စံခလပူရီ(သြဂုတ်- ၁၇)။    ။ဘုရားသုံးဆူမြို့၌ လေးလကျော်ခန့်မြို့စောင့်တပ်အဖြစ် ထားရှိခံခဲ့ရသော ရတခတိုင်း လက်အောက်ခံ ကရင်ပြည်နယ်၊ ကြာအင်းဆိပ်ကြီးမြို့အခြေစိုက် ခလရ ၃၂ တပ်ရင်းအစား ကော့ကရိတ်မြို့စကခ ၁၂ လက်အောက်ခံ ခမရ ၂၈၃ တပ်ရင်းရောက်ရှိလာပြီး မနက်ဖြန် နံနက်ပိုင်းတွင် တပ်အပြောင်းအလဲပြုလုပ်ကြ တော့ဖြစ်ကြောင်း ဘုရားသုံးဆူမြို့ရှိ အမည်မဖေါ်လိုသော စစ်ဖက်ဝန်ထမ်းတစ်ဦးက ဖုန်းဖြင့်ပြောပြခဲ့သည်။

အဆိုပါ ခမရ ၂၈၃ စစ်ကြောင်းရုံးကို ဘုရင့်နောင်ကုန်းရှေ့ရှိ တပ်ဧည့်ရိပ်သာတွင် ယာယီစခန်းချထားသည်ဟု မျက်မြင်တွေ့ရှိခဲ့သူများက ဆိုပါသည်။

အဆိုပါတပ်ဖွဲ့သည် ယမန်နေ့ ညနေပိုင်းတွင် ချောင်းဆုံ(ကရိန်ထော်)မှတဆင့် ထရပ်ကား ၉ စီးဖြင့် ဘုရားသုံးဆူ မြို့ထဲသို့ ဝင်ရောက်လာခဲ့ရာ အင်အားစုစုပေါင်း ၁၃၀ ခန့်ရှိသည်ဟု သိရကြောင်း မွန်ပြည်သစ်ပါတီအရာရှိတစ်ဦး က တွေ့ရှိချက်ကို ပြောပြခဲ့သည်။

ယမန်နေ့ နံနက် ၁၁း၃၀ ခန့်တွင် အဆိုပါစစ်ကြောင်းသည် ဘုရားသုံးဆူ - အပလုံရွာကြားရှိ မွန်ပြည်သစ်ပါတီ တပ်တည်ခွင့်ရှိရာ တားဒိန်ရွာ(ဂိတ်စခန်း)၌ တစ်နာရီနီးပါးခန့် ဝင်ရောက်နားခိုခဲ့သည်ဟု ဂိတ်စခန်းမှ တာဝန်ရှိသူ တစ်ဦးက ပြောကြားခဲ့သည်။

ဤစစ်ကြောင်းသည် သံဖြူဇရပ်မြို့ကိုဖြတ်သန်းခဲ့ပြီး ဘုရားသုံးဆူမြို့သို့ ကားလမ်းမအတိုင်း လာရောက်စဉ် သြဂုတ်လ ၁၀ ရက်နေ့တွင် ဇီးနှစ်ပင်ရွာအလွန်၌ KNU တပ်မဟာ ၆ မှပြောက်ကျား ၅ ဦး၏ ရှေ့ထွက်ဆွဲမိုင်းတစ် လုံး ထိမှန်ခဲ့ရာ တပ်သားနှစ်ဦးကျဆုံးခဲ့သည်ကို ယခင်သတင်းများတွင် ဖေါ်ပြခဲ့ပြီးဖြစ်သည်။

ယနေ့ညတွင် အသစ်ရောက်ရှိလာသော ခမရ ၂၈၃ တပ်ရင်းမှူး ဒုဗိုလ်မှူးကြီး မြတ်ထွန်းအေးအား ညစာစားပွဲတစ် ရပ် ဧည့်ခံကျင်းပမည်ဟု ဘုရားသုံးဆူမြို့ရှိ စီးပွားရေး၊ ကုန်သည်အသိုင်းအဝိုင်းများက ပြောကြားပါသည်။

ယမန်နေ့ ညပိုင်းကလည်း မြို့ခံ အကြီးစားကုန်သည်တစ်ဦးက ဧည့်ခံပွဲတစ်ရပ်ကျင်းပခဲ့သေးသည် ဆိုကြသည်။

