လုိက္ဝွ္ပၜန္ရ၊ သဘဵနိယာမၿပံင္လွာဲဂွ္ ေလဿင္ရာသ႘ဟြံကုႝလုီ ကသုီအုိတ္တုဲ ၿပံင္သၜာဲ ဗစုိပ္ကုႝဝွ္ပၜန္၊ မြဲဝွ္တုဲ မြဲဝွ္ ဝွ္လတန္ေဂတ္စုိပ္ ခ်ပ္႐ုိဟ္လဿိဟ္ဟြံမာန္ရ၊ ဝွ္ဂွ္ မန္တအ္ဟြံဟုီဝွ္တုဲ ဗြဲသာမည၊ သြက္အေရဝ္ သုင္ေစာဲ ပႜဲဍဳင္ကြာန္မၢး ေတာဲကေရာံ “တိကွ္” တုဲ “လိုက္ဝွ္ တိကွ္” ဗုီဏအ္ကုီ၊ သြက္ေဝါဟာ သုင္ေစာဲပဲႜဘာသာမၢး ေတာဲသၢး ေကုာံ “သွ္ပဝါ” တုဲ “လိုက္ဝွ္ သွ္ပဝါ” ဗုီဏအ္ကုီ ဟုီသၢး သုီဒြန္ရ၊ ဥတုရာသ႘ဂွ္ လုိက္ဝွ္မၢး ၿဗဲဂွ္အုိတ္၊ ဍာ္ဂွ္ပိုတ္၊ ဆုေခ်ာဲတအ္ခ်ဳိတ္တုဲ အလုႝလုႝတိကွ္ကၜဳင္ဂွ္ရ၊ ေကာ္စ “လုိက္ဝွ္ တိကွ္” ဟြံေဗၜတ္ရ၊ ဇဿာပ္လုိက္ဝွ္ ခမ႘သင္တအ္ ေဒံါဟြံဂြံ သၵးသွ္ပဝါေဟင္တုဲ “လုိက္ဝွ္ သွ္ပဝါ” ဟုီသၢးေလဝ္ ေထက္ႀကိဳက္မံင္ရ။
 
ဝွ္ဂွ္ ဒွ္ဂိတုမြဲတုဲ မှဳံလလအ္ကာလ ပိြဳင္ ၂၉ တၛဲ ညးတီအဲတီရ၊ အပဲႜဂွ္ တၛဲသ႘ဗေပင္ဝွ္ မြဲတၛဲဂွ္ ဒွ္တၛဲဲေတဿင္ တၛဲပရဲ သြက္ရဲဗုဒၵဘာသာ ညးေကၜာန္ေကင္ကာ ကုသိုလ္ဂမိၜဳင္ရ၊ ၐုိန္ဂွ္ေလဝ္ သြက္ေဒသမန္ဂွ္ အလုံမြဲဂိတုဝွ္ ေကၜာန္ဗဒွ္ဒဿံင္ ကုသုိလ္လဿိဳန္ရ၊ ပတမ္ႏူဝွ္မံက္ စုႝစုိပ္ဝွ္အုိတ္ သဘင္ကှာ ေဆင္စပ္ကုႝဘာသာ သာသနာ ေကၜာန္အာဒဿံင္ ဇဿာပ္ဍဳင္ကြာန္ဇဿာပ္ဌာန္ ဟြံသၠဳတ္ပုိတ္ရ၊ ဥပမာ-လၸာ္ဝွ္မံက္ဂွ္ သဘင္က်ာ္ခမ႘ ပႜဲပိြဳင္ဍဳင္ျဇပ္ဗု၊ လၸာ္ဝွ္ေစြက္ဂွ္ သဘင္က်ာ္တဿအ္ ပႜဲကဿာဝက္ ပိြဳင္ဍဳင္မုဟ္ဍဳင္၊ သဘင္က်ာ္ကြာန္ဓမၼသ ပြိဳင္ဍဳင္က်ာ္ျမဟ္ ဗုီဏအ္ ဟြံသ႐ုင္ ေကၜာန္ကၜဳင္သဘင္ ေကင္ကာမၛဳႝ အခုိက္ညး ဗုီအဲ သုီဂိတုဝွ္ရ၊ ၐုိန္ေကၜာန္ဗဒွ္ သဘင္သာ္ဝြံကုီေလဝ္ မိက္ဂြံေသၛာဲျခာဒဿံင္ ႏူကုႝၾကက္႐ွ္သာဝွ္ညိေဏာင္ ေစွ္စုိတ္တုဲ မိက္ဂြံခ်ဴပတုိန္ လိက္ပေရင္ဝြံရ။

