မွန်ပြည်သစ်ပါတီ ငြိမ်းချမ်းရေး ကိုယ်စားလှယ်အဖွဲ့နှင့် မွန်ပြည်နယ် အစိုးရ ငြိမ်းချမ်းရေး ကိုယ်စားလှယ်အဖွဲ့တို့ အပစ်အခတ် ရပ်စဲရေး အပါအဝင် အချက် ၅ ချက်ပါ ပဏာမ သဘောတူချက်ကို ယနေ့ လက်မှတ်ရေးထိုးပြီ ဖြစ်သည်။

ဒု-ဥက္ကဌ နိုင်ရော့စ ဦးဆောင်သည့် ၁၂ ဦးပါ မွန်ပြည်သစ် ကိုယ်စားလှယ်အဖွဲ့နှင့် ရထားဝန်ကြီး ဦးအောင်မင်း ဦးဆောင်သည့် အစိုးရ ကိုယ်စားလှယ်များ မော်လမြိုင်မြို့ ကမ်းနားလမ်းရှိ Starnd ဟိုတယ်တွင် နံနက် ၉ နာရီမှ စတင်တွေ့ဆုံပြီး ၁၀ နာရီကျော်တွင် လက်မှတ် ရေးထိုးကြခြင်း ဖြစ်သည်။

မွန်ပြည်သစ်ပါတီနှင့် အစိုးရ ကိုယ်စားလှယ်များ မော်လမြိုင်မြို့ ကမ်းနားလမ်းရှိ Strand ဟိုတယ်တွင် ဖေဖေါ်ဝါရီလ ၁ ရက်နေ့က ငြိမ်းချမ်းရေးအတွက် ဆွေးနွေး ( Burma VJ Media Network )

ပဏာမသဘောတူညီချက်ကို မွန်ပြည်သစ် ဗဟိုကော်မတီ၏ ခွင့်ပြုချက် ရယူပြီး လာမည့် ဖေဖော်ဝါရီလ တတိယပတ်တွင် ထပ်မံ အတည်ပြု လက်မှတ်ရေးထိုးသွားမည် ဖြစ်သည်။

“မွန်ပြည်သစ်ဘက်က နိုင်ငံရေး ဆွေးနွေးပွဲ ဖြစ်ပေါ်လာဖို့ကိုပဲ အဓိက တင်ပြတယ်” ဟု ငြိမ်းချမ်းရေး အကျိုးဆောင် ယခင်မွန်ပြည်သစ်ပါတီ ဗဟိုကော်မတီဝင် နိုင်စိုးမြင့်က ပြောသည်။

ဆွေးနွေးပွဲတွင် မွန်ပြည်သစ်ဘက်မှ တပြည်လုံး အတိုင်းအတာ ဆောင်သည့် အပစ်အခတ် ရပ်စဲရေး ဖြစ်မြောက်ရန်၊ ၄၅ ရက်အတွင်း ဗဟိုအစိုးရနှင့် နိုင်ငံရေး ဆွေးနွေးပွဲ ဖြစ်ပေါ်ရန်၊ အကျဉ်းကျခံနေရသည့် မွန်ပြည်သစ်ပါတီဝင်များကို လွှတ်ပေးရန်၊ အစိုးရ ကိုယ်စားလှယ်များ အပါအဝင် တိုင်းရင်းသား လက်နက်ကိုင် အဖွဲ့အစည်းများ ပြည်တွင်းရှိ နိုင်ငံရေး အဖွဲ့အစည်းများ အားလုံးပါဝင်သည့် နိုင်ငံရေး ဆွေးနွေးပွဲ ဖြစ်ပေါ်လာရန် စသည်တို့ကို တင်ပြခဲ့သည်။

