ဂင္ယ်င္ (ခႜဲသ႘ ၄ ေစြက္၊ ၁၃၇၂) ။        ။ ပႜဲစဿတ္တၛဲ ၂၅.၈.၁၀ ေလာန္ကၜဳင္ဂွ္မဒွ္ဂိတုခႜဲသ႘ေပင္ တၛဲပၜန္ဂတးမန္ မရႏုက္ကုႝ (၆၃) ဝါတုဲ ေဗာ္ဍဳင္မန္တဿိ၊ ဂေကာံမန္ပယ်ဳႝေသံ၊ ဂေကာံသဿာကေမၜာန္မန္ပႜဲဍဳင္ေသံ၊ ဂေကာံမန္ ဍဳင္မေလယွာ ေကုာံဂေကာံမန္ႏြံဒဿံင္ပႜဲဍဳင္မန္ ဍဳင္သၟာင္တအ္ ေကၜာန္သၸတၛဲပၜန္ဂတးျဂဳျဂဳၿဂီဳၿဂီဳဂွ္ ဂြံတီေကတ္ရ။

အခန္ကှာေဗာ္ဒပ္ပှာန္ဗၜးၐးမန္ တၛဲပၜန္ဂတးမန္ (၆၃) ဝါ ေဒသကြာန္ဗလးဒုန္ဖၚ

ေဗာ္ဍဳင္မန္တဿိ ေကၜာန္သၸတၛဲပၜန္ဂတးမန္အတိုင္ဗုီသှာံတုဲတုဲကၜဳင္ေတအ္ ပႜဲကုႝဌာနဗဟုႝ၊ ခ႐ုိင္သဓုီ၊ ခ႐ိုင္မတ္ မလုီ၊ ခ႐ုိင္ထဝါဲ၊ ေဒသပြ႘ဴဗဟုႝပြိဳင္ဍဳင္က်ာ္ပိ ေကုာံပႜဲပြိဳင္ဍဳင္ေကှာတ္ၐ႘ေရဝ္ဂွ္ ေကၜာန္ဗဒွ္ပႜဲကြာန္ခှ႘ရ၊ သာ္ဝြံ ဒုလ်ဳိင္ဆက္ေဆာံဍဳင္သၟာင္ နာဲဆုႝမန္ဟုီလဵကုႝဌာန္ပ႐ိုင္ကဵဝဵရ။

သြက္ပယ်ဳႝေဒသပြ႘ဴဗဟုႝပြိဳင္ဍဳင္က်ာ္ပိဂွ္ ႐ိုဟ္ဟ္သှာံေကၜာန္သၸဒဿံင္ပႜဲကြာန္ပလိုင္ဂ်ပါန္ဗြဲမစ႘မိပ္ၿဇိပ္ ေကာန္ဂကူ မန္ႏူေဒသေတအ္ေဒသဏံ ကၜဳင္ေကာံဗြဲမကတိုင္ကဿဟ္ သုီတဿဳဲဍဳင္သၟာင္တအ္ေပင္ဒဿံင္ကုီေလဝ္ သြက္သှာံဏံ ဂွ္ ဟိုတ္ႏူအကာဲအရာေဗာ္ဍဳင္မန္တဿိ ကုအလုႝအသ႘ပှာန္တအ္ ပေရင္ဆက္ေစၜာံေတင္ႀကံင္မၛိဳဟ္ ဟြံေျပၿပံင္ ညးသၠအ္ စပ္ကုႝပေရင္ၿပံင္သၜာဲဒပ္ပှာန္မင္ပယ်ဳႝဂွ္တုဲ ၿပံင္ဆုဲအာေကၜာန္သၸပႜဲကြာန္ဗလးဒုန္ဖၚရ၊ ပႜဲအေသအ ဟာန္ဂွ္ နကုႝသဘာပတိ ဒုသၠိဳပ္ပှာန္လ်းဂကူ တိုန္စိုပ္ေကတ္ဏာတာလ်ဳိင္ဂြံတီေကတ္ရ။

ပႜဲကုႝဍဳင္ေသံဂွ္ နကုႝသဿာကေမၜာန္ဆုဲၿပံင္ဂေကာံနာနာတအ္ပံင္ညးသၠအ္တုဲ ေကၜာန္သၸပႜဲဍဳင္နန္ဌဗူရ႘ဂွ္မြဲဒှာဲ ပႜဲဍဳင္မဟာဇ်ာဲမြဲဒှာဲ နကုႝညးတာလ်ဳိင္ဂေကာံပံင္ေကာံပေရင္ဂကူမန္အာကႜိဳပ္တုဲ ေကၜာန္သၸဏာဂြံတီ ေကတ္ရ။