ေဝါဟာ “ဝွ္” ဂွ္ ဒွ္အေရဝ္ ေဆင္ဆက္ကုႝ ခမ႘သင္တအ္မြဲရ၊ တမ္မူလေဍံေစွ္ကၜဳင္ ႏူမအကၡရ္ပါဠိ “ဝႆ” တုဲ မန္တအ္ ေကာ္စ “ဝသ္/ဝဟ္/ဝွ္” ေရာင္၊ မှဳံအဓိပၸာယ္ “ၿဗဲဂူ၊ လုပ္ဒဂုိန္” မပၲံသာ္ဝြံ နာနာသာ္ရ၊ လဵထၞးကုႝ လွဲလဲွလးလးညိရ၊ မပၲံက်ာပုိက္၊ ၿဗဲဂူ၊ တၛဲကာတ္ၿပံင္လွာဲဒဿံင္ ဗုီဏအ္ဂွ္ ဥတုရာသ႘ ေကာ္စရ၊ ဍဳင္ရးပလုိတ္လၛဳႝ ဥတုရာသ႘ ႏြံၐါသာ္ဓဝ္တုဲ ဍဳင္လၛဳႝ မှဳံပန္ရာသ႘ရ၊ ဍဳင္မန္ဗဿာပု႙ကုီ၊ ဍဳင္ေသံ၊ အိႏၵိယ၊ သ႘ရိလကၤာကုီ မှဳံကုႝဥတုရာသ႘ ပိသာ္ရ၊ ပႜဲမြဲသှာံ မှဳံ ၁၂ ဂိတုဂွ္ ပၚေထာံ ပန္ပန္ဂိတုမၢး ဒွ္မြဲဥတုရာသ႘ရ။

လက္ထက္ တၜ႘ပိုဥ္က်ာ္ႀတဲေတံ ဟြံတီမုဟ္က်ာ ကညင္၊ ကသုီ သုီစွ္ၐါရာသ႘ ခမ႘တအ္ တိတ္တရဵ အာကၜဳင္မံင္ လဿိဳန္အခိင္ရ၊ အလုႝဇကုက်ာ္ႀတဲ ဖေအာဝ္ဖတုိက္လဝ္ သကုႝခမ႘တအ္ ကြာ္တရဵတုဲ ပတန္သာသနာဂွ္ ခမ႘တအ္ ႏူကြာန္ဏအ္ ကႛအာကြာန္ေတံ၊ ႏူၿဂိဳပ္ေတံ စုိပ္ကၜဳင္ဍဳင္ဏအ္ဂွ္ ဗ်ိဟြံဂြံရ၊ အခိင္ကာလေတံဂွ္ အာကၜဳင္ နတရဵတုိက္ (ကြာ္နဇိုင္) သဿးတုဲ အခိင္ကညင္ ကိစၥအာကၜဳင္ တင္အခက္အခုဲ ျပသှာမမိက္ကုႝမြဲမြဲ ဟြံမြဲကုီေလဝ္ အခိင္ကသုီ ေကုာံ တမ္မုဟ္က်ာတအ္ဂွ္ ဒွ္အခိင္တုႝလဝ္ ေၾသာံၐဲေခှဝ္ေကဝ္တုဲ ေသၢာံတတ္ ဂူဗၛ ကၜအ္သြဝ္တအ္ဂွ္ ဒွ္အခက္အခုဲရ၊ ညးသဿာဂူဗၛ သဿာကၜအ္သြဝ္ လ်ဳင္သာသနာ ေအာန္န္တအ္ကုီ ဟြံလ်ဳင္သာသနာတအ္ကုီ ဟုီဂ႐ုိဟ္ ဟုီဗ်ဳတ္ေဗၵက္ ဟုီဗတုိန္ဒုဟ္ နာနာသာ္အုိတ္ရ။

