လက်ရှိအခြေအနေများကို ထိန်းသိမ်းနိုင်ရန် ထိုင်းဝန်ကြီးချုပ်က ဒေသစံတော်ချိန် ယနေ့နံနက်(၇)နာရီ ခန့်တွင် စစ်ဥပဒေအရ အရေးပေါ်အခြေအနေထုတ်ပြန်ကြောင်း ရုပ်မြင်သံကြားများမှတဆင့် တိုင်းပြည်သို့ ကြေငြာလိုက်သည်။ အမိန့်အာဏာသက်ရောက်မှုမှာ မြို့တော်ဘန်ကောက် ဧရိယာ ဖြစ်ပြီး လူ(၅)ယောက်ထက် ပိုစုဝေးခွင့် မရှိပါ။

ဘန်ကောက်ရှိ ထိုင်းဝန်ကြီချုပ်ရုံးကို ဆန္ဒပြသူများက သိမ်းပိုက်ပြီး တစ်ပတ်အကြာတွင် ဆန္ဒပြအုပ်စု PAD နှင့်အစိုးရကို ထောက်ခံသူများအကြား နံနက်(၁း၃၀)နာရီခန့်တွင် ကာဆီးထားသောလုံခြုံရေးရဲတို့ကို ကျော်ဖြတ်ကာ နှစ်ဖက်အုပ်စုအကြား ရိုက်နှက်မှုများ ဖြစ်ပေါ်ခဲ့ပြီး တစ်ယောက်သေဆုံး၊ (၃၅)ယောက်ခန့် ဒဏ်ရာပြင်းထန်ကာ ဆေးရုံတင်လိုက်ရသည်။ သေဆုံးသူမှာ ရင်ဘတ်တွင် သေနတ်ဒဏ်တစ်ချက်၊ ဦးခေါင်းနှင့်အနီးတဝိုက် ရိုက်နှက်ခံထားရကြောင်း AFP မှ ဆိုသည်။

ဝန်ကြီးချုပ်ဆမတ် မူလက စီစဉ်ထားသည့်ဂျပန်ပြည်ခရီးစဉ်ကို မနေ့က ဖျက်သိမ်းလိုက်ပြီး တိုင်းပြည်၏ အခြေအနေကို မအိပ်မနား အနီးကပ် စောင့်ကြည့်နေသည်။ ရုံးကို ဆန္ဒပြသမားများ သိမ်းပိုက်ထားသဖြင့် ယနေ့တွင် တပ်မတော် ကာကွယ်ရေးဦးစီးချုပ်ရုံး၌ အစိုးရအဖွဲ့ဝင်ဝန်ကြီးများ အစည်းတစ်ရပ် ပြုလုပ်သွား မည်ဖြစ်ကြောင်း ထိုင်းစစ်ဘက် သတင်းရပ်ကွက်အဆိုအရ သိရှိရသည်။

ထိုင်းမီးရထားသမဂ္ဂ SRT  သပိတ်တွင် ပါဝင်လာမှုကြောင့် လူစီးမီးရထားလိုင်း(၉၀)ကျော်နှင့် ကုန်တင်ရထား(၃၀)ခန့်တို့ ရပ်တန့်နေရပြီး၊ အလုပ်ဌာနပြန်မဝင်လျှင် အရေးယူမည်ဖြစ်ကြောင်း အစိုးရက ကြေငြာသည်။ အင်အားနှစ်သိန်းခန့်ရှိ အလုပ်သမားသမဂ္ဂSEWRC အတွင်းရေးမှူးကလည်း ဝန်ကြီးချုပ် ဆမတ် မနှုတ်ထွက်လျှင် ဒီနေ့အစိုးရရုံးအသီးသီးကို ရေ၊ မီး ဖြတ်တောက်မည်ဟု ထုတ်ဖေါ်ပြောကြားခဲ့သည်။ ထို့အတူ ဘန်ကောက်မြို့တွင်း ဘတ်စ်ကားစီးရေ (၃၈၀၀)ခန့် ဒီကနေ့ပြေးဆွဲမည် မဟုတ်ဟု ထုတ်ဖေါ်ပြောကြားနေပြီး THAI AIR WAY မှ ဝန်ထမ်းများလည်း လေယာဉ်ခရီးစဉ်တို့ကို နှောင့်နှေးစေရန် ပြုလုပ်မည်။

ပြီးခဲ့တဲ့ဒီဇင်ဘာရွေးကောက်ပွဲတွင် မဲလိမ်ခဲ့သည်ဟု စွပ်စွဲခံနေရတဲ့ ဝန်ကြီးချုပ် ဆမတ်သည် ၂၀၀၆ ခုနှစ် အာဏာသိမ်းခံ ဝန်ကြီးချုပ်ဟောင်း သက်ဆင်၏ရုပ်သေးတစ်ခုသာ ဖြစ်ကြောင်း အတိုက်အခံတို့ ဆိုနေ၏။