မင်းထက်အောင်(မတ်-၁၉)။    ။ စစ်အစိုးရ၏ ၂၀၁၀ ရွေးကောက်ပွဲဝင်ရေး မွန်အမျိုးသားပါတီသစ်တစ်ရပ် တရားဝင်ဖွဲ့စည်းသွားရန် ဆုံးဖြတ်ထားပြီဖြစ်ကြောင်း ပါဝင်လှုပ်ရှားနေသူပုဂ္ဂိုလ်တစ်ဦးက ကောင်းဝါသို့ အတည်ပြုပြောကြားပါသည်။

“ပြန့်ကျဲနေတဲ့မွန်အမျိုးသားအင်အားစုတွေ စနစ်တကျ အတူတကွပူးပေါင်းပါဝင်လာဖို့နဲ့ အဆင့်အတန်းရှိတဲ့ အမျိုးသားပါတီသစ်တစ်ရပ် ပေါ်ထွက်လာဖို့ပါ၊ အမြင်ခြားနားတဲ့သူတွေမပါဝင်ဘဲနေနိုင်သလို အမြင်တူသူတွေစုဖွဲ့ပြီး ရှေ့ခရီးဆက်သွားကြဖို့ပါ၊ ဘယ်သူကမှားတယ်မှန်တယ်ဆိုတာကိုလည်း အခြင်းခြင်းငြင်းခုံနေကြရမယ့်ကာလမဟုတ်ဘူး ” ဟု အဆိုပါပုဂ္ဂိုလ်က ဆက်လက်ပြောကြားပါသည်။

၎င်းအဆိုအရ ပါတီသစ်၏ဖွဲ့စည်းပုံကိုရေးဆွဲထားပြီး သက်ဆိုင်ရာသို့ တရားဝင်ပါတီလျှေက်ထားရန် အဆင်သစ်ဖြစ်နေကြောင်း သိရသည်။

စစ်အစိုးရ၏ ရွေးကောက်ပွဲနည်းဥပဒေများ ထွက်ပေါ်လာပြီး မကြာမီရက်ပိုင်းအတွင်း၌ပင် ၁၅ ဦးအဖွဲ့ပါ (တတိယအင်အားစု)မွန်အဖွဲ့မှ ထွက်ပေါ်လာသော ဆုံးဖြတ်ချက်ဖြစ်သည်။

အထက်ပါဆုံးဖြတ်ချက်ကို ထပ်မံအတည်ပြုပေးရန် သက်ဆိုင်ရာအဖွဲ့ဝင်များအား ဆက်သွယ်မေးမြန်းခဲ့ရာ လွန်ခဲ့သည့်ရက်ပိုင်း၌ ကွယ်လွန်ခဲ့သူ မွန်ခေါင်းဆောင် နိုင်သိမ်းမောင် (၉၁)နှစ်၏ ဈာပနအခမ်းအနား ယနေ့တွင်ကျင်းပရန်ရှိသဖြင့် ပြောဆိုရန်အချိန်မပေးနိုင်ဟု ဆိုပါသည်။

ဤအဖွဲ့သစ်အဖွဲ့ဝင် ၁၅ ဦးတွင် ရွေးကောက်ပွဲမဝင်ဟုဆုံးဖြတ်ထားသည့် မွန်အမျိုးသားဒီမိုကရေစီအဖွဲ့နှင့် မွန်ပြည်သစ်ပါတီအဖွဲ့ဝင်ဟောင်းအချို့တို့အပြင် အငြိမ်းစားအစိုးရဝန်ထမ်းများ ပါဝင်နေသည်ကို တွေ့ရှိရသည်။
၁၉၉၀ ရွေးကောက်ပွဲဝင်ခဲ့သည့်မွန်အမျိုးသားဒီမိုကရေစီအဖွဲ့ MNDF ကို ၁၉၉၂ ခုနှစ်၊ မတ်လ (၁၉) ရက်နေ့တွင် နဝတစစ်အစိုးရက တရားဝင်ပါတီအဖြစ်မှမှရုတ်သိမ်းကြောင်း အမိန့်ထုတ်ပြန်ခဲ့သည်။

အဆိုပါ ပါတီတရားဝင်မှတ်ပုံပြီး ရွေးကောက်ပွဲဝင်မည့် မွန်အမျိုးသားပါတီသစ်နာယက (၅)ဦးတွင် အထင်ကရ မွန်သံဃာဆရာတော်ကြီး (၃)ပါးအပြင် မွန်တိုင်းရင်းသားခေါင်းဆောင် နိုင်ထွန်းသိန်းနှင့် နိုင်ငွေသိမ်း တို့လည်းပါဝင်သည်ဟု ဆိုပါသည်။

အထက်ပါ (၁၅) ဦးအဖွဲ့ကို မွန်အမျိုးသားပါတီသစ်တစ်ရပ်အဖြစ် ရွေးကောက်ပွဲဝင်ရေး၊ မဝင်ရေးလေ့လာစောင့်ကြည့်သွားရန် ယမန်နှစ်ဇွန်လ(၂၉) ရက်နေ့တွင် မော်လမြိုင်မြို့၌ စတင်ဖွဲ့စည်းခဲ့သည်။

ယခုပါတီသစ်၏အမည်ကို မပြောကြားသေးသော်လည်း အချိန်နှင့်တပြေးညီထုတ်ပြန်သွားလိမ့်မည်ဟု ဆိုပါသည်။