ဘုရားသုံးဆူနယ်စပ်မြို့မှာ ကော့ကရိတ်မြို့နယ်ခွဲ အဆင့်သာဖြစ်သည်။ မြို့စောင့်တပ်ရင်းမှူးမှာ အာဏာအရပ်ရပ် ကို ချုပ်ကိုင်ထားပြီး မယက စသည့်မြို့နယ်အုပ်ချုပ်ရေးကောင်စီ ဥက္ကဌမှအစ ဌာဆိုင်ရာအားလုံးကို တပ်ရင်းမှူး၏ အမိန့်ကိုသာ လိုက်နာကြရသည်။

ထိုင်းတို့မြန်မာသစ်များဖမ်းဆီးသိမ်းယူခဲ့သဖြင့် ဒု-ဗိုလ်မှူးကြီးခင်ဇော် သွားရောက်ညှိနှိုင်းခဲ့စဉ်(ဂျင်းဘောင်းဘီနှင့်အလယ်တွင်ရပ်နေသူ)

ဘုရားသုံးဆူမြို့သည် တရားဝင်လုပ်ငန်းကြီး များ အလုပ်မဖြစ်ထွန်း ပေ၊ သစ်မှောင် ခိုလုပ် ငန်းနှင့် လောင်းကစား မှု အမျိုးမျိုးကို တရား ဝင်ကဲ့ သို့ ဗြောင်ဗြောင် တင်းတင်း လုပ်ဆောင် နေကြသည်။ ထို့ကြောင့် အကြီး ဆုံးအာဏာရှိသူကို စီးပွားရေးသမားများ က မျက်နှာသာပေး ဆက်ဆံလိုကြသည်။

ဘုရားသုံးဆူမြို့မှ မနက်ဖြန်တွင် ထွက်ခွာရတော့မည့် ခလရ ၃၂ တပ်ရင်းမှူး ဒု-ဗိုလ်မှူးကြီးခင်ဇော်၏ စစ်ကြောင်း များမှာ စစ်ဆင်ရေးနယ်မြေတစ် ခုခုသို့ ပို့ဆောင်ခံရနိုင်ဖွယ်ရှိသည်ဟု အနီးကပ်စောင့်ကြည့်လေ့လာနေသူများက သုံးသပ်နေကြသည်။

ဒုဗိုလ်မှူကြီးခင်ဇော် ဘုရားသုံးဆူမြို့တွင် တာဝန်ယူနေစဉ် လွန်ခဲ့သည့်မေလတတိယအပတ်က ဘုရားသုံးဆူမြို့ နှစ်ဖက်နယ်ခြားဂိတ်ကို တိတ်တဆိတ်ဖွင်လှစ်စေခဲ့ပြီး တရားမဝင်သစ်များ ထိုင်းနိုင်ငံသို့တင်ပို့ခဲ့ရာ ထိုင်းတို့က ဖမ်းဆီးသိမ်းယူခဲ့သဖြင့် မြန်မာသစ်ကုန်သည်များနှင့် သစ်အလုပ်သမားများ ငွေကြေးများစွာ ဆုံးရှုံးနစ်နာခဲ့ကြ ရသည်။

ဇူလိုင်လ ပထမအပတ်တွင်လည်း ဒုဗိုလ်မှူကြီးခင်ဇော်၏ကိုရေးအရာရှိ ဖြစ်ခဲ့သူ ဗိုလ်ကိုကိုလွင် အပါအဝင်တပ်ဖွဲ့ဝင် ၁၂ ဦး ထိုင်းနိုင်ငံသို့ ထွက်ပြေးသွားသည့်သတင်းကို ထိပ်ပိုင်းစစ်အရာရှိများ သိရှိသွားသဖြင့် ၄င်းမှာများစွာ အကြပ်ရိုက်သွားပြီး သတင်းဌာနများသို့ ဆက်သွယ်သတင်းပေးနေသူများကို ဖေါ်ထုတ်အရေးယူသွားရန် ဘုရားသုံးဆူမြို့ရှိ အရပ်ဖက်ဝန်ထမ်းများကို အမိန့်ပေးညွှန်ကြားခဲ့သည်ဟု သိရသည်။

စရဖ၊ ရဲ ၊ ရဲအထူးသတင်းတပ်ဖွဲ့များနှင့် နီးစပ်သူများပြောကြားချက်အရ ခလရ ၃၂ တပ်ရင်း ဘုရားသုံးဆူမြို့သို့ ရောက်ရှိသည့် ၄ လကျော်ကြာကာလ၌ တပ်ပြေး ၃၀ ခန့်ရှိခဲ့သည်ဟုသိရသည်။