ညးတာလ်ဳိင္အလုႝအသ႘ပှာန္ နအဖတံ အၾကာဏံ ေဂတ္ေဂင္ဆုႝဂဗကုႝ ဂေကာံေဒါံပန္ေပွာ္ဂမၜိဳင္ ဟုီဂး ဘပလ စႏၵက္ သြက္ဂြံပအပ္လြဟ္ကုီ၊ လုပ္ဒုင္အုပ္ဓုပ္ သဿဝ္ဒပ္အလုႝအသ႘တအ္ သာ္ဏအ္ဟုီဂးကၜဳင္မံင္တုဲ အၾကာဂေကာံ ေဒါံပန္ေပွာ္ဂမၜိဳင္ ဒွ္တုိန္ဓဝိင္ ေဇှာ္ကုႝျဇဟတ္ကုီရ။  

ဂေကာံေဒါံပန္ေပွာ္ မှဳံပယ်ဳႝေဒသဍဳင္ၾကဳက္တအ္ေလဝ္ ပေလဝ္ပေလတ္ သၜဳင္ပတုိန္အသိင္ဒပ္ပှာန္အုိတ္တုဲ နကုႝအလုႝအသ႘ၾကဳက္တအ္ ေကာ္ဆုႝဂဗသဿာန္သဿဳက္ သ႘ကၜ႘ကၜဳင္ႏြံရ။ ကၜာဟြံစုိပ္ေပါဲ႐ုဲမာဲတဿိ ၂၀၁၀ ဏအ္ ဂေကာံရပ္လြဟ္ဖအုိတ္ သြက္ဂြံပအပ္ေထာံလြဟ္ ၿပံင္သၜာဲဗုီျပင္ေကႅင္ဒက္ပတုိန္တဿိ သာ္ဏအ္ အလုႝအသ႘ပှာန္တအ္ ကုႝကၜဳင္ ျဇဟတ္ဟ႐ုိဟ္ ဗြဲမဂၜိဳင္တုဲ အပႜဲဂေကာံေဒါံပန္ေပွာံတအ္ဂွ္ ဂေကာံမိက္ဂြံပံင္ကုႝ အလုႝအသ႘ေကုာံ ဂေကာံေကႅင္ ဗတုိက္ကုႝအလုႝအသ႘ ဗုီျပင္ၐါသာ္ လညာတ္ပၚ ျခာကၜဳင္ ညးသၠအ္ ႏြံတုိန္ကၜဳင္ဂွ္ ဂြံဆုႝညာတ္မံင္ရ။ 

ျခာဟြံလအ္ အခိင္တိကွ္ဏအ္ သြက္ဂြံဗတုိက္ေသၜက္ ဂေကာံပန္ေပွာ္ကုႝမံင္အလုႝအသ႘ပှာန္ဖုိဟ္ မပၲံကုႝ KNU ၊ KNPP ေကုာံ SSA(S)တအ္ဂွ္ ညးတာလ်ိဳင္ပှာန္ အလုႝအသ႘တအ္ ကုႝလဝ္ေစှာန္ပညဳင္ ကုဌာန္ဂအုပ္ပှာန္ ရပခ၊ တပခ၊ ရတခ၊ ကရခ ႏူကုႝဂိတုအံက္တဝ္ပါ ေလာန္ကၜဳင္တုဲဏအ္ရ။ဒပ္လြဟ္ေဇှာ္ (၁၂) ဒပ္  ေကုာံ ဒပ္ဗၥိဳပ္ကုႝအ႐ုီဗင္ လြဟ္ေဇှာ္ (၁၄)ဒပ္ မှဳံဇုိင္ပယ်ဳႝတိဍာ္ ဍဳင္ေသံတအ္ဂွ္ ထပ္ဗၢပ္ဗေပင္ကုႝ လြဟ္ေဇှာ္ မကမ္ဗြဲမဂၜိဳင္ရ၊ သုီကုႝလြဟ္ပန္္ကၞင္က်ာ မပၲံကုႝ ဂကူလြဟ္ေသၜာဝ္ HN -2 ၊ HN – 5  ၐုိတ္ (၃၆၀၀)မ ၊ အမၜံက္ေဇှာ္  ၁၅၀ မ႘လ႘မ႘တာ၊ ၁၂၀ မ႘လ႘မ႘တာ၊  ၇၆ မ႘လ႘မ႘တာ တအ္ ဂၨံက္ထေပင္လဝ္ ပႜဲဒပ္လြဟ္ေဇှာ္ ႏြံရ။ ဗြဲမဂၜိဳင္ ပႜဲေဒသတိဍာ္ KNU တအ္ရ။ 