“၁၉၉၅ ခုတုန်းကတော့ အပစ်အခတ် ရပ်စဲရေး လုပ်တာလောက်ပဲ ပြောတယ်။ နိုင်ငံရေး ဆွေးနွေးဖို့ လမ်းဖွင့်ထားတာ မရှိဘူး။ အခုက နိုင်ငံရေး ဆွေးနွေးဖို့ ခွင့်ပေးမယ်၊ ပင်လုံထက် ကျယ်ပြန့်တဲ့ ညီလာခံကို ကျင်းပပေးမယ်လို့ ပြောတယ်” ဟု ၁၉၉၅ ခုနှစ် အပစ်အခတ် ရပ်စဲရေး ဖြစ်မြောက်ရန် ဆွေးနွေးရာတွင် ပါဝင်ခဲ့သည့် မွန်ပြည်သစ် ကိုယ်စားလှယ် နိုင်စိုးမြင့်က ပြောသည်။

၁၉၉၅ ခုနှစ်တွင် ယခင်နဝတ စစ်အစိုးရနှင့် ပထမအကြိမ် အပစ်အခတ် ရပ်စဲရေး သဘောတူညီချက် ရပြီးနောက် မွန်ပြည်သစ် အပါအဝင် တိုင်းရင်းသား လက်နက်ကိုင်အဖွဲ့များက နိုင်ငံရေး ဆွေးနွေးရန် တင်ပြခဲ့သော်လည်း မိမိတို့မှာ စစ်အစိုးရ ဖြစ်သည့်အတွက် နောင်တက်လာမည့် အရပ်သား အစိုးရနှင့်သာ ဆွေးနွေးရန် အကြောင်းပြန်ခဲ့သည်။

အပစ်အခတ် ရပ်စဲပြီး တရားဝင် ပါတီအဖြစ် ရပ်တည်ပါက အကျဉ်းကျ ခံနေရသည့် မွန်ပြည်သစ်မှ နိုင်ယက္ခနှင့် နိုင်မျိုးသွေး စသည်တို့ အလိုအလျောက် လွတ်မြောက်လာမည် ဖြစ်ကြောင်း ဦးအောင်မင်း၏ ပြောဆိုချက်ကို ကိုးကားပြီး နိုင်စိုးမြင့်က ပြောသည်။

မွန်စာပေ သင်ကြားမှုနှင့် ပတ်သက်ပြီး အစိုးရကျောင်းတွင် သင်ကြားလိုပါက သင်ကြားခွင့် ပေးမည် ဖြစ်ကြောင်း၊ မွန်ကျေးရွာများတွင် မွန်စာပေ သင်ကြားနိုင်ရန် ပြည်နယ်လွှတ်တော်က ဆောင်ရွက်ပေးနိုင်ကြောင်း အလွတ်သဘော တွေ့ဆုံစဉ် ပြည်နယ်ဝန်ကြီးချုပ် ဦးအုန်းမြင့်က မွန်ပြည်သစ် ကိုယ်စားလှယ်များအား ပြောသည်။

၂ဝ၁၁ ခုနှစ် ဒီဇင်ဘာလ ၂၂ ရက်နေ့ကလည်း ဦးအောင်မင်း ခေါင်းဆောင်သည့် အဖွဲ့နှင့် မွန်ပြည်သစ် အထွေထွေ အတွင်းရေးမှူး နိုင်ဟံသာ ခေါင်းဆောင်သည့် ကိုယ်စားလှယ်အဖွဲ့တို့ ထိုင်းနိုင်ငံ၊ စံခလပူရီမြို့တွင် ငြိမ်းချမ်းရေးအတွက် ပထမအကြိမ် ပဏာမ တွေ့ဆုံဆွေးနွေးခဲ့ကြသည်။

ယခုသဘောတူချက်မှ အပစ်အခတ် ရပ်စဲရေး ဖြစ်မြောက်လာပါက ၁၉၅၈ ခုနှစ်တွင် စတင်တည်ထောင်ခဲ့သည့် မွန်ပြည်သစ်ပါတီသည် မြန်မာအစိုးရနှင့် ဒုတိယအကြိမ် အပစ်အခတ် ရပ်စဲနိုင်မည် ဖြစ်သည်။