ရန်ကုန်(ဇူလိုင်- ၃၁)။    ။ နေအိမ်အကျယ်ချုပ်ဥပဒေဖေါက်ဖျက်မှူဖြင့် အင်းစိန်အထူးတရားရုံးတွင် အမှု ရင်ဆိုင်နေရသူ မြန်မာ့ဒီမိုကရေစီခေါင်းဆောင်ကို ယနေ့တွင်အမိန့်ချမှတ်ရန် စစ်အစိုးရတို့ သတင်းထုတ်ပြန်ခဲ့ရာ ယနေ့ ၁၀ နာရီခန့်၌ ယင်းအထူးတရားရုံးမှ လာမည့်သြဂုတ်လ ၁၁ ရက်နေ့သို့ အမိန့်ချမှတ်ရန်ရက်ထပ်မံရွေ့ဆိုင်း လိုက်ကြောင်း ရန်ကုန် NLD အသိုင်းအဝိုင်းက ပြောကြားနေသည်။

“ဥပဒေကြောင်းအရ မရှင်းလင်းလို့တရားသူကြီးများပြန်လည်သုံးသပ်ကြရန်” အကြောင်းပြချက်ဖြင့် ယခုကဲ့သို့ အမှုကိုထပ်မံချိန်းဆိုခဲ့သည်ဟု ဆိုသည်။

ရန်ကုန်ရှိ မွန်နိုင်ငံရေးခေါင်းဆောင်တစ်ဦးက “စစ်အစိုးရက သူတို့ကတဲ့ဇာတ်ထုပ် ကြိုးရှုပ်နေတဲ့အဖြစ်ကို သူတို့ ဟာသူတို့ ပြန်မဖြည်နိုင်တာတွေ ဖြစ်နေကြကုန်ပြီ” ဟုသုံးသပ်ပြောဆိုသည်။

ယနေ့အထူးတရားရုံကိုိ ၂၈ နိုင်ငံမှ သံတမန်များ လာရောက်ခဲ့သည်ဟု သိရသည်။

ရန်ကုန်မြို့အချို့နေရာများတွင် ကျောင်းသားများကိုကျောင်းမတက်ခိုင်းပဲ အိမ်ပြန်စေခြင်း၊ အချို့လမ်းများကို ပိတ်ထားပြီး လုံခြုံရေးကိုလည်း အထူးကြပ်မတ်ထားသည်ကို တွေ့ရသည်။

ထို့အတူ နိုင်ငံတကာရှိ စစ်အစိုးရသံရုံးများရှေ့တွင် ထိုတရားရုံးအမိန့်ချမှတ်ချိန်နှင့်တပြိုင်တည်း မြန်မာ့ဒီမိုကရေစီ ဘက်တော်သားများ အချိန်ကိုက်ဆန္ဒပြခဲ့ကြသည်ဟု သိရသည်။

ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းကလည်း ဒေါ်အောင်ဆန်းစုကြည်အပေါ် မြန်မာစစ်အစိုးရက စွဲဆိုထားတဲ့ စွပ်စွဲချက်တွေကို ပြန်ရုပ်သိမ်းပြီး ချွင်းချက်မရှိ လွှတ်ပေးဖို့ ယနေ့စောစောပိုင်းတွင် ကုလသမဂ္ဂ ရုံးချုပ်က မြန်မာနိုင်ငံဆိုင်ရာ အမြဲတမ်း ကိုယ်စားလှယ် သံအမတ်ကြီး ဦးသန်းဆွေကို တောင်းဆိုထားသည်။