စံခလပူရီ(ဇွန်လ-၂၉)။    ။ စစ်အစိုးရ၏ စစ်ဆင်ရေးကွပ်ကဲမှုဌာနချုပ်မှ ကရင်ပြည်နယ်၊ ကော့ကရိတ်အခြေစိုက် စကခ ၁၂ နည်းဗျူဟာ (၁) ဗျူဟာမှူး ဗိုလ်မှူးကြီးမောင်ရှိန် ဦးစီးတပ်ဖွဲ့များ လွန်ခဲ့သော ဇွန်လ ၂၅ ရက်နေ့၌ ဘုရားသုံးဆူနယ်စပ်မြို့နှင့် ၁၀ မိုင်ခန့်အကွာ ချောင်းဆုံရွာ ဘုန်းတော်ကြီးကျောင်းတွင် ဝင်ရောက်အခြေပြု လျှက်ရှိကြောင်း နယ်စပ်စစ်ရေးလှုပ်ရှားမှု စောင့်ကြည့်များ ပေးပို့သောသတင်းအရ သိရသည်။

ယင်းစကခ ၁၂ နည်းဗျူဟာ (၁) လက်အောက်၌ တပ်ရင်းမှူး ဒု-ဗိုလ်မှူးကြီးခင်မောင် ဦးစီးသည့် ခမရ ၃၅၆၊ ဒု-ဗိုလ်မှူးကြီးဇေယျာဝင်း ဦးစီးသည့် ခမရ ၃၅၇ တပ်ရင်းနှစ်ရင်း လှုပ်ရှားလျှက်ရှိသည်။

လက်အောက်ခံ ခမရ ၃၅၉ တပ်ရင်းတစ်ရင်း မည်သည့်နေရာ ရောက်ရှိနေသည်ကို မသိရသေးကြောင်း၊ ယခု စစ်ကြောင်းများသည် ပုံမှန်လှုပ်ရှားမှုမဟုတ်သဖြင့် ၄င်းတို့၏ရည်ရွယ်ချက်ကို အနီးကပ်လေ့လာစုံစမ်းနေကြောင်း KNU မှလာသောသတင်းအရ သိရသည်။

အခြားအတည်မပြုနိုင်သော သတင်းတရပ်မှာ ဒီကေဘီအေ ဗျူဟာမှူး စောလားပွယ် ခေါ် နှုတ်ခမ်းမွေးသည် ဘုရားသုံးဆူဒေသသို့ သူ၏တပ်ဖွဲ့ဝင်အချို့နှင့်အတူ မကြမီတွင် လာရောက်နိုင်ဖွယ်ရှိပြီး ယခုအခါ ဖားအံမြို့ ကို ရောက်ရှိနေသည်ဟု ဆိုသည်။ ခမရ ၃၅၉ တပ်ရင်းနှင့်အတူ လာရောက်နိုင်သည်ဟုလည်း အကဲခတ်ကြသည်။

အဆိုပါစစ်အစိုးရတပ်ဖွဲ့တို့သည် တောင်ထိပ်များကို တစ်နေရာပြီးတစ်နေရာ သွားရောက်ကြပြီး လက်နက်ကြီး များကို ချိန်ရွယ်ကာ အစမ်းလေ့ကျင့်နေသည်ဟု နယ်စပ်စစ်သတင်းထောက်များက လေ့လာသိရှိချက်များကို ပြောပြသည်။ ထို့အပြင် မြစ်ချောင်းများကိုလည်း လက်ရှိအခြေအနေအတိုင်း မြေပုံများပြန်လည်ပြင်ဆင်ရေး ဆွဲကြသည်ဟု ဆိုသည်။

နယ်ခြားစောင့်တပ်ဖွဲ့အသွင် မပြောင်းလဲပဲ ငြင်းပယ်ခဲ့သည့် အပစ်ရပ်အဖွဲ့များစခန်းချရာ မြန်မာပြည်အရှေ့မြောက် ပိုင်းဒေသများတွင် စစ်အစိုးရတပ်ဖွဲ့များ ပိုမိုတိုးမြှင့်ချထားလာသည်ကို သတင်းများဖေါ်ပြချက်အရ ကြားသိ နေရသည်။

မွန်ပြည်သစ်ပါတီသည်လည်း ငြင်းပယ်နေသည့် အုပ်စုတွင်ပါဝင်နေသဖြင့် စစ်အစိုးရတပ်များ ယခုကဲ့သို့ လာရောက်တိုးမြှင့်ချထားသည်ဟု ယူဆ၍မရသေးကြောင်း ဘုရားသုးံဆူဒေသရှိ မွန်ပြည်သစ်ပါတီဝင်အချို့နှင့် ဆက်သွယ်မေးမြန်းချက်များအရ သဘောထားများသိရသည်။

နယ်ခြားစောင့်တပ်အသွင်ပြောင်းရေးကိစ္စကို မွန်ပြည်သစ်ပါတီအနေဖြင့် ပြန်လည်စဉ်းစားပေးရန် ယခုလဆန်း ပိုင်းတွင် မွန်ပြည်သစ်ပါတီထိပ်ပိုင်းခေါင်းဆောင်များနှင့် တွေ့ဆုံမှုတရပ်တွင် ရတခတိုင်းမှူးက တင်ပြခဲ့သည်။ အဆိုပါကိစ္စနှင့်ပတ်သက်၍ ယခုအခါ မွန်ပြည်သစ်ပါတီဗဟိုအလုပ်အမှုဆောင် အရေးပေါ်အစည်းအဝေးကျင်းပ
ရန် စိုင်းပြင်းလျှက်ရှိကြောင်း ပါတီထိပ်တန်းခေါင်းဆောင်တစ်ဦးက ပြောပြသည်။

မွန်ပြည်သစ်ပါတီသည် စစ်အစိုးရနှင့် ၁၉၉၅ ခုနှစ်၊ ဇွန်လ ၂၉ ရက်နေ့၌ အပစ်အခတ်ရပ်စဲမှုပြုလုပ်ခဲ့ကြရာ ယနေ့တွင် ၁၄ နှစ်ပြည့်မြောက်ပြီဖြစ်သည်။