ရဲပၚတိတ္ႏူဂေကာံ KNU တအ္ဂွ္ အလုႝအသ႘ပှာန္တအ္ကုႝဖ်ဳန္ဗုီျပင္ နာနာသာ္တုဲ ပၚထကးဆီ စႏၵက္ေကတ္တုဲ ကုႝေကႅင္လုပ္ေပါဲဗတုိက္ကု KNU တအ္ပၜန္ဂွ္ ပႜဲေဒသကေရင္တအ္ ရမ်ာင္လြဟ္ျဗဳမံင္ဖုိဟ္ရ၊ နအဖ ေကုာံ DKBA တအ္ ဟိုတ္ႏူလုပ္ပန္မံင္ ဗၵိဳပ္ KNU ဂမၜိဳင္တုဲ ပႜဲပြိဳင္ဍဳင္ကအ္ႀကိက္ဂွ္္ ဘာေဗၲာန္လိက္ (၅)ဘာ၊ ႐ုင္ဂဥဳဲ ေဍာတ္ (၂)မ ပႜဲဂိတုေလာန္ကၜဳင္ဏံ ဒဒုင္ကဿာတ္ေထာံရ။ ပႜဲတိဍာ္ KNU မဟာဒပ္ (၆) ဗၵိဳပ္တမ္ဒပ္ ( ၂၀၁) KNLA  ဂွ္  ေလာန္ကၜဳင္ဂိတု အံက္တဝ္ပါဏံဒဒုင္သီဏာရ။ သြက္ဂြံကေရက္ပလွ္ပတိတ္  အပႜဲကႜိဳပ္သၠိဳပ္ KNU ဂွ္ နအဖတအ္ ဂၥာန္မံင္ဗုီျပင္နာနာသာ္ရ။ သဘင္သ႘ကၜ႘ ေကာန္ဂရိတ္ KNU မရႏုတ္ကုႝ (၁၄)ဝါ (အံက္တဝ္ပါ ၆ - ၁၈) ဂွ္ ေကၜာန္ဗဒွ္တုဲအာတုဲ ႐ုဲစွ္ပတုိန္ဥကၠ႒ေဇှာ္တဿိ သၠိဳပ္ပှာန္ေဇှာ္ သဝ္တာမဠာပဝ္ရ။  

ဂေကာံကေရင္ဍာဲ  KNPP ေဖ်ံလြဟ္ေရာင္ ပ႐ိုင္တိတ္မံင္ဂွ္ ပ႐ုိင္ဍာံဟြံေသင္သာ္ဝြံ KNPP တံ လေလာင္ပတိတ္လဝ္  ပႜဲအံက္တဝ္ပါ (၇) ေတံရ။ ဂေကာံပအိုဝ္ PNLO တံ ပႜဲကုႝအံက္တဝ္ပါ (၁၆) ဂွ္ လုပ္သီဗဒုိပ္ ဒပ္နအဖ ေကုာံ ဒပ္ဗၜာဲသဿိင္တအ္မြဲရ။ အံင္ခါန္ထ႘ ကႜိဳပ္သၠိဳပ္ PNO ဂွ္ နအဖတအ္စုတ္ ဂြံလဝ္ပႜဲထိုင္ဂၜိက္တုဲ ဗက္ၐက္ေၐတ္မံင္တိဍာ္ SSA(သၜဳင္က်ာ) ဂွ္ ေပါဲဗတိုက္ဒွ္မံင္ရ။ ဂေကာံရပ္လြဟ္ေကာန္ဍဳင္အရင္ဂမၜိဳင္ မြဲဂေကာံကုႝ မြဲဂေကာံ ညံင္ဂြံဒွ္ပဋိပကၡ ေဇှာ္ေဇှာ္ဂွ္ နအဖတအ္ ဂိုတ္ဂစာန္မံင္ အိုတ္အေစာန္ရ၊ သိုင္ေစာဲမံင္နဲကဲ ေကၜင္ေဍံခှှာေဍံရ။

ပႜဲအကာဲအရာ ေဗာ္ဍဳင္မန္တဿိ NMSP ကုႝ နအဖမၢး ပေရင္ဒးပအပ္လြဟ္၊လုပ္ဒုင္႐ုဲစွ္မာဲ ၂၀၁၀ ဏံဂွ္ နအဖတံကၜးကၜးမးမး ဟြံဟုီဂးကၜဳင္ဏီရ၊နကုႝေဗာ္ဍဳင္မန္တဿိဂွ္ ဆလံေလဝ္ဟြံပအပ္လြဟ္ ဟြံလုပ္ေပါဲ႐ုဲမာဲ ၂၀၁၀ ဏံဟုီဂးလဝ္ရ၊ဆဂး အလုႝအသ႘တဿိမံက္ကၜဳင္မွဆက္သ႘အာပၜန္ပ႐ုိင္ဏံ မံက္တိတ္မံင္ဂွ္ သၸဒတန္ဟြံဂြံဏီရ။အၾကာဏံ ရဲပၚတိတ္ႏူေဗာ္ဍဳင္ မန္တဿိယံင္င္၊ေဗာ္မန္ပၚဒကးမံင္ဗြဲမဂၜဳိင္ညံင္ရဵႏြံမံင္ယံင္င္ ညံင္ညးဂမၜဳိင္ဂြံေထင္ခယ်အာဂွ္ နအဖတံဗက္ဂစာန္ဖန္ဗဒွ္မံင္ နကုႝနဲကဲဗုီျပင္နာနာသာ္ဂွ္ဂြံဆုႝညာတ္မံင္ကုီရ။

