စံခလပူရီ(ဇူလိုင်-၁)။    ။ ဇွန်လ ၂၈ ရက်နေ့ညက ဘုရားသုံးဆူမြို့၌ လက်ပစ်ဗုံး ၂ လုံးပေါက်ကွဲခဲ့ရာ ယနေ့အထိ ဒေသအာဏာပိုင်များက မည်သူမည်ဝါဟု လက်သည်မဖေါ်နိုင်(သို့မဟုတ်) ရေငုံနှုတ်ပိတ်နေကြရပြီး လုံခြုံရေး အစီအမံသစ်တစ်ရပ်သာ ထုတ်ပြန်ခဲ့ပါသည်။

ပေါက်ကွဲမှုဖြစ်ပွားပြီး နောက်တစ်နေ့နံနက်ပိုင်းတွင် ဒေသအတွင်းလှုပ်ရှားနေကြသော ငြိမ်းချမ်းရေး၊ လက်နက်ချ အဖွဲ့ခေါင်းဆောင်များကို ခလရ ၃၂ တပ်ရင်းမှူး ဒုတိယဗိုလ်မှူးကြီးခင်ဇော် ခေါ်ယူတွေ့ဆုံ၍ သူ၏အမိန့်ကို နာခံ စေရန် တိုက်တွန်းခဲ့သည်ဟုသိရသည်။

“ သူပြောက သေနတ်ဒင်တွေတိုင်းမှာ ကိုယ့်အဖွဲ့အစည်းရဲ့ အလံတဆိပ်အမှတ်အသားတွေ ရေးထားရမယ်တဲ့၊ လွယ်တဲ့အလုပ်မှမဟုတ်ပဲ၊ ဘယ်အဖွဲ့ကမှ လိုက်နာကြမှာမဟုတ်ဘူးလို့ထင်တယ်၊ သူကတပ်ရင်းမှူး တစ်ယောက်
ပဲ၊ သူတပ်ကိုပဲဒီလိုအမိန့်ပေးလို့ရမယ်” ဟု KPF မှအမည်မဖေါ်လိုသော အရာရှိတစ်ဦးနှင့် ဆက်သွယ်မေးမြန်း ချက်အရ သိရသည်။

ဘုရားသုံဆူမြို့ပေါ်တွင် ရပ်ကွက် ၄ ရပ်ကွက်ရှိရာ မော်တော်ဆိုင်ကယ်အားလုံး နံပါတ်ပြား၌ သက်ဆိုရာ ရပ်ကွက်အမှတ်ကို ထင်ရှားစွာရေးသားထားရမည်ဟု ဆိုသဖြင့်မြို့ခံများ ပြုလုပ်ပေးကြရပြီဖြစ်သည်။

ညပိုင်းတွင်များလည်း ပြည်သူ့စစ်များကိုအကူပေးရန် တစ်ရပ်ကွက်လျှင် ယောက်ျား ၁၀ ဦးကျ လုံခြုံရေး လိုက်ပါ ပေးရမည်။ အတည်မပြုနိုင်သောသတင်းတစ်ရပ်တွင် မြို့ခံများမှ ပြည်သူ့စစ်အဖြစ် အတင်းဝင်ရောက် တာဝန် ထမ်းဆောင်စေမည့် အစီအမံများရှိနေသည်ဟု သတင်းများပြန့်နှံ့နေသည်။

သုံးဆူမြို့ပေါ်မှ ငြိမ်းအဖွဲ့ဝင် အရာရှိတစ်ဦးက “ဒီဗုံးကဗမာစစ်တပ်ကဗုံးပဲ၊ ရှာတွေ့တဲ့ လက်ပစ်ဗုံးကလစ်တံကွင်း
က M-99 နာနတ်သီးဗုံးပဲ၊ ဒီဗုံးအမျိုးအစားက ဗမာစစ်တပ်မှာပဲ သုံးကြတာ၊ လုံခြုံရေးအကြောင်းပြချင်လို့ အခုလိုအကွက်ထွင်တာပဲဆိုတာ အဖွဲ့အစည်းတိုင်းက ကြိုမြင်နေကြတာပဲ” ဟုဆိုသည်။

အကဲခတ်သူများအဆိုအရ အကယ်၍ KNU မှဖေါက်ခွဲမည်ဆိုလျှင် မြို့တွင်းအထိရောက်လာပြီး လေထဲ
အလာဟသ ဗုံးဖေါက်ပစ်ခွဲအလုပ် လုပ်လိမ့်မည်မဟုတ်ဟု တွက်ဆပြသည်။