ရေး(ဇူလိုင်-၁၅)။    ။ မွန်ပြည်နယ်တောင်ပိုင်း၊ ရေးမြို့တွင် ယခုတလောအဆက်မပြတ် ရွာသွန်းမိုးများကြောင့် ရေးမြို့ပေါ်ကမ်းနားလမ်းတလျှောက် ရေလွှမ်းမိုးလျှက်ရှိနေသည်ကို တွေ့မြင်နေရသည်။

ရန်ကြီးအောင်ရပ်ကွက်၊ ဓနိတောရပ်ကွက်၊ ကမ်းနားလမ်းမြို့မဈေးကြီး၊ ချောင်းတောင်(တစ်ဖက်ကမ်း)တွင်
လည်း ရေများလွှမ်းမိုးခဲ့သဖြင့် မိသားစုများ နီးစပ်ရာဆွေမျိုးများနေအိမ်သို့ ပြောင်းရွှေ့ နေထိုင်နေကြရကြောင်း သိရှိရသည်။

အာဏာပိုင်များက အကူအညီပေးနေသည်ဟု ဆိုသော်လည်း ၄င်းတို့နှင့်နီးစပ်သော ရုံးဝန်ထမ်း၊ ဆွေမျိုး အသိုင်းအဝိုင်းတို့ကိုသာ ပြောင်းရွေ့နေရာချပေးနေကြသည်။

ဤရေလွှမ်းမိုးမှုကြောင့် လူအသေအပျောက်သတင်းများ မကြားသိရသော်လည်း တုတ်ကွေးရောဂါသည်များ အများအပြားတွေ့ရှိနေရသည်ကို တွေ့ရှိနေရသည်။

ကမ်းနားဈေးတွင် ကုန်ပစ္စည်းရေထဲမျောပါသွားသူ အနည်းငယ်သာရှိသည်ဟု ဈေးသည်အသိုင်းအဝိုင်း တွင်ပြောဆိုနေကြသည်။ နှစ်စဉ်ဤကဲ့သို့ ရေကြီးလေ့ရှိသဖြင့် ဈေးသည်များက ဈေးပစ္စည်းများကို ကြိုတင်ပြောင်းရွေ့ ထားကြသည်ဟု သိရသည်။

ရေးမြစ်သည် ဒီရေအတက်အကျရှိသဖြင့် ယခုဝါဆိုလကုန်ရက် ရေထရက်များတွင်ပင်လယ်ဒီရေများ နောက်နှစ်ရက်တွင်မှ အမြင့်ဆုံးကို ရောက်ရှိမည်ဖြစ်သည့်အတွက် အကယ်၍မိုးများ သည်းထန်စွာ ဆက်လက်ရွာသွန်းမည်ဆိုလျှင် ရေးမြို့၏စိုးရိမ်ရေအမှတ် ၃၁၄၁.၅ စင်တီမီတာကို ရောက်ရှိလာနိုင်မည်ဖြစ်
ကြောင်း မိုးလေဝသဌာနမှ ခန့်မှန်းထားသည်ဟု အာဏာပိုင်များကပြောဆိုနေသည်။

သဘာဝဝန်းကျင် လေ့လာအကဲခတ်သူများအဆိုအရ ရေးမြစ်အလယ်ပိုင်းနှင့် အထက်ပိုင်းတို့တွင် သစ်ပင်များ
ကို အလွန်အကျွံခုတ်လှဲနေမှုကြောင့် ယခုကဲ့သို့ရေလွှမ်းမိုးမှုပြဿနာများသည် နှစ်စဉ်အကြိမ်အခါများ ပိုမိုတိုးပွားလာနိုင်ပြီး ရေအမြင့်သည်လည်း မြင့်သထက်ပို၍ မြင်တက်လာမည်ဟု ပြောဆိုခန်မှန်းနေကြသည်။

အလားတူ ကရင်ပြည်နယ် ဇမိမြစ်ကြောင်းသည်လည်း ရေမြင့်တက်မှုများ ဖြစ်ပေါ်လျှက်ရှိရာ မုဒုံ-
ကြာအင်းဆိပ်ကြီး မြို့သို့ မော်တော်ကားများသွားရောက်သည့် ချောင်းနှစ်ခွဇက်ဆိပ်ကိုလည်း အာဏာပိုင်များ ခေတ္တပိတ်ပင်ထားရသည်။ဘုရားသုံးဆူမြို့မှ ခရီးသွားများ ကြာအင်းဆိပ်ကြီးတွင်ရပ်နားရန်မလိုပဲ ချောင်းနှစ်ခွ လှေဆိပ်အထိ လှေစီးသွားနေကြရသည်။