သဿာကေမၜာန္ဆုဲၿပံင္မန္ပႜဲဍဳင္မဟာဇ်ာဲ အေဃာေကၜာန္သၸဒဿံင္တၛဲပၜန္ဂတးမန္ (၆၃)ဝါ

ပႜဲကုႝဍဳင္နန္ဌဗူရ႘ဂွ္ သဿာကေမၜာန္ဆုဲၿပံင္မန္တအ္ပံင္ေကာံတုဲ ေကၜာန္သၸပႜဲဘာၿဂိဳပ္ (ဝါဒ္ပါေရရာဲ) ရ၊ ဥကၠဌ ဂေကာံမင္မြဲျပေဝဏ႘မန္ နာဲမန္ေအ ညးကႜိဳပ္ဂေကာံ နာဲပ႑ိတ၊ နာဲေခန္မိုင္ ေကုာံနာဲအံင္က်ာင္တအ္ ဖန္ဇန္အာဂတတုဲ ညးအုပ္ကာနာနာ (MAU) နာဲလ်းရတ္ ေကတ္ဏာတာလ်ဳိင္နသဘာပတိ ေသာင္ကလး ဏာဝင္တၛဲပၜန္ဂတးမန္ ေကုာံတာလ်ဳိင္ေကာန္မန္တၛဲဏံ ဂြံတီေကတ္ရ။

ပႜဲဍဳင္မဟာဇ်ာဲဂွ္ ေကၜာန္သၸပႜဲဝါဒ္ေခၚတုဲ နကုႝညးကႜိဳပ္ဂေကာံဂမၜိဳင္တိုန္စိုပ္ရ၊ တၜဂုဏ္သ႘ရိ၊ နာဲလ်းရတ္ ေကုာံ နာဲသုရတ္ဆာဲတအ္ နသဘာပတိဟုီဏာဂလာန္တုဲ နလ်ဳိင္သၻင္ကှာဂွ္ နာဲလ်းမန္ ကမၼတ႘ (MAU) ေကတ္ ဏာတာလ်ဳိင္ရ။

နာဲလ်းမန္ ေကတ္ဒဿံင္တာလ်ဳိင္နလ်ဳိင္သၻင္ကှာ ပႜဲတဲၛပၜန္ဂတးမန္ (၆၃)ဝါ ဍဳင္မဟာဇ်ာဲ

သြက္အပႜဲဍဳင္မန္ဂွ္ နာဲေစာန္တဿးကႜိဳက္ပ္တုဲ ေကၜာန္သၸႏူသၜာတ္ဇုိင္က်ာ္ဍဳင္ပံင္ဂွ္ ေစွ္ကၜဳင္ဍဳင္မတ္မလုီ ႏူဂွ္ ကၜဳင္႐ုပ္ကေမၜာန္ပႜဲက်ာ္ပံက္ၐါ ပြိဳင္ဍဳင္မုဟ္ဍဳင္ ဗုီျပင္ညံင္ကုႝဂြံေျပၿပံင္ဂွ္ ေကၜာန္သၸဏာ ႏူဂေကာံပံင္ေကာံ ပေရင္ဂကူမန္ (MAU) ဖက္ေဆာညးအုပ္ကာ (၂) နာဲဒုကၡမန္ ဟုီဂးရ။

ဂေကာံမန္ပႜဲဍဳင္အေမရိကာန္၊ ဍဳင္မေလယွာတအ္ ေကၜာန္သၸဏာဗြဲမေကာံေကႅာံည႘သာသဿဟ္သဿန္တုဲ ညးအာ ကႜိဳပ္ဂေကာံ ေကုာံညးမဆာန္ဂကူဂမိၜဳင္တအ္ တုိန္စိုပ္ျဂဳျဂဳၿဂဳီၿဂီဳ ဟုီဏာဂလာန္စပ္ကုႝတၛဲပၜန္ဂတးမန္ဂွ္ ဂြံတီ ေကတ္ရ။

အခန္ကှာတၛဲပၜန္ဂတးမန္ (၆၃) ဝါ ၊ ဍဳင္မေလဝ္ယွာ

ေကာန္ဂကူမန္ညးမဆာန္ဂကူတအ္ အာတ္မိက္အေခါင္အရာ ကံကုသုႝမန္ညံင္မန္ဂြံဖန္ဖက္ေကတ္မာန္ အပႜဲ ေသှာဝ္လတူခုင္ၐိုဟ္ဟ္ႀသိဳဟ္ဟ္ ကညာင္ခ်ဴအာတ္ေကတ္နနဲၐတ္တ္ဂွ္ ဂစာန္လြ႘ပရာကၜဳင္ ဂၜိဳင္ကုႝသှာံအခါ ဂၜိဳင္ကုႝအေခတ္ ဂၜိဳင္ကုႝပၛံက္ကုီေလဝ္ သၟာင္ႏူဟြံကုႝဂွ္ ဗဿာတအ္ဓရတ္ပ်ဲပ်ာံရပ္ပၜဳပ္ထံင္စာတ္တးပါဲေထာံတုဲ အိုတ္ေကှာတ္ပါဲဟြံဗၜး စပၲံႏူသကၠရာဇ္ ၁၃၁၀၊ ဂိတုခႜဲသ႘ေပင္ (သှာံ ၁၉၄၈၊ ဂိတုအဝ္ဂါတ္ ၂၂) ဂွ္ ေကာန္မန္ ညးဆာန္ဂကူတအ္ တိတ္ၿဂိဳပ္ရပ္လြဟ္ပၜန္ဂတးရ၊ လဿဳဟ္ေပင္စိုပ္ကၜဳင္အခိင္ ပြိဳင္ (၆၃)သှာံရ။