လက်ရှိ နအဖ အစိုးရအနေဖြင့် မြန်မာနိုင်ငံကို ကိုယ်စားပြုနေတာ တရားဝင်မှု မရှိကြောင်း ကန့်ကွက်လွှာကို ပြည်ထောင်စု မြန်မာနိုင်ငံ အမျိုးသားကောင်စီ (NCUB) နဲ့ ပြည်သူ့လွှတ်တော် ကိုယ်စားလှယ်များအဖွဲ့ (MPU) တို့ စက်တင်ဘာလ (၉) ရက်နေ့က ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်းထံ တင်ပြခဲ့ပါတယ်။

အဲဒီကန့်ကွက်လွှာကို (MPU) ဒု - ဥက္ကဌ ဆိပ်ကမ်းမြို့နယ် ပြည်သူ့လွှတ်တော် ကိုယ်စားလှယ် ဒေါ်စန်းစန်းက အဖွဲ့ကိုယ်စား လက်မှတ်ထိုး တင်သွင်းခဲ့ပြီး အဖွဲ့၏ ကုလသမဂ္ဂဆိုင်ရာ ကိုယ်စားလှယ်အဖြစ် (MPU) အတွင်းရေးမှူး မန္တလေးအနောက်တောင်မြို့နယ် ပြည်သူ့လွှတ်တော် ကိုယ်စားလှယ် ဦးသိန်းဦးကို တာဝန် အပ်နှင်းခဲ့ပါတယ်။

လေ့လာမေးမြန်းမှုများအရ ယခုလို စိန်ခေါ်ကန့်ကွက်မှုဟာ မြန်မာနိုင်ငံတော်ကို ကုလသမဂ္ဂအဖွဲ့ဝင်အဖြစ်မှ ဖယ်ထုတ်နိုင်ရန် ကြိုးစားတဲ့လုပ်ငန်းမဟုတ်ပဲ၊ အထွေထွေ ညီလာခံမှာ နအဖ စစ်အုပ်စုရဲ့ ကိုယ်စားလှယ်ကို ကုလသမဂ္ဂရဲ့ မြန်မာနိုင်ငံ ကိုယ်စားလှယ်အဖြစ်ကနေ တက်ရောက်ခွင့် မရှိစေရန်သာ ဖြစ်တယ်။

မစ္စတာ ဘန်ကီမွန်း ဖတ်ရှုလေ့လာသုံးသပ်ခဲ့ပြီး လာမည့် စက်တင်ဘာ (၁၆) ရက်နေ့ ကုလသမဂ္ဂ အထွေထွေ ညီလာခံမှာ ဒီကန့်ကွက်လွှာကို တင်သွင်းမယ်လို့ ထုတ်ဖော် ပြောကြားခဲ့ပါတယ်၊ ညီလာခံမှာ အဖွဲ့ဝင် (၉) ဦး ပါဝင်တဲ့ နိုင်ငံကိုယ်စားပြုမှုကို စိစစ်သော ကော်မတီ (Credentials Committee) တစ်ရပ်ကို ဖွဲ့စည်းမှာ ဖြစ်ပြီး ကျန်သုံးဦးကတော့ အမေရိကန်၊ ရှရှား၊ တရုပ် ကိုယ်စားလှယ်တို့ ပါဝင်ကြပေမဲ့ ဒီကိစ္စမှာ ဗီတိုအာဏာ သုံးခွင့် မရှိပါဘူး၊ အများဆုံးဖြတ်ချက်အရ အတည်ပြုနိုင်သလို၊ ကန့်ကွက်မှုလည်း ရှိနိုင်ပါတယ်။

ဒီ (၉) ဦး ပါဝင်တဲ့ (Credentials Committee) ကန့်ကွက်တာပဲဖြစ်ဖြစ်၊ ထောက်ခံတာပဲဖြစ်ဖြစ် ကမ္ဘာ့ ကုလသမဂ္ဂ အထွေထွေညီလာခံမှာ ဒီစိန်ခေါ်ကန့်ကွက်မှုနဲ့ ပတ်သက်ပြီး ထပ်မံ ဆွေးနွေးရပါဦးမယ်၊ လက်ရှိ နအဖ ကတော့ မုချ ကန့်ကွက်မှာပါပဲ၊ နောက်ဆုံးတော့ အများစု ဆုံးဖြတ်ချက်နဲ့ အတည်ပြုရပါလိမ့်မယ်။

