၂၀၀၉ မတ်လ(၁၄) ရက်၊ ယနေ့သည်မွန်ပြည်သစ်ပါတီ ဥက္ကဌဟောင်း နိုင်ထင် ကွယ်လွန်ခဲ့သည်မှာ (၄) နှစ်တိ
တိ ပြည့်မြောက်ခဲ့ပါသည်။ Kaowao Newsgroup သတင်းဌာနမှ အမှတ်တရ သတိရစေခြင်း အလို့ငှာ နိုင်ထင်၏ အထုပ္ပတ္တိအကျဉ်းကိုကောက်နုတ် ဖော်ပြလိုက်ပါသည်။
အယ်ဒီတာ

ကောဇာသက္ကရာဇ် (၁၂၈၂) ခုနှစ်၊ တပေါင်းလပြည့်ကျော် (၉) ရက်နေ့၌ မွန်ပြည်နယ်၊ မုဒုံမြို့နယ်၊ လက်တက် ကျေးရွာတွင် ဖခင်နိုင်ထွန်းဝင်း၊ မိခင်မိမယ်က သားဦးရတနာနိုင်ထင် ကိုဖွားမြင်ခဲ့သည်။ မွေးချင်းမောင်နှစ်မ(၅) ဦးရှိပါသည်။ အဖိုး၊ အဖွားတို့ကျွေးမွေး စောင့်ရှောက်မှုဖြင့် မူလတန်းပညာ သင်ယူခဲ့ပြီးနောက် ဘုန်းတော်ကြီး
ကျောင်းတွင် ကျောင်းသားဘဝနှင့် ပရိသတ္တိစာပေများသင်ယူခဲ့သည်။

အသက်(၁၆)နှစ်တွင် ရှင်သာမဏေ အဖြစ်ခံယူပြီး (၁၈) နှစ်တွင်အဖိုးအဖွားတို့ ဆုံးပါးကုန်သဖြင့် ရှင်သာမဏေမှ ထွက်ကာ မိဘထံတွင် လယ်ယာလုပ်ငန်းများ ဝင်ရောက်ကူညီသည်။ အသက်(၂၀) တွင် ဇနီးမိခင်ညွှန့်နှင့် လက်ထပ်ကာ သားသမီး (၈) ဦး ထွန်းကားခဲ့သည်။ နောက်ပိုင်းတွင် မိခင်ညွှန့်ကွယ်လွန်ပြီး မိလင်းနှင့် ထပ်မံ အိမ်ထောင်ပြုခဲ့သည်။

၁၉၄၆ခု၊ နိုင်ဖိုးချို ဦးဆောင်၍မွန်တိုင်းရင်းသားအစည်းအရုံးအား စတင်ဖွဲ့စည်းရာမှ မွန်လူငယ်များ နိုင်ငံရေးအသိ ပိုမိုနိုးကြား လာခဲ့ကြသည်။ နိုင်ထင်သည်လည်း မွန်လူငယ်အဖွဲ့တွင် တက်တက်ကြွကြွ ပါဝင်လူပ်ရှားလာခဲ့သည်။

၁၉၄၈ ခု၊ သြဂုတ်လ၁၉ရက်နေ့တွင် မွန်ပြည်သူများ ဖဆပလအစိုးရကို လက်နက်ကိုင်တိုက်ပွဲ စတင်ဆင်နွဲ
သည်နှင့် နိုင်ထင်သည်လည်း မွန်ပြည်သူ့တပ်ဦးတွင် ပါဝင်လာခဲ့သည်။ ၁၉၅၃ တွင် MNDO မွန်အမျိုး သားကာကွယ်ရေးတပ်ဖွဲ့တွင် ရုံးထိုင်မှူးအဆင့် တာဝန်ထမ်းဆောင်ခဲ့ပြီး ၁၉၅၄ တွင် နိုင်ငံရေးဘက်သို့ ပြောင်းလဲတာဝန် ထမ်းဆောင်ခဲ့သည်။

မွန်ပြည်သူ့တပ်ဦးက ဦးနုအစိုးရထံ ၁၉၅၈ ခုနှစ်၊ ဇူလိုင်လ (၁၉) ရက် “လက်နက်နဲ့ ဒီမိုကရေစီ လဲလှယ်ရေး” တွင်ပါဝင်ခဲ့သည်။ ဥပဒေဘောင်အတွင်း မွန်ပြည်သူ့တပ်ဦး ပါဝင်လူပ်ရှားစဉ် ဖားအံခရိုင်အလုပ် အမှုဆောင်
တာဝန်ထမ်း ဆောင်ခဲ့သည်။

နေဝင်းစစ်အစိုးရ အဏာသိမ်းပြီး ၁၉၆၂ ဇူလိုင်လတွင် နိုင်ရွှေကျင်ဦးဆောင်နေသည့် မွန်ပြည်သစ် ပါတီကို ဝင်ရောက်လာသည်။ ထို့နောက်မကြာမီတွင် မော်လမြိုင်ခရိုင်ဥက္ကဌ အဖြစ်တာဝန် ပေးအပ်ခြင်းခံရသည်။

