စံခလပူရီ(ဇူလိုင်-၃)။    ။ ယနေ့နံက်တွင် ကုလသမဂ္ဂအထွေထွေ အတွင်းရေးမှူးချုပ် မစ္စတာဘန်ကီမွန်းသည် စင်ကာပူမှတဆင့် မြန်မာပြည်ကို ရောက်ရှိလာသည်။ “မြန်မာ့ဒီမိုကရေစီ ပြုပြင်ပြောင်းလဲရေးကို အလေးအနက် တိုက်တွန်းဖို့အတွက် မြန်မာပြည်ကို သွားရောက်လည်ပတ်မှာ ဖြစ်ပါတယ်” ဟုကြိုတင် ကြေညာခဲ့သည့်အတိုင်း ဇူလိုင်လ ၃၊ ၄ ရက်နေ့တို့တွင် မြန်မာနိုင်ငံ၌ နေထိုင်သွားမည်ဟု ယမန်နေ့ကထုတ်ပြန်သော UN Press Review  တွင်ဖေါ်ပြထားသည်။

ဘန်ကီမွန်းနှင့်ဗိုလ်ချုပ်မှူးကြီးယမန်နှစ်ကတွေ့ဆုံခဲ့ကြစဉ်(23 May 2008)

ကုလသမဂ္ဂ အတွင်းရေးမှူးချုပ်သည် ဒေါ်အောင်ဆန်းစုကြည်အား တွေ့ဆုံနိုင်ဖွယ်ရှိသည်ဟု ဂျာမနီမှ DPA သတင်းတစ်ရပ်ကို ကိုးကားပြီး ယမန်နေ့ကထုတ်ပြန်သော ယင်း UN Press Review  တွင်ဖေါ်ပြပါရှိပါသည်။ တိုကျို၌ မစ္စတာ ဘန်ကီမွန်း၏ ပြောရေးဆိုခွင့်ရှိသူက သတင်းထောက်များကို ပြောကြားခဲ့စဉ် “ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသား အားလုံးကို လွှတ်ပေးဖို့ မြန်မာဗိုလ်ချုပ်တွေကို ပြင်းပြင်းထန်ထန် တိုက်တွန်းသွားမယ်” ဟုဆိုခဲ့ပါသည်။

ဘယ်လဂျီယံမှ De Morgen သတင်းတစ်ရပ်တွင် “မစ္စတာဘန်ဟာ အံ့သြစရာကောင်းလောက်အောင် စွမ်းနိုင် လိမ့်မယ်လို့တော့ မမျှော်လင့်ပါဘူး”ဟု မှတ်ချက်ပြုထားပါသည်။ စစ်အစိုးရအဖွဲ့ကိုသာ အကျိုးအမြတ်ဖြစ်စေ
မည်ဟု သံသယ ရှိနေကြသူအလွန်များကြောင်း ထိုသတင်းတွင်ထပ်မံ သုံးသပ်ထားပြန်သည်။

မစ္စတာ ဘန်ကီမွန်းသည် လွန်ခဲ့တဲ့ နှစ်ပေါင်း ၄၄ နှစ်အတွင်း မြန်မာနိုင်ငံကို ပထမဆုံး လာရောက်ခဲ့သည့် ကုလသမဂ္ဂ အတွင်းရေးမှူးချုပ်ဖြစ်ပြီး ပြီးခဲ့တဲ့နှစ်  နာဂစ်ဆိုင်ကလုန်း မုန်တိုင်း တိုက်ခတ်ပြီးတွင် မြန်မာနိုင်ငံကို ပထမဆုံးအကြိမ် လာရောက်ခဲ့ဖူးသည်။ မစ္စတာ ဘန်ကီမွန်း မြန်မာပြည်ကို လာရောက်နိုင်ရန်အတွက် မစ္စတာ ဂန်ဘာရီ၏ အစီရင်ခံစာအပေါ် မူတည်ခဲ့သည်ဟု သတင်းဌာနများက ယူဆထားကြပါသည်။ AFP သတင်းဖေါ် ပြမှုတစ်ရပ်တွင် မစ္စတာဘန်သည် မြန်မာအာဏာပိုင်တို့၏ တရားဝင် ဖိတ်ခေါ်မှုကို လက်ခံရရှိခဲ့သည်ဟု ဖေါ်ပြထားသည်။  

AFP သတင်းရေးသားချက်တစ်ရပ်တွင် ဘန်၏ခရီးစဉ်သည် “မသေချာမှုတွေကြားထဲက စွန့်စားမှုတစ်ခု” ဟု သုံးသပ်ထားပါသည်။ မစ္စတာဘန်သည် ဒေါ်အောင်ဆန်းစုကြည် လွတ်မြောက်ရေးကို ထိရောက်စွာ မဆောင် ရွက်နိုင်ခဲ့လျှင် အလွန်ကြီးမားသည့် ဆုံးရှုံးမှုတစ်ရပ်သာဖြစ်ကြောင်း လွန်ခဲ့သည့်ကြာသပတေးနေ့ AFP သတင်း တွင် သုံးသပ်ချက်များကို ထုတ်လွှင့်ခဲ့သည်။