ေဗာ္ပေရင္ဍဳင္ကြာန္ ေကာန္ဍဳင္အရင္ဂမၜိဳင္ (တန္တဵသဿဝ္ေသှာဝ္အလုႝအသ႘ပှာန္)တအ္ဂွ္ ဆက္လုပ္မံင္ ေပါဲဗတိုက္ ဟုီဂးပၚပါဲမံင္ အလုႝအသ႘ဖိုဟ္ရ၊ ဂေကာံဒ႘မဝ္ကေရင္သ႘ ဂကူရေခင္ ALD ကႜိဳပ္သၠိဳပ္ ဥဴေအတာအံင္ ဟုီလေလာင္လဝ္ ပႜဲတၛဲေဗာ္ညးတအ္ ေပင္(၂၀)သှာံ (အံက္တဝ္ပါ-၇ )ဂွ္ ေပါဲ႐ုဲမာဲတဿိ ၂၀၁၀ ဏအ္ နကုႝေဗာ္ညးတအ္ ဟြံလုပ္ဒုင္႐ုဲစွ္ရ၊ ဂေကာံေကာန္ဂရိတ္ ဂကူၿဇိဳဝ္မ႘ ZNC ေလဝ္ သြက္ဂြံဒက္ပတန္ ပေရင္ဒ႘မဝ္ကေရသ႘မာန္ဂွ္  ဒးဗလးကုႝသဿာပေရင္ဍဳင္ကြာန္ ဒဒုင္စုတ္လဝ္ထံင္တအ္ကုီတဲု သြက္ဂြံေကၜာန္ဗဒွ္ ပေရင္ဆုႝဂဗတက္က်ာပေရင္ဍဳင္ကြာန္တအ္သာ္ဝြံ အာတ္မိက္ လေလာင္ၾတးလဝ္ ပႜဲအံက္တဝ္ပါ (၂၄)ေတံရ။ နကုႝဂေကာံ ေဗာ္မန္ဒ႘မဝ္ MNDF ဂွ္ေလဝ္ ေပါဲ႐ုဲ ၂၀၁၀ ဂွ္ဒုင္တဲဟြံမာန္ သာ္ဝြံပုိတ္တ္ သၠဳတ္တ္ ဟုီပတိတ္လဝ္ရ။ သြက္ဂြံခ်႘ဒရာင္ ပႜဲမၛးဍဳင္မာန္  ထပ္ပံက္ေဗာ္မန္ဒ႘မဝ္ (တိဍာ္ဗၜးၐး) MLDF – LA မြဲရ။

ေပါဲ႐ုဲမာဲ ၂၀၁၀ ဏအ္ ဒွ္ေကၜာန္မာန္မၢး ဂေကာံနအဖကုႝ ေဗာ္မဟာမိတ္ နအဖတအ္ေဟင္ လုပ္ဒုင္႐ုဲစွ္ ပၚပရအ္ ေကတ္အဝုႝ အနာဂတ္ဍဳင္ပု႙ဏအ္ေရာင္။သြက္ဂြံရပ္ထိင္ သဿာပေရင္ဍဳင္ကြာန္ တအ္မာန္ဂွ္ အလုႝအသ႘တအ္ ေဖ်ံလဝ္ဗ်ဴဟာ ပေလဝ္ပေလတ္လဝ္ ခ်ိဳတ္တ္ပၜိဳတ္တ္ရ။  ဗြဲေတဿင္ ကႜိဳပ္သၠိဳပ္ ပေရင္ဍဳင္ကြာန္ အပႜဲဍဳင္ (ေကာန္ဍဳင္အရင္) ကုႝဂေကာံရပ္လြဟ္တအ္ ဗုီလုႝဆက္ေကၜာံ၊ ေကတ္မံင္ကသပ္ ၊ ကုႝမံင္ကသပ္  လညာတ္ပေရင္ဍဳင္ကြာန္သဿးဟြံက အခိင္မိက္ဂြံရပ္ မိက္ဂြံထိင္မၢး ညံင္ေဍံတံဂြံရပ္ထိင္ေကတ္မာန္ နအဖတအ္ မင္လဝ္ဂြန္ရဂွ္ သတိလၸဝိုတ္အိုတ္ညိ။  

လိက္နိႆဲ ။  ။ PDC news Commentary-10 November 2008                    
(N C U B)