Kaowao Burmese Version ကောင်းဝါ သတင်း

(၆၂)ကြိမ်မြောက် မွန်အမျိုးသားနေ့သို့ မြန်မာနိုင်ငံကျောင်းသားလူငယ်များကွန်ဂရက်(SYCB)မှပေးပို့သည့် သဝဏ်လွှာ
Kaowao	ဖေဖဝ်ဝါရီ ၁၆၊ ၂၀၀၉
သက္ကရာဇ်(၁၃၇၀)ခုနှစ်၊ တပို့တွဲလပြည့်ကျော်(၁)ရက်နေ့သည် မွန်တမျိုးသားလုံး၏ မင်္ဂလာရှိသော အထိမ်းအမှတ် အခါသမယပင်ဖြစ်ပါသည်။ ဤကဲ့သို့ သမိုင်းဝင်နေ့ထူး နေ့မြတ် ဖြစ်သော(၆၂)ကြိမ်မြောက် မွန်အမျိုးသား အခမ်းအနားသို့ မိမိတို့မြန်မာနိုင်ငံ ကျောင်းသား လူငယ်များကွန်ဂရက်(အက်စ်ဝိုင်စီဘီ)အနေဖြင့် မွန်အမျိုးသား အားလုံးနှင့်အတူ အထူးပင်ဝမ်း မြောက်ကြောင်းကို ဤသဝဏ်လွှာအား ပေးပို့လိုက်ပါသည်။ ၂။ မွန်အမျိုးသားတို့သည် သက္ကရာဇ်(၁၃၀၈)ခုနှစ်၊ တပို့တွဲလပြည့်ကျော်(၁)ရက်နေ့ ရောက်တိုင်း သမလနှင့်ဝိမလ ညီနောင်နှစ်ဦးမှ ဟံသာဝတီမွန်နေပြည်တော်ကြီးကို စတင်တည်ထောင်သည့်နေ့ကိုအစွဲပြု၍ မွန်အမျိုးသားရေးကို စောင့်ရှောက်ထိမ်းသိမ်းမြှင့် တင်နိုင်ရန်အတွက် မွန်အမျိုးသားလုံးနိုးကြားတက်ကြွစွာဖြင့် ကျင်းပပြုလုပ်လာခဲ့သည် မှာ (၆၂)ကြိမ်မြောက်ပင်ဖြစ်ပါသည်။ ထို့အတူ မွန်တမျိုးသားလုံးနှင့်ဆိုင်သော မွန်အမျိုးသားရေးလက္ခဏာများနှင့် ပတ်သက်၍အောက်မေ့ဖွယ်အခမ်းအနားများကို လွတ်လပ်စွာ ကျင်းပခွင့်မရရှိခဲသည်မှာလည်း ယနေ့ စစ်အာဏာ ရှင်အစိုးရလက်ထက်အထိပင်ဖြစ်ပေသည်။ ထို့ အတွက်ကြောင့် မွန်တမျိုးသားလုံးနှင့်တကွ ဆုံးရှုံးနေသော အခြေခံ အခွင့်အရေးတို့အား အမိအရဆုတ်ကိုင်ဖော်ထုတ်ပြသရာရောက်သည့် ထိုသို့သော အောက်မေ့ဖွယ် အထိမ်းအမှတ် အခမ်းအနားများကျင်းပခြင်းကို မိမိတို့ကွန်ဂရက်မှ လှိုက်လှဲစွာဖြင့် ကြိုဆို ဂုဏ်ပြုအပ်ပါသည်။ ၃။ ထို့အတူ ယနေ့အချိန်အခါကာလသည်လည်း မွန်အမျိုးသားလုံးအတွက် အရေးကြီးသည့် နေ့ထူးနေ့မြတ်ဖြစ် သကို မြန်မာ့နိုင်ငံရေးပြောင်းလဲရေးအတွက်လည်း အရေးကြီးသည့်် အချိန်အခါသို့ရောက်ရှိနေပါသည်။ နအဖစစ်အစိုးရအာဏာပိုင်များသည် လူမျိုးစုံတိုင်းရင်းသား ပြည်သူလူထုအပေါင်း၏ ဒီမိုကရေစီရေး၊ ငြိမ်းချမ်းရေး၊ အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ရရှိရေးစသော တိုင်းရင်းသားပြည်သူလူထုတရပ်လုံး၏ ရပိုင်ခွင့် ဟူသမျှကို လစ်လျှူရှုပြီး ၄င်းတို့၏ စစ်အာဏာရှင်စနစ် ဆက်လက်တည်မြဲရေး၊ စစ်ကျွန်ပြုရေး၊ စစ်အုပ်စု အကျိုး စီးပွား ကာကွယ်ရေးကိုသာရှေ့ရှူပြီး ပြည်သူလူထုဆန္ဒမပါပဲ အာဏာရှင်စစ်ခေါင်းဆောင်ကြီးများ စိတ်ကြိုက်ရေးဆွဲ အတည်ပြုထားသည့် နာဂစ်ဖွဲ့စည်းပုံအခြေခံဥပဒေ(၂၀၀၈)ကို အတင်းအကြပ်အတည်ပြု၍ စည်းကမ်းပြည့်ဝသော ဒီမိုကရေစီနိုင်ငံတော်သစ်ဆီသို့ ခေါင်းစဉ်ဖြင့်(၂၀၁၀)ရွေးကောက်ပွဲကိုဇွတ်ဖန်တီးရန် ပြင်ဆင်နေပါသည်။ ၄။ ထို့ကြောင့် မွန်တမျိုးသားလုံးနှင့်အတူ သတ္တမအကြိမ်မြောက် မွန်ပြည်သစ်ပါတီ၏ ညီလာခံမှချမှတ်ခဲ့သည့် ဆုံးဖြတ်ချက်များကို မိမိတို့ကွန်ဂရက်မှ အပြည့်အဝထောက်ခံပြီ အဖိနှိပ်ခံပြည်သူများဘက်မှရပ်တည်၍ လူမျိုး ပေါင်းစုံပြည်သူလူထုတရပ်လုံးနှင့်တကွ ဒီမိုကရေစီအင်အားစုအားလုံး၊ တိုင်းရင်းသားအင်အားစုအားလုံးတညီ တညွတ်တည်း အတူတကွ လက်တွဲကာပူးပေါင်း၍ စစ်အာဏာရှင်စနစ်ဖျက်သိမ်းရေး၊ ဒီမိုကရေစီရေး၊ ငြိမ်းချမ်း ရေး၊ အမျိုးသားတန်းတူရေး၊ ကိုယ်ပိုင်ပြဌာန်းခွင့်ရရေး၊ ဖက်ဒရယ်ပြည်ထောင်စုတည် ဆောက်ရေးတို့အတွက် မဆုတ်မနှစ် တိုက်ပွဲဝင်သွားမည်ဖြစ်ကြောင်းကို ယနေ့ကျရောက်သည့် မွန်အမျိုးသားနေ့သို့ ပေးပို့သောသဝဏ်လွှာ နှင့်အတူ အဓိဌာန်ပြုလိုက်ပါသည်။ မြန်မာနိုင်ငံကျောင်းသားလူငယ်များကွန်ဂရက်(SYCB) မြန်မာသက္ကရာဇ်-၁၃၇၀ ခုနှစ်၊ တပို့တွဲလပြည့်ကျော်(၁)ရက် ခရာဇ်သက္ကရာဇ်- ၂၀၀၉ ခုနှစ်၊ ဖေဖေါ်ဝါရီလ(၁၀)ရက်