၁၉၆၃ ခုတော်လှန်ရေးကောင်စီနှင့် မဒညတ သုံးပါတီတပ်ပေါင်းစုငြိမ်းချမ်းရေး ဆွေးနွေးပွဲတွင် မွန်ပြည်သစ်ပါတီကိုယ်စားလှယ်အဖြစ် ဥက္ကကြီး နိုင်ရွှေကျင်နှင့်အတူ တက်ရောက်ခဲ့သည်။

၁၉၆၅ တွင် မွန်ပြည်သစ်ပါတီဗဟိုကော်မတီဝင်ဖြစ်ခဲ့ပြီးမော်လမြိုင်ခရိုင်ဥက္ကဌ အဖြစ်ဆက်လက် တာဝန် ပေးအပ်ခြင်းခံရသည်။ ၁၉၇၁ တွင် မွန်ပြည်သစ်ပါတီအထွေထွေ အတွင်းရေးမှူးဖြစ်လာပြီး မော်လမြိုင်
ခရိုင်ဥက္ကဌ တာဝန်ကိုပါ ပူးတွဲထမ်းဆောင်ခဲ့ပါသည်။

၁၉၈၁ ခုနှစ် မွန်ပြည်သစ်ပါတီ နှစ်ခြမ်းကွဲခဲ့ရာတွင် နိုင်နွန်လာ ဦးဆောင်သော မွန်ပြည်သစ်ပါတီတွင် ဒုဥက္ကဌ
အဖြစ် ၁၉၈၇ ခုနှစ်ထိ (မွန်ပြည်သစ်ပါတီ ပြန်လည်ပေါင်းစည်း) တိုင် ထမ်းဆောင်ခဲ့သည်။

၁၉၈၇ ခုနှစ်ပါတီနှစ်ခြမ်း ပြန်လည်ပေါင်းစည်းသောအခါ ပါတီအထွေထွေ အတွင်းရေးမှူးအဖြစ် ဆက်လက် တာဝန်ယူခဲ့ရသည်။ ၁၉၈၉ တွင် နိုင်နွန်လာကွယ်လွန်ခဲ့ပြီး ပါတီဗဟိုဒုဥက္ကဌ ဖြစ်လာသည်။ ၂၀၀၃ တွင်ဥက္ကကြီး နိုင်ရွှေကျင် ကွယ်လွန်ခဲ့ပြီး ဗဟိုဥက္ကဌကြီး ဖြစ်လာခဲ့သည်။

မွန်ပြည်သစ်ပါတီဥက္ကဌ နိုင်ထင်သည် ၂၀၀၅ ခုနှစ်၊ မတ်လ ၁၄ရက်၊ ကောဇာသက္ကရာဇ် ၁၃၆၆ ခု၊ တပေါင်း
လဆန်း ၅ ရက်နေ့တွင် မော်လမြိုင်မြို့ မွန်ပြည်သစ်ပါတီ စုပေါင်းရုံးတွင် လူကြီးရောဂါဖြင့် ကွယ်လွန်ခဲ့ပါသည်။

ကာယံရှင်၏မှာကြားချက်အရ ကြွင်းကျန်သောရုပ်အလောင်းကို တော်လှန်ရေးနယ်မြေတွင် သဂြိုဟ်ရပါသည်။ ကြွင်းကျန်ရုပ်အလောင်းကို မော်လမြိုင်မြို့မှ မီးသဂြိုလ်မည့်နေရာသို့ အဆင့်ဆင့် သယ်ဆောင်လာစဉ် ဖြတ်သန်း လာသည့်မြို့ရွာတိုင်းတွင် မွန်ပြည်သူထောင်းသောင်းမက လွမ်းသူ့ပန်းခွေချခြင်း၊ အလေးပြုခြင်း၊ ရှိခိုးကန်တော့
ခြင်းတို့ ပြုလုပ်ခဲ့ကြသည်။

ကွယ်လွန်ခဲ့ပြီး (၇) ရက်ပြည့်မြောက်သောနေ့တွင် (ရေးမြို့အရှေ့ဘက်ခြမ်း၊ ဝယ်ဇင်ကျေးရွာ၊ မွန်ပြည်သစ်ပါတီ ထားဝယ်ခရိုင်ရုံးခွဲ) ၌ စစ်အခန်းအနားဖြင့် မီးသဂြိုလ်ပွဲပြုလုပ်ခဲ့ရာ လူထုပုရိသတ် တစ်သောင်းကျော် တက်
ရောက် ဂါရဝပြုသည်။

ယ္ခုအခါ ကြွင်းကျန်သောအရိုးပြာအိုးကို နိုင်ထင်၏ငယ်သူငယ်ချင်းဖြစ်သူ ကျောက်တလုံး ဆရာတော်၏ မိန့်ကြားချက်အရ ဥက္ကဌကြီး နိုင်ရွှေကျင်၏ အုတ်ဂူနှင့်အတူ မုဒုံမြို့နယ်ရှိ အထင်ကရ ဝင်းစိန်တောရ (ကျောက်တလုံးဆရာတော်သီတင်းသုံးတော်မူရာ) ကျောင်းဝင်းတွင်အမှတ်တရ အုတ်ဂူထားရှိပါသည်။

အယ်ဒီတာ