စံခလပူရီ(ဇူလိုင်-၂ဝ)။    ။ ထိုင်းနယ်စပ် ဘုရားသုံးမြို့အနီးရှိ ဒီကေဘီအေတပ်ဖွဲ့ အမှတ် ၉၀၁ တပ်ရင်းမှ မဲ့ကသာကျေးရွာသားများ ဘုရားသုံးဆူမြို့ပေါ်သို့ စားနပ်ရိက္ခာများ လာရောက်ဝယ်ယူခြင်း၊ ခြံထွက်ပစ္စည်း များတင်သွင်ခြင်းတို့ကို ယခုရက်ပိုင်းတွင် စတင်ပိတ်ပင်ခဲ့ကြောင်း ကရင်အမျိုးသားရွာသားတစ်ဦးက ဆက်သွယ်ပြောကြားလာသည်။

“သူတို့ဟာ မနက်လုပ်မနက်စားတဲ့လူတွေဆိုတော့ အခုချိန်မှာကျတော့ မျှစ်တွေဘာတွေခူးပြီး တော့ရောင်း ၊ရောင်းရတဲ့ပိုက်ဆံတွေနဲ့ဘဲ အသက်မွေးဝမ်းကြောင်းဒါဘဲရှိတယ်လေ။ ဒီလိုသူတို့ လမ်းပိတ်ခြင်းအားဖြင့်
တော့ ရွာသူရွာသားတွေအတွက် အခက်အခဲနဲ့ကြုံရတာပေါ့။ နောက်မြို့တွင်းမှာရှိတဲ့ တချို့လူတွေလည်း မြို့ပြင်ကိုထွက်ပြီး အလုပ်ရှာစားတဲ့လူလည်း အများကြီးရှိပါတယ်။ သူတို့ပိတ်တဲ့ အချိန်နဲ့ တပတ်အတွင်းမှာ
တော့ လုံးဝဆန်လဲမရှိတဲ့လူတွေကျတော့ တော်တော်လည်းခက်တာပေါ့။ တော်တော်ဒုက္ခရောက် ကြတာပေါ့။ ဟိုလူလိုက်ချေး ဒီလူလိုက်ချေး အဲဒီလိုဖြစ်နေကြတာပေါ့” အဆိုပါရွာသားက ထိုသို့ပြောကြားလာခဲ့သည်။

မဲ့ကသာကျေးရွာသည် ဘုရားသုံးဆူမြို့နှင့် ကျိုက်ဒုံမြို့ကြားတွင်တည်ရှိပြီး အိမ်ခြေ(၆ဝ)ခန့်ရှိ ခနောက် စိမ်းမိုင်းထုတ်လုပ်ရာစခန်းအနီး ကရင်ရွာတစ်ရွာဖြစ်သည်။ KNU တပ်မဟာ ၆ နယ်မြေဖြစ်သည်။
                                   
မကြာမီက ဒီကေဘီအေနှင့် ကေပီအက်ဖ်တပ်ဖွဲ့ဝင်အများအပြား ကေအန်ယူတပ်မဟာ(၆) ကို ဘက်ပြောင်း ခဲ့ခြင်းအပေါ် မကျေမနပ်ဖြစ်ပြီး ဒီကေဘီအေက ယခုကဲ့သို့ မဲကသာတစ်ရွာကိုသီးသန့်ထားပြီး ပိတ်ပင်ခဲ့
သည်ဟု ကေပီအက်ဖ်တပ်ဖွဲ့အရာရှိတစ်ဦးက ယူဆပါသည်။ တချို့သူများအဆိုအရ KNU တပ်မဟာ(၆)ကို ထိုးစစ်ဆင်နိုင်ရန် DKBAမှ ကြိုတင်ရိက္ခာဖြတ်တောက်နေသည်ဟုလည်း ထင်မြင်သူများရှိနေကြသည်။