“ခမ႘သက်ဝင္တအ္ဏအ္ ဟြံ႐ုဲရာသ႘ ကြာ္မံင္တရဵတြဳႝ၊ လုိန္ထေလက္ေထာံ ေသၜဝ္ေကဝ္ မလမၥံက္ ဍိဳပ္ဍဵအုိတ္၊ လှိန္ဗပိန္ေထာံ စဿစဿန္ သတ္ဟမၺန္ မှဳံလမ်ဳီအုိတ္၊ တ႘ (ရသိ၊ ျပဘာဇ္) တအ္ အခိင္ကသုီ ဟြြံအာကၜဳင္ မံင္ညိင္မံင္ဟဂွ္၊ ဂေစံတၜေသှင္တအ္ေလဝ္ အခိင္ကသုီ ဒက္ခေပဲါ ပႜဲေကှာတ္ဆုတုဲ ခဒပ္တဵ ပႜဲခေပဲါအုိတ္ရ၊ ဟြံပဝ္ ဂၜာဲစစှအုိတ္ရ၊ ခမ႘သက်ဝင္တအ္ဏအ္ အခိင္ကသုီဟြံတီ အာကၜဳင္မံင္ဏီဖုိဟ္” ၿမဵသာ္ဝြံ ဟုီဂ႐ုိဟ္ ဟုီဗ်ဳတ္ေဗၵက္ ဟုီပတုိန္ဒုဟ္ အုိတ္ရ။

က်ာ္ႀတဲမိင္ဒးတုဲ ပညပ္သိကၡာပုိဒ္ သြက္ခမ႘တအ္ ေသၢာံလုပ္ဒဂုိန္ဝွ္ရ၊ အခိင္လုပ္ဒဂုိန္ဝွ္ ကိတ္ည႘အုိတ္ဂွ္ ႏူဂိတုဒဂုိန္ စုိပ္ဂိတုကထုိန္တုဲ က်ာ္ႀတဲ႐ုဲစွ္လဝ္ ရာသ႘ကသုီ ပန္ဂိတုဝြံရ၊ အခိင္လုပ္ဒဂုိန္ဂွ္ ပၚစြံလဝ္ ၂ ဂကူ၊ ပတမ္ႏူဒဂုိန္မြဲေစြက္ စုႝစုိပ္ဝွ္ေပင္ နဒဒွ္ ပုရိမ ကုႝဒွ္၊ (ပဿိက္ကိစၥေဇှာ္ လုပ္ပုရိမဝွ္ ဟြံဂတာပ္မၢး ) ပတမ္ႏူခႜဲသ႘မြဲေစြက္ စုႝကထုိန္ေပင္ နဒဒွ္ပစၧိမဝွ္ ကုႝဒွ္ မြဲဂကူမၢး ပိြဳင္ပိဂိတု ဒးလုပ္ဒဂုိန္ ပႜဲမြဲဒှာဲ မြဲအ႐ွာံဘာ ဗြဲမညိင္ဝတ္ေရာင္၊ ပတမ္ႏူအခိင္ဂွ္တုဲ မအေရဝ္ “ဝႆ၊ ဝသ္/ဝဟ္/ဝွ္” ဂွ္ စကၜဳင္ေခတ္ စုႝလဿဳဟ္ရ။


