ကောင်းဝါ(နိုဝင်ဘာ-၂)။ ---။ ဘုရားသုံးဆူမြို့ နယ်စပ်ဖြတ်ကျော်ဂိတ်ကို ယမန်နေ့၊ နေ့လည်ပိုင်းက ဒေသခံမြန်မာ အာဏာပိုင်များ ပြန်လည်ဖွင့်ပေးသည့်အတွက် ထိုင်းနိုင်ငံဖက်သို့ မြန်မာအလုပ်သမားများ နိုင်ငံဖြတ်ကျော်ကာ လုပ်ငန်းခွင်ပုံမှန် ပြန်လည်ဝင်ရောက်နိုင်ပြီဟု ဆက်သွယ်မေးမြန်းချက်များအရ ကြားသိရသည်။

“ မနေ့ နေ့လည်မှာ တဖက်နဲ့တဖက်ဆွေးနွေးကြပြီးတာနဲ့ ဂိတ်မှာစောင့်နေကြတဲ့ ဗမာစစ်သားတွေပြန်သွားကြတယ် နယ်စပ်ဖြတ်တဲ့ဂိတ်ကို ဖွင့်ပေးလိုက်တာပေါ့၊ ဒါပေမဲ့ မနေ့ကတနင်္ဂနွေနေ့လည်မှ ဖွင့်ပေးတော့ အလုပ်သမားတွေ ဒီဖက်ကိုသိပ်မလာကြတော့ဘူး၊ ဒီနေ့တော့ ပုံမှန်အတိုင်းဖြစ်သွားပြီ” ဟု ထိုင်းအလုပ်ရုံပိုင်ရှင်တစ်ဦးက ဆိုပါသည်။

ပုံမှန်အစည်းအဝေးများကျင်းပလေ့မရှိသော ဒေသအဆင့် နှစ်နိုင်ငံနယ်ခြားကော်မတီများ ယခုနယ်စပ်အငြင်းပွားမှု ပြဿနာများနှင့်ပတ်သက်၍ ယမန်နေ့တွင်တွေ့ဆုံဆွေးနွေးခဲ့ကြပြီး နေ့လည်စာအတူစားသောက်ခဲ့ကြသည်။ မြန်မာဖက်မှ ဘုရားသုံးဆူမြို့ ခေတ္တအခြေစိုက်ခမရ ၂၈၃ တပ်ရင်းမှူး ဒုဗိုလ်မှူးကြီးမြတ်ထွန်းအေး တက်ရောက် ခဲ့သည်ဟု သိရသည်။

ယခုအငြင်းပွားမှုဆိုရာ၌ နယ်နိမိတ်အသေအချာ မသတ်မှတ်ရသေးသော နှစ်နိုင်ငံနယ်စပ်အနီးတွင် ဘုရားသုံးဆူမြို့ ဂေါက်ကွင်းကို မြန်မာတို့တိုးချဲ့လာရာ ထိုင်းတို့ကန့်ကွက်ရာမှအစ ဒေသခံမြန်မာအာဏာပိုင်တို့က နယ်စပ်ဂိတ်ကို ပိတ်ပစ်လိုက်ခြင်းကြောင့် ဖြစ်သည်ဟု သိရသည်။

နယ်စပ်ရှိစစ်ရေးလေ့လာသူများက အကယ်၍ အဆိုပါနယ်ခြားကော်မတီဆွေးနွေးပွဲ၌ မြန်မာတို့က နှစ်နိုင်ငံ ဖြတ်ကျော်ဂိတ်ကို ယခုလိုပိတ်ထားမည်ဆိုလျှင် ထိုင်းတို့သည်လည်း အရံအတားများဖြင့် ပြန်လည်ပိတ်ဆို့မည်ဟု ဆုံးဖြတ်ထားပြီး ဘုရားသုံးဆူမြို့ကို ဖြန့်ဝေပေးနေသော လျှပ်စစ်မီးများကိုပါ ထိုင်းနိုင်ငံမှ ဖြတ်တောက်လာနိုင် သည်ဟု သုံးသပ်နေကြသည်။

ပြီးခဲ့သည့် စနေနေ့က နှစ်နိုင်ငံနယ်စပ်ဖြတ်ကျော်ဂိတ်ကို ဘုရားသုံးဆူမြို့ဖက်မှ ပိတ်လိုက်သည့်အတွက် ထိုင်းနိုင်ငံ ဖက်သို့ နေ့စဉ်ဝင်ထွက် အလုပ်လုပ်ကိုင် နေကြသူ မြန်မာအလုပ်သမား ၃၀၀၀ သုံးထောင်နီးပါးခန့် အလုပ်ဆင်းခွင့် မရရှိခဲ့ကြပေ။

တနည်းဆိုရသော် ဘုရားသုံးဆူ နယ်စပ်ဒေသသည် ထိုင်းတို့က အလုပ်ရုံပိုင်ရှင်၊ ကုန်စုံပိုင်ရှင်များဖြစ်ကြပြီး မြန်မာတို့က အလုပ်သမား၊ ကုန်ပစ္စည်းဝယ်ယူသုံးစွဲကြသူများသာ ဖြစ်နေကြသည်ကို တွေ့ရှိရသည်။

တဖန် ကုန်ပစ္စည်းဝယ်လိုသူ၊ မြန်မာအလုပ်သမားများနှင့် ကုန်စုံပိုင်ရှင်၊ ထိုင်းအလုပ်ရုံပိုင်ရှင်တို့သည်လည်း တစ်ဖက်နှင့်တစ်ဖက် အမှီသဟဲပြုနေကြရသည်ကို လေ့လာတွေ့ရှိခဲ့ရပြန်သည်။

မည်သို့ပင်ဆိုစေကာမူ ထိုသို့နယ်စပ်ဖြတ်ကျော်ဂိတ်ကို မြန်မာတို့ရုတ်တရက်ပိတ်ခဲ့သည့်အတွက် ဒေသခံမြန်မာ အလုပ်သမားများအပါအဝင် ထိုင်းနိုင်ငံနှင့် ကုန်သွယ်ကူးသန်းရောင်းဝယ်နေသူ မြန်မာကုန်သည်တို့၏ လုပ်ငန်းများ ခေတ္တရပ်တန့်ခဲ့ရသည်ကို မြင်တွေ့ခဲ့ကြပြီ ဖြစ်သည်။

ဘုရားသုံးဆူမြို့ရှိ ခမရ ၂၈၃ တပ်ရင်းမှူး ဒုဗိုလ်မှူးကြီးမြတ်ထွန်းအေး