MPU အနေနဲ့ မိမိတို့ ဒီမိုကရေစီလှုပ်ရှားမှုကို ထောက်ခံအားပေးတဲ့ အစိုးရတစ်ရပ် လိုအပ်နေပြီး ထိုအစိုးရက လက်ရှိ မြန်မာနိုင်ငံ စစ်အာဏာရှင်တို့မှာ မြန်မာနိုင်ငံတော်အား ကိုယ်စားပြုမှု ဂုဏ်အင်္ဂါရပ်တို့နှင့် မညီညွတ်ကြောင်း အဆိုကို စတင်ဆွေးနွေးနိုင်ကြမှာ ဖြစ်ပါတယ်။

ဒေါက်တာ စိန်ဝင်း ဦးဆောင်တဲ့ ပြည်ထောင်စု မြန်မာနိုင်ငံ အမျိုးသားညွန့်ပေါင်း အစိုးရ (NCGUB) အနေနဲ့ ဒီကိစ္စမှာ ပါဝင်ဖို့ လက်မှတ် မရေးထိုးပေမဲ့ “နအဖ စစ်အုပ်စုသည် အာဏာကို မတရားယူထားတဲ့ တရားမဝင် စစ်အာဏာရှင် တစ်စုသာ ဖြစ်၍ ယခုလို (MPU) မှ စစ်အုပ်စု၏ တရားမဝင်မှုအား စိန်ခေါ်ခြင်းကို နိုင်ငံရေးအရ သဘောတူကြောင်း ထုတ်ဖော်ခဲ့ပြီး ဖြစ်ပါတယ်။

NCGUB ဘက်က စိုးရိမ်မှုတရပ်ကတော့ ကမ္ဘာပေါ်မှာ လက်ရှိစစ်အာဏာရှင်လို အစိုးရမျိုး အများအပြား ရှိနေတယ်၊ ဒီနိုင်ငံတွေက ထောက်ခံပြီး အဲဒီလို ဖြေရှင်းတဲ့နည်းနဲ့ပဲ ကိုယ့်ဘက်ကို မျှားဦးတွေ လှည့်လာယင်၊ ကုလသမဂ္ဂလို ပါဝင်စွက်ဖက်လာတာမျိုးတွေ ဖြစ်လာနိုင်တော့ သိပ်မကြိုက်ကြဘူး ဆိုပေါ့။ (MPU) အောင်မြင်မှု ရဖို့ကို ရင်လေးနေဟန် တူပါတယ်။

MPU အနေနဲ့ ဒီကိစ္စအောင်မြင်ဖို့က အတိုက်အခံတွေဘက်က ညီညွတ်ဖို့ လိုတယ်၊ အခုကန့်ကွက်တဲ့ကိစ္စမှာ ပြည်ထောင်စုမြန်မာနိုင်ငံ အမျိုးသားကောင်စီ (NCUB)၊ အပြည်ပြည်ဆိုင်ရာ သာသနာ့ဥသျှောင် မြန်မာရဟန်းတော်များ အဖွဲ့ချုပ် နှင့် (၈၈) မျိုးဆက်ကျောင်းသားများအဖွဲ့ (ပြည်ပ) တို့က ထောက်ခံကြောင်း လက်မှတ် ရေးထိုးခဲ့ကြပြီး မြန်မာ့ဒီမိုကရေစီ လှုပ်ရှားသူအချို့နဲ့ နယူးယောက်မြို့ ကုလသမဂ္ဂရုံးချုပ်ရှေ့မှာ စက်တင်ဘာ (၉) ရက်၊ အင်္ဂါနေ့ ဒေသစံတောချိန် မနက် (၉) နာရီကနေ (၁၂) နာရီထိတိုင် နအဖ အစိုးရကို ကန့်ကွက်ရှုတ်ချ ဆန္ဒပြခဲ့ကြတယ်။

ဒီလှုပ်ရှားမှုဟာ နဝတ ရဲ့ လမ်းပြမြေပုံနဲ့ (၂၀၁၀) ရွေးကောက်ပွဲ ပြုလုပ်ဖို့ အခွင့်အာဏာဟာ နအဖ စစ်အစိုးရက မြန်မာနိုင်ငံရဲ့ တရားဝင်အစိုးရ မဟုတ်တဲ့အတွက် (၂၀၀၈) ဖွဲ့စည်းပုံ အခြေခံဥပဒေနဲ့ (၂၀၁၀) ရွေးကောက်ပွဲဟာ တရားဝင်ဖြစ်မှာ မဟုတ်တဲ့အချက်ကို ကုလသမဂ္ဂ သိစေအောင် လောလောဆယ်မှာ မီးမောင်းထိုးပြလိုက်တာပါပဲ။