ဝွ္ေပင္ ေကုာံ တဲၛပဝါရဏာ

ခမ႘လုပ္လဝ္ဒဂုိန္ နပုရိမဝွ္ ႏူတၛဲဒဂုိန္မြဲေစြက္ ပႜဲမြဲဒှာဲ ညိင္င္ဗုိန္န္ ဟြံမြဲကုႝဝွ္ကဝ္ဂွ္ တၛဲဝွ္ေပင္မၢး ေပင္ပိတုရ၊ တၛဲဝွ္ေပင္ဂွ္ ညးတအ္ ဒးသွ္ပဝါ (ဝါ) ဒးသၸပဝါရဏာေရာင္၊ (သြက္ခမ႘ လုပ္ပစၧိမဝွ္ဂွ္ ကထုိန္ေပင္ေဟင္ သွ္ပဝါဂြံရ) ၊ သွ္ပဝါဟုီဟုီ၊ သၸပဝါရဏာေကာ္ေကာ္ အဓိပၸာယ္ မိက္ဂြံဟုီဂွ္ တုပ္ပ္ရ၊ ပဝါ-ဂွ္ ယာတ္ပဝါ ပု႙ဇုိတ္စ၊ ယာတ္ပဝါ ဒက္ကအ္ ဒက္ဂှိင္၊ ယာတ္ပဝါ ဓလုီစကႜိဳပ္ဟြံေသင္၊ ပဝါ-ဂွ္ ခႜန္လဝ္ ႏူမအေရဝ္ “ပဝါရဏာ” ေရာင္၊ ေဝါဟာ “ပဝါရဏာ” ဝြံ ကၜာဲဘာသာမန္မၢး “ဘိက္နိမန္” ေရာင္၊ မုမြဲ ဘိက္နိမန္ေရာ ဟုီမၢး- ဘိက္နိမန္ ခမ႘တှဟ္သၟာင္ တှဟ္နသကုႝထဿံက္ထၞး ဒုဟ္ဒဏ္ဇကု။

ဒးလဵထၞးဝင္ “သွ္ပဝါ” ညိပၜန္၊ ခမ႘သင္ လုပ္ဒဂုိန္တအ္ဂွ္ သၵးမံင္မြဲစြံ မြဲကေရာံ ပိြဳင္ပိဂိတု ပႜဲမြဲဒှာဲဓဝ္ ဟြံဂြံအာကၜဳင္ ဟြံဆုဲၿပံင္ဂွ္ရ၊ မံင္စံင္စ ကႜန္ျဂက္တဵအုိတ္ရ၊ မြဲအခိင္ေတံ ကၜာဟြံဒးလုပ္ဒဂုိန္ဏီမၢး ဒှာဲဒးစုိတ္ အာကၜဳင္မာန္၊ ဒှာဲႏြံပဿိက္ တိတ္သတင္မာန္၊ ဒှာဲဒးဂှပ္ ေဖ်ံဗဒုိပ္မာန္၊ ဒှာဲဒှာဲစုိပ္အာ ေဒၢတ္ဨကစာရ႘ (မံင္တဵညးမြဲဓဝ္) မာန္ရ၊ လဿဳဟ္ သၵးမံင္မြဲစြံ ပႜဲမြဲအ႐ွာံဘာ ကေရာံညးဂမိၜဳင္ရ စသုင္အာကၜဳင္ မံင္စံင္ကႜန္ျဂက္တုိန္ဖအုိတ္ရ၊ ဟုိတ္ဂွ္တုဲ ခမ႘သင္ဂမိၜဳင္ သၸကတိကဝတ္မြဲ “ပိြဳင္ပိဂိတု ညးမြဲေကုာံညးမြဲ ေဝင္လၸဟုီအေရဝ္” ေရာင္၊ ဟြံဟုီအေရဝ္ ေရင္သကအ္  သာ္ဏအ္ဂွ္ ကလိဂြံအေခါင္ ေကၜာန္သမထ ဝိပႆနာဂၜိဳင္ေရာင္၊ ဒကာတအ္ လ်ဳင္ဂၜိဳင္ပိုဥ္ေဇှာ္တုိန္ေရာင္ ညးတအ္စဿ႘ေကတ္ရ။

က်ာ္ႀတဲတီဒးပ႐ူဝြံတုဲ ေကာ္ပေကာံခမ႘တအ္ ဟုီေသာင္ကလးကုႝ ဒဒွ္ရ ဟြံဟုီအေရဝ္ ေရင္သကအ္ဂွ္ ဗုီဒွ္လေလင္ဖုိဟ္ မာန္ကုီ၊ မံင္လဝ္မြဲစြံ ခုိဟ္ကုီပေရံကုီ၊ ဒးဂှပ္တုပ္စုိတ္ကုီ၊ ဟြံဒးဂှပ္ဟြံတုပ္စိုတ္ကုီ သၵးဘိက္နိမန္ သၵးလဵပူစ ဒုဟ္ဒဏ္ေရင္သကအ္ေဟင္ မှဳံကုႝဖုိဟ္ဂၜိဳင္ေတဿင္  တြံထၞးကုႝတုဲ ဖတုိက္ဖေအာဝ္ကုခမ႘တအ္ လုိက္ဝွ္မၢး သြက္ေသၢာံ သွ္ပဝါ (သၸပဝါရဏာ) ေရာင္၊ ဗုီသွ္ပဝါ (သၸပဝါရဏာ) ဂွ္ေလဝ္ က်ာ္ႀတဲ ဟုီေဖ်ံလဝ္ ကုႝမူရ။

