ရန်ကုန်(ဇွန်-၄)။      ။စစ်အစိုးရထုတ် ယနေ့မြန်မာ့အလင်းသတင်းစာတွင် လွန်ခဲ့သည့်မေလ (၃၀) ရက်နေ့က ပြိုကျပျက်စီးခဲ့သည့် ရှေးဟောင်းသမိုင်းဝင် ဓနုတ်စေတီတော်အကြောင်း ဖော်ပြပါရှိခဲ့၏။

သတင်းစာပါဖော်ပြချက်တွင် စစ်ဆေးရေးအဖွဲ့၏ ပဏာမတွေ့ရှိချက်အရ စေတီတော်အား မူလပုံသဏ္ဍာန်အတိုင်း ဖြစ်စေလိုသည့်အတွက် ပြုပြင်သူများ၏ ကြိုးစားမွမ်းမံမှုများကြောင့် မူလကမျှော်လင့်မထားသည့် ဝန်ပိုများပြားလာ ခဲ့ပြီး စေတီတော်၏ ကိုယ်လုံးတော်ပိုင်းဆိုင်ရာ ထိခိုက်ကာ ပြိုကျပျက်စီးခဲ့ခြင်းဖြစ်ကြောင်း၊ ထို့အပြင်အလှူရှင်၊ စေတနာရှင်များ၏ ဆန္ဒအရ မိုးမကျမီ အားလုံးပြင်ဆင်ပြီးစီးနိုင်ရန် ကြိုးစားပြီး အမြန်မွမ်းမံတည်ဆောက်မှု ပြုလုပ် ခဲ့သည့်အတွက် အချို့နေရာများတွင် အရည်အသွေးပိုင်းဆိုင်ရာ လိုအပ်ချက်များ ဖြစ်ပေါ်ခဲ့ပြီး ပြိုကျခဲ့ရကြောင်း ပါရှိပါသည်။

ထို့အပြင် စေတီတော်ပြိုကျံမှုကြောင့် ရပ်သား ၂ ဦး သေဆုံးခဲ့ပြီး တပ်မတော်သား ၂၆ ဦး၊ အရပ်သားရှစ်ဦးတို့ မစိုးရိမ်ရသည့်ဒဏ်ရာများ ရရှိခဲ့ရာ သက်ဆိုင်ရာဆေးရုံးများတွင် စောင့်ရှောက် ကုသပေးလျှက်ရှိသည်ဟု ဖေါ်ပြ ထားပြန်သည်။

မဇ္ဇျိမသတင်းမှ ဇွန်လ ၁ ရက်နေ့သတင်း ဖေါ်ပြချက်တွင်လူ ၂ ဦး သေဆုံးပြီး ၁၀၀ ခန့် ထိခိုက်ဒဏ်ရာရကာ၊ အုတ်ပုံအောက်တွင် လူအချို့ ပိမိနေခဲ့သော်လည်း ကယ်တင်ရေးထက်၊ လုံခြုံရေးကိုအဓိကလုပ်ခဲ့သဖြင့် သေဆုံးသူ ဦးရေမှာ ယခုထက် ပိုမိုများပြားနိုင်သည်ဟု ပါရှိသည်။

ယခင်အခါပြိုကျခဲ့သည်မှာ ၂ဝဝ၆ ခုနှစ် ဇွန်လ ၇ ရက်၊ မနက် ဝ၃း၁၅ နာရီခန့်၌ မိုးသည်းထန်စွာ ရွာသွန်းသည့် သဘာဝ ရာသီဥတု ဒဏ်ကြောင့် တနင်္လာထောင့်မှ စ၍ စေတီတော်ကြီး ထက်ခြမ်းကွဲပြီး ပြိုကျမြေခခဲ့ပြီး လွန်ခဲ့ သည့် သီတင်းကျွတ် လပြည့်နေ့ ၁၄၊၁ဝ၊၂ဝဝ၈ ရက်တွင် မူလစေတီ ဘုရားကိုငုံကာ ၉လနှင့် အပြီးတည်ဆောင်ရန် ကြိုးစားခဲ့သည်။

