စံခလပူရီ(ဇူလိုင်-၁၃)။    ။ ထိုင်းနိုင်ငံသို့ တရားဝင်အလုပ်သွားရောက်လုပ်ကိုင်နိုင်ရန် မြန်မာနိုင်ငံတောင်ပိုင်း ကော့သောင်းမြို့ရှိ ယာယီမြန်မာနိုင်ငံကူး လက်မှတ်ထုတ်ပေးရေးစခန်း၌ မြန်မာနိုင်ငံကူးလက်မှတ်ကို နေ့တွင်းချင်းအပြီးပြုလုပ်ပေးလျှက်ရှိကြောင်း ယနေ့ထုတ်စစ်အစိုးရ မြန်မာ့အလင်းသတင်းစာတွင် ဖေါ်ပြ ပါရှိခဲ့သည်။

ဇူလိုင်လ ၁၀ ရက်နေ့တွင် မြန်မာဝန်ထမ်းများအသုံးပြုနိုင်ရန် ထိုင်းအာဏာပိုင်တို့က ရုံးသုံးပစ္စည်းများ ကော့သောင်းမြို့သို့ လာရောက်လှူဒါန်းခဲ့သည့်တစ်ရက်တည်းမှာပင် မြန်မာနိုင်ငံသား ၃၀ ဦးကို နိုင်ငံကူး
လက်မှတ် ထုတ်ချက်ချင်းထုတ်ပေးခဲ့ပြီး ထိုင်းနိုင်ငံဖက်ခြမ်း ရနောင်းမြို့တွင် ၄င်းအလုပ်သမား ၃ဝအနက် ၁ဝဦးအား ထိုင်းတို့က L.A ဗီဇာများ ချက်ချင်းထုတ်ပေးခဲ့ကြသည်ဟု သတင်းစာတွင် ဆက်လက်ဖေါ်ပြပါသည်။

ယင်းကဲ့သို့ တရားဝင်အလုပ်သမားအဖြစ် ပြုလုပ်နိုင်ရန် ထိုင်းတို့ထံ လူတစ်ဦးလျှင် အလုပ်သမားမှတ်ပုံတင်
အတွက် ဘတ်ငွေ ၃၈၀၀၊ ၂ နှစ်ဗီဇာ ၂ကြိမ်ရရှိနိုင်ရန် ဘတ်ငွေ ၂၀၀၀ ထပ်မံကုန်ကျသည်ဟု သိရသည်။

သို့ရာတွင် အဆိုပါမြန်မာနိုင်ငံကူးလက်မှတ်ရရှိနိုင်ရန် မြန်မာနိုင်ငံဖက်မှ ကုန်ကျစရိတ်များကို မခန့်မှန်းနိုင်ကြပါ။ ထောက်ခံစာအမျိုးမျိုးကြောင့် ပေးကမ်းသွားရမည့် ကိစ္စများတွင် ဒေသအခြေအနေအလိုက် ကွဲပြားမှုများ ရှိနိုင်သည်။

ယင်းကဲ့သို့ ယာယီမြန်မာနိုင်ငံကူး လက်မှတ်ထုတ်ပေးရေးစခန်းများကို ရှမ်းပြည်နယ်၊ တာချီလိတ်နှင့် ကရင်ပြည်နယ်၊ မြဝတီမြို့များတွင်လည်း ထားရှိရန် အစီအစဉ်များ ချမှတ်ထားကြောင်း ယခင်သတင်းများ၌ ဖေါ်ပြထားပြီးဖြစ်သည်။

သို့သော် တာချီလိတ်မြို့တွင် သြဂုတ်လလယ်ပိုင်းကျော်လွန်မှ စတင်နိုင်လိမ့်မည်ဟု သျှမ်းသံတော်ဆင့်သတင်း အယ်ဒီတာ ဦးခွန်စိုင်းက ယူဆပါသည်။

မြဝတီမြို့ဒေသခံများအဆိုအရ ဤကိစ္စအတွက်ပြင်ဆင်မှု အရိပ်အယောင်များ မတွေ့ရှိရသော်လည်း ထိုင်းအာဏာပိုင်များက မဲဆောက်မြို့တွင် ရုံးများဖွင့်လှစ်နိုင်ရန် စီစဉ်နေပြီဟု သိရသည်။

ထိုင်းနိုင်ငံသို့ မြန်မာအလုပ်သမားများ တရားဝင်အလုပ်လုပ်ကိုင်ခွင့် ရရှိရေးကိစ္စကို မြန်မာစစ်အာဏာပိုင်
တို့ အားမပေးလိုသော်လည်း ယခုကဲ့သို့ ထိုင်းနိုင်ငံတွင် တရားဝင် အလုပ်လုပ်ကိုင်ခွင့်ရရှိနေသော လာအို၊ ကမ္ဘောဒီယား နိုင်ငံသားများနည်းတူ အလုပ်လုပ်ကိုင်နိုင်ရန် ထိုင်းတို့အကြိမ်ကြိမ် တောင်းဆိုခဲ့မှုကြောင့် မြန်မာအလုပ်သမားများအတွက် အခွင့်အရေးကောင်းတစ်ရပ် ပေါ်ပေါက်လာသည်ဟု တွေ့မြင်မိ၏။