ဗုီသွ္ပဝါ (သၸပဝါရဏာ) ဂွ္ -

“ယြံတၜ႘ပိုဥ္သင္တအ္ အဲဍိက္ အာတ္ဘိက္နိမန္ တၜ႘ပိုဥ္သင္တအ္ရက်ာ္၊ တၜ႘ပိုဥ္သင္တအ္ စြံဓရ္ျဇဟာန္ ဆာန္ဍဳင္အဲဍိက္တုဲ ဒုဟ္ဒဏ္အဲဍိက္ ဆုႝညာတ္လဝ္ကုီ၊ မိင္လဝ္ကုီ၊ ေသၜဟ္ပဿာသကၤာကုီ ႏြံမၢး ထဿံက္ထၞးညိက်ာ္” ဣဝြံ ဒွ္အဓိပၸာယ္ “သွ္ပဝါ”ရ။

ေသာင္ကုႝညိပၜန္၊ ဥပမာ-ခမ႘သင္တအ္ဖအုိတ္ ေကာံအာပႜဲသိမ္တုဲ ခမ႘နာဂဘိက္နိမန္သင္တအ္ သကုႝထဿံက္ထၞးဒုဟ္ ညးေတံရ၊ ခမ႘ဒတၲ ဆုႝလဝ္ဒုဟ္ခမ႘နာဂ ႏြံတုဲ ထဿံက္ထၞးတုိန္ရ၊ ကာလဂွ္ ခမ႘နာဂ ဒးဒုင္ဝန္ဒုဟ္ဇကု၊ ေဒသနာ လေဒါဝ္သင္တုဲ ပေရေကၜံဒုဟ္ဂွ္မာန္ရ၊ ညးမြဲ ေကုာံ ညးမြဲ ညံင္ဟြံဂြံဒက္ဝဲ ဒတဲၾကဳတ္ညးသကအ္ ညံင္စုိတ္ဂြံေသာင္ ေရင္သကအ္တုဲ က်ာ္ႀတဲ ေဖ်ံလဝ္ မူသွ္ပဝါဝြံ ဒးရးခုိဟ္ေကြံရ။


ဝွ္ေပင္ ေကုာံ တၛဲအခါအဘိဓမၼ

တုဲပၜန္၊ တဲၛဝွ္ေပင္ဂွ္ ဒွ္ “တၛဲအခါအဘိဓမၼ” ကုီရ၊ သၸသမၲီ ဒုင္တၜဳင္ပူဇဵ တၛဲက်ာ္ႀတဲ ကႛေစွ္ကၜဳင္ ႏူဍဳင္သြဝ္ ႀကဵႏူတြံဓရ္ ကု ေဒဝတဵ အိန္ၿဗီဳတအ္တုဲေရာင္၊ ဇဿာပ္လုိက္ဝွ္ သြက္သွ္ပဝါဂွ္ မဟာယာနတအ္ ဟြံေကၜာန္သၸကုီေလဝ္ တၛဲအခါအဘိဓမၼဂွ္ ဗုဒၶဘာသာ အလုံလုိက္မြဲ ဗွ္ဗှဳဟဂုဏ္က်ာ္ႀတဲ ေကၜာန္ဗဒွ္ေပဲါသဘင္အုိတ္ရ။

