သြက္ဂြံအာဆုႝဂဗကုႝ ညးစှးအလုႝအသ႘ဗဿာ ပႜဲဍဳင္မတ္မလုီ တှဟ္နဂြံဆက္သ႘ကၜ႘ ပေရင္ဒိုအ္ပန္ေပွာ္ပၜန္ မဆိင္ဖါတ္လဝ္ ပႜဲတၛဲဗုဒၶဝါဏံမာန္ဂွ္ ညးစှးေဗာ္ဍဳင္မန္တိဿဂမၜဳိင္ တၛဲစန္ဂွ္ စိုပ္မံင္ဍဳင္ျဇပ္ဗု၊ ဘာဟံသာထဝ္ရ။

သကိုပ္ဝန္ေဇှာ္ တြဳႝရးမန္ ဥဴအုင္ေမ်တ္ ကၜဳင္ဒုင္တၜဳင္ ကႜိဳပ္သကိုပ္ေဗာ္ဍဳင္မန္တဿိ သြက္ေသၢာံတက္က်ာ ပေရင္ၐိုဟ္လလမ္ (Photo- The Voice Weekly facebook)

“ျပဟ္ဟ္ဏံ ညးတံ သ႘ကၜ႘မံင္ကုႝ ဂေကာံေရင္တၜဳင္ ပေရင္ၐိုဟ္လလမ္ဂွ္တဲု တၛဲယးေတံ ညးတံ အာဍဳင္မတ္မလုီေရာင္” ဂလာန္မဖွ္သာ္ဝြံ ညးမဒုင္တၜဳင္ ညးစှးေဗာ္ မြဲတၜ ဟုီရ။

“ပေရင္သ႘ကၜ႘ ပႛ႘ပႛပ္ ညးသၠအ္ ၐါလပၚဂွ္ ရံင္ေကတ္ အကာဲအရာတၛဲဏံေတွ္ သြက္ဂြံေျပျပံင္ ႏံြဂၜဳိင္ေရာင္” ဂလာန္ဝြံ နာဲတၜညး မဒွ္ေကင္ကာဗဟုႝ ေဗာ္ဍဳင္မန္တိဿ မပါအာ ကေရာံဂေကာံညးစှးဂွ္ ဟုီရ။ ညးဝြံ ဒွ္ဒု-ကႜဳိပ္သကိုပ္ ညးစှးေဗာ္ဂွ္ရ။

ဂေကာံညးစှး ေဗာ္ဍဳင္မန္တိဿ ထပွ္တၜဂွ္ ဒုဥကၠဌ နာဲရႆ ကႜဳိက္ပ္တုဲ တိတ္ႏူဗဟုႝ ေဗာ္ဍဳင္မန္တိဿ ပႜဲေကှာတ္ၐ႘ေရဝ္ဂွ္တဲု
အခိင္ေဒါဝ္တၛဲ စိုပ္ဍဳင္ေရဝ္တုဲ ႏူဂွ္မြဲကဆံင္ ၐိုတ္ပိနာဍ႘ဂွ္ စိုပ္အာဘာဟံသာထဝ္ မဒွ္ဘာ က်ာ္ေဇှာ္ဂွ္ မပါလုပ္ ခ်႘ဒရာင္မံင္ ပေရင္ဂေကာံလိက္ပတ္ကုီ ပေရင္ေကင္ကာဂကူမန္ အဓိကတှဟ္ဂမၜဳိင္ကုီရ။ ဗၲံဂွ္ ညးတံဆိင္လဝ္ ဇူဒုီပႜဲဘာဂွ္ေရာင္။

ေဖဖဝ္ဝါရ႘မြဲဂွ္ ညးတံ သြက္ဂြံဆုႝဂဗသ႘ကၜ႘ကုႝ ညးစှးအလုႝအသ႘ဗဿာ ကဆံင္ကဿိန္ဍဳင္ကုီ ကဆံင္တြဳႝရးကုီ မြဲေကာံမြဲကေရာံဂွ္တဲု ပေရာပရာသ႘ကၜ႘ဂွ္တုန္ ဟြံတီေကတ္ကၜးကၜးဏီရ။

မြဲအခိင္ေတံ ပႜဲသကၠရာတ္ ၁၉၉၄ ေတံဂွ္ ေဗာ္ဍဳင္မန္တိဿ သ႘ကၜ႘ကုႝ အလုႝအသ႘ဗဿာ နဝတ ပႜဲဂအုပ္ရးပှာန္ဒိုဟ္အဂှဲ ဗှတ္ပန္အလန္တုဲ ပႜဲသှာံ ၁၉၉၅ ဂွ္ နဒဒွ္ေဗာ္ေကာန္ဍဳင္အရင္ မရပ္လြဟ္ အလန္လၾကဵအိုတ္ ကလိဂြံတင္တုပ္စိုတ္ ပေရင္ဒိုအ္ပန္ေပွာ္ရ။

