စစ်အစိုးရမှ တိုက်တွန်းထားသော ဌာနေပြည်သူ့စစ်တပ်ဖွဲ့စည်းရန် မွန်ပြည်သစ်ပါတီမှ လက်မခံဟူသော ဆုံးဖြတ်ချက်ကို အရှေ့တောင်တိုင်းတိုင်းမှုးထံ အကြောင်းပြန်ခဲ့ပြီဟု ပြောရေးဆိုခွင့်ရှိသူ နိုင်ချေးမွန်မှပြောပါ သည်။

                 “ဧပြီလ(၂၂)ရက်နေ့မှာ ကျွန်တော်တို့မွန်ပြည်သစ်ပါတီရဲ့ ဗဟိုကော်မတီဖြစ်တဲ့ နိုင်တင်လှကို တိုင်းမှုးထံ အကြောင်းပြန်ဖို့ တာဝန်ပေးခဲ့ပါတယ်။ ပါတီရဲ့ရပ်တည်ချက်အတိုင်း ဌာနေပြည်သူ့စစ်ဖွဲ့ဖို့ကို လက်မခံပါဘူး”

                 ပြီးခဲ့သည့်ဧပြီလ(၇)ရက်နေ့တွင် စစ်ဘက်ဆိုင်ရာလုံခြုံရေးအကြီးအကဲ ဒုဗိုလ်ချုပ်ကြီးရဲမြင့်မှ မွန်ပြည်သစ်ပါတီ ဗဟိုအလုပ်အမှုဆောင်ကော်မတီများကို အရှေ့တောင်တိုင်းစစ်ဌာနချုပ်၌ တွေ့ဆုံစဉ်၌ ဌာနေပြည့်သူ့စစ်တပ် ပြောင်းလဲရန်အတွက် ဧပြီလ(၂၂)ရက်နေ့နောက်ဆုံးထား၍အကြောင်းပြန်ရန် ပြောဆိုခဲ့ ပါသည်။ မွန်ပြည်သစ်ပါတီအနေနှင့် မွန်ပြည်သူတို့၏ဆန္ဒကို လစ်လျူရှု၍မရသလို ပါတီ၏ဆုံးဖြတ်ချက်အတိုင်း ရပ်တည်သွားရမည်ဟု ပြောရေးဆိုခွင့်ရှိသူ နိုင်ချေးမွန်မှပြောပါသည်။

                 လက်ရှိအခြေအနေအရ မြို့တွင်းမှာရှိသည့် မွန်ပြည်သစ်ရုံများကို ယာယီပိတ်ထားခဲ့ပြီး ပါတီ၏အခြေခံ ဒေသဘက်ကို ပြောင်းရွှေ့ခဲ့သည်ဟုဆိုသည်။ သို့သော်ဆက်ဆံရေးရုံများကိုမူ ဆက်လက်ထားရှိခဲ့သည်ဟုနိုင် ချေးမွန်မှ ပြောပါသည်။ တခြားခရိုင်၊ တပ်ရင်းတပ်ဖွဲ့များကိုလည်း အခြေခံစခန်းများတွင် စုစည်းထားသည်ဟု တပ်ဖွဲ့ဝင်များမှ ပြောပါသည်။ အဆိုပါဖြစ်စဉ်ကို နိုင်ချေးမွန်ကိုမေးမြန်းခဲ့ရာ၌-
                 “တကယ်လို့အစိုးရက အတင်းအကြပ်ဖွဲ့စည်းခိုင်းမယ်ဆိုရင် အတင်းအကြပ်အကြပ်ကိုင်မယ်ဆိုရင်တော့ ကျွန်တော်တို့ကိုယ်ကိုပြန်ပြီးကာကွယ်တဲ့အနေနဲ့တော့ ကျွန်တော်တို့လုပ်သွားရမှာပေါ့”

                 မွန်ပြည်သစ်ပါတီ၏ ဆုံးဖြတ်ချက်အနေအထားအပေါ် စစ်အစိုးရဘက်မှ တုန့်ပြန်မှုတစုံတရာမရှိသေး သော်လည်း လောလောဆယ်ဆယ် နှစ်ဘက်အဖွဲ့အစည်း၏ မပြေလည်သော အနေအထားကြောင့် ပါတီ၏အုပ် ချုပ်ရေးနယ်မြေရှိ ကျေးရွာသားများအတွင်း စိုးရိမ်ထိတ်လန့်မှုရှိနေသည်ဟု ဒေသခံများမှ ပြောပါသည်။ ၄င်းတို့ အနေနှင့်စစ်အစိုးရ၏စစ်ရေးအရ ထိုးနှက်မှုကို ရှောင်လွှဲသည့်အနေနှင့် မိမိတို့ပိုင်ဆိုင်သော ပစ္စည်းများကို ကြိုတင်၍ ပြောင်ရွှေ့ထားကြပြီးဟုဒေသခံများပြောဆိုချက်အရသိရပါသည်။