က်ာ္ႀတဲ ကာလကလိဂြံထပွ္ဝွ္ တှဟ္နတြံဓရ္ ကု ေဒဝတဵ အိန္ၿဗီဳတအ္ကုီ သုီဆာပ္ေရာ္ ဂုဏ္မိ (မိ-က်ာ္ႀတဲ စုတိအာတုဲ ကတုႝဒွ္မံင္ ေကာန္ေဒဝတဵ မှဳံယဿဳသႏၲဳသိတာ) ကုီတုဲ ကႛတုိန္အာ ဍဳင္သြဝ္တာဝတႎရ၊ ဟုီတြံေဍာင္ဓရ္အဘိဓရ္ ပႜဲဍဳင္သြဝ္ လုကဵမြဲဝွ္ပိဂိတုတုဲ ပဲႜတၛဲဗေပင္ဝွ္ဂွ္ ကႛေစွ္ကၜဳင္ ဍဳင္မှိဟ္ရ၊ သဿိင္အိန္ နိမိတ္ဗဒွ္လဝ္ ကှိန္ပိတှဳင္ ႏူကႜဟ္ဒုႝသိႏၷရာဇ္ စုႝစုိပ္ဍဳင္မှိဟ္ သကၤႆနဂႝု၊ က်ာ္ႀတဲကႛကြာ္ေစွ္ကၜဳင္ နကှိန္မှိက္ မှဳံလေဒါဝ္ဂွ္တုဲ ၊ ကှိန္ထဝ္ မှဳံလၸာ္ပုင္ဂွ္ ေဒဝတဵဂမိၜဳင္ နကုႝရမ်ာင္ကိြင္ကြိဳင္ မျမဟ္တမ္ညဝ္ နေပဝ္ျဂဝ္မလဟိင္ တိင္တုိက္ ဗက္ေစွ္ကၜဳင္ ကေရာံက်ာ္ရ၊ ၿဗီဳတအ္ဂွ္ေလဝ္ ဓလဝ္ကႜိဳင္ဗၲာင္နတဲ ကု က်ာ္ႀတဲ ကြာ္ဗလဲေစွ္ဗဒဲါ လၸာ္ကှိန္ပဲါ မှဳံအရံင္သာ္ၾသန္ပၜန္ရ၊ အခိင္ကာလဂွ္ ဟုိတ္ႏူဣဒိၶႀက႘စွ္ က်ာ္ႀတဲကုီ၊ ဟုိတ္ႏူအႏုဘဵ ေဒဝတဵအိန္ၿဗီဳတအ္ကုီတုဲ မှိဟ္တအ္ ေက်ာဝ္ဆုႝအာ ေဒဝတဵရ၊ ေဒဝတဵတအ္ေလဝ္ ရံင္ဆုႝအာ မှိဟ္တအ္အုိတ္ရ၊ ေကာန္ညးဍဳင္သကၤႆနတအ္ နဍာ္စၜန္ ပၠဵၾသန္ျမေမာဝ္ ေလၛာဝ္ဒုင္တၜဳင္က်ာ္ႀတဲအုိတ္ရ၊ ညးလၛဳႝ ေက်ာဝ္ကႜရံင္ဗုႝ ဂြံဆုႝအာက်ာ္ႀတဲ မတြ႘ဗုိင္လဝ္ နေဒဝတဵအိန္ၿဗီဳတအ္တုဲ ဒွ္လ်ဳင္ပ႘တိ ကလိဂြံဓရ္မဂ္ ဓရ္ဖုိလ္အုိတ္ရ။