၈ လခန့်အကြာ စေတီထက်ခြမ်းသာ တည်ဆောက်မှု ပြီးစီးခဲ့သော်လည်း မေလ ၇ ရက်၌ ဗိုလ်ချုပ်သန်းရွှေ၏ ဇနီး ဒေါ်ကြိုင်ကြိုင် ကိုယ်တိုင် ထီးတော်တင်ခဲ့စဉ် ပြီးစီးသည့် အပိုင်းကိုသာ ဓါတ်ပုံ၊ ဗီဒီယိုများ ရိုက်ခဲ့ရသည်ဟု ပြည်ပ သတင်းဌာနအချို့တွင် ဖေါ်ပြကြ၏။

စေတီတော်ကြီး မူလဒီဇိုင်းမှာ ဆူးလေစေတီတော် ပုံစံကဲ့သို့ ရှစ်ထောင့်ဖြစ်ကာ၊ အလှူငွေ ကျပ်သိန်းပေါင်း တစ်သောင်း သုံးထောင် ( သိန်း၁၃၀၀၀ ) ဖြင့် တည်ဆောက်ခဲ့ရာ ရွှေသံလွင် ကုမ္မဏီက တည်ဆောက်ခဲ့သည်။
 
ဓနုတ် စေတီတော်မြတ်ကြီးသည် ဥာဏ်တော် ၁၈၉ ပေ ၉လက်မ၊ ထီးတော်အမြင့် ၃၂ ပေ၊ လုံးပတ်တော် ၂၄၄ ပေ ရှိသည်ဟု မြန်မာ့အလင်းသတင်းစာတွင် ဖေါ်ပြထားပါသည်။

ဓနုတ် စေတီတော်သမိုင်းစာအုပ်ဖေါ်ပြချက်တစ်ခုတွင်ဓနုတ် စေတီတော်ကို သာသနာ သက္ကရာဇ် (၂၄ဝ) ပြည့်နှစ် တွင် ဂေါတမ မြတ်စွာဘုရား၏ ဆံတော် (၂) ဆူ ဓာတ်တော် (၂၄) ဆူ တို့ကို ဌာပနာထားကာ သထုံမင်း စူဋ္ဌသီရိမာသောကအမှူးပြု၍ ဒုနဂ္ဂဟစေတီ ခေါ် ဓနုတ်စေတီ စတင်တည်ထားခဲ့သည်။

ကောဇာသက္ကရာဇ် (၇၁၅) ခုနှစ်တွင် မွန်ဘုရင် ဟံသာဝတီပြည့်ရှင် ဗညားဦး နှင့် မိဖုရားတို့က ပြန်လည် ပြုပြင်ကာ ထီးတော်တင်လှူခဲ့ပါသည်။

“ဓနုတ်” ဝေါဟာရကို မွန်အသံထွက်လျှင် ရှေးအခေါ်အဝေါ်အရ လေးမြှားဟု အဓိပ္ပါယ်ထွက်ရှိသည်။ ထိုစဉ်က မွန်တို့၏ သုဝဏ္ဏဘုမ္မိပြည် အထိမ်းအမှတ်တံဆိပ်မှာ လေးမြှားပုံသဏ္ဍာန် ရှိသည်ဟု မွန်သမိုင်းသုတေသီတစ်ဦးက ဆိုသည်။

ဓနုတ်ရွာသည် ရှေးမွန်ရွာတစ်ရွာဖြစ်ခဲ့ပြီး မွန်မင်းအဆက်ဆက်တို့ အောင်ပွဲခံရန် အဓိဌာန်ပြုသည့် စေတီတစ်ဆူ ဖြစ်၍ နောင်တွင် ဤဒေသကို ပိုင်စိုးလာသည့် ဗမာမင်းအဆက်က်တို့ကလည်း ယခင်မွန်ဘုရင်များအတိုင်း စေတီတော်အားပြန်လည် ပြုပြင်ခဲ့ကြသည်ဟု မွန်သမိုင်းလေ့လာသူများက ထောက်ပြပါသည်။

ဗိုလ်ချုပ်မှူးကြီးသန်းရွှေ၏ ဇနီး ဒေါ်ကြိုင်ကြိုင်သည်လည်း သမိုင်းအဆက်ဆက်တွင် အမည်နာမ ပါရှိရလေအောင် ထီးတော်ကို သူမဦးဆောင်ပြီး တင်ခဲ့ဟန်ပေါ်သည်ဟု သမိုင်းလေ့လာသူများ သုံးသပ်ကြသည်။