“လပၚပု႙ဂွ္ အတိုင္ပု႙ဒတူလိုင္ေၾတံေတံဂွ္ရ၊ ပေရင္ဒိုအ္ပန္ေပွာ္ အလုံဍဳင္မြဲ ညံင္ဂြံဒွ္ဂွ္ရ ပု႙သြက္ဂြံပတိုန္ထၞးႏံြရ၊ အဓိကဂွ္ ေဒါံပန္ေပွာ္ ဟြံေသင္၊ သြက္ဂြံသ႘ကၜ႘ ပေရင္ဍဳင္ကြာန္ဂွ္ေဟင္ ဒွ္အဓိကရ” ဂလာန္ဝြံ နာဲဟံသာဗုိန္ခိုင္ ဟုီရ။

ယဝ္ေဗာ္ဍဳင္မန္တိဿ ဒိုအ္ပန္ေပွာ္မၢး ဒွ္ေဗာ္ရပ္လြဟ္ေကာန္ဂကူ မလုပ္လဝ္ ဂေကာံ(UNFC) မရႏုက္ကုႝပိရ။

ေဗာ္ဍဳင္မန္္တိဿ ဒုိအ္လဝ္ပန္ေပွာ္ ပြဳိင္စွ္သုန္သှာံဂွ္ သြက္ဒတုဲဖုႝ ပေရင္ဍဳင္ကြာန္မန္ မြဲသာ္ကုီ ဖန္ကုႝဟြံမာန္သဿးဟြံက ပႜဲလအိတ္ဂွ္ ဟိုတ္ႏူဟြံဒုင္တဲကုႝ အစ႘အဇန္ အလုႝအသ႘ဗဿာ မတြံဂး သၸဒပ္မင္ပယ်ဳႝဂွ္တုဲ ပေရင္ဆက္ေဆာံ အၾကာၐါလပၚ ရာန္သကိုတ္တိုန္ကၜဳင္ရ။

တုပ္သာ္ဝြံကုီ အကာဲအရာသာ္ဝြံ ဂတဏံ ဒွ္ဟြံမာန္ရဂွ္ေလဝ္ ပရဟ္ဟုီလဝ္ ဟြံမာန္ရ။

ေဗာ္ဍဳင္မန္တိဿ ဒိုအ္ပန္ေပွာ္မၢး ဂြံသ႘ကၜ႘ပေရင္ဍဳင္ကြာန္ သြက္မတူ႐ူအာကုႝ ပေရင္ဗၜးၐးဂကူမန္ဂွ္ လဇုဲလဇအာ ညံင္ရဵစွ္သုန္သှာံ မတုဲကၜဳင္ေတံမာန္ဂွ္တုဲ ပႜဲသဘင္သ႘ကၜ႘ေဇှာ္ ေကာန္ဂကူမန္ဂွ္ စှးဒးဒိုအ္ပန္ေပွာ္ သာ္ဂွ္ဂွ္ ညံင္ဂြံဒက္ပတန္ အလုႝအသ႘မန္ ပါလ႘မာန္မန္ဂွ္ ညးစှးဂမၜဳိင္ ကုႝျဇဟတ္ဓ႐ိုဟ္အိုတ္ရ။

ေဗာ္ဍဳင္မန္တိဿ ဒိုအ္ပန္ေပွာ္မၢး ကံကုသုႝ ဂေကာံပံင္ေကာံပေရင္ဂကူမန္ (MAU) ဂွ္ ဟြံတန္ၾကန္ ဒွ္မာန္ေရာင္ဂွ္ေလဝ္ ညးမလၛတ္ ပေရင္ဂကူမန္တံ ဒွ္ဓဝိင္အိုတ္ရ။ ကၜာေတံ ေဗာ္ဍဳင္မန္တိဿ ဒးႏုက္တိတ္ ႏူဂေကာံည႘သဿဟ္ ဂကူမန္ (MUL) နကုႝျဇဟတ္ဓ႐ုိဟ္ အလုႝအသ႘ဗဿာဂွ္တုဲ ဂတဏံေလဝ္ ယဝ္ဒးႏုက္တိတ္ ႏူ (MAU) သာ္ဂွ္ပၜန္မၢး ဂေကာံမန္မဂၜဳိင္ ဓဝ္ပေတွ္ ပႜဲေဗာ္ဍဳင္မန္တိဿ ေအာန္ေစွ္ဒွ္မာန္ေရာင္။

လိက္လေလာင္ၾတး ဂေကာံ (MAU) ပတိတ္လဝ္ ပႜဲၾကဵႏူသဘင္သ႘ကၜ႘ ေကာန္ဂကူတုဲဂွ္တုန္၊ လညာတ္ညးတံ ေလ်ာဝ္ဗက္မံင္ကုႝ ဒတူလိုင္ ပေရင္ဍဳင္ကြာန္ ေဗာ္ကေခ်င္ဂွ္တုဲ ဒိုအ္ပန္ေပွာ္ဂွ္ အဓိက ဟြံေသင္၊ တက္က်ာပေရင္ဍဳင္ကြာန္ဂွ္ေရာင္ ဒွ္အဓိကရ။ ဆဂး ဒတူလိုင္ ေဗာ္ဍဳင္မန္တိဿ ေဇတ္တ္ဂွ္ အၾကာဏံ ျပာကတ္တဵေရာင္။