ဗုီတြံလဝ္ အဘိဓရ္

ေသာင္ကလးကုႝ ပ႐ူက်ာ္ႀတဲ တြံအဘိဓရ္ ညိညၿဇိဳင္သာပၜန္ရ၊ က်ာ္ႀတဲ ကႛတုိန္အာ ဍဳင္သြဝ္ နကုႝၐါလဂါမ္ ပိလၸာ္တုဲ လုပ္ဒဂုိန္ ပႜဲဍဳင္သြဝ္တာဝတႎရ၊ ပိြဳင္မြဲဝွ္ ပိဂိတုဂွ္ ၂၄ နာဍ႘ ဟြံမြဲကုႝအခိင္ဇူေလဿာင္ တြံဒဿံင္အဘိဓရ္ မြဲဒၿမိပ္ရ။ ကိစၥစပ္ကုႝပိ႑ပါတ္ဂွ္ အတုိင္အခိင္ဍဳင္မှိဟ္ (ကၜာတၛဲဟြံေစင္) က်ာ္ႀတဲ ေစွ္ကၜဳင္ဍဳင္မှိဟ္၊ ၐဵပါင္ လာင္မုက္ ပႜဲလၥ (ကဿာ) အႏုတတ္၊ ႐ုင္လၲက္သပုိင္သၛာ ဗြဲမဒးရးတုဲ ေဂၛင္စဵပိ႑ပါတ္ လၸာ္တကအ္ သဿဝ္က်ာေတံရ၊ ပိ႑ပါတ္ကလိဂြံနင္ဂွ္ ကႛကၜဳင္ကုႝပိုဥ္ ပႜဲလၥအႏုတတ္ပၜန္တုဲ သြက္ဂြံဇူေလဿာင္ေဒါဝ္တၛဲ ကႛအာ ၿဂိဳပ္စၜန္- စႏၵန၊ ပႜဲၿဂိဳပ္ဂွ္ မွာေထရ္သာရိပုိတ္ မင္ေကၜာန္ၐုိတ္ ပတုဲဝတ္ ကု က်ာ္ႀတဲရ၊ က်ာ္ႀတဲေလဝ္ အတုိင္တြံလဝ္ ပႜဲဍဳင္သြဝ္ေတံ ကုႝနဲပညဳင္ထၞးဂၜံင္ ကု မွာေထရ္သာရိပုိတ္ ဗြဲကႜန္န္ေဂၜံေဂၜံရ၊ အခိင္တဲၛသဝ္ (အခိင္ညးဍဳင္သာရဝွ္တအ္ တိတ္ဘာကလင္ဓရ္ဂွ္) က်ာ္ႀတဲ ကေလင္ကႛတုိန္ ဍဳင္သြဝ္ပၜန္ရ၊ အၾကာပုိဥ္တၛဲ ကုႝ သဝ္တၛဲ အခိင္က်ာ္ဟြံမြဲ ပႜဲဍဳင္သြဝ္ဂွ္ က်ာ္ႀတဲ နိမိတ္ဗဒွ္လဝ္ ဗုဒၶနိမိတ္ (နိမိၼတဗုဒၶ) တုဲ အဓိဌာန္လဝ္ အကုႝတြံဒဿံင္အဘိဓရ္ ကု ေဒဝတဵတအ္ စုႝက်ာ္ႀတဲ ေကႅင္စုိပ္ဒှာဲဂွ္ ပၜန္ရ၊ [က်ာ္ႀတဲထၞးလဝ္နဲ ကု မွာေထရ္ သာရိပုိတ္ ဗြဲခမႜန္၊ မွာေထရ္ သာရိပိုတ္ ကေလင္တြံၾတး ကု ေကာန္ကြးညး မသုန္ကၜံတုဲ အဘိဓရ္ဂွ္ ေသဿဟ္ၐက္ဒဿံင္ စုႝကုႝလဿဳဟ္ရ။]

ဓရ္အဘိဓရ္ က်ာ္ႀတဲတြံလဝ္ ပႜဲဍဳင္သြဝ္ လုကဵမြဲဝွ္ပိဂိတုဂွ္ ၿဇိဳဟ္နက္ေလာန္၊ လွာၾတးေလာန္ရ၊ ဗှတ္လုႝလွဲၿဇိဳဟ္ဂွ္ ယဝ္ဒးထၞး ဥပမာမၢး အကးဂွ္ သၸလိက္တုိင္ခ႘၊ ဍာ္ၐ႘ဂွ္ သၸဢင္၊ ကှင္သိႏၷရာဇ္ဂွ္ သၸစုက္ေကှဟ္ ေကွ္ခ်ဴေလဝ္ အဘိဓရ္ဝြံ အုိတ္အာမာန္ ဟြံေသင္ေရာင္ ဂးရ၊ အဘိဓရ္ဂွ္ အဘိ+ဓမၼ ရဵဝြံမှဳံၐါပုိဒ္တုဲ အဘိ-ဥပသဝ္ဂွ္ တြံအရတ ခုိဟ္ၿပဲေလာန္ကာဲရ၊ မှဳံအဓိပၸာယ္ ခုိဟ္ေလာန္ကာဲ ႏူသုတ္ဝိနယ္ေရာင္၊ အဘိဓရ္ဂွ္ မှဳံ ၇ ျပကုိဟ္ ရ ကှပ္ရ၊ အပႜဲဂွ္ ဓရ္ပဌာန္ မဒွ္လကၠရဵမြဲ သာတုဲ ၿဇိဳဟ္နက္ေလာန္ လွဲၾတးေလာန္ရ၊ ကာလ တၜ႘ပိုဥ္က်ာ္ႀတဲ ျဂင္ဓရ္ပဌာန္ဝြံ လ်းႀတဵသာ္ ( သာ္အရံင္ သုင္ေစာဲဒဿံင္ ပႜဲအလာံသာသနာလဿဳဟ္ ) ဒးတိတ္ကၜဳင္ရ။

