ထိုင်ဝမ်၌ အနှစ်(၂၀)ပြည့် တိန်အန်မင်အရေးအခင်း တွင်ကျဆုံးသူများအား ဆုတောင်းမေတ္တပို့သနေပုံ

ဇွန်လ (၄) ရက်နေ့သည် တရုတ်နိုင်ငံ တိန်အန်မင်
ရင်ပြင်၌ ဒီမိုကရေစီလှုပ်ရှားမှု ဖြိုခွဲခံခဲ့ရသည့် နေ့ဆိုးကြီး တနေ့ ဖြစ်သည်။ ဆန္ဒပြလှုပ်ရှားခဲ့ကြသောကျောင်းသား၊ ပြည်သူများကို စစ်တပ်ဖြင့် ရက်စက်စွာ နှိမ်နှင်းသတ် ဖြတ်ခဲ့သောနေ့ဖြစ်သည်။ ယင်းနေ့မကျရောက်ခင်
ဇွန်လ(၃) ရက်မှ စတင်ကာ တရုတ်အစိုးရမှ လုံခြုံရေး တင်းကြပ်မှုများ ပြုလုပ်ခဲ့သည်။ သတင်းမီဒီယာ ဝက်ဆိုက်များကိုလည်း ဇွန်လဆန်းကတည်းက
ကြိုတင်၍ ပိတ်ပင်ခဲ့သည်။

တိန်အန်မင်အရေးအခင်းအကြောင်းကို နိုင်ငံတကာသတင်းဝက်ဆိုက်များမှ ဖော်ပြမည်ကို စိုးရွံ့၍ ပိတ်ပင်ခဲ့ခြင်း ဖြစ်သည်။ Twitter, Flickr, YouTube, Yahoo, Bing, Live, Hotmail အစရှိသော ဝက်ဆိုက်များကိုပါ ပိတ်ဆို့ ထားခဲ့သည်။

၁၉၈၉ ခုနှစ် ဇွန်လ (၄) ရက်နေ့တွင် ကျောင်းသားများ၊ အလုပ်သမားပြည်သူအများအပြားတို့ ဒီမိုကရေစီ ရရှိရေး အတွက် တိန်အန်မင်ရင်ပြင်၌ စုပေါင်းဆန္ဒပြနေစဉ် တရုတ်စစ်တပ်မှ တင့်ကားများဖြင့် လူထုကို အကြမ်းဖက် နှိမ်နှင်းခဲ့သည်။ တရုတ်ကွန်မြူနစ်ပါတီမှ လူ (၄၀၀) ခန့်သာသေဆုံးသည်ဟု ပြောဆိုခဲ့သော်လည်း ဘေဂျင်းရှိ အမေရိကန်သံရုံးကမူ လူ(၁၀၀၀)ကျော် သေဆုံးသည်ဟုပြောဆိုခဲ့သည်။ ယင်းလှုပ်ရှားမှုကို ဦးဆောင်ခဲ့သူ ဆန္ဒပြ ခေါင်းဆောင် (၃၀) ခန့်ယနေ့တိုင် အကျဉ်းထောင်၌ ရှိနေဆဲပင်။

တိန်အန်မင်ရင်ပြင်၌ ဆန္ဒပြလှုပ်ရှားမှုပုံ

လွန်ခဲ့သောရက်သတ္တပါတ်အတွင်း အဆိုပါ တိန်အန်မင်ရင်ပြင်သို့ နိုင်ငံခြားသတင်းထောက် ဝင်ရောက်မှုကိုလည်း တားဆီးခဲ့သည်။ တရုတ်အစိုးရမှလည်းလှုပ်ရှားမှုအခြေအနေကို အစဉ်အဆက်မပြတ် စောင့်ကြည်းကြည့်နေပြီး အခြေအနေတူးခြားမှုရှိပါက သတင်းပေးပို့ရန် အောက်ခြေအဆင့်ထိညွှန်ကြားထားသည်။ လွန်ခဲ့သောနှစ် (၂၀)က ဆန္ဒပြမှုတွင် အဓိက ပါဝင်ခဲ့သော ပီကင်းတက္ကသိုလ်တွင် ယ္ခု တက်ရောက်နေသောကျောင်းသားများ၏ လှုပ်ရှားမှုကို အစဉ်မပြတ် ကြည့်ရှုနေသည်။ ဒီမိုကရေစီ လှုပ်ရှားမှုကို စစ်တပ်ဖြင့် ဖြိုခွင်းခဲ့သော ၁၉၈၈ ခုနှစ်မြန်မာနိုင်ငံအရေးအခင်းတွင် ရက်စက်မှုတူညီနေသော နှစ်နိုင်ငံအစိုးရသည် သူတော်ချင်းသတင်းလေလွေ့ ပေါင်းဖက်တွေ့နေသည်မှာ အဆန်းမဟုတ်ပေ။ တရုတ်ပြည်တွင် သတင်းအမှောင် သော်လည်း ထိုင်ဝမ်တွင်မူ တိန်အန်မင်အနှစ် ၂၀ ပြည့် အထိမ်းအမှတ်ဆုတောင်းပွဲများ အခမ်းအနားများ ပြုလုပ် ခဲ့ကြသည်။