ဗုီဍဳင္ UK တအ္ ဒုင္ျပဟ္ေကၜာန္ကၜဳင္လဝ္ရ၊ စုိပ္တၛဲ ဂိတုမာ္မြဲေစြက္ဂွ္ အပႜဲဍဳင္၊ ပယ်ဳႝ (ဒှာဲလၛဳႝ) အၾကာတိဍာ္ ေဗာ္ဍဳင္မန္တဿိတံဂွ္ ကၲဳႝေကၜာန္ကၜဳင္ေလဝ္ႏြံ၊ တုဲပၜန္ ဗုီသကၤာပူတအ္၊ ခါေနဒါတံဂွ္ ဒှာဲလၛဳႝလၛဳႝတံဂွ္ ေသွ္မံင္ဗြဲမဂၜဳိင္ သြက္ဂြံေကၜာန္တၛဲေကာန္ဂကူ သတၲဟဂတဏံရ။

ေတာ္ေကတ္မၢး တၛဲေကာန္ဂကူၐုိန္တုပ္ကုီေလဝ္ အေခါင္ေကၜာန္၊ အခိင္ေကၜာန္ ဗုီျပင္ဒုင္စသုိင္တံဟြံတုပ္ဂွ္ မူဟိုတ္ေရာဂွ္ ညးညးအဲအဲကၜးေကတ္မံင္ရ။ အခိင္ဏံ အဲစဿ႘ဆုႝညာတ္ေကတ္အာမြဲဂွ္ ယဝ္ပု႙ႏြံမံင္ညးသၠံ ေကာံေကာံကေလာံကေလာံမၢး သာတုဲစ႘၊ သာတုဲမိပ္ေရာင္ဂွ္ ညာတ္ကၜဳင္ရ၊ သၜဳင္ႏူဂွ္ညိပၜန္ ယဝ္ဍဳင္မန္ မန္ေကႅင္ဂြံေတွ္ တၛဲေကာန္ဂကူဂွ္ ေကၜာန္အပႜဲဍဳင္ ဗေဂါေတံေတွ္ သမလကုႝဝိမလ ေကႅင္ဒွ္ကၜဳင္မှိဟ္မြဲဝါမာန္မံင္ဏီဟာဟြံတီ။
 
တုဲပၜန္ ဂြံဆုႝဂြံဗုႝေကတ္အာဗုီ႐ုပ္ ဍဳင္အေမရိကာန္၊ ဍဳင္ကဝ္ရ႘ယာ၊ ဍဳင္ UK ေကၜာန္လဝ္ဂွ္ ဒှာဲၐုိဟ္ႀသဳိဟ္ အခိင္ေကၜာန္ဟြံဒး႐ုဲ (၆)နာဍ႘ႏူဂယး လုပ္လုပ္(၂)(နာဍ႘သဝ္တၛဲလုပ္လုပ္ ဟြံတီဂံက္ဂမၲဵရ၊ ရံင္ေကတ္အာ ဗုီကုႝတြဳႝရးဍဳင္မန္ေကၜာန္ကုႝ ဒှာဲမာဆံက္ ေကၜာန္ဂွ္ေတွ္ တှဟ္ျခာဗြဲမဂၜဳိင္ေရာင္ဂွ္ ဂြံတီေကတ္ကၜးကၜးရ၊ သၻင္အေသအဟာန္ “မာ္မြဲေစြက္ တၛဲေကာန္ဂကူမန္ မရႏုက္ကုႝ (၆၂)ဝါ” ၐုိန္တုပ္ကုီေလဝ္ မဇညးဍဳင္ဟံသာဝတ႘ ေကာန္ဂကူမန္ ညးမေကၜာန္တၛဲေကာန္ဂကူတံ အေခါင္ဒုင္စသုိင္ဟြံတုပ္ရ။

ဂြံမိင္ေကတ္ပ႐ုိင္မြဲပၜန္ဂွ္ အပႜဲကုႝဍဳင္မာဆံက္ ဟုိတ္ႏူကုႝကေမၜာန္(႐ုင္စက္)ဟြံတဿာတ္တုဲ ဟြံဂြံအာ ဟြံဂြံဘုိင္ေကၜာန္ ဟြံဂြံအာ ကုႝျဇဟတ္ဗုီ႐ုိဟ္ဟ္သှာံ ပႜဲကုႝ တၛဲေကာန္ဂကူဇကုဂွ္ စုိတ္ဟြံခုိဟ္မံင္တံဂွ္ေလဝ္ ႏြံဗြဲမဂၜဳိင္ဂွ္ ဂြံတီေကတ္ရ။ ညးတံဟုီ “စိုတ္ေသဌ႘တံဂွ္ပၜန္ေလဝ္ မြဲသှာံကုႝမြဲသှာံဟြံတုပ္” “လအာတ္အေခါင္ဂြံေတွ္ဂြံ၊  ဟြံဂြံေတွ္ဟြံဂြံ၊ ဟြံဂြံေတွ္ဟြံဂြံအာ” ညးဟုီ တုိန္ရ။ ဂးပု႙ရံင္ေကတ္စမ္ ဘဝဒးမံင္သဿဝ္တဲညးတှဟ္ တၛဲေကာန္ဂကူဇကုမွ ဟြံဂြံအာပုဟ္ေတွ္ ဘဝဍိက္ကုႝ ဘဝဒးဒုင္မံင္ သဿဝ္တဲညးတှဟ္ဂွ္ ဒးခ်ပ္ဗၥာရဏာၿဇဳိဟ္ဟ္နက္နက္ေရာင္။ ညးလၛဳႝဂွ္ပၜန္ေလဝ္ ေကၜာန္ကေမၜာန္ေတွ္ဂြံၾသန္ ကေမၜာန္လုီ ေတွ္ၾသန္ယအ္ ဂြိင္ေဖက္ၾသန္ယအ္ ဒုင္ပလုီကေမၜာန္ဇကုဟြံမာန္တုဲ တၛဲေကာန္ဂကူဇကုေလဝ္ ဟြံအာဂွ္ေလဝ္ႏြံကုီရ။
မန္တံေတာ္ကုႝအကာဲအရာတုဲေတွ္ ၿပံင္ၿပံင္လွာဲအာမံင္ဂွ္ ဒွ္လကၡၽန္ခုိဟ္ဟာ၊ ပေရံဟာဂွ္ေလဝ္ တန္တဵအပႜဲကုႝဂကူမန္ပု႙ရ။ “ၐုိန္ႏြံေသၛာဲ လညာတ္ဒွ္မြဲကုႝ ၐုိန္ႏြံၾကပ္ ဂြပ္မံင္ညးသၠံကၜးကၜး”ဂွ္ ဣလုႝငၛဳဟ္မးႏြံဂၜဳိင္ေရာဂွ္ေလဝ္ မန္ပု႙ရဒးခ်ပ္ေကတ္ေရာင္။
တုဲပၜန္ အပႜဲကုႝဍဳင္လၢဳင္ေတံ ေဍံဟြံကုႝအေခါင္ေကၜာန္အေသအဟာန္တုဲ ဆၐိုတ္ပေကာံမှိဟ္ ဗၥဖ်ဳင္ဂွ္ေလဝ္ဂြံမိင္ အပႜဲကႝု တၛဲေကာန္ဂကူ(ဗဟုႝ)ဂွ္ေလဝ္ ေဍံကုတ္လဝ္ ဂလာန္ဟုီဂးတံဂွ္ေလဝ္ ဂြံမိင္ေကတ္ရ။

နကုႝစဿတ္တၛဲ(၁၀)သဝ္တၛဲ အစ႘အဇန္ ဗ႘အဝ္ေအ VOA သဿာန္သြဟ္လဝ္ နာဲရာဇာဉာဏ္ လ်ဳိင္ဌာနပုိန္ျဂပ္ဍဳင္လၢဳင္ ေဗာ္ဍဳင္မန္တဿိဂွ္ေလဝ္ ဂြံမိင္ေကတ္ပ႐ုိင္ဂွ္ စုိတ္ဟြံမိပ္လးလးရ။ မန္တံေကၜာန္ တၛဲေကာန္ဂကူဂွ္ ဗဿာတံဟြံဒးစုိတ္၊ ဒွ္မံင္ ဝင္ဍဳင္ဟံသာဝတ႘တုဲ ဗဿာတံေလဝ္ မိင္ရမၽွာင္မန္တံ ကညာင္ပေရာဍဳင္ဟံသာဝတ႘မၢး ေဍံလၠဳိတ္မံင္ညိညိကုီေဏာင္ဂွ္ သြက္ဒးဒွ္သံသယဟြံမြဲရ။ ဟိုတ္ဂွ္ရ အပႜဲဍဳင္ေလဝ္ေဍံတဿာတ္ မၛးဍဳင္ ဌာနပ႐ုိင္ဗဿာဂြံလဝ္ေစဝ္လၲဴတံဂွ္ေလဝ္ ေဍံဟြံမိက္ဗလး သၜဲသၜဲလးလးဂွ္ ညာတ္ေကတ္မံင္ေစတနာဗဿာလတူမန္ရ။ 

ဂြံဆက္ခ်ဴဂွ္ အခိင္ေအာန္မံင္တုဲ “ခ်ဴေတွ္ဒးခ်ပ္ ခ်ပ္ေတွ္ဒးခ်ဴ” တၛဲေလဝ္စူ၊ မှိဟ္ေလဝ္ဒးေကတ္ဇှဴမြဲအံင္တုဲ ေဒံါဆဝြံကၜာရ ေကာန္ဂကူမန္တံသုီဖအုိတ္ကုႝဂြံဒွ္တသုိက္ အပႜဲကုႝတၛဲေကာန္ဂကူမန္(၆၂)ဝါ သုီကုႝညးဖအုိတ္ညိ။