မြဲတၛဲ ကာလသာသနာက်ာ္ႀတဲ ေကၜံဗၵန္အုိတ္အာ ႏူေလာကဏအ္မၢး အဘိဓရ္ဝြံ ေကၜံကၜာအုိတ္ရ၊ အဘိဓရ္ဂွ္ပၜန္ ပတမ္ႏူပဌာန္ ေကၜံအာအုိတ္အာ ဗြဲေလဿင္ဝါတ္ေလာဲရ၊ ညံင္အဘိဓရ္ မပၲံဓရ္ပဌာန္တအ္ ဟြံဂြံေကၜံျပဟ္ဟ္ဂွ္ ဇဿာပ္လုိက္ဝွ္ တိကွ္၊ ဇဿာပ္လုိက္သွ္ပဝါ ခမ႘သင္တအ္ကုီ သုီဥပၸးႀတဳံ ဥပၸးၿဗဵဂမိၜဳင္ ေဖႜာတ္ပူဇဵ ဓရ္ပဌာန္ကုီ၊ ပူဇဵ ပဿတ္ပှာင္ ေကၜင္သႜဵ ပၠဵႀသဵျမေမာဝ္ကုီ၊ ဗလးဂုီကၜဳီ မပၲံသာ္ဏအ္ ေကၜာန္သၸဗက္ေဟင္ ဒွ္အေလံဗုဒၵဘာသာ ေဆန္ဆက္ကၜဳင္ ႏူတမၜာေတံရ၊ လုိက္ဝွ္ ဗဒွ္သဘင္ေပဲါမိပ္ဂွ္ ေသၛာဲျခာဒဿံင္ ႏူ႐ွ္သာ ဗုဒၵဘာသာဏီရ။

ဟုိတ္ဂွ္ရ တၛဲဝွ္ေပင္ဂွ္ နဒဒွ္ “တၛဲသွ္ပဝါ” ကုီ၊ နဒဒွ္ “တၛဲအခါအဘိဓမၼ” ကုီ အုိႆုီ ဍဳင္ဗုဒၶဘာသာ မှဳံပႜဲလုိက္ဝြံ စဿတ္သမၲီ တၛဲခုိဟ္တၛဲၿပဲ တၛဲမှဳံမၛဳိလ္က်ာ္ႀသ႘တုဲ ေကၜာန္ဗဒွ္တဵ သဘင္မိပ္ၿဇိပ္ ဗြဲဓမၼအုိတ္ရ၊ ဂကူမန္ပု႙ေလဝ္ လုိက္ဝွ္တိကွ္ သွ္ပဝါမန္ ဗြဲမဓမၼကုီမၢး----။

(11. 10. 08)  

ျပကုိဟ္နိႆဲ-

ျပကုိဟ္နိႆဲ- 

ဝိနယပိဋက၊ မဟာဝဂၢ၊ မဟာခႏၶက- ပါဠိ

ဝိနယပိဋက၊ မဟာဝဂၢ၊ မဟာခႏၶက- အဌ

သာရတၴဒ႘ပန႘-ဋ႘ကာ၊ ပဝါရဏကၡႏၶက

အဌသာလိန႘၊ နိဒါနကထာ

http://en.wikipedia.org/wiki/Pavarana 

http://www.buddha-tours.com/pavarana-day-festival.html 

http://www.indianetzone.com/22/abhidhamma